മ​രു​ന്നു​മാ​റി; ഏ​ത്ത​വാ​ഴ​ത്തോ​ട്ടം ന​ശി​ച്ചു

ചെ​റു​തോ​ണി: വാ​ഴ​ക്കു​ണ്ടാ​യ കു​മി​ൾ രോ​ഗ​ത്തി​നു വ​ള​ക്ക​ട​യി​ല്‍ മ​രു​ന്നു വാ​ങ്ങാ​ൻ ചെ​ന്ന ക​ർ​ഷ​ക​ന് മ​രു​ന്ന് മാ​റി ന​ല്‍കി​യ​തു മൂ​ലം ക​ര്‍ഷ​ക​ന്‍റെ 300 ഏ​ത്ത​വാ​ഴ​ക​ള്‍ ന​ശി​ച്ച​താ​യി പ​രാ​തി. ക​ഞ്ഞി​ക്കു​ഴി പ​ഞ്ചാ​യ​ത്തി​ലെ വാ​ഴ ക​ര്‍ഷ​ക​നാ​യ ചു​ള്ളി​ക്ക​ല്‍ ഫ്രാ​ന്‍സി​സി​ന്‍റെ അ​ഞ്ച് മാ​സം പ്രാ​യ​മാ​യ ഏ​ത്ത വ​ഴ​ക​ളാ​ണ് ന​ശി​ച്ച​ത്. വാ​ഴ​ക്കു​മി​ള്‍ രോ​ഗം വ​ന്ന​തോ​ടെ ക​ഞ്ഞി​ക്കു​ഴി കൃ​ഷി ഓ​ഫി​സി​ലെ​ത്തി വി​വ​രം പ​റ​ഞ്ഞ​തി​നെ തു​ട​ര്‍ന്ന് കൃ​ഷി ഓ​ഫി​സ​ര്‍ നി​ർ​ദേ​ശി​ച്ച മ​രു​ന്ന് ക​ഞ്ഞി​ക്കു​ഴി​യി​ലെ സ്വ​കാ​ര്യ വ​ള​ക്ക​ട​യി​ല്‍ നി​ന്ന് വാ​ങ്ങി ത​ളി​ക്കു​ക​യാ​യി​രു​ന്നു.

തു​ട​ര്‍ന്നാ​ണ് വാ​ഴ​ക​ള്‍ പ​ഴു​ത്തു​ണ​ങ്ങി​യ​ത്. പി​ന്നീ​ട് ന​ട​ത്തി​യ പ​രി​ശോ​ധ​ന​യി​ല്‍ ക​ട​യി​ല്‍ നി​ന്ന് മ​രു​ന്ന് മാ​റി ന​ല്‍കി​യ​ത​െ​ണ​ന്ന്​ ക​ണ്ടെ​ത്തു​ക​യാ​യി​രു​ന്നു. ഇ​തു​സം​ബ​ന്ധി​ച്ച് കൃ​ഷി​ഭ​വ​നി​ലും, ക​ഞ്ഞി​ക്കു​ഴി പൊ​ലീ​സി​ലും ഫ്രാ​ന്‍സി​സ് പ​രാ​തി ന​ല്‍കി. ഓ​ണ വി​പ​ണി ല​ക്ഷ്യ​മി​ട്ട്​ പ​ല​രി​ല്‍ നി​ന്നും ക​ടം വാ​ങ്ങി​യും ലോ​ണെ​ടു​ത്തു​മാ​ണ് ഫ്രാ​ന്‍സി​സ് കൃ​ഷി ഇ​റ​ക്കി​യ​ത്. മൂ​ന്ന് ല​ക്ഷം രൂ​പ​യു​ടെ ന​ഷ്ടം ഉ​ണ്ടാ​യ​താ​യി ക​ര്‍ഷ​ക​ന്‍ പ​റ​ഞ്ഞു. ത​നി​ക്കു​ണ്ടാ​യ ന​ഷ്ടം കു​റ്റ​ക്കാ​രി​ല്‍ നി​ന്ന് ഈ​ടാ​ക്ക​ണ​മെ​ന്ന് ഫ്രാ​ന്‍സി​സ് ആ​വ​ശ്യ​പ്പെ​ട്ടു.