24 കാ​ര​റ്റ് സ്വ​ർ​ണ​ത്തി​ന്‍റെ ബാ​ങ്ക് നി​ര​ക്ക് കി​ലോ​ക്ക്​ ഒ​രു​ കോ​ടി ക​ട​ന്നു; ഇ​സ്രാ​യേ​ൽ-​ഇ​റാ​ൻ സം​ഘ​ർ​ഷം രൂ​ക്ഷ​മാ​യാ​ൽ വി​ല കു​തി​ക്കും

കൊ​ച്ചി: ഒ​ന്ന​ര മാ​സ​ത്തി​ല​ധി​കം നീ​ണ്ട ഇ​ട​വേ​ള​ക്കു​ശേ​ഷം സ്വ​ർ​ണ​വി​ല വീ​ണ്ടും സ​ർ​വ​കാ​ല റെ​ക്കോ​ഡി​ൽ. വെ​ള്ളി​യാ​ഴ്ച 22 കാ​ര​റ്റ്​ സ്വ​ർ​ണം​ ഗ്രാ​മി​ന്​ 195 രൂ​പ വ​ർ​ധി​ച്ച്​ 9,295 രൂ​പ​യും പ​വ​ന്​ 1,560 രൂ​പ വ​ർ​ധി​ച്ച്​ 74,360 രൂ​പ​യു​മാ​യി. പ​വ​ൻ വി​ല 75,000ലേ​ക്ക്​ നീ​ങ്ങു​ക​യാ​ണെ​ന്നാ​ണ്​ സൂ​ച​ന. 24 കാ​ര​റ്റ് സ്വ​ർ​ണ​ത്തി​ന്‍റെ ബാ​ങ്ക് നി​ര​ക്ക് കി​ലോ​ക്ക്​ ഒ​രു​ കോ​ടി ക​ട​ന്നു.

ഇ​റാ​ന്‍റെ ആ​ണ​വ​കേ​ന്ദ്ര​ങ്ങ​ളെ​യ​ട​ക്കം ല​ക്ഷ്യ​മി​ട്ട്​ ഇ​സ്രാ​യേ​ൽ ആ​ക്ര​മ​ണം ക​ടു​പ്പി​ച്ച​തോ​ടെ രൂ​പ​പ്പെ​ട്ട യു​ദ്ധ​സാ​ഹ​ച​ര്യ​ത്തി​ൽ സു​ര​ക്ഷി​ത​നി​ക്ഷേ​പം എ​ന്ന​നി​ല​യി​ൽ ആ​ഗോ​ള​ത​ല​ത്തി​ൽ ഡി​മാ​ൻ​ഡ്​ ഉ​യ​ർ​ന്ന​തും രാ​ജ്യാ​ന്ത​ര വി​പ​ണി​യി​ൽ വി​ല വ​ർ​ധി​ച്ച​തു​മാ​ണ്​ കു​തി​പ്പി​ന്​ കാ​ര​ണ​മാ​യ​ത്. രൂ​പ കൂ​ടു​ത​ൽ ദു​ർ​ബ​ല​മാ​യ​തും വി​ല​യെ സ്വാ​ധീ​നി​ച്ചു.

രാ​ജ്യാ​ന്ത​ര വി​പ​ണി​യി​ൽ ഒ​രു ട്രോ​യ്​ ഔ​ൺ​സ്​ (31.103 ഗ്രാം) ​സ്വ​ർ​ണ​ത്തി​ന്​ 3430 ഡോ​ള​റും രൂ​പ​യു​ടെ വി​നി​മ​യ നി​ര​ക്ക് 86.14ഉ​മാ​ണ്. അ​ഞ്ചു​ശ​ത​മാ​നം പ​ണി​ക്കൂ​ലി​യി​ൽ ജി.​എ​സ്.​ടി, ഹാ​ൾ മാ​ർ​ക്കി​ങ്​ ചാ​ർ​ജ്​ എ​ന്നി​വ​യ​ട​ക്കം കേ​ര​ള​ത്തി​ൽ ഒ​രു​പ​വ​ൻ സ്വ​ർ​ണം വാ​ങ്ങാ​ൻ 80,000 രൂ​പ​യി​ല​ധി​കം ന​ൽ​ക​ണം. ഡി​സൈ​ന​നു​സ​രി​ച്ച്​ പ​ണി​ക്കൂ​ലി കൂ​ടു​മ്പോ​ൾ വി​ല​യും ഉ​യ​രും.

18 കാ​ര​റ്റ്​ സ്വ​ർ​ണം ഗ്രാ​മി​ന്​ 160 രൂ​പ വ​ർ​ധി​ച്ച്​ 7,625 രൂ​പ​യാ​യി. വെ​ള്ളി​വി​ല ഗ്രാ​മി​ന്​ 115 രൂ​പ​യാ​ണ്. ഏ​പ്രി​ൽ 22നാ​ണ്​ മു​മ്പ്​ സ്വ​ർ​ണ​വി​ല സ​ർ​വ​കാ​ല റെ​ക്കോ​ഡി​ൽ എ​ത്തി​യ​ത്. അ​ന്ന്​ ഗ്രാ​മി​ന്​ 9,290 രൂ​പ​യും പ​വ​ന്​ 74,320 രൂ​പ​യു​മാ​യി​രു​ന്നു. മേ​യ്​ 15ന്​ ​ഗ്രാ​മി​ന്​ 8610 രൂ​പ​യും പ​വ​ന്​ ​68,880 രൂ​പ​യും വ​രെ താ​ഴ്​​ന്നു.

ശേ​ഷം ഇ​തു​വ​രെ പ​വ​ന്​ 5480 രൂ​പ​യു​ടെ വ​ർ​ധ​ന​യു​ണ്ടാ​യി. മൂ​ന്നു​​ദി​വ​സ​ത്തി​നി​ടെ മാ​ത്രം ഗ്രാ​മി​ന്​ 350 രൂ​പ​യും പ​വ​ന്​ 2800 രൂ​പ​യു​മാ​ണ്​ വ​ർ​ധി​ച്ച​ത്. ക​ഴി​ഞ്ഞ ജൂ​ൺ 13ന്​ ​ഗ്രാ​മി​ന്​ 6,615 രൂ​പ​യും പ​വ​ന്​ 52,920 രൂ​പ​യു​മാ​യി​രു​ന്നു. ഒ​രു​വ​ർ​ഷ​ത്തി​നി​ടെ യ​ഥാ​ക്ര​മം 2,680 രൂ​പ, 21,440 രൂ​പ വ​ർ​ധ​ന.

ഇ​സ്രാ​യേ​ൽ-​ഇ​റാ​ൻ സം​ഘ​ർ​ഷം കൂ​ടു​ത​ൽ രൂ​ക്ഷ​മാ​യാ​ൽ രാ​ജ്യാ​ന്ത​ര വി​ല 3500 ഡോ​ള​ർ ക​ട​ന്ന്​ കു​തി​ക്കാ​ൻ സാ​ധ്യ​ത​യു​ള്ള​താ​യി പ​റ​യു​ന്നു. അ​ങ്ങ​നെ​യെ​ങ്കി​ൽ വി​ല ഇ​നി​യും ഉ​യ​രും. വി​ല ഉ​യ​ർ​ന്നു​നി​ൽ​ക്കു​ന്ന​തി​നാ​ൽ വ​ൻ​കി​ട നി​ക്ഷേ​പ​ക​ർ ലാ​ഭ​മെ​ടു​ത്ത്​ വി​റ്റൊ​ഴി​യാ​നും സാ​ധ്യ​ത കു​റ​വാ​ണ്.