മായുന്നു, ഹൈറേഞ്ചിലെ കൃഷിക്കാലം

മ​റ​യൂ​ർ: നി​ലം നി​ക​ത്ത​ലും ക​ർ​ഷ​ക​ർ​ക്ക്​ അ​ധി​കൃ​ത​രു​ടെ ​വേ​ണ്ട​ത്ര സ​ഹ​ക​ര​ണ​വും ഇ​ല്ലാ​താ​​യ​തോ​ടെ മ​റ​യൂ​ർ, കാ​ന്ത​ല്ലൂ​ർ പ്ര​ദേ​ശ​ങ്ങ​ളി​ലെ കൃ​ഷി​ഭൂ​മി ത​രി​ശാ​കു​ന്നു. കാ​ർ​ഷി​ക വൈ​വി​ധ്യ​ത്തി​നും പ്ര​കൃ​തി​സൗ​ന്ദ​ര്യ​ത്തി​നും പേ​രു​കേ​ട്ട മ​റ​യൂ​രും കാ​ന്ത​ല്ലൂ​രും കൃ​ഷി​ഭൂ​മി​ക​ൾ അ​പ്ര​ത്യ​ക്ഷ​മാ​കു​ന്ന​തും​ വി​നോ​ദ​സ​ഞ്ചാ​ര മേ​ഖ​ല​യി​ലെ തി​രി​ച്ച​ടി​യും മൂ​ലം പ്ര​തി​സ​ന്ധി​യി​ലാ​ണ്.

ഓ​ണ​ക്കാ​ല​ത്ത് സ​ഞ്ചാ​രി​ക​ളു​ടെ എ​ണ്ണ​ത്തി​ൽ 30 മു​ത​ൽ 40 ശ​ത​മാ​നം വ​രെ കു​റ​വു​ണ്ടാ​യ​താ​യി പ്രാ​ദേ​ശി​ക ടൂ​റി​സം ഓ​പ​റേ​റ്റ​ർ​മാ​ർ പ​റ​യു​ന്നു. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് റി​സോ​ർ​ട്ടു​ക​ൾ, ഹോം​സ്റ്റേ​ക​ൾ, ജീ​പ്പ് സ​ഫാ​രി​ക​ൾ, ക​ഫ​റ്റീ​രി​യ​ക​ൾ, പ്രാ​ദേ​ശി​ക ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ എ​ന്നി​വ​യെ​ല്ലാം ക​ന​ത്ത ന​ഷ്ട​ത്തി​ലാ​ണ്. ഹി​മാ​ല​യ​ൻ സ​മാ​ന​മാ​യ ത​ട്ടു​ത​ട്ടാ​യു​ള്ള പൈ​തൃ​ക കൃ​ഷി​ഭൂ​മി​ക​ളു​ടെ ആ​ക​ർ​ഷ​ണം ഇ​ല്ലാ​താ​കു​ന്ന​ത് ആ​വ​ർ​ത്തി​ച്ചെ​ത്തു​ന്ന സ​ഞ്ചാ​രി​ക​ളെ മ​ടു​പ്പി​ക്കു​ന്നു.

മ​റ​യൂ​രി​ലെ ക​രി​മ്പ് കൃ​ഷി 2500 ഏ​ക്ക​റി​ൽ​നി​ന്ന് 700 ഏ​ക്ക​റാ​യി കു​റ​ഞ്ഞ​താ​യി പ്രാ​ദേ​ശി​ക ക​ർ​ഷ​ക സം​ഘ​ട​ന​ക​ൾ ചൂ​ണ്ടി​ക്കാ​ട്ടു​ന്നു. ഭൗ​മ​സൂ​ചി​ക പ​ദ​വി (ജി​യോ​ഗ്ര​ഫി​ക്ക​ൽ ഇ​ൻ​ഡി​ക്കേ​ഷ​ൻ) ല​ഭി​ച്ച​തോ​ടെ ക​രി​മ്പി​ന്റെ വി​ല ഉ​യ​ർ​ന്നെ​ങ്കി​ലും റി​യ​ൽ എ​സ്റ്റേ​റ്റ് ക​ച്ച​വ​ട​ക്കാ​ർ ഭൂ​മി വാ​ങ്ങി വ്യാ​പ​ക​മാ​യി നി​ക​ത്തു​ന്ന​ത് സാ​ധാ​ര​ണ ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ന്നു. വ​ന്യ​മൃ​ഗ ശ​ല്യം കാ​ര​ണ​മാ​ണ് കൃ​ഷി കു​റ​യു​ന്ന​തെ​ന്ന പ്ര​ചാ​ര​ണം നി​ല​നി​ൽ​ക്കു​മ്പോ​ഴും ഭൂ​മി ക​ച്ച​വ​ട​ക്കാ​ർ വ്യാ​പ​ക​മാ​യി ത​രി​ശി​ട്ട് വി​ല ക​യ​റ്റാ​ൻ ശ്ര​മി​ക്കു​ന്ന​താ​ണ് പ്ര​ധാ​ന കാ​ര​ണ​മെ​ന്ന് ക​ർ​ഷ​ക​ർ ആ​രോ​പി​ക്കു​ന്നു. കാ​ന്ത​ല്ലൂ​ർ പ​ഞ്ചാ​യ​ത്തി​ന്റെ 2023ലെ ​റി​പ്പോ​ർ​ട്ട് പ്ര​കാ​രം, ഭൂ​മി പ​രി​വ​ർ​ത്ത​നം മൂ​ലം കൃ​ഷി​ഭൂ​മി 15 ശ​ത​മാ​നം കു​റ​ഞ്ഞു, ഇ​ത് വി​നോ​ദ​സ​ഞ്ചാ​ര മേ​ഖ​ല​ക്ക്​ 10-20 ശ​ത​മാ​നം വ​രെ ന​ഷ്ട​മു​ണ്ടാ​ക്കി.

വി​നോ​ദ​സ​ഞ്ചാ​ര മേ​ഖ​ല​യെ പി​ടി​ച്ചു​നി​ർ​ത്താ​ൻ കാ​ന്ത​ല്ലൂ​രി​ലെ ഹോം​സ്റ്റേ ഉ​ട​മ​ക​ൾ കൂ​ട്ടാ​യ്മ രൂ​പ​വ​ത്​​ക​രി​ച്ച് കൃ​ഷി പു​ന​രു​ദ്ധ​ര​ണ​ത്തി​ന് ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്. മ​റ​യൂ​രി​ൽ ലൈ​ഫ് ഭ​വ​ന പ​ദ്ധ​തി​ക്ക് അ​നു​മ​തി നി​ഷേ​ധി​ക്കു​മ്പോ​ൾ വ​ൻ​കി​ട​ക്കാ​ർ​ക്ക് ഭൂ​മി നി​ക​ത്താ​ൻ അ​നു​വാ​ദം ന​ൽ​കു​ന്ന​തി​നെ​തി​രെ ക​ർ​ഷ​ക സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ പ്ര​തി​ഷേ​ധ​മു​ണ്ട്. കൃ​ഷി​യും വി​നോ​ദ​സ​ഞ്ചാ​ര​വും ഇ​ല്ലാ​താ​കു​ന്ന​ത്​ മ​റ​യൂ​രി​നെ​യും കാ​ന്ത​ല്ലൂ​രി​നെ​യും സാ​മ്പ​ത്തി​ക ത​ക​ർ​ച്ച​യി​ലേ​ക്ക് ന​യി​ക്കു​മെ​ന്ന് വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

പാവല്‍, പയര്‍ കൃഷിയും ഇല്ലാതാകുന്നു

അ​ടി​മാ​ലി: ഒ​രു​കാ​ല​ത്ത് ഹൈ​റേ​ഞ്ചി​ന്‍റെ മു​ഖ്യ വ​രു​മാ​ന​മാ​യി മാ​റി​യ പാ​വ​ൽ, പ​യ​ർ കൃ​ഷി പ​ടി​യി​റ​ങ്ങു​ന്നു. ജി​ല്ല​യി​ല്‍ 500 ഹെ​ക്ട​റി​ന് മു​ക​ളി​ൽ കൃ​ഷി​യി​റ​ക്കി​യി​രു​ന്ന സ്ഥ​ല​ത്ത് ഇ​പ്പോ​ൾ 100 ഹെ​ക്ട​റി​ൽ​പോ​ലും കൃ​ഷി ഇ​ല്ലാ​താ​യി. വി​ള​നാ​ശ​വും ഉ​ൽ​പാ​ദ​ന​ത്തി​ന​നു​സ​രി​ച്ച്​ വി​ല​യി​ല്ലാ​ത്ത​തു​മാ​ണ് വി​ന​യാ​യ​ത്.

നേ​ര​ത്തേ മു​ഖ്യ​മാ​യി പാ​വ​ൽ, പ​യ​ർ കൃ​ഷി​യി​റ​ക്കി​യി​രു​ന്ന അ​ടി​മാ​ലി, മാ​ങ്കു​ളം, കൊ​ന്ന​ത്ത​ടി, രാ​ജാ​ക്കാ​ട്, രാ​ജ​കു​മാ​രി, വെ​ള്ള​ത്തൂ​വ​ൽ, ക​ഞ്ഞി​ക്കു​ഴി പ​ഞ്ചാ​യ​ത്തു​ക​ളി​ൽ ഇ​പ്പോ​ള്‍ 80 ശ​ത​മാ​ന​ത്തി​ലേ​റെ കൃ​ഷി കു​റ​ഞ്ഞു. ഒ​രു​കാ​ല​ത്ത് ഹൈ​റേ​ഞ്ചി​ലെ എ​ല്ലാ പ​ഞ്ചാ​യ​ത്തി​ലും തു​ട​ങ്ങി​യ കാ​ർ​ഷി​ക വി​പ​ണി​യി​ൽ മു​ഖ്യ​മാ​യി എ​ത്തി​യി​രു​ന്ന​തും ഈ ​കൃ​ഷി​ക​ളാ​ണ്. പാ​വ​ൽ, പ​യ​ർ ക​ർ​ഷ​ക​ർ​ക്ക്​ വേ​ണ്ട സ​ഹാ​യ​ങ്ങ​ളു​മാ​യി കൃ​ഷി​വ​കു​പ്പും രം​ഗ​ത്തു​ണ്ടാ​യി​രു​ന്നു.

12 മാ​സ​വും വി​ള​വ് ല​ഭ്യ​മാ​കു​ന്ന കൃ​ഷി​യാ​ണ് ഇ​ത്. 2018ലെ ​പ്ര​ള​യ​ക്കെ​ടു​തി​യി​ൽ​നി​ന്ന് ക​ര​ക​യ​റാ​ൻ ക​ർ​ഷ​ക​ർ മു​ഖ്യ​മാ​യി ആ​ശ്ര​യി​ച്ച കൃ​ഷി​യു​മാ​യി​രു​ന്നു. രാ​ജാ​ക്കാ​ട് പ​ഞ്ചാ​യ​ത്തി​ൽ മാ​ത്രം 250ല​ധി​കം ക​ർ​ഷ​ക​ർ പാ​വ​ൽ കൃ​ഷി ചെ​യ്തി​രു​ന്നു. നേ​ര​ത്തേ കൃ​ഷി​പ​രി​പാ​ല​ന​ത്തി​ന് പ​മ്പ​ട​ക്ക​മു​ള്ള ഉ​പ​ക​ര​ണ​ങ്ങ​ൾ ന​ൽ​കു​ന്ന​തി​നൊ​പ്പം ഒ​രു ഹെ​ക്ട​റി​ൽ പാ​വ​ൽ കൃ​ഷി ആ​രം​ഭി​ക്കാ​ൻ ഓ​രോ ക​ർ​ഷ​ക​ർ​ക്കും 15,000 രൂ​പ വീ​തം സ​ബ്‌​സി​ഡി​യും ന​ൽ​കി​യി​രു​ന്നു. എ​ന്നാ​ൽ, ഇ​വ നി​ർ​ത്ത​ലാ​ക്കി. ഇ​ത് വ​ലി​യ തി​രി​ച്ച​ടി​യാ​യി.