സീ​നി​യ​ർ 3x3 ദേ​ശീ​യ ബാ​സ്ക​റ്റ്ബാ​ൾ; കേ​ര​ള വ​നി​ത​ക​ൾ​ക്ക് കി​രീ​ടം

ബം​ഗ​ളൂ​രു: ഇ​ന്ത്യ​ൻ ബാ​സ്ക​റ്റ്ബാ​ൾ ഫെ​ഡ​റേ​ഷ​ന്റെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ച്ച നാ​ലാ​മ​ത് സീ​നി​യ​ർ 3x3 ദേ​ശീ​യ ബാ​സ്ക​റ്റ്ബാ​ൾ ചാ​മ്പ്യ​ൻ​ഷി​പ്പി​ൽ പു​രു​ഷ വി​ഭാ​ഗ​ത്തി​ൽ ത​മി​ഴ്നാ​ടും വ​നി​ത വി​ഭാ​ഗ​ത്തി​ൽ കേ​ര​ള​വും ജേ​താ​ക്ക​ളാ​യി.

ബം​ഗ​ളൂ​രു ശ്രീ ​ക​ണ്ഠീ​ര​വ ഇ​ൻ​ഡോ​ർ സ്റ്റേ​ഡി​യ​ത്തി​ൽ ഞാ​യ​റാ​ഴ്ച ന​ട​ന്ന ഫൈ​ന​ൽ പോ​രാ​ട്ട​ത്തി​ൽ ത​മി​ഴ്നാ​ട് ഉ​ത്ത​ർ​പ്ര​ദേ​ശി​നെ​യും കേ​ര​ളം ത​മി​ഴ്നാ​ടി​നെ​യും വീ​ഴ്ത്തി. ഇ​ര​ട്ട കി​രീ​ട​മെ​ന്ന ത​മി​ഴ്നാ​ടി​ന്റെ സ്വ​പ്ന​മാ​ണ് കേ​ര​ള വ​നി​ത​ക​ൾ ത​ക​ർ​ത്ത​ത്. വെ​ള്ളി​യാ​ഴ്ച​യാ​യി​രു​ന്നു ചാ​മ്പ്യ​ൻ​ഷി​പ്പി​ന് തു​ട​ക്ക​മാ​യ​ത്. 56 ടീ​മു​ക​ൾ പ​ങ്കെ​ടു​ത്ത ചാ​മ്പ്യ​ൻ​ഷി​പ്പി​ൽ ലീ​ഗ് പ്ല​സ് നോ​ക്കൗ​ട്ട് ഫോ​ർ​മാ​റ്റി​ലാ​യി​രു​ന്നു മ​ത്സ​രം. ഒ​രു പ​ക​ര​ക്കാ​ര​ൻ ഉ​ൾ​പ്പെ​ടെ ഒ​രു ടീ​മി​ൽ നാ​ല് ക​ളി​ക്കാ​ർ മാ​ത്ര​മേ മ​ത്സ​രി​ക്കൂ എ​ന്ന​താ​ണ് ​​3x3 ഫോ​ർ​മാ​റ്റി​ന്റെ പ്ര​ത്യേ​ക​ത. ഫൈ​ന​ലി​ൽ നി​ശ്ചി​ത സ​മ​യ​ത്തി​നു​ള്ളി​ൽ കേ​ര​ള വ​നി​ത​ക​ൾ 21 പോ​യ​ന്റ് അ​ടി​ച്ചെ​ടു​ത്തു.

മൂ​ന്നാം സ്ഥാ​ന​ത്തി​നാ​യു​ള്ള മ​ത്സ​ര​ത്തി​ൽ പു​രു​ഷ വി​ഭാ​ഗ​ത്തി​ൽ ഹ​രി​യാ​ന രാ​ജ​സ്ഥാ​നെ​യും വ​നി​താ വി​ഭാ​ഗ​ത്തി​ൽ തെ​ല​ങ്കാ​ന മ​ധ്യ​പ്ര​ദേ​ശി​നെ​യും കീ​ഴ​ട​ക്കി. ജേ​താ​ക്ക​ൾ​ക്ക് മൂ​ന്നും റ​ണ്ണേ​ഴ്സ് അ​പ്പി​ന് ര​ണ്ടും മൂ​ന്നാം സ്ഥാ​ന​ക്കാ​ർ​ക്ക് ഒ​രു ല​ക്ഷ​വും വീ​തം സ​മ്മാ​ന​ത്തു​ക​യാ​യി ല​ഭി​ച്ചു.

സ​മ്മാ​ന​ദാ​ന ച​ട​ങ്ങി​ൽ ക​ർ​ണാ​ട​ക ആ​ഭ്യ​ന്ത​ര മ​ന്ത്രി ജി. ​പ​ര​മേ​ശ്വ​ര, ചീ​ഫ് സെ​ക്ര​ട്ട​റി ശാ​ലി​നി ര​ജ​നീ​ഷ്, ഫി​ബ ഏ​ഷ്യ ​പ്ര​സി​ഡ​ന്റും ക​ർ​ണാ​ട​ക ഒ​ളി​മ്പി​ക് അ​സോ​സി​യേ​ഷ​ൻ പ്ര​സി​ഡ​ന്റു​മാ​യ ഡോ. ​കെ. ഗോ​വി​ന്ദ​രാ​ജ്, ബം​ഗ​ളൂ​രു സി​റ്റി പൊ​ലീ​സ് ക​മീ​ഷ​ണ​ർ ഡോ. ​ബി. ദ​യാ​ന​ന്ദ, ഇ​ന്ത്യ​ൻ ബാ​സ്ക്ക​റ്റ് ബാ​ൾ ഫെ​ഡ​റേ​ഷ​ൻ സെ​ക്ര​ട്ട​റി ജ​ന​റ​ൽ കു​ൽ​വീ​ന്ദ​ർ സി​ങ് ഗി​ൽ, പ്ര​സി​ഡ​ന്റ് ആ​ദ​വ് അ​ർ​ജു​ന, വൈ​സ് പ്ര​സി​ഡ​ന്റ് ഡോ. ​സീ​മ ശ​ർ​മ തു​ട​ങ്ങി​യ​വ​ർ പ​​ങ്കെ​ടു​ത്തു.