റിയല്‍മിയുടെ പുതിയ ഫോണ്‍ വിപണിയില്‍, പി3 ലൈറ്റ് ഫൈവ് ജി
text_fields
താങ്ങാനാവുന്ന വിലയില്‍ റിയല്‍മി പുതിയ സ്മാർട്ട്ഫോണ്‍ വിപണിയില്‍ അവതരിപ്പിച്ചു. പി 3 സിരിസ് വിപുലീകരിച്ച് പി 3 ലൈറ്റ് ഫൈവ് ജി ഫോണാണ് കമ്പനി ഇറക്കിയത്. ഈ സ്മാര്‍ട്ട്ഫോണ്‍ മീഡിയടെക് ചിപ്സെറ്റും എച്ച്ഡി+ ഡിസ്പ്ലേയും വാഗ്ദാനം ചെയ്യുന്നു. കൂടാതെ, 6000 mAh ബാറ്ററിയും 45W ഫാസ്റ്റ് ചാര്‍ജിങ് പിന്തുണയും ഇതിലുണ്ട്.
പുതിയ ഫോണ്‍ രണ്ട് വേരിയന്റുകളിലാണ് വരുന്നത്. 4 ജിബി+128 ജിബി, 6 ജിബി+128 ജിബി. പര്‍പ്പിള്‍ ബ്ലോസം, മിഡ്നൈറ്റ് ലില്ലി, ലില്ലി വൈറ്റ് എന്നീ നിറങ്ങളില്‍ സ്മാര്‍ട്ട്ഫോണ്‍ വാങ്ങാം.
സ്‌പെസിഫിക്കേഷനുകള്‍
720x1604 പിക്‌സല്‍ റെസല്യൂഷനുള്ള 6.67 ഇഞ്ച് HD+ ഡിസ്‌പ്ലേയാണ് റിയല്‍മി പി3 ലൈറ്റ് ഫൈവ് ജിയില്‍ വരുന്നത്. ഡിസ്‌പ്ലേ 120Hz വരെ റിഫ്രഷ് റേറ്റ് വാഗ്ദാനം ചെയ്യുന്നു. ഒക്ടാ-കോര്‍ മീഡിയടെക് ഡൈമെന്‍സിറ്റി 6300 ചിപ്സെറ്റാണ് ഈ സ്മാര്‍ട്ട്ഫോണിന് കരുത്ത് പകരുന്നത്. 2ടിബി വരെ വികസിപ്പിക്കാന്‍ കഴിയുന്ന 128ജിബി ഇന്റേണല്‍ സ്റ്റോറേജും സ്മാര്‍ട്ട്ഫോണില്‍ ഉണ്ട്.
കൂടാതെ, ഫോണ്‍ ഹൈബ്രിഡ് ഡ്യുവല്‍ സിം പിന്തുണയോടെയാണ് വരുന്നത്. റിയല്‍മി യുഐ 6.0 അടിസ്ഥാനമാക്കി ആന്‍ഡ്രോയിഡ് 15 ഓപ്പറേറ്റിങ് സിസ്റ്റത്തിലാണ് ഇത് പ്രവര്‍ത്തിക്കുന്നത്. ഫോണില്‍ f/1.8 അപ്പേര്‍ച്ചറും സെക്കന്‍ഡറി കാമറയും ഉള്ള 32എംപി പ്രധാന കാമറയുണ്ട്. f/2.0 അപ്പേര്‍ച്ചറുള്ള 8എംപി സെല്‍ഫി ഷൂട്ടര്‍ മുന്‍വശത്തുമുണ്ട്. സൈഡ്-മൗണ്ടഡ് ഫിംഗര്‍പ്രിന്റ് സെന്‍സറും അള്‍ട്രാ ലീനിയര്‍ ബോട്ടം-പോര്‍ട്ടഡ് സ്പീക്കറും ഈ സ്മാര്‍ട്ട്ഫോണില്‍ സജ്ജീകരിച്ചിട്ടുണ്ട്.
