നി​ർ​മ​ല​യു​ടെ ക്ഷീ​ര​ഗാ​ഥ; ക്ഷീ​രോ​ൽ​പാ​ദ​ന മേ​ഖ​ല​യി​ൽ​ വേ​റി​ട്ട വി​ജ​യ​ഗാ​ഥ​യു​മാ​യി മു​ന്നേ​റി ത​ളി​പ്പ​റ​മ്പി​ലെ നി​ർ​മ​ല എ​സ്. നാ​യ​ർ

ക്ഷീ​രോ​ൽ​പാ​ദ​ന മേ​ഖ​ല​യി​ൽ​നി​ന്ന് പ​ല​രും പ​ല​കാ​ര​ണ​ങ്ങ​ളാ​ൽ വി​ട്ടു​പോ​കു​ന്ന ഇ​ക്കാ​ല​ത്ത് വേ​റി​ട്ട വി​ജ​യ​ഗാ​ഥ​യു​മാ​യി മു​ന്നേ​റു​ക​യാ​ണ് ത​ളി​പ്പ​റ​മ്പി​ലെ നി​ർ​മ​ല എ​സ്. നാ​യ​ർ. 35 വ​ർ​ഷം മു​മ്പ് ഒ​രു പ​ശു​ക്കു​ട്ടി​യെ മാ​ത്രം വ​ള​ർ​ത്തി മൃ​ഗ​സം​ര​ക്ഷ​ണ​മേ​ഖ​ല​യി​ൽ പ്ര​യാ​ണം ആ​രം​ഭി​ച്ച 65കാ​രി​ക്ക് ഇ​ന്നു​ള്ള​ത് വ​ലു​തും ചെ​റു​തു​മാ​യി ഒ​ട്ടേ​റെ പ​ശു​ക്ക​ൾ. നി​ർ​മ​ല​ക്കി​ത് സ്വ​ന്ത​മാ​യി ചെ​യ്യു​ന്ന ജീ​വ​നോ​പാ​ധി മാ​ത്ര​മ​ല്ല. ഭ​ർ​ത്താ​വ് വി​ജ​യ​നും മ​ക​ളും സ്കൂ​ളി​ൽ പ​ഠി​ക്കു​ന്ന കൊ​ച്ചു​മ​ക്ക​ളും എ​ല്ലാം ചേ​ർ​ന്ന് ന​ട​ത്തു​ന്ന കു​ടും​ബ സം​രം​ഭ​മാ​ണ് ഈ ​ഫാം. ഹോ​ൾ​സ്റ്റൈ​ൻ ഫ്രീ​ഷ്യ​ൻ, ജ​ഴ്‌​സി എ​ന്നീ ജ​നു​സ്സു​ക​ളു​ടെ സ​ങ്ക​ര​യി​നം പ​ശു​ക്ക​ളെ​യും, ഗി​ർ പ​ശു​ക്ക​ളെ​യു​മാ​ണ് പ്ര​ധാ​ന​മാ​യും നി​ർ​മ​ല വ​ള​ർ​ത്തു​ന്ന​ത്. നാ​ട​ൻ കോ​ഴി വ​ള​ർ​ത്ത​ലു​മു​ണ്ട്.

ആ​ദാ​യ​മു​ണ്ട്, നി​ർ​മ​ല​യു​ടെ ഉ​റ​പ്പ്

ഈ ​സം​രം​ഭം ആ​ദാ​യ​ക​ര​മാ​ണോ എ​ന്ന ചോ​ദ്യ​ത്തി​ന് നി​ർ​മ​ല​യു​ടെ മ​റു​പ​ടി ‘ഡോ​ക്ട​ർ​ക്ക​റി​യി​ല്ലേ, ക​ഴി​ഞ്ഞ 35 വ​ർ​ഷ​മാ​യി ഞാ​ൻ ഈ ​തൊ​ഴി​ല​ല്ലേ ചെ​യ്യു​ന്നു​ള്ളൂ. കു​ട്ടി​ക​ളു​ടെ പ​ഠി​ത്തം, ഞ​ങ്ങ​ളു​ടെ ജീ​വി​ത​ച്ചി​ല​വു​ക​ൾ, വീ​ട് നി​ർ​മാ​ണം എ​ല്ലാം ന​ട​ന്നു​പോ​കു​ന്നി​ല്ലേ? ആ​ദാ​യ​ക​ര​മ​ല്ലെ​ങ്കി​ൽ എ​നി​ക്കീ മേ​ഖ​ല​യി​ൽ ഇ​ത്ര​യും​കാ​ലം തു​ട​രാ​ൻ പ​റ്റു​മോ?’ പ​ശു​വ​ള​ർ​ത്ത​ൽ ന​ഷ്ട​മാ​ണെ​ന്ന്. ഉ​രു​ക്ക​ളു​ടെ പ​രി​പാ​ല​ന​ത്തി​ന്റെ എ​ല്ലാ ഘ​ട്ട​ങ്ങ​ളി​ലും നി​ർ​മ​ല​യു​ടെ പ്ര​ത്യേ​ക ശ്ര​ദ്ധ​യു​ണ്ട്.

തീ​റ്റ​ച്ചെ​ല​വ് കു​റ​ക്കു​ന്ന​തി​നും, ഗു​ണ​മേ​ന്മ​യു​ള്ള തീ​റ്റ​ല​ഭ്യ​ത ഉ​റ​പ്പു​വ​രു​ത്തു​ന്ന​തി​നു​മാ​യി ഒ​രേ​ക്ക​ർ സ്ഥ​ല​ത്ത് പു​ൽ​ക്കൃ​ഷി​യു​ണ്ട്. ആ​ല ക​ഴു​കു​ന്ന വെ​ള്ളം ശേ​ഖ​രി​ച്ച് പു​ൽ​ക്കൃ​ഷി​ക്ക് വ​ള​മാ​യി ഉ​പ​യോ​ഗി​ച്ചു​വ​രു​ന്നു. മാ​ർ​ക്ക​റ്റി​ൽ​നി​ന്ന് സൗ​ജ​ന്യ​മാ​യി ല​ഭി​ക്കു​ന്ന കീ​റി​യ വാ​ഴ​യി​ല​ക​ൾ, വാ​ഴ​ക്കു​ല​യു​ടെ മാ​മ്പൂ എ​ന്നി​വ​യും തീ​റ്റ​യി​ലെ ചേ​രു​വ​ക​ളാ​യി ഉ​ൾ​പ്പെ​ടു​ത്തു​ന്നു​ണ്ട്. രോ​ഗ​പ്ര​തി​രോ​ധ​ത്തി​ലു​മു​ണ്ട് നി​ർ​മ​ല​ക്ക് അ​തീ​വ​ജാ​ഗ്ര​ത. മൃ​ഗ​സം​ര​ക്ഷ​ണ​വ​കു​പ്പ് ന​ൽ​കി​വ​രു​ന്ന എ​ല്ലാ പ്ര​തി​രോ​ധ കു​ത്തി​വെ​പ്പു​ക​ളും കൃ​ത്യ​മാ​യി ന​ൽ​കാ​ൻ പ്ര​ത്യേ​കം ശ്ര​ദ്ധി​ക്കു​ന്നു​ണ്ട്. രോ​ഗ​ങ്ങ​ൾ മൂ​ല​മു​ള്ള പ്ര​ശ്ന​ങ്ങ​ൾ ഫാ​മി​ലെ പ​ശു​ക്ക​ളെ കാ​ര്യ​മാ​യി ബാ​ധി​ക്കാ​റി​ല്ല. ക​ന്നു​കാ​ലി ഇ​ൻ​ഷു​റ​ൻ​സും ചെ​യ്തു​വ​രു​ന്നു​ണ്ട്.

ക്ഷീ​രോ​ൽ​പ​ന്ന മാ​തൃ​ക

ക്ഷീ​രോ​ൽ​പ​ന്ന​ങ്ങ​ളു​ടെ​യും ഉ​പോ​ൽ​പ​ന്ന​ങ്ങ​ളു​ടെ​യും നി​ർ​മാ​ണ​ത്തി​ലും വി​പ​ണ​ന​ത്തി​ലും ന​ല്ല മാ​തൃ​ക​ക​ളാ​ണ് ഈ ​ഫാ​മി​ൽ അ​നു​വ​ർ​ത്തി​ക്കു​ന്ന​ത്. പ്ര​തി​ദി​നം ഉ​ൽ​പാ​ദി​പ്പി​ക്കു​ന്ന 200ഓ​ളം ലി​റ്റ​ർ പാ​ലി​ൽ 150 ലി​റ്റ​ർ ക്ഷീ​ര​സം​ഘ​ങ്ങ​ളി​ലാ​ണ് ന​ൽ​കു​ന്ന​ത്. ക്ഷേ​മ​നി​ധി, ബോ​ണ​സ്, പെ​ൻ​ഷ​ൻ തു​ട​ങ്ങി​യ ആ​നു​കൂ​ല്യ​ങ്ങ​ൾ​ക്ക്, ക്ഷീ​ര​സം​ഘ​ത്തി​ൽ പാ​ൽ ന​ൽ​കേ​ണ്ട​തു​ണ്ട്. ക്ഷീ​ര​സം​ഘ​ത്തി​ൽ​നി​ന്ന് ഒ​രു ലി​റ്റ​ർ പാ​ലി​ന് ല​ഭി​ക്കു​ന്ന തു​ക 48 രൂ​പ മാ​ത്ര​മാ​ണ്. ആ ​വി​ല അ​പ​ര്യാ​പ്ത​മാ​ണെ​ന്ന പ​രി​ഭ​വ​വും നി​ർ​മ​ല​ക്കു​ണ്ട്. എ​ന്നാ​ൽ ബാ​ക്കി പാ​ൽ, പാ​ലാ​യും തൈ​രാ​യും മോ​രാ​യും നെ​യ്യാ​യും നേ​രി​ട്ട് വി​പ​ണ​നം ന​ട​ത്തു​ന്ന​താ​ണ് നി​ർ​മ​ല​യു​ടെ വി​ജ​യ​ര​ഹ​സ്യ​ങ്ങ​ളി​ൽ പ്ര​ധാ​നം. ‘ഉ​ൽ​പ​ന്ന​ങ്ങ​ളു​ടെ ഗു​ണ​നി​ല​വാ​രം ഉ​റ​പ്പു​വ​രു​ത്താ​മെ​ങ്കി​ൽ, ആ​വ​ശ്യ​ക്കാ​ർ​ക്ക് കു​റ​വി​ല്ല.

ന​ല്ല വി​ല ത​രാ​നും ആ​ളു​ക​ൾ ത​യാ​റാ​ണ്. എ​നി​ക്ക് ഉ​ൽ​പ​ന്ന​ങ്ങ​ളു​മാ​യി എ​വി​ടെ​യും പോ​കേ​ണ്ടി​വ​രാ​റി​ല്ല. എ​ല്ലാ ഉ​ൽ​പ​ന്ന​ങ്ങ​ളും ആ​ളു​ക​ൾ ഫാ​മി​ൽ നേ​രി​ട്ട് വ​ന്ന് കൊ​ണ്ടു​പോ​കും. ആ​വ​ശ്യ​ത്തി​ന​നു​സ​രി​ച്ച് ഉ​ൽ​പാ​ദി​പ്പി​ക്കാ​ൻ സാ​ധി​ക്കാ​ത്ത​താ​ണ് എ​ന്റെ വി​ഷ​മം’ -നി​ർ​മ​ല പ​റ​യു​ന്നു. മൂ​ല്യ​വ​ർ​ധി​ത ഉ​ൽ​പ​ന്ന നി​ർ​മാ​ണ​ത്തി​ലൂ​ടെ ത​ന്നെ, ആ​ദാ​യം 20 ശ​ത​മാ​നം അ​ധി​ക​മാ​ക്കാ​ൻ സാ​ധി​ക്കു​ന്നു​ണ്ട് നി​ർ​മ​ല​ക്ക്. ഫാ​മി​ലെ പ​ശു​ക്ക​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ക്കു​മ്പോ​ൾ, പ്രാ​യ​ക്കൂ​ടു​ത​ലു​ള്ള​തും, പാ​ലു​ൽ​പാ​ദ​ന​ശേ​ഷി കു​റ​വു​ള്ള​തു​മാ​യ​വ​യെ വി​ൽ​ക്കു​ക​യാ​ണ് പ​തി​വ്.

ഉ​പോ​ൽ​പ​ന്ന​ങ്ങ​ളാ​യ ചാ​ണ​കം, മൂ​ത്രം എ​ന്നി​വ​യു​ടെ മൂ​ല്യ​വ​ർ​ധ​ന​വി​ലൂ​ടെ​യും ആ​ദാ​യം വ​ർ​ധി​പ്പി​ക്കു​ന്നു​ണ്ട്. ചാ​ണ​കം ഉ​ണ​ക്കി​പ്പൊ​ടി​ച്ചു വ​ള​മാ​ക്കി വി​ൽ​ക്കും. ആ​വ​ശ്യ​ക്കാ​ർ​ക്കു വേ​ണ്ട നാ​ട​ൻ മു​ട്ട​ക​ളും ഇ​വി​ടെ റെ​ഡി​യാ​ണ്. ച​കി​രി​ച്ചോ​റ്, വേ​പ്പി​ൻ​പി​ണ്ണാ​ക്ക് എ​ന്നി​വ​കൂ​ടി ചാ​ണ​ക​പ്പൊ​ടി​ക്കൊ​പ്പം ചേ​ർ​ത്ത ജൈ​വ​വ​ള മി​ശ്രി​തം, ഒ​രു കി​ലോ​ഗ്രാം വീ​ത​മു​ള്ള പാ​ക്കാ​ക്കി​യാ​ണ് വി​ൽ​പ​ന ന​ട​ത്തു​ന്ന​ത്. ക​ണ്ണൂ​രി​ൽ സം​ഘ​ടി​പ്പി​ക്കു​ന്ന സ​ർ​ക്കാ​ർ​ത​ല മേ​ള​ക​ളി​ലെ​ല്ലാം നി​ർ​മ​ല​യു​ടെ ഫാ​മി​ലെ ഉ​ൽ​പ​ന്ന​ങ്ങ​ളു​ടെ പ്ര​ദ​ർ​ശ​ന-​വി​പ​ണ​ന സ്റ്റാ​ൾ ഉ​ണ്ടാ​കാ​റു​ണ്ട്. ഗോ​മൂ​ത്രം, ചാ​ണ​കം, ചെ​റു​പ​യ​ർ​പൊ​ടി എ​ന്നി​വ​യെ​ല്ലാം ചേ​ർ​ത്ത് ‘ജീ​വാ​മൃ​തം’ എ​ന്ന ജൈ​വ​വ​ള ലാ​യ​നി​യും ഉ​ൽ​പാ​ദി​പ്പി​ക്കു​ന്നു​ണ്ട്. പ​ശു​ക്ക​ളു​ടെ ക​റ​വ നി​ർ​മ​ല​യും മ​ക​ളു​മാ​ണ് ചെ​യ്യു​ന്ന​ത്. ഫാ​മി​ലെ ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ, തീ​റ്റ​ന​ൽ​ക​ൽ എ​ന്നി​വ​യെ​ല്ലാം വി​ജ​യ​ന്റെ​യും, സ​ഹാ​യി​യു​ടെ​യും ചു​മ​ത​ല​യാ​ണ്. കൊ​ച്ചു​മ​ക്ക​ളെ​ല്ലാം എ​ല്ലാ കാ​ര്യ​ങ്ങ​ളി​ലും ഇ​വ​രോ​ടൊ​പ്പം സ​ജീ​വ​മാ​ണ്. പ​ശു​വ​ള​ർ​ത്ത​ൽ ഒ​രു കു​ടും​ബ​സം​രം​ഭ​മാ​ക്കി വി​ജ​യി​പ്പി​ക്കാ​മെ​ന്ന​തി​ന്റെ ഉ​ത്ത​മ​മാ​യ തെ​ളി​വാ​ണീ​ഫാ​മി​ലേ​ത്.

അം​ഗീ​കാ​ര​ങ്ങ​ൾ​

35 വ​ർ​ഷ​ത്തെ പ​ശു​വ​ള​ർ​ത്ത​ലി​നി​ട​യി​ൽ, ധാ​രാ​ളം അം​ഗീ​കാ​ര​ങ്ങ​ളും നി​ർ​മ​ല​യെ തേ​ടി​യെ​ത്തി​യി​ട്ടു​ണ്ട്. മൃ​ഗ​സം​ര​ക്ഷ​ണ വ​കു​പ്പി​ന്റെ ജി​ല്ല​ത​ല പ്ര​ദ​ർ​ശ​ന വി​പ​ണ​ന മേ​ള​യി​ലെ മി​ക​ച്ച വ്യ​ക്തി​ഗ​ത സ്റ്റാ​ളി​നു​ള്ള അ​വാ​ർ​ഡ്, ക്ഷീ​ര ക​ർ​ഷ​ക​ക്കു​ള്ള ജി​ല്ല സ​ഹ​ക​ര​ണ ബാ​ങ്ക് അ​വാ​ർ​ഡ്, കൃ​ഷി​വി​ജ്ഞാ​ന കേ​ന്ദ്ര​ത്തി​െ​ന്റ അം​ഗീ​കാ​രം എ​ന്നി​വ ചി​ല​തു മാ​ത്രം.

മൃ​ഗ​സം​ര​ക്ഷ​ണ വ​കു​പ്പ്, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ, ക്ഷീ​ര​വി​ക​സ​ന വ​കു​പ്പ്, ക്ഷീ​ര​സം​ഘ​ങ്ങ​ൾ, ക​ർ​ഷ​ക കൂ​ട്ടാ​യ്മ​ക​ൾ എ​ന്നി​വ സം​ഘ​ടി​പ്പി​ക്കു​ന്ന പ​രി​ശീ​ല​ന പ​രി​പാ​ടി​ക​ളി​ൽ പ​രി​ശീ​ല​നാ​ർ​ഥി​യാ​യും നി​ർ​മ​ല​യു​ണ്ടാ​കാു​റു​ണ്ട്. മൃ​ഗ​സം​ര​ക്ഷ​ണ വ​കു​പ്പി​ന്റെ വി​വി​ധ ഫീ​ൽ​ഡ്‌​ത​ല പ​രി​ശീ​ല​ന പ​രി​പാ​ടി​ക​ളും നി​ർ​മ​ല​യു​ടെ ഫാ​മി​ൽ ന​ട​ന്നു​വ​രു​ന്നു. ആ​ത്മാ​ർ​ഥ​ത​യും സ​ത്യ​സ​ന്ധ​ത​യു​മു​ണ്ടെ​ങ്കി​ൽ ക്ഷീ​രോ​ൽ​പാ​ദ​ന മേ​ഖ​ല ആ​ദാ​യ​ക​ര​മാ​ണെ​ന്ന് ത​ന്റെ പ്ര​വ​ർ​ത്ത​ന​ങ്ങ​ളി​ലൂ​ടെ നി​ർ​മ​ല തെ​ളി​യി​ക്കു​ക​യാ​ണ്.