നീറ്റ്-യു.ജി കൗൺസലിങ് രജിസ്ട്രേഷൻ ജൂലൈ 31 വരെ നീട്ടി
text_fields
അഖിലേന്ത്യ എം.ബി.ബി.എസ്/ബി.ഡി.എസ്/ബി.എസ് സി നഴ്സിങ് കോഴ്സിലേക്കുള്ള ഒന്നാംഘട്ട എം.സി.സി ഓൺലൈൻ കൗൺസലിങ് ഷെഡ്യൂളിൽ മാറ്റം വരുത്തി വിജ്ഞാപനം ഇറക്കി. ഇതുസംബന്ധിച്ച് അറിയിപ്പ് https://mcc.nic.in/ug ൽ ലഭിക്കും. നീറ്റ്-യു.ജി റാങ്കുകാർക്ക് പുതുക്കിയ ഷെഡ്യൂൾ പ്രകാരം ജൂലൈ 31 ഉച്ച 12 വരെ രജിസ്ട്രേഷൻ സൗകര്യം ലഭിക്കും.
മൂന്ന് മണിക്കകം ഫീസ് അടക്കാം. ചോയിസ് ഫില്ലിങ് ലോക്കിങ് നടപടികൾ 31 രാത്രി 11.55നുമുമ്പ് പൂർത്തിയായിരിക്കണം. ആഗസ്റ്റ് ഒന്ന്, രണ്ട് തീയതികളിൽ നീറ്റ് പ്രോസസിങ് നടപടി പൂർത്തിയാക്കി 3-4ന് അലോട്ട്മെന്റ് പ്രഖ്യാപിക്കും.
ആഗസ്റ്റ് നാലു മുതൽ എട്ടുവരെ റിപ്പോർട്ട് ചെയ്ത് പ്രവേശന നടപടികളിലേക്ക് കടക്കാം. കൂടുതൽ വിവരങ്ങൾക്കും അപ്ഡേറ്റുകൾക്കും വെബ്സൈറ്റ് സന്ദർശിക്കേണ്ടതാണ്.
