സർക്കാർ, എയ്​ഡഡ്​ സ്കൂളുകളിൽ 2219 അധിക തസ്തിക; പുതിയ നിയമനം ചുരുക്കം

ത​സ്തി​ക ന​ഷ്​​ടം സം​ഭ​വി​ച്ച​വ​രു​ടെ പു​നഃ​ക്ര​മീ​ക​ര​ണം, എ​യ്​​ഡ​ഡ്​ സ്കൂ​ളു​ക​ളി​ലെ ര​ണ്ട് അ​ധി​ക​ ത​സ്തി​ക​ക​ളി​ൽ ആ​ദ്യ​ത്തേ​ത്​ സ​ർ​ക്കാ​റി​ന്​ ന​ൽ​ക​ൽ, ഭി​ന്ന​ശേ​ഷി നി​യ​മ​നം എ​ന്നി​വ ക​ഴി​ഞ്ഞാ​ൽ പു​തി​യ നി​യ​മ​ന​ത്തി​ന്​ സാ​ധ്യ​ത​യു​ള്ള ത​സ്തി​ക​ക​ൾ കു​റ​വാ​യി​രി​ക്കും.

തി​രു​വ​ന​ന്ത​പു​രം: സം​സ്ഥാ​ന​ത്തെ സ​ർ​ക്കാ​ർ, എ​യ്‌​ഡ​ഡ് സ്കൂ​ളു​ക​ളി​ൽ 2024-25 അ​ധ്യ​യ​ന വ​ർ​ഷ​ത്തി​ൽ 2219 അ​ധി​ക അ​ധ്യാ​പ​ക, അ​ന​ധ്യാ​പ​ക ത​സ്തി​ക​ക​ൾ സൃ​ഷ്ടി​ക്കാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു. ഇ​തി​ൽ 915 ത​സ്തി​ക​ക​ൾ 552 സ​ർ​ക്കാ​ർ സ്കൂ​ളു​ക​ളി​ലും 1304 ത​സ്തി​ക​ക​ൾ 658 എ​യ്​​ഡ​ഡ്​ സ്കൂ​ളു​ക​ളി​ലു​മാ​ണ്. മൊ​ത്തം 1210 സ​ർ​ക്കാ​ർ/​എ​യ്​​ഡ​ഡ്​ സ്കൂ​ളു​ക​ളി​ലാ​യാ​ണ്​ 2219 ത​സ്തി​ക​ക​ൾ സൃ​ഷ്ടി​ച്ച​ത്.

2024 ഒ​ക്​​ടോ​ബ​ർ ഒ​ന്നു​ മു​ത​ൽ പ്രാ​ബ​ല്യ​ത്തോ​ടെ​യാ​ണ്​ ത​സ്തി​ക സൃ​ഷ്ടി​ക്കു​ക. നി​ല​മ്പൂ​ർ ഉ​പ​തെ​ര​​ഞ്ഞെ​ടു​പ്പ്​ സം​ബ​ന്ധി​ച്ച പെ​രു​മാ​റ്റ​ച്ച​ട്ടം നി​ല​വി​ൽ വ​ന്ന​തി​നാ​ൽ മ​ല​പ്പു​റം ജി​ല്ല​യി​ലെ അ​ധി​ക ത​സ്തി​ക​നി​ർ​ണ​യം സം​ബ​ന്ധി​ച്ച അ​റി​യി​പ്പ്​ പി​ന്നീ​ടാ​യി​രി​ക്കും.

ത​സ്തി​ക ന​ഷ്ടം സം​ഭ​വി​ച്ച സ്കൂ​ളു​ക​ളി​ൽ അ​ത്ത​രം ത​സ്തി​ക​യി​ൽ ആ​രും തു​ട​രു​ക​യോ ശ​മ്പ​ളം കൈ​പ്പ​റ്റു​ക​യോ ചെ​യ്യു​ന്നി​ല്ലെ​ന്ന് വി​ദ്യാ​ഭ്യാ​സ ഓ​ഫി​സ​ർ /ട്ര​ഷ​റി/​സ്പാ​ർ​ക്ക് ഉ​ദ്യോ​ഗ​സ്ഥ​ർ ഉ​റ​പ്പു​വ​രു​ത്തേ​ണ്ട​താ​ണെ​ന്നും നി​ർ​ദേ​ശി​ച്ചി​ട്ടു​ണ്ട്. എ​ന്നാ​ൽ, അ​ധി​ക​മാ​യി സൃ​ഷ്ടി​ക്കു​ന്ന അ​ത്ര​യും ത​സ്തി​ക​ക​ളി​ലേ​ക്ക് പു​തി​യ​ നി​യ​മ​നം ന​ട​ത്താ​ൻ ക​ഴി​യി​ല്ല.

സ​ർ​ക്കാ​ർ സ്കൂ​ളു​ക​ളി​ൽ ക​ഴി​ഞ്ഞ അ​ധ്യ​യ​ന വ​ർ​ഷം ത​സ്തി​ക ന​ഷ്ടം സം​ഭ​വി​ച്ച അ​ധ്യാ​പ​ക​രെ ഇ​പ്പോ​ൾ സൃ​ഷ്ടി​ച്ച അ​ധി​ക ത​സ്തി​ക​ക​ളി​ലേ​ക്ക്​ പു​നഃ​ക്ര​മീ​ക​രി​ക്കും. പു​നഃ​ക്ര​മീ​ക​ര​ണം ക​ഴി​ഞ്ഞു​ള്ള ത​സ്തി​ക​ക​ളി​ൽ മാ​ത്ര​മേ പി.​എ​സ്.​സി വ​ഴി നി​യ​മ​നം ന​ട​ത്താ​ൻ ക​ഴി​യൂ.

എ​യ്​​ഡ​ഡ്​ സ്കൂ​ളു​ക​ളി​ലു​ണ്ടാ​കു​ന്ന അ​ധി​ക ത​സ്തി​ക​ക​ളി​ൽ കേ​ര​ള വി​ദ്യാ​ഭ്യാ​സ ച​ട്ട​ത്തി​ലെ (കെ.​ഇ.​ആ​ർ) അ​ധ്യാ​യം 21, ച​ട്ടം 7(2) പ്ര​കാ​രം മാ​ത്ര​മേ നി​യ​മ​നം ന​ൽ​കാ​നാ​കൂ.

ഇ​തു​പ്ര​കാ​രം എ​യ്​​ഡ​ഡ്​ സ്കൂ​ളു​ക​ളി​ൽ ര​ണ്ട്​ അ​ധി​ക ത​സ്തി​ക​ക​ൾ സൃ​ഷ്ടി​ക്ക​പ്പെ​ട്ടാ​ൽ ആ​ദ്യ ത​സ്തി​ക സ​ർ​ക്കാ​റി​ന്​ ന​ൽ​കു​ക​യും ഇ​തി​ലേ​ക്ക്​ നേ​ര​ത്തെ എ​യ്​​ഡ​ഡ്​ സ്കൂ​ളു​ക​ളി​ൽ ത​സ്തി​ക ന​ഷ്ടം സം​ഭ​വി​ച്ച സം​ര​ക്ഷി​ത അ​ധ്യാ​പ​ക​രെ അ​ധ്യാ​പ​ക ബാ​ങ്കി​ൽ നി​ന്ന്​ പു​ന​ർ​വി​ന്യ​സി​ക്കു​ക​യും വേ​ണം. ര​ണ്ടാ​മ​ത്തെ ത​സ്തി​ക​യു​ണ്ടെ​ങ്കി​ൽ മാ​ത്ര​മേ മാ​നേ​ജ്​​മെ​ന്‍റി​ന്​ നി​യ​മ​നാ​വ​കാ​ശം ല​ഭി​ക്കു​ക​യു​ള്ളൂ.

ഇ​ത്ത​രം സ്കൂ​ളു​ക​ളി​ൽ ഭി​ന്ന​ശേ​ഷി നി​യ​മ​നം ന​ട​ത്തി​യി​ട്ടി​ല്ലെ​ങ്കി​ൽ അ​ധി​ക ത​സ്​​തി​ക ഭി​ന്ന​ശേ​ഷി നി​യ​മ​ന​ത്തി​നാ​യും നീ​ക്കി​വെ​ക്കേ​ണ്ടി​വ​രും.

ഫ​ല​ത്തി​ൽ 2219 അ​ധി​ക ത​സ്തി​ക സൃ​ഷ്ടി​ക്കാ​ൻ തീ​രു​മാ​നി​ച്ചെ​ങ്കി​ലും ത​സ്തി​ക ന​ഷ്​​ടം സം​ഭ​വി​ച്ച​വ​രു​ടെ പു​നഃ​ക്ര​മീ​ക​ര​ണം, എ​യ്​​ഡ​ഡ്​ സ്കൂ​ളു​ക​ളി​ലെ ര​ണ്ട് അ​ധി​ക​ ത​സ്തി​ക​ക​ളി​ൽ ആ​ദ്യ​ത്തേ​ത്​ സ​ർ​ക്കാ​റി​ന്​ ന​ൽ​ക​ൽ, ഭി​ന്ന​ശേ​ഷി നി​യ​മ​നം എ​ന്നി​വ ക​ഴി​ഞ്ഞാ​ൽ പു​തി​യ നി​യ​മ​ന​ത്തി​ന്​ സാ​ധ്യ​ത​യു​ള്ള ത​സ്തി​ക​ക​ൾ കു​റ​വാ​യി​രി​ക്കും.