Begin typing your search above and press return to search.
exit_to_app
exit_to_app
Homechevron_rightAgriculturechevron_rightAgri Newschevron_rightനട്ടുവളര്‍ത്തിയ...

നട്ടുവളര്‍ത്തിയ പൂക്കള്‍ക്കൊണ്ട് അത്തപ്പൂക്കളം; നിറ സന്തോഷത്തിൽ കന്യാസ്ത്രീകൾ

text_fields
bookmark_border
നട്ടുവളര്‍ത്തിയ പൂക്കള്‍ക്കൊണ്ട് അത്തപ്പൂക്കളം; നിറ സന്തോഷത്തിൽ കന്യാസ്ത്രീകൾ
cancel
camera_alt

ചെണ്ടുമല്ലി തോട്ടത്തിൽ സിസ്റ്റർ ജെസ് മേരിയും ജെസി സോണിയും

അമ്പലപ്പുഴ: ഓണത്തിനായി നട്ടുവളർത്തിയ ചെണ്ടുമല്ലി തൈകൾ പൂത്തുലഞ്ഞപ്പോൾ ചെലവില്ലാതെ അത്തപ്പൂക്കളമൊരുക്കാനായതിന്റെ നിറസന്തോഷത്തിൽ പുന്നപ്ര തെക്ക് പഞ്ചായത്ത്. പുന്നപ്ര തെക്ക് പഞ്ചായത്ത് 18ാം വാർഡ് അംഗം ജെസി സോണിയാണ് കൃഷി ഭവനിൽനിന്ന് തനിക്കു ലഭിച്ച ചെണ്ടുമല്ലി വിത്തുകൾ പുന്നപ്ര സെന്റ് ഗ്രിഗോരിയോസ് പള്ളിയിലെ പുവർ ഹോം മദർ സുപ്പീരിയർ ജെസ് മേരിക്കു കൈമാറിയത്. രണ്ട് മാസം മുമ്പു നൽകിയ വിത്തുകൾ കന്യാസ്ത്രീകൾ സെന്റ് ജോസഫ് വൃദ്ധ സദനത്തിനുസമീപം നട്ടു പരിപാലിച്ചു.

എല്ലുപൊടിയും ചാണകമുൾപ്പെടെ ജൈവ വളങ്ങളും ഉപയോഗിച്ചതോടെ ചെടികൾ തഴച്ചുവളർന്നു. ഇതിൽ വർണം വിരിയിച്ചു നിന്ന കുറെ പൂക്കൾ ഉപയോഗിച്ചാണ് ഇന്നലെ പുന്നപ്ര തെക്കു പഞ്ചായത്ത് ഓഫിസിനു മുന്നിൽ ഓണാഘോഷത്തിന്റെ ഭാഗമായി അത്തപ്പൂക്കളമൊരുക്കിയത്. വിപണിയിൽ 200 രൂപ വിലയുള്ള പൂക്കൾ വളർത്തിയെടുക്കാൻ പറ്റിയതിലുള്ള സംതൃപ്തിയിലാണ് സിസ്റ്റർ ജെസ് മേരിയുംവാർഡ് മെമ്പർ ജെസി സോണിയും. പൂ വിളവെടുപ്പ് പഞ്ചായത്ത് പ്രസിഡന്റ് റാണി ഹരിദാസ്, വൈസ് പ്രസിഡന്‍റ് കെ.എഫ്. തോബിയാസ്, പഞ്ചായത്തംഗം ജി. രതീഷ് എന്നിവർ ചേർന്ന് നിർവഹിച്ചു.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
TAGS:onam agriculture Alappuzha Marigold nuns 
News Summary - Nurtured Marigolds Bloom into Onam Pookalam; Nuns Overjoyed
Next Story