കേന്ദ്ര സർവിസിൽ 2,423 ഒഴിവുകൾ
text_fields
കേന്ദ്ര സർവിസിൽ വിവിധ തസ്തികകളിലായി ലഭ്യമായ 2423 ഒഴിവുകളിലേക്ക് നിയമനത്തിനായി സ്റ്റാഫ് സെലക്ഷൻ കമീഷൻ (എസ്.എസ്.സി) അപേക്ഷകൾ ക്ഷണിച്ചു. (പരസ്യ നമ്പർഫേസ് XIII/2025/സെലക്ഷൻ പോസ്റ്റ്സ്). വിശദ വിവരങ്ങളടങ്ങിയ റിക്രൂട്ട്മെന്റ് വിജ്ഞാപനം https://ssc.gov.inൽ. എസ്.എസ്.എൽ.സി (മെട്രിക്കുലേഷൻ /തത്തുല്യം)ക്കാർക്ക് മുതൽ പ്ലസ്/ഹയർ സെക്കൻഡറി, ബിരുദം, ബിരുദാനന്തര ബിരുദം യോഗ്യതയുള്ളവർക്ക് വരെ അപേക്ഷിക്കാവുന്ന തസ്തികകൾ വിജ്ഞാപനത്തിലുണ്ട്. ഓരോ വകുപ്പിലും ലഭ്യമായ തസ്തിക, യോഗ്യത, ഒഴിവുകൾ, സംവരണം അടക്കമുള്ള വിവരങ്ങൾ വിജ്ഞാപനത്തിൽനിന്ന് മനസ്സിലാക്കാം.
കൂടുതൽ ഒഴിവുകളുള്ള ചില തസ്തികകളും യോഗ്യതയും ഇതോടൊപ്പം നൽകിയിട്ടുണ്ട്. 365 തസ്തികകളിലേക്കണ് അപേക്ഷകൾ ക്ഷണിച്ചത്. കേരളം, ലക്ഷദ്വീപ്, കർണാടക മേഖലകളിലുള്ളവർ സ്റ്റാഫ് സെലക്ഷൻ കമീഷന്റെ കർണാടക മേഖലാ ഡയറക്ടറുടെ പരിധിയിൽപെടും. ബംഗളൂരുവിലാണ് ഓഫിസ്. വെബ്സൈറ്റ് www.ssckkr.kar.nic.in. കേരളത്തിൽ കണ്ണൂർ, കോട്ടയം, കോഴിക്കോട്, തിരുവനന്തപുരം, എറണാകുളം, കൊല്ലം, തൃശൂർ നഗരങ്ങളിലും ലക്ഷദ്വീപിൽ കവരത്തിയിലും സെലക്ഷൻ ടെസ്റ്റിന് പരീക്ഷാ കേന്ദ്രങ്ങളുണ്ടാവും. രാജ്യത്തെ ഏതെങ്കിലും മൂന്ന് കേന്ദ്രങ്ങൾ സൗകര്യാർഥം പരീക്ഷക്ക് തിരഞ്ഞെടുക്കാം.
ജൂലൈ 24 മുതൽ ആഗസ്റ്റ് മൂന്നു വരെയാണ് സെലക്ഷൻ ടെസ്റ്റ്. അപേക്ഷാ ഫീസ് 100 രൂപ. വനിതകൾ, എസ്.സി/എസ്.ടി/ഭിന്നശേഷി/വിമുക്ത ഭടന്മാർ എന്നീ വിഭാഗക്കാർക്ക് ഫീസില്ല. യോഗ്യരായ ഉദ്യോഗാർഥികൾക്ക് ഓൺലൈനിൽ ജൂൺ 23 വരെ അപേക്ഷിക്കാം. ഫീസ് 24 വരെ സ്വീകരിക്കും. അപേക്ഷാ സമർപ്പണത്തിനുള്ള നിർദേശങ്ങളും സെലക്ഷൻ നടപടികളും വിജ്ഞാപനത്തിലുണ്ട്.
എസ്.എസ്.എൽ.സിക്കാർക്ക് അപേക്ഷിക്കാവുന്ന ജോലികൾ:
● കാന്റീൻ അറ്റൻഡർ-13 ഒഴിവുകൾ, പ്രായം18-25,
● ഫയർമാൻ- 25 ഒഴിവ്, 8-27,
● സിവിലിയൻ മോട്ടോർ ഡ്രൈവർ- 31 ഒഴിവ്, 18-27,
● മൾട്ടി ടാസ്കിങ് സ്റ്റാഫ്/ സാനിറ്ററി- 27 ഒഴിവ്. 18-25,
● സബ് ഡിവിഷൻ ഓഫിസർ ഗ്രേഡ് 2-27 ഒഴിവ്. 18-27,
● ഫീൽഡ് അറ്റൻഡന്റ്- 13 ഒഴിവ്. 18-25,
● ഓഫിസ് അറ്റൻഡന്റ് (എം.ടി.എസ്) -15 ഒഴിവ്. 18-25,
● ഫോട്ടോഗ്രാഫർ ഗ്രേഡ് 2- 10 ഒഴിവ്. 18-27,
● എം.ടി.എസ് (നോൺ ടെക്നിക്കൽ)- 33, 18-25,
● സ്റ്റാഫ് കാർ ഡ്രൈവർ -26, 21-28,
● ലാബോറട്ടറി അറ്റൻഡർ -46, 18-29,
● വർക്ക് ഷോപ് അറ്റൻഡന്റ് -16, 18-27,
● സ്റ്റാഫ് കാർ ഡ്രൈവർ 41, എസ്.എസ്.എൽ.സി, 18-27,
● എം.ടി.എസ് (സി.പി.ഡബ്ല്യു.ഡി) -73, 18-25,
പ്ലസ് ടുക്കാർക്ക് അപേക്ഷിക്കാവുന്നത്:
● ജൂനിയർ എൻജിനീയർ (കമ്യൂണിക്കേഷൻ) -10 ഒഴിവ്. 18-30,
● ജൂനിയർ എൻജിനീയർ (ക്വാളിറ്റി സർവേയിങ് ആൻഡ് കോൺടാക്ട്സ്)- 114 ഒഴിവ്. 18-25,
● അസിസ്റ്റന്റ് (ആർക്കിടെക്ചറൽ)- 39, 18-30,
● ടെലികോം അസിസ്റ്റന്റ്- 31, 18-27,
● അസിസ്റ്റന്റ് (അഡ്മിൻ ആൻഡ് എച്ച്.ആർ) -54 ,18-27
ബിരുദക്കാർക്ക് അപേക്ഷിക്കാവുന്നത്:
● സയന്റിഫിക് അസിസ്റ്റന്റ് (ഇലക്ട്രിക്കൽ) -9 ഒഴിവ്, 18-30,
● ബൊട്ടാണിക്കൽ അസിസ്റ്റന്റ് -17 ഒഴിവ്. 18-30,
● യു.ഡി ക്ലർക്ക് -19, 18-25,
● സയന്റിഫിക് അസിസ്റ്റന്റ് -15, 18-25,
● ടെക്നിക്കൽ അസിസ്റ്റന്റ്- 18-25,
● യു.ഡി ക്ലർക്ക് (ഹിന്ദി ആൻഡ് ഇംഗ്ലീഷ്) -41 ഒഴിവ്. 18-25,
● അസിസ്റ്റന്റ് ആർക്കിവിസ്റ്റ് (ജനറൽ) -15 ഒഴിവ്. 18-30,
● അസിസ്റ്റന്റ് ആർക്കിയോളജിക്കൽ കെമിസ്റ്റ് -41 ഒഴിവ്. 18-30
● ഹോർട്ടികൾചറൽ അസിസ്റ്റന്റ് േഗ്രഡ്-2 - ഒഴിവ് 25. 18-30,
● ലൈബ്രറി ആൻഡ് ഇൻഫർമേഷൻ അസിസ്റ്റന്റ് -12, 18-30,
● അസിസ്റ്റന്റ് ആർക്കിയോളജിസ്റ്റ് -45, 18-30,
● യു.ഡി ക്ലർക്ക് -14, 18-25,
● സീനിയർ/ജൂനിയർ ടെക്നിക്കൽ അസിസ്റ്റൻറ്- 11+15 ഒഴിവ്. 18-30,
● കെമിക്കൽ അസിസ്റ്റന്റ് -56, 18-30.
● സെക്ഷൻ ഓഫിസർ (ഹോർട്ടികൾച്ചർ) -19, 18-30,
● റിസർച് അസിസ്റ്റന്റ്- 13, 18-30
● അസിസ്റ്റന്റ് (ലീഗൽ) -10, 18-30,
● സർവേയർ- 197, 18-30,
● അസിസ്റ്റന്റ് കമ്യൂണിക്കേഷൻ ഓഫിസർ- 64, 18-30,
● സയന്റിഫിക് അസിസ്റ്റന്റ് (കെമിക്കൽ) -15, 18-30,
● ജൂനിയർ കെമിസ്റ്റ് -23 18-30,
● സയന്റിഫിക് അസിസ്റ്റന്റ്- 15,18-25,
● ടെക്നിക്കൽ അസിസ്റ്റന്റ് -18, 18-25,
● ജൂനിയർ എക്സിക്യൂട്ടിവ് (അഡ്മിൻ ആൻഡ് എച്ച്.ആർ) 36, 18-27
● എക്സിക്യൂട്ടിവ് (വില്ലേജ് ഇൻഡസ്ട്രീസ്) 43, 18-27
● എക്സിക്യൂട്ടിവ് (ഖാദി) -25, 18-27,
● ഗേൾ കേഡറ്റ് ഇൻസ്ട്രക്ടർ -81, 18-25.
