ബജറ്റിൽ കടുംവെട്ട്

ന്യൂ​ഡ​ൽ​ഹി: ധ​ന​ക്ക​മ്മി ല​ക്ഷ്യ​മി​ട്ട​തി​ലും കു​റ​ച്ചു​വെ​ന്ന് അ​ഭി​മു​ഖ​ങ്ങ​ളി​ൽ അ​വ​കാ​ശ​പ്പെ​ട്ടു​കൊ​ണ്ടി​രി​ക്കു​ന്ന കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ൻ മൂ​ല​ധ​ന ചെ​ല​വി​ൽ ര​ണ്ട് ല​ക്ഷ​ത്തോ​ളം കോ​ടി രൂ​പ​യു​ടെ ക​ടും വെ​ട്ട് ന​ട​ത്തി​യാ​ണ് ഇ​ത് നേ​ടി​യ​തെ​ന്ന് മു​ൻ ധ​ന​മ​ന്ത്രി പി.​ചി​ദം​ബ​രം ബ​ജ​റ്റ് ച​ർ​ച്ച​യി​ൽ ക​ണ​ക്കു​ക​ൾ നി​ര​ത്തി സ​മ​ർ​ഥി​ച്ചു.

കേ​ന്ദ്ര​ത്തി​നും സം​സ്ഥാ​ന​ങ്ങ​ൾ​ക്കും വി​വി​ധ ക്ഷേ​മ പ​ദ്ധ​തി​ക​ൾ​ക്കാ​യി ചെ​ല​വി​ടേ​ണ്ട 1,83,569 കോ​ടി രൂ​പ​യാ​ണ് നി​ർ​മ​ല സീ​താ​രാ​മ​ൻ ഇ​തി​നാ​യി വെ​ട്ടി​ക്കു​റ​ച്ച​തെ​ന്നും ഇ​ത്ര​യും ഭീ​മ​മാ​യ തോ​തി​ൽ മൂ​ല​ധ​ന ചെ​ല​വ് വെ​ട്ടി​ക്കു​റ​ച്ചി​ട്ടും കേ​വ​ലം 43,785 കോ​ടി രൂ​പ മാ​ത്ര​മാ​ണ് സ്വ​രൂ​പി​ക്കാ​നാ​യ​തെ​ന്നും അ​ദ്ദേ​ഹം പ​റ​ഞ്ഞു. മൂ​ല​ധ​ന ചെ​ല​വ് വെ​ട്ടി​ക്കു​റ​ച്ച് ധ​ന​ക്ക​മ്മി ഇ​ല്ലാ​താ​ക്കു​ന്ന​ത് ന​ല്ല സാ​മ്പ​ത്തി​ക ശാ​സ്ത്ര​മ​ല്ലെ​ന്നും നി​ർ​മ​ല​യെ സ​ഭ​യി​ലി​രു​ത്തി ചി​ദം​ബ​രം ഓ​ർ​മി​പ്പി​ച്ചു. ച​ർ​ച്ച​ക്ക് ഇ​ന്ന് ലോ​ക്സ​ഭ​യി​ലും നാ​ളെ രാ​ജ്യ​സ​ഭ​യി​ലും ധ​ന​മ​ന്ത്രി മ​റു​പ​ടി പ​റ​യും.

ബ​ജ​റ്റി​ന് ശേ​ഷ​മു​ള്ള ​പ​ല അ​ഭി​മു​ഖ​ങ്ങ​ളി​ലും ധ​ന​ക്ക​മ്മി നേ​ടു​ക മാ​ത്ര​മ​ല്ല, സ്ഥി​തി മെ​ച്ച​പ്പെ​ടു​ത്തു​ക​യും ചെ​യ്തു​വെ​ന്ന ധ​ന​മ​​ന്ത്രി​യു​ടെ അ​വ​കാ​ശ​വാ​ദം പൊ​ള്ള​യാ​ണെ​ന്ന​തി​ന്റെ ക​ണ​ക്കു​ക​ളും ചി​ദം​ബ​രം സ​ഭ​ക്ക് മു​മ്പാ​കെ വെ​ച്ചു. ല​ക്ഷ്യ​മി​ട്ട 4.9 ശ​ത​മാ​ന​ത്തി​ന് പ​ക​രം ധ​ന​ക്ക​മ്മി 4.8 ശ​ത​മ​താ​ന​ത്തി​ലെ​ത്തി എ​ന്നാ​ണ് നി​ർ​മ​ല അ​വ​കാ​ശ​പ്പെ​ട്ട​തെ​ന്ന് അ​വ​രെ ഇ​രു​ത്തി ചി​ദം​ബ​രം പ​റ​ഞ്ഞു. ഇ​തി​നാ​യി ധ​ന​മ​ന്ത്രി ബ​ജ​റ്റി​ൽ ​ക്രൂ​ര​മാ​യ വെ​ട്ടി​ക്കു​റ​ക്ക​ലാ​ണ് ന​ട​ത്തി​യ​ത്.

കേ​ന്ദ്ര സ​ർ​ക്കാ​റി​ന്റെ മൂ​ല​ധ​ന ചെ​ല​വി​ൽ നി​ന്ന് 92,682 കോ​ടി രൂ​പ​യും സം​സ്ഥാ​ന​ങ്ങ​ളു​ടെ മൂ​ല​ധ​ന ചെ​ല​വി​ലേ​ക്കു​ള്ള കേ​ന്ദ്ര വി​ഹി​ത​മാ​യ 90,887 കോ​ടി രൂ​പ​യു​മാ​ണ് ഇ​തി​നാ​യി വെ​ട്ടി​ക്കു​റ​ച്ച​ത്. ര​ണ്ടും കൂ​ടി 1,83,569 കോ​ടി രൂ​പ വെ​ട്ടി​ക്കു​റ​ച്ചി​ട്ട് ആ​കെ സ്വ​രൂ​പി​ക്കാ​നാ​യ​ത് 44,000 കോ​ടി രൂ​പ​യാ​ണ്. ഇ​ത് ന​ല്ല സാ​മ്പ​ത്തി​ക ശാ​സ്ത്ര​മ​ല്ല.

വി​ദ്യാ​ഭ്യാ​സ​ത്തി​നു​ള്ള 11,584 കോ​ടി​യും ആ​രോ​ഗ്യ മേ​ഖ​ല​ക്കു​ള്ള 1,255 കോ​ടി​യും സാ​മൂ​ഹി​ക ക്ഷേ​മ പ​ദ്ധ​തി​ക​ൾ​ക്കു​ള്ള 10,019 കോ​ടി​യും ഗ്രാ​മ​വി​ക​സ​ന​ത്തി​നു​ള്ള 75,132 കോ​ടി​യും, ന​ഗ​ര​വി​ക​സ​ന​ത്തി​നു​ള്ള 18,709 കോ​ടി​യും കാ​ർ​ഷി​ക മേ​ഖ​ല​ക്കു​ള്ള 10,992 കോ​ടി​യു​മാ​ണ് വെ​ട്ടി​ക്കു​റ​ച്ചി​രി​ക്കു​ന്ന​ത്. ഇ​ത്ര​യും ക്രൂ​ര​മാ​യ ക​ടും​വെ​ട്ട് ന​ട​ത്തി​യ​തെ​ന്തി​നാ​ണെ​ന്ന് ചി​ദം​ബ​രം നി​ർ​മ​ല​യോ​ട് ചോ​ദി​ച്ചു.

പ​ട്ടി​ക​ജാ​തി വി​ക​സ​ന​ത്തി​നു​ള്ള 1344 കോ​ടി രൂ​പ​യും പ​ട്ടി​ക ജാ​തി​ക്കാ​ർ​ക്ക് പോ​സ്റ്റ് മെ​ട്രി​ക് സ്കോ​ള​ർ​ഷി​പ്പി​നു​ള്ള 860 കോ​ടി​യും യു​വ പ്ര​തി​ഭ​ക​ൾ​ക്ക് സ്കോ​ള​ർ​ഷി​പ്പി​നു​ള്ള 455 കോ​ടി​യും വെ​ട്ടി​ക്കു​റ​ച്ച​താ​ണ് ഏ​റ്റ​വും ദ​യാ​ശൂ​ന്യ​മാ​യ ന​ട​പ​ടി. ജ​ൽ​ജീ​വ​ൻ മി​ഷ​ൻ, പ്ര​ധാ​ൻ​മ​ന്ത്രി ഗ്രാ​മ സ​ഡ​ക് യോ​ജ​ന, വി​ള ഇ​ൻ​ഷു​റ​ൻ​സ്, യൂ​റി​യ സ​ബ്സി​ഡി, പി.​എം ഗ​രീ​ബ് ക​ല്യാ​ൺ യോ​ജ​ന എ​ന്നി​വ​യി​ലും ദ​യ​യി​ല്ലാ​ത്ത വേ​റെ​യും ക​ടും​വെ​ട്ട് ബ​ജ​റ്റി​ലു​ണ്ടെ​ന്ന് ചി​ദം​ബ​രം തു​ട​ർ​ന്നു.

പ​ട്ടി​ക​ജാ​തി​ക്കാ​ർ​ക്കും പ​ട്ടി​ക വ​ർ​ഗ​ക്കാ​ർ​ക്കു​മു​ള്ള ഫ​ണ്ട് വെ​ട്ടി​മാ​റ്റി ധ​ന​ക്ക​മ്മി കു​റ​ച്ചു​വെ​ന്ന് പ​റ​യു​ന്ന​തി​ൽ എ​ന്ത​ർ​ഥ​മാ​ണു​ള്ള​തെ​ന്ന് ചി​ദം​ബ​രം ചോ​ദി​ച്ചു. ‘ന​ഗ​ര വെ​ല്ലു​വി​ളി ഫ​ണ്ട്’ എ​ന്ന ഒ​രു ല​ക്ഷം കോ​ടി​യു​ടെ പു​തി​യ ഫ​ണ്ട് പ്ര​ഖ്യാ​പി​ച്ചി​ട്ട് 10,000 കോ​ടി​യാ​ണ് ആ​കെ വ​ക​യി​രു​ത്തി​യ​ത്. ജ​ൽ​ജീ​വ​ൻ മി​ഷ​ന് ന​ട​പ്പു​സാ​മ്പ​ത്തി​ക വ​ർ​ഷം അ​നു​വ​ദി​ച്ച 70,000 കോ​ടി രൂ​പ​യി​ൽ 22,640 കോ​ടി രൂ​പ മാ​ത്ര​മാ​ണ് ചെ​ല​വി​ട്ട​ത്.

ഇ​ത് ശ​രി​ക്കും മാ​ജി​ക് ആ​ണെ​ന്ന് ചി​ദം​ബ​രം പ​രി​ഹ​സി​ച്ചു. നി​ർ​മാ​ണ മേ​ഖ​ല​യി​ൽ ഇ​ന്ത്യ​യു​ടെ പ്ര​ക​ട​നം താ​ഴോ​ട്ടാ​ണ്. സാ​മ്പ​ത്തി​ക സ​ർ​വേ പ്ര​കാ​രം 2014ൽ ​നി​ന്ന് 15.07ൽ ​നി​ന്ന് 12.93 ശ​ത​മാ​ന​മാ​യി കു​റ​ഞ്ഞു​വെ​ന്ന് പ​റ​യു​ന്ന​ത് ലോ​ക​ബാ​ങ്ക് ക​ണ​ക്കു​വെ​ച്ചാ​​ണെ​ന്നും ചി​ദം​ബ​രം പ​റ​ഞ്ഞു.