രാ​പ്പ​ക​ലി​ല്ലാ​ത്ത ക​ഠി​നാ​ധ്വാ​നം, ക​ർ​ഷ​ക കു​ടും​ബ​ത്തിലേക്ക് ഐ.എ.എസ്; മലയോര മേഖലയുടെ​ അഭിമാനമായി സോനെറ്റ് ജോസ്

മു​ണ്ട​ക്ക​യം: ക​ർ​ഷ​ക കു​ടും​ബ​ത്തി​ൽ ജ​നി​ച്ച്​ സി​വി​ൽ സ​ർ​വി​സ്​ പ​രീ​ക്ഷ​യി​ൽ 54ാം റാ​ങ്ക്​ നേ​ടി മ​ല​യോ​ര​മേ​ഖ​ല​യു​ടെ അ​ഭി​മാ​ന​മാ​യി സോ​നെ​റ്റ് ജോ​സ്. ചെ​റു​പ്പം​മു​ത​ലു​ള്ള ആ​ഗ്ര​ഹം യാ​ഥാ​ർ​ഥ്യ​മാ​യ​തി​ല്‍ ര​ക്ഷി​താ​ക്ക​ള്‍ക്കും അ​ധ്യാ​പ​ക​ര്‍ക്കും ഒ​പ്പം ദൈ​വ​ത്തി​നും ന​ന്ദി പ​റ​യു​ന്നെ​ന്ന്​ ഈ ​മി​ടു​ക്കി ‘മാ​ധ്യ​മ’ ത്തോ​ട് ​പ​റ​ഞ്ഞു.

മു​ണ്ട​ക്ക​യം പു​ലി​ക്കു​ന്ന് ഈ​റ്റ​ക്ക​ക്കു​ന്നേ​ല്‍ ജോ​സ്-​മേ​രി​ക്കു​ട്ടി ദ​മ്പ​തി​ക​ളു​ടെ മ​ക​ളാ​ണ്​ സോ​നെ​റ്റ്. 54ാംറാ​ങ്ക് അ​പ്ര​തീ​ക്ഷി​ത​മ​ല്ല. ഈ ​വി​ജ​യം ത​ന്‍റെ ക​ഴി​വ്​ മാ​ത്ര​മ​ല്ല അ​തി​നാ​യി ത​നി​ക്കും ത​ന്‍റെ ആ​ഗ്ര​ഹ​ങ്ങ​ള്‍ക്കു​മൊ​പ്പം നി​ന്ന ര​ക്ഷി​താ​ക്ക​ള്‍, അ​ധ്യാ​പ​ക​ര്‍ ഇ​വ​രെ ജീ​വി​ത​ത്തി​ലൊ​രി​ക്ക​ലും മ​റ​ക്കാ​നാ​വി​ല്ല. മ​ക​ളു​ടെ രാ​പ്പ​ക​ലി​ല്ലാ​ത്ത ക​ഠി​നാ​ധ്വാ​ന​മാ​ണ് ആ​ഗ്ര​ഹം യാ​ഥാ​ർ​ഥ്യ​മാ​ക്കി​യ​തി​ന്​ പി​ന്നി​ലു​ള്ള​തെ​ന്ന്​ മാ​താ​പി​താ​ക്ക​ള്‍ പ​റ​ഞ്ഞു. പ​ത്താം ക്ലാ​സ് വ​രെ പ​ഠി​ച്ച​ത് മു​ണ്ട​ക്ക​യം സെ​ന്‍റ്​ ആ​ന്‍റ​ണീ​സ് ഹൈ​സ്‌​കൂ​ളി​ലും പ്ല​സ് ടു ​വി​ദ്യാ​ഭ്യാ​സം എ​രു​മേ​ലി സെ​ന്‍റ്​ തോ​മ​സ് ഹ​യ​ര്‍ സെ​ക്ക​ന്‍ഡ​റി സ്‌​കൂ​ളി​ലു​മാ​ണ്.

സി​വി​ല്‍ സ​ർ​വി​സ് മോ​ഹ​വു​മാ​യി ആ​ദ്യം വ​ണ്ടി​ക​യ​റി​യ​ത് ഡ​ല്‍ഹി​യി​ലേ​ക്കാ​യി​രു​ന്നു. അ​വി​ടെ​യെ​ത്തി പ​ഠ​നം ആ​രം​ഭി​ച്ച​തോ​ടെ കോ​വി​ഡ്​ മ​ഹാ​മാ​രി​യി​ല്‍ ത​ട്ടി പ​ഠ​നം മു​ട​ങ്ങി. പി​ന്നീ​ട്​ തി​രു​വ​ന​ന്ത​പു​രം ഫോ​ര്‍ച്യൂ​ണ്‍ സി​വി​ല്‍ സ​ർ​വി​സ് അ​ക്കാ​ദ​മി​യി​ൽ ചേ​ർ​ന്നു.

ആ​ദ്യ​ത​വ​ണ കൂ​ടി​ക്കാ​ഴ്ച​വ​രെ എ​ത്തി​യെ​ങ്കി​ലും മോ​ഹം പൂ​ര്‍ത്തി​യാ​ക്കാ​നാ​യി​ല്ല. പ​ത​റാ​തെ വീ​ണ്ടും ക​ടു​ത്ത ശ്ര​മം ന​ട​ത്തി. അ​താ​ണി​പ്പോ​ള്‍ 54ാം റാ​ങ്കി​ലെ​ത്തി​ച്ചെ​തെ​ന്ന്​ പ​റ​യു​മ്പോ​ള്‍ സോ​നെ​റ്റി​ന്‍റെ ക​ണ്ണി​ല്‍ ആ​ന​ന്ദാ​ശ്രു.