ഇഗ്നോയിൽ ജൂലൈ 15 വരെ അപേക്ഷിക്കാം
text_fields
തിരുവനന്തപുരം: ഇന്ദിര ഗാന്ധി നാഷനൽ ഓപൺ യൂനിവേഴ്സിറ്റി (ഇഗ്നോ) ജൂലൈയിൽ ആരംഭിക്കുന്ന അക്കാദമിക് സെഷനലിലേക്കുള്ള ബിരുദ, ബിരുദാനന്തരബിരുദ, പി.ജി ഡിപ്ലോമ, ഡിപ്ലോമ സർട്ടിഫിക്കറ്റ് പ്രോഗ്രാമുകളിലേക്ക്‌ (ഫ്രഷ് /റീ-രജിസ്ട്രേഷൻ) ഓൺലൈൻ വഴി ജൂലൈ 15 വരെ അപേക്ഷിക്കാം.
എം.ബി.എ, എം.ബി.എ (ബാങ്കിങ് & ഫിനാൻസ്), എം.എസ്സി ഫിസിക്സ്, കെമിസ്ട്രി, റൂറൽ ഡെവലപ്മെന്റ്, കമ്പ്യൂട്ടർ അപ്ലിക്കേഷൻ, ടൂറിസം സ്റ്റഡീസ്, ഇംഗ്ലീഷ്, ഹിന്ദി, ഫിലോസഫി, ഗാന്ധി ആൻഡ് പീസ് സ്റ്റഡീസ്, എജുക്കേഷൻ, പബ്ലിക് അഡ്മിനിസ്ട്രേഷൻ, എക്കണോമിക്സ്, ഹിസ്റ്ററി, പൊളിറ്റിക്കൽ സയൻസ്, സോഷ്യോളജി, സൈക്കോളജി, അഡൾട്ട് എജുക്കേഷൻ, ഡെവലപ്മെന്റ് സ്റ്റഡീസ്, ജെൻഡർ ആൻഡ് ഡെവലപ്മെന്റ് സ്റ്റഡീസ്, ഡിസ്റ്റൻസ് എജുക്കേഷൻ, ആന്ത്രപ്പോളജി,
കോമേഴ്സ്, സോഷ്യൽ വർക്ക്, ഡയറ്റെറ്റിക്സ് ആൻഡ് ഫുഡ് സർവിസ് മാനേജ്മെന്‍റ്, കൗൺസെല്ലിങ് ആൻഡ് ഫാമിലി തെറപ്പി, ലൈബ്രേറി ആൻഡ് ഇൻഫർമേഷൻ സയൻസ്, ജേണലിസം ആൻഡ് മാസ് കമ്യൂണിക്കേഷൻ, എൻവയൺമെന്റൽ സ്റ്റഡീസ് തുടങ്ങി വിവിധ വിഷയങ്ങളിലാണ്‌ പ്രവേശനം.
https://ignouadmission.samarth.edu.in/ വഴി അപേക്ഷിക്കണം. ഇഗ്നോ ഓൺലൈൻ സംവിധാനം വഴി രജിസ്‌റ്റർ ചെയ്തിട്ടുള്ളവർ യുസർ നെയിമും പാസ്വേഡും ഉപയോഗിച്ച് അപേക്ഷ പരിശോധിച്ച്‌ ന്യൂനതകളുണ്ടെങ്കിൽ പരിഹരിക്കണം. വിശദവിവരങ്ങൾക്ക്‌ ഇഗ്നോ മേഖല കേന്ദ്രം, ഇന്ദിര ഗാന്ധി നാഷനൽ ഓപൺ യൂനിവേഴ്സിറ്റി റീജനൽ സെന്റർ, തിരുവനന്തപുരം മുട്ടത്തറ, വലിയതുറ പി.ഒ പിൻ -695 008 എന്ന വിലാസത്തിലോ 0471-2344113/9447044132 എന്ന നമ്പറിലോ rctrivandrum@ignou.ac.in എന്ന ഇ മെയിൽ വിലാസത്തിലോ ബന്ധപ്പെടുക.
