വി​ദേ​ശ പ​ഠ​നം: ശു​ഭ​ക​ര​മ​ല്ല കാ​ര്യ​ങ്ങ​ൾ

മ​ക​ൻ/​മ​ക​ൾ എ​വി​ടെ​യാ​ണി​​പ്പോ​ൾ?

യു.​കെ​യി​ൽ ഡി​ഗ്രി​ക്ക് പ​ഠി​ക്കു​ന്നു, ഓ​ക്സ്ഫ​ഡി​ൽ മാ​സ്റ്റേ​ഴ്സ് ചെ​യ്യു​ന്നു, ഹാ​ർ​വ​ഡി​ൽ റി​സ​ർ​ച് സ്കോ​ള​റാ​ണ്...

ഈ ​സം​ഭാ​ഷ​ണ​ങ്ങ​ൾ ഇ​പ്പോ​ൾ കേ​ര​ള​ത്തി​ൽ പ​തി​വാ​ണ്. ഒ​രു​കാ​ല​ത്ത് കേ​ര​ള​ത്തി​ലെ കോ​ള​ജു​ക​ളി​ലും ക​ലാ​ശാ​ല​ക​ളി​ലും ബി​രു​ദ/​ബി​രു​ദാ​ന​ന്ത​ര പ്ര​വേ​ശ​ന​ത്തി​ന് താ​ൽ​പ​ര്യ​പൂ​ർ​വം അ​പേ​ക്ഷി​ച്ചി​രു​ന്ന കു​ട്ടി​ക​ളി​ൽ ഭൂ​രി​ഭാ​ഗ​വും രാ​ജ്യാ​ന്ത​ര കോ​ള​ജു​ക​ൾ തേ​ടി​പ്പോ​വു​ക​യാ​ണ്. വി​ദ്യാ​ഭ്യാ​സ വാ​യ്പ ത​ര​പ്പെ​ടു​ത്താ​ൻ സാ​ധി​ക്കു​ന്ന​വ​രെ​ല്ലാം മ​റു​നാ​ട്ടി​ലേ​ക്ക് പ​റ​ക്കാ​ൻ കൊ​തി​ക്കു​ന്നു. ഇ​വ​രു​ടെ മോ​ഹ​ങ്ങ​ളെ​ല്ലാം പൂ​വ​ണി​യു​ന്നു​ണ്ടോ, ഈ ​വി​ദ്യാ​ർ​ഥി​ക​ളെ​ല്ലാം അ​വ​സാ​നം എ​വി​ടെ എ​ത്തി​ച്ചേ​രു​ന്നു എ​ന്ന​ത് പ​ഠ​ന​വി​ധേ​യ​മാ​ക്കേ​ണ്ട സ​മ​യം അ​തി​ക്ര​മി​ച്ചി​രി​ക്കു​ന്നു. ​ഒ​ന്നോ ര​ണ്ടോ വി​ജ​യ​ഗാ​ഥ​ക​ൾ ഉ​യ​ർ​ത്തി​ക്കാ​ണി​ച്ച് എ​ല്ലാം ശു​ഭം എ​ന്ന് ക​രു​ത​രു​ത്.

എ​ന്തു​കൊ​ണ്ട് വി​ദേ​ശ പ​ഠ​നം?

ലോ​കോ​ത്ത​ര ക​ലാ​ല​യ​ങ്ങ​ളി​ൽ​നി​ന്നു​ള്ള ഗു​ണ​മേ​ന്മ​യു​ള്ള വി​ദ്യാ​ഭ്യാ​സ​മാ​ണ് അ​തി​ൽ പ്ര​ഥ​മം. പ്രാ​യോ​ഗി​ക പ​രി​ശീ​ല​ന​ത്തി​ന് ഊ​ന്ന​ൽ ന​ൽ​കി​യു​ള്ള പ​ഠ​ന രീ​തി​യും വൈ​വി​ധ്യ സം​സ്കാ​രം ഉ​ൾ​ച്ചേ​ർ​ന്ന ബ​ഹു​സ്വ​ര കാ​മ്പ​സും വ്യ​ക്തി​ത്വ വി​ക​സ​ന​ത്തി​നും ക​രി​യ​റി​നും ഏ​റെ സ​ഹാ​യ​ക​മാ​ണ്. ഇ​ത് പ്ര​ശ​സ്ത സ്ഥാ​പ​ന​ങ്ങ​ളു​ടെ കാ​ര്യം. ഏ​ജ​ൻ​സി​ക​ളു​ടെ വാ​ഗ്ദാ​ന​ത്തി​ൽ പെ​ട്ട് തി​ക​ച്ചും ക​ച്ച​വ​ട താ​ൽ​പ​ര്യ​ത്തി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ളി​ലെ​ത്തി​ച്ചേ​രു​ന്ന​വ​ർ ല​ക്ഷ്യ​സ്ഥാ​ന​ത്ത് എ​ത്തു​ന്നു​ണ്ടോ എ​ന്ന​താ​ണ് പ്ര​ധാ​ന ചോ​ദ്യം.

പ​ഠ​ന​ശേ​ഷം വി​ദേ​ശ രാ​ജ്യ​ങ്ങ​ളി​ലോ നാ​ട്ടി​ലോ ഉ​യ​ർ​ന്ന വ​രു​മാ​ന​ത്തി​ൽ ജോ​ലി എ​ന്ന​താ​ണ് മ​റ്റൊ​രു ആ​ക​ർ​ഷ​ണം. വി​ദേ​ശ കു​ടി​യേ​റ്റം ആ​ഗ്ര​ഹി​ക്കു​ന്ന​വ​രു​ടെ പ്ര​വേ​ശ​ന ക​വാ​ടം കൂ​ടി​യാ​ണ് വി​ദേ​ശ പ​ഠ​നം. അ​തേ​സ​മ​യം, ക​ടു​ത്ത മ​ത്സ​രം നി​ല​നി​ൽ​ക്കു​ന്ന തൊ​ഴി​ൽ വി​പ​ണി​യി​ൽ ഈ ​ല​ക്ഷ്യം നേ​ടു​ക പ്ര​യാ​സ​മാ​യി​രി​ക്കു​ന്നു. യു.​എ​സ്, യു.​കെ, കാ​ന​ഡ തു​ട​ങ്ങി​യ രാ​ജ്യ​ങ്ങ​ളി​ലെ സാ​മ്പ​ത്തി​ക, സാ​മൂ​ഹി​ക പ്ര​തി​സ​ന്ധി തൊ​ഴി​ൽ രം​ഗ​ത്തെ​യും ബാ​ധി​ച്ചി​ട്ടു​ണ്ട്.

ഇ​ന്ത്യ​ൻ കു​ടി​യേ​റ്റം

യു.​എ​സ്, യു.​കെ, കാ​ന​ഡ, ആ​സ്ട്രേ​ലി​യ, ന്യൂ​സി​ല​ൻ​ഡ് തു​ട​ങ്ങി​യ രാ​ജ്യ​ങ്ങ​ളാ​ണ് ഭൂ​രി​ഭാ​ഗം കു​ട്ടി​ക​ളും ​ഉ​പ​രി​പ​ഠ​ന​ത്തി​നാ​യി തി​ര​​ഞ്ഞെ​ടു​ക്കു​ന്ന​ത്. ലോ​ക റാ​ങ്കി​ങ്ങി​ൽ ആ​ദ്യ​ത്തെ പ​ത്തി​ൽ വ​രു​ന്ന കോ​ള​ജു​ക​ളും സ​ർ​വ​ക​ലാ​ശാ​ല​ക​ളും ഈ ​രാ​ജ്യ​ങ്ങ​ളി​ലാ​ണ്. ഇം​ഗ്ലീ​ഷ് സം​സാ​രി​ക്കു​ന്ന രാ​ജ്യ​ങ്ങ​ൾ എ​ന്ന പ​രി​ഗ​ണ​ന​യും ഈ ​തി​ര​ഞ്ഞെ​ടു​പ്പി​ലു​ണ്ട്. എ​ന്നാ​ൽ, ഈ ​രാ​ജ്യ​ങ്ങ​ളി​ലേ​ക്കു​ള്ള വി​ദ്യാ​ർ​ത്ഥി​ക​ളു​ടെ ഒ​ഴു​ക്ക് ക​ഴി​ഞ്ഞ വ​ർ​ഷം മു​ത​ൽ കു​റ​ഞ്ഞു വ​രു​ന്ന​താ​യാ​ണ് കേ​ന്ദ്ര വി​ദ്യാ​ഭ്യാ​സ മ​ന്ത്രാ​ല​യം ന​ൽ​കു​ന്ന ക​ണ​ക്ക് സൂ​ചി​പ്പി​ക്കു​ന്ന​ത്.

2023നെ ​അ​പേ​ക്ഷി​ച്ച് 2024ൽ 27 ​ശ​ത​മാ​നം കു​ട്ടി​ക​ളു​ടെ കു​റ​വ് വ​ന്ന​താ​യാ​ണ് മ​ന്ത്രാ​ല​യ​ത്തി​േ​ന്റ​താ​യി ലോ​ക്സ​ഭ​യി​ൽ അ​വ​ത​രി​പ്പി​ച്ച ക​ണ​ക്ക്. അ​താ​യ​ത്, 2023ൽ 6,04,926 ​വി​ദ്യാ​ർ​ത്ഥി​ക​ളാ​ണ് യു.​എ​സ്, യു.​കെ, കാ​ന​ഡ രാ​ജ്യ​ങ്ങ​ളി​ലേ​ക്ക് പ​ഠി​ക്കാ​ൻ പോ​യ​ത്. ക​ഴി​ഞ്ഞ വ​ർ​ഷം ഇ​ത് 4,40,556 ആ​യി കു​റ​ഞ്ഞു. വി​ദേ​ശ പ​ഠ​ന​ത്തി​ന് പോ​യ കു​ട്ടി​ക​ളു​ടെ എ​ണ്ണ​ത്തി​ൽ മൊ​ത്ത​ത്തി​ൽ 15 ശ​ത​മാ​നം കു​റ​വു​വ​ന്നി​ട്ടു​ണ്ട്.

വി​ദ്യാ​ർ​ഥി കു​ടി​യേ​റ്റം ഏ​റ്റ​വും കു​റ​ഞ്ഞ​ത് കാ​ന​ഡ​യി​ലും യു.​കെ​യി​ലു​മാ​ണ്. യു.​കെ​യി​ൽ 1,36,921 (2023) ൽ ​നി​ന്ന് 98,890 (2024)ആ​യി.​ഒ​രു​കാ​ല​ത്ത് കു​ട്ടി​ക​ളു​ടെ മു​ഖ്യ ല​ക്ഷ്യ​സ്ഥാ​ന​മാ​യി​രു​ന്ന കാ​ന​ഡ​യി​ൽ 44 ശ​ത​മാ​നം കു​റ​വാ​ണ് 2023നേ​ക്കാ​ൾ ക​ഴി​ഞ്ഞ വ​ർ​ഷം സം​ഭ​വി​ച്ച​ത്. 2,33,532ൽ ​നി​ന്ന് 1,37,608 ആ​യി ഇ​ടി​ഞ്ഞു. യു.​എ​സ് കു​ടി​യേ​റ്റ​ത്തി​ലും കു​റ​വു​ണ്ട്. 2,34,473ൽ ​നി​ന്ന് 2,04,058 ആ​യി.

അ​തേ​സ​മ​യം, പ​ര​മ്പ​രാ​ഗ​ത രാ​ജ്യ​ങ്ങ​ളെ വി​ട്ട് കു​ട്ടി​ക​ൾ ജ​ർ​മ​നി, ഉ​സ്ബെ​കി​സ്താ​ൻ, ബം​ഗ്ലാ​ദേ​ശ് തു​ട​ങ്ങി​യ പു​തി​യ മേ​ച്ചി​ൽ​പു​റ​ങ്ങ​ൾ തേ​ടു​ന്നു എ​ന്നും ഈ ​ക​ണ​ക്കി​ൽ നി​ന്ന് വ്യ​ക്ത​മാ​കു​ന്നു. ക​ഴി​ഞ്ഞ വ​ർ​ഷം 34702 കു​ട്ടി​ക​ൾ ജ​ർ​മ​നി തെ​ര​ഞ്ഞെ​ടു​ത്തു. ഉ​സ്ബെ​കി​സ്താ​നി​ലേ​ക്ക് 9915 കു​ട്ടി​ക​ളും 29,232 പേ​ർ ബം​ഗ്ലാ​ദേ​ശി​ലേ​ക്കും ചേ​​ക്കേ​റി. സിം​ഗ​പ്പൂ​രി​ൽ ക​ഴി​ഞ്ഞ​വ​ർ​ഷം 14,547ഉം ​ഫ്രാ​ൻ​സി​ൽ 8,536ഉം ​ഇ​ന്ത്യ​ക്കാ​ർ പ​ഠ​ന​ത്തി​ന് ചേ​ർ​ന്നു.

തി​രി​ച്ച​ടി

യു.​എ​സി​ലെ​യും യു.​കെ​യി​ലെ​യും ഭ​ര​ണ​മാ​റ്റ​ങ്ങ​ളും രാ​ഷ്ട്രീ​യ ന​യ​ങ്ങ​ളും ഇ​ന്ത്യ​ൻ വി​ദ്യാ​ർ​ഥി​ക​ൾ​ക്ക് തി​രി​ച്ച​ടി​യാ​വു​ക​യാ​ണ്. കാ​ന​ഡ​യി​ൽ ഇ​ത് നേ​ര​ത്തേ തു​ട​ങ്ങി. പെ​ർ​മ​ന​ന്റ് റെ​സി​ഡ​ൻ​സി (പി.​ആ​ർ) അ​നു​വ​ദി​ക്കു​ന്ന​തി​ൽ അ​യ​വു​ള്ള​തി​നാ​ലാ​ണ് കാ​ന​ഡ​യെ ഇ​ന്ത്യ​ൻ വി​ദ്യാ​ർ​ഥി​ക​ൾ ഏ​​റെ​യും തി​ര​ഞ്ഞെ​ടു​ത്തി​രു​ന്ന​ത്. ഇ​വി​ട​​ത്തെ മൊ​ത്തം വി​ദേ​ശ വി​ദ്യാ​ർ​ഥി​ക​ളി​ൽ 40 ശ​ത​മാ​ന​വും ഇ​ന്ത്യ​ക്കാ​രാ​ണ്. എ​ന്നാ​ൽ, ഈ​യി​ടെ രാ​ഷ്​​ട്രീ​യ ത​ർ​ക്ക​ങ്ങ​ളി​ൽ പെ​ട്ട് ഇ​ന്ത്യ​യു​മാ​യി ബ​ന്ധം ഉ​ല​ഞ്ഞ​തോ​ടെ കാ​ന​ഡ വി​സ നി​യ​മം ക​ർ​ശ​ന​മാ​ക്കി. ഇ​ന്ത്യ​ക്കാ​ർ​ക്ക് വി​സ അ​നു​വ​ദി​ക്കു​ന്ന​ത് നി​ർ​ത്തി​വെ​ക്കു​ക​പോ​ലും ചെ​യ്തു. ബ​ന്ധം ഏ​റെ​യൊ​ന്നും മെ​ച്ച​പ്പെ​ട്ടി​ട്ടി​ല്ലാ​ത്ത​തി​നാ​ൽ ഈ ​വ​ർ​ഷം കു​ട്ടി​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ കു​റ​വു​വ​രു​മെ​ന്നാ​ണ് ക​രു​തു​ന്ന​ത്.

യു.​എ​സി​ൽ ട്രം​പി​ന്റെ നേ​തൃ​ത്വ​ത്തി​ലെ വ​ല​തു​പ​ക്ഷ റി​പ്പ​ബ്ലി​ക്ക​ൻ സ​ർ​ക്കാ​ർ ന​യ​ങ്ങ​ൾ ഇ​ന്ത്യ​ൻ വി​ദ്യാ​ർ​ഥി​ക​ൾ​ക്ക് ക​ടു​ത്ത വെ​ല്ലു​വി​ളി​യാ​ണ് ഉ​യ​ർ​ത്തു​ന്ന​ത്. എ​ല്ലാ ത​രം കു​ടി​യേ​റ്റ​​ത്തോ​ടും പ​ണ്ടേ ട്രം​പി​ന് ക​ലി​പ്പാ​ണ്. അ​ക്കാ​ര​ണം പ​റ​ഞ്ഞാ​ണ് ഇ​ത്ത​വ​ണ അ​ദ്ദേ​ഹം വി​ജ​യി​ച്ച​ത്.

പി​ന്നാ​ലെ എ​ച്ച് വ​ൺ ബി ​വി​സ നി​യ​മം ക​ർ​ശ​ന​മാ​ക്കി. ഈ ​വി​സ​യി​ലാ​ണ് ഇ​ന്ത്യ​ൻ ​​​​പ്ര​ഫ​ഷ​ന​ലു​ക​ൾ പ്ര​ധാ​ന​മാ​യും യു.​എ​സി​ലെ​ത്തി​യി​രു​ന്ന​ത്. ജോ​ലി​ക്കാ​രാ​യ ഭാ​ര്യ/​ഭ​ർ​ത്താ​വ്, 21 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ എ​ന്നി​വ​ർ​ക്കും ഈ ​വി​സ​യി​ൽ യു.​എ​സി​ലെ​ത്താ​നാ​വും. എ​ച്ച് വ​ൺ ബി ​വി​സ അ​നു​വ​ദി​ക്ക​ണ​മെ​ങ്കി​ൽ ഉ​യ​ർ​ന്ന വേ​ത​ന പ​രി​ധി കൊ​ണ്ടു​വ​രാ​നാ​ണ് സ​ർ​ക്കാ​ർ ഇ​പ്പോ​ൾ ആ​ലോ​ചി​ക്കു​ന്ന​ത്. ഇ​ത് ഇ​ന്ത്യ​ക്കാ​ർ​ക്ക് തി​രി​ച്ച​ടി​യാ​വും.

അ​തോ​ടൊ​പ്പം, വി​ദ്യാ​ർ​ഥി വി​സ​യി​ൽ ക​ർ​ശ​ന പ​രി​ശോ​ധ​ന​ക്ക് സ​ർ​ക്കാ​ർ നി​ർ​ദേ​ശം ന​ൽ​കി​യ​ത് വി​സ കി​ട്ടു​ന്ന​തി​ലെ കാ​ല​താ​മ​സം വ​ർ​ധി​പ്പി​ക്കും. ഇ​ത് സ​ർ​വ​ക​ലാ​ശാ​ല​ക​ളു​ടെ ​പ്ര​വേ​ശ​ന പ്ര​ക്രി​യ​യെ ദോ​ഷ​ക​ര​മാ​യി ബാ​ധി​ക്കും. എ​ല്ലാ​റ്റി​ലു​മു​പ​രി വി​ദ്യാ​ർ​ഥി വി​സ (എ​ഫ്-1/​ജെ-1) പ​രി​മി​തി​പ്പെ​ടു​ത്താ​നു​ള്ള ചി​ല ഭ​ര​ണ​ക​ക്ഷി അം​ഗ​ങ്ങ​ളു​ടെ നീ​ക്ക​വും ഇ​ന്ത്യ​ക്കാ​ർ​ക്ക് വെ​ല്ലു​വി​ളി​യാ​ണ്.

ക​ടു​ത്ത കു​ടി​യേ​റ്റ വി​രു​ദ്ധ നീ​ക്കം​ത​ന്നെ​യാ​ണ് യു.​കെ​യി​ലും ഇ​ന്ത്യ​ൻ വി​ദ്യാ​ർ​ഥി​ക​ൾ​ക്ക് ഭീ​ഷ​ണി​യാ​വു​ന്ന​ത്. അ​നു​ദി​നം ശ​ക്തി​പ്പെ​ട്ടു​വ​രു​ന്ന വ​ല​തു​പ​ക്ഷ രാ​ഷ്ട്രീ​യ​ത്തോ​ട് ചേ​ർ​ന്നു​നി​ന്ന് സ്റ്റാ​മ​ർ ന​യി​ക്കു​ന്ന ലേ​ബ​ർ സ​ർ​ക്കാ​ർ കു​ടി​യേ​റ്റ നി​യ​മം ക​ർ​ശ​ന​മാ​ക്കു​ക​യാ​ണ്. ഇ​ത്‍ യു.​കെ​യി​ലെ സ​ർ​വ​ക​ലാ​ശാ​ല​ക​ളു​ടെ നി​ല​നി​ൽ​പി​നെ​ത്ത​ന്നെ ബാ​ധി​ക്കു​മെ​ങ്കി​ലും കു​ടി​യേ​റ്റം ത​ട​യാ​ൻ​ത​ന്നെ​യാ​ണ് ലേ​ബ​ർ പാ​ർ​ട്ടി സ​ർ​ക്കാ​ർ ഒ​രു​ങ്ങു​ന്ന​ത്. അ​തി​ന്റെ ഭാ​ഗ​മാ​യാ​ണ് ഇ​മി​ഗ്രേ​ഷ​ൻ വൈ​റ്റ്പേ​പ്പ​ർ എ​ന്ന പേ​രി​ൽ പു​തി​യ നി​യ​മ നി​ർ​മാ​ണം പു​രോ​ഗ​മി​ക്കു​ന്ന​ത്.

ബ്രി​ട്ട​നി​ലെ പെ​ർ​മ​ന​ന്റ് റെ​സി​ഡ​ൻ​സി​ക്ക് നേ​ര​ത്തേ അ​ഞ്ചു​വ​ർ​ഷ​ത്തെ വി​സ മ​തി​യാ​യി​രു​ന്നു. ഇ​ത് 10 വ​ർ​ഷ​മാ​ക്കാ​നാ​ണ് ശി​പാ​ർ​ശ. 10 വ​ർ​ഷ​ത്തേ​ക്ക് ഒ​രു വി​ദേ​ശി​യെ സ്‍പോ​ൺ​സ​ർ​ചെ​യ്യാ​ൻ സാ​ധാ​ര​ണ നി​ല​ക്ക് ക​മ്പ​നി​ക​ളോ സ്ഥാ​പ​ന​​ങ്ങ​ളോ ത​യാ​റാ​വി​ല്ല. ഫ​ല​ത്തി​ൽ ജോ​ലി, റെ​സി​ഡ​ൻ​സി ആ​വ​ശ്യ​മി​ല്ലാ​ത്ത ബ്രി​ട്ടീ​ഷ് പൗ​ര​ന്മാ​ർ​ക്ക് മാ​ത്ര​മാ​യി പ​രി​മി​ത​പ്പെ​ടും. വി​ദ്യാ​ർ​ഥി വി​സ​യി​ൽ യു.​കെ​യി​ലെ​ത്തു​ന്ന​വ​ർ​ക്ക് ര​ണ്ടു​വ​ർ​ഷ​ത്തെ സ്റ്റേ ​ബാ​ക്ക് വി​സ അ​നു​വ​ദി​ച്ചി​രു​ന്നു. ഇ​ത് ഒ​ന്ന​ര വ​ർ​ഷ​മാ​ക്കാ​നാ​ണ് പു​തി​യ ശി​പാ​ർ​ശ. കൂ​ടാ​തെ ട്യൂ​ഷ​ൻ ഫീ​സ് വ​രു​മാ​ന​ത്തി​ന് ആ​റു​ശ​ത​മാ​നം നി​കു​തി കൂ​ടി അ​ധി​കം ചു​മ​ത്താ​നും ആ​ലോ​ച​ന​യു​ണ്ട്. ഇ​തി​ന്റെ ഭാ​രം സ്വാ​ഭാ​വി​ക​മാ​യും വി​ദ്യാ​ർ​ഥി​ക​ളു​ടെ ചു​മ​ലി​ൽ വീ​ഴും. ഫ​ല​ത്തി​ൽ വി​ദേ​ശ വി​ദ്യാ​ർ​ഥി​ക​ളു​ടെ വ​ര​വ് പ​രി​മി​ത​പ്പെ​ടു​ത്തു​ക​യും കു​ടി​യേ​റ്റം നി​യ​ന്ത്രി​ക്കു​ക​യു​മാ​ണ് സ​ർ​ക്കാ​ർ ല​ക്ഷ്യം.

ഈ​യി​ടെ ഉ​പ​തെ​ര​ഞ്ഞെ​ടു​പ്പു​ക​ളി​ൽ റി​ഫോം പാ​ർ​ട്ടി മി​ക​ച്ച വി​ജ​യം നേ​ടി​യ​താ​ണ് ലേ​ബ​ർ സ​ർ​ക്കാ​റി​നെ പു​തി​യ നി​യ​മ​നി​ർ​മാ​ണ​ത്തി​ന് പ്രേ​രി​പ്പി​ക്കു​ന്ന​ത്. ബ്രെ​ക്സി​റ്റ് കാ​ല​ത്ത് രൂ​പം​കൊ​ണ്ട ക​ടു​ത്ത കു​ടി​യേ​റ്റ വി​രു​ദ്ധ പാ​ർ​ട്ടി​യാ​ണ് റി​ഫോം പാ​ർ​ട്ടി. അ​വ​രു​ടെ വ​ർ​ധി​ച്ചു​വ​രു​ന്ന ജ​ന​സ​മ്മ​തി മ​റി​ക​ട​ക്കാ​ൻ കു​ടി​യേ​റ്റ​ത്തി​ൽ കൈ​വെ​ക്കു​ക​യ​ല്ലാ​തെ മ​റ്റു വ​ഴി​ക​ളി​ല്ലെ​ന്നാ​ണ് സ​ർ​ക്കാ​ർ ക​രു​തു​ന്ന​ത്.

വി​ദ്യാ​ഭ്യാ​സ വാ​യ്പ​യെ​ടു​ത്താ​ണ് മി​ക്ക വി​ദ്യാ​ർ​ഥി​ക​ളും വി​ദേ​ശ പ​ഠ​ന​ത്തി​ന് പു​റ​പ്പെ​ടു​ന്ന​ത്. സാ​മാ​ന്യം നി​ല​വാ​ര​മു​ള്ള ഒ​രു സ​ർ​വ​ക​ലാ​ശാ​ല​യി​ൽ യു.​ജി/​പി.​ജി കോ​ഴ്സി​ന് ചേ​​ർ​ന്ന് പ​ഠി​ക്ക​ണ​മെ​ങ്കി​ൽ താ​മ​സ​മ​ട​ക്കം 35 ല​ക്ഷം മു​ത​ൽ 40 ല​ക്ഷം വ​രെ രൂ​പ ചെ​ല​വു വ​രും യു.​കെ​യി​ൽ. യു.​എ​സി​ൽ ഏ​താ​ണ്ട് ഇ​തി​ന്റെ ഇ​ര​ട്ടി​യോ​ളം വ​രും.

ഓ​ക്സ്ഫ​ഡ്, കാം​ബ്രി​ജ്, ല​ണ്ട​ൻ സ്കൂ​ൾ ഓ​ഫ് ഇ​ക്ക​ണോ​മി​ക്സ് എ​ന്നി​വി​ട​ങ്ങ​ളി​ലാ​വു​മ്പോ​ൾ ചെ​ല​വ് 50 ല​ക്ഷം ക​ട​ക്കും. ഇ​ത്ര​യും വാ​യ്പ​യാ​യി എ​ടു​ത്തി​ട്ടു​ണ്ടെ​ങ്കി​ൽ തി​രി​ച്ച​ട​വി​ന് ചു​രു​ങ്ങി​യ​ത് 2000 പൗ​ണ്ടി​ന് മു​ക​ളി​ൽ മാ​സാ​ന്ത പ്ര​തി​ഫ​ലം ല​ഭി​ക്കു​ന്ന ​ജോ​ലി ത​ര​പ്പെ​ട​ണം. നേ​ര​ത്തേ ഇ​ത് സാ​ധി​ച്ചി​രു​ന്നു. പു​തി​യ മ​ത്സ​രാ​ധി​ഷ്ഠി​ത തൊ​ഴി​ൽ മേ​ഖ​ല​യി​ൽ ഉ​യ​ർ​ന്ന പ്ര​തി​ഫ​ല​മു​ള്ള ജോ​ലി കി​ട്ടു​ക ശ്ര​മ​ക​ര​മാ​യി​ട്ടു​ണ്ട്. പാ​ർ​ട്ട് ടൈം ​​ജോ​ലി ചെ​യ്താ​ൽ ജീ​വി​ച്ചു​പോ​വാ​മെ​ന്ന​ല്ലാ​തെ ഇ.​എം.​ഐ അ​ട​ക്കാ​ൻ മ​റു​വ​ഴി തേ​ടേ​ണ്ടി​വ​രും. വി​ദ്യാ​ഭ്യാ​സ വാ​യ്പ തി​രി​ച്ച​ട​വി​ന് ബാ​ങ്കു​ക​ൾ അ​നു​വ​ദി​ക്കു​ന്ന ​ഗ്രേ​സ് പി​രി​യ​ഡ് ക​ഴി​ഞ്ഞാ​ൽ അ​ക്കാ​ല​യ​ള​വി​ലെ പ​ലി​ശ​കൂ​ടി ചേ​ർ​ത്താ​വും ഇ.​എം.​ഐ അ​ട​ക്കേ​ണ്ടി​വ​രു​ക. 10.5 ശ​ത​മാ​ന​മാ​ണ് നി​ല​വി​ലെ പ​ലി​ശ​നി​ര​ക്ക്. ​പ​ഠ​ന​കാ​ല​ത്തു​ത​ന്നെ പ​ലി​ശ​യെ​ങ്കി​ലും തി​രി​ച്ച​ട​ച്ചി​​ല്ലെ​ങ്കി​ൽ പി​ഴ​പ്പ​ലി​ശ​സ​ഹി​തം ക​ടം ഭീ​മാ​കാ​ര​മാ​വും. കി​ട​പ്പാ​ട​മ​ട​ക്കം വി​ൽ​ക്കേ​ണ്ടി​വ​രും എ​ന്ന് പ​റ​ഞ്ഞാ​ൽ അ​തി​ശ​യോ​ക്തി​യ​ല്ല.

ചു​രു​ക്ക​ത്തി​ൽ യു.​എ​സ്, യു.​കെ, കാ​ന​ഡ തു​ട​ങ്ങി​യ രാ​ജ്യ​ങ്ങ​ളി​ൽ വി​ദേ​ശ പ​ഠ​നം തി​ര​​ഞ്ഞെ​ടു​ക്കു​മ്പോ​ൾ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും ര​ണ്ടു​വ​ട്ടം ആ​ലോ​ചി​ക്ക​ണം. കാ​ലം മാ​റി, ക​ഥ​യും മാ​റി. ആ​ഗ്ര​ഹി​ക്കു​ന്ന ജോ​ലി എ​ന്ന വി​ദൂ​ര​സ്വ​പ്നം, ക​ടു​ത്ത വി​സ നി​യ​മ​ങ്ങ​ൾ, പൊ​ള്ളു​ന്ന ജീ​വി​ത​ച്ചെ​ല​വ്, ബാ​ങ്ക് വാ​യ്പ എ​ന്ന ഊ​രാ​ക്കു​ടു​ക്ക്, കൂ​ണു​പോ​ലെ പൊ​ട്ടി​മു​ള​ക്കു​ന്ന റി​ക്രൂ​ട്ടി​ങ് ഏ​ജ​ൻ​സി​ക​ളു​ടെ ത​ട്ടി​പ്പി​ൽ​പെ​ട്ട് നി​ല​വാ​ര​മി​ല്ലാ​ത്ത സ്ഥാ​പ​ന​ങ്ങ​ളി​ലെ കോ​ഴ്സി​ന് ചേ​ർ​ന്ന് പ​ണ​വും സ​മ​യ​വും ന​ഷ്ട​പ്പെ​ടു​ന്ന അ​വ​സ്ഥ... ഇ​ങ്ങ​നെ വൈ​ത​ര​ണി​ക​ൾ ഏ​റെ​യാ​ണ്.