എം.ബി.എ ഉത്തരക്കടലാസുകൾ നഷ്ടമായ സംഭവം: പുനഃപരീക്ഷ ഏപ്രിൽ ഏഴിന്

തി​രു​വ​ന​ന്ത​പു​രം: കേ​ര​ള സ​ര്‍വ​ക​ലാ​ശാ​ല​യി​ല്‍ എം.​ബി.​എ വി​ദ്യാ​ര്‍ഥി​ക​ളു​ടെ ഉ​ത്ത​ര​ക്ക​ട​ലാ​സു​ക​ള്‍ ന​ഷ്ട​പ്പെ​ട്ട സം​ഭ​വ​ത്തി​ല്‍ വീ​ണ്ടും പ​രീ​ക്ഷ ന​ട​ത്താ​ന്‍ തീ​രു​മാ​നം. ചൊ​വ്വാ​ഴ്ച വൈ​സ് ചാ​ന്‍സ​ല​ര്‍ ഡോ. ​മോ​ഹ​ന​ന്‍ കു​ന്നു​മ്മ​ല്‍ വി​ളി​ച്ച അ​ടി​യ​ന്ത​ര​യോ​ഗ​ത്തി​ലാ​ണ് തീ​രു​മാ​നം. ഏ​പ്രി​ല്‍ ഏ​ഴി​ന്​ പു​നഃ​പ​രീ​ക്ഷ ന​ട​ത്തും.

ഉ​ത്ത​ര​ക്ക​ട​ലാ​സ് ന​ഷ്ട​പ്പെ​ടു​ത്തി​യ അ​ധ്യാ​പ​ക​നെ പ​രീ​ക്ഷ ന​ട​ത്തി​പ്പി​ല്‍നി​ന്ന്​ മാ​റ്റി​നി​ര്‍ത്തും. ഏ​പ്രി​ല്‍ ഏ​ഴി​ന്​ പ​രീ​ക്ഷ എ​ഴു​താ​ന്‍ ബു​ദ്ധി​മു​ട്ടു​ള്ള​വ​ർ​ക്ക് ഏ​പ്രി​ൽ 22ന് ​വീ​ണ്ടും അ​വ​സ​ര​മു​ണ്ടാ​കും. മൂ​ല്യ നി​ർ​ണ​യം ക്യാ​മ്പി​ൽ ന​ട​ത്തും. മൂ​ന്ന് ദി​വ​സ​ത്തി​ന​കം ഫ​ലം പ്ര​ഖ്യാ​പി​ക്കു​മെ​ന്നും വി.​സി അ​റി​യി​ച്ചു.

2024 മേ​യി​ൽ ന​ട​ന്ന ഫി​നാ​ന്‍സ് സ്ട്രീം ​എം.​ബി.​എ മൂ​ന്നാം സെ​മ​സ്റ്റ​ര്‍ ‘പ്രോ​ജ​ക്ട് ഫി​നാ​ന്‍സ്’ വി​ഷ​യ​ത്തി​ന്‍റെ ഉ​ത്ത​ര​ക്ക​ട​ലാ​സാ​ണ്​ ന​ഷ്ട​മാ​യ​ത്. അ​ഞ്ച് കോ​ള​ജു​ക​ളി​ലെ 2022-2024 ബാ​ച്ചി​ലെ 71 വി​ദ്യാ​ര്‍ഥി​ക​ളു​ടെ പേ​പ്പ​റു​ക​ള്‍ മൂ​ല്യ​നി​ര്‍ണ​യ​ത്തി​നാ​യി കൈ​മാ​റി​യ പാ​ല​ക്കാ​ട്ടു​ള്ള അ​ധ്യാ​പ​ക​ന്‍റെ പ​ക്ക​ല്‍നി​ന്നാ​ണ്​ ന​ഷ്ട​മാ​യ​ത്. ഉ​ത്ത​ര​ക്ക​ട​ലാ​സു​ക​ള്‍ യാ​ത്ര​ക്കി​ടെ ബൈ​ക്കി​ല്‍നി​ന്ന്​ വീ​ണു​പോ​യെ​ന്നാ​ണ് അ​ധ്യാ​പ​ക​ന്‍റെ വി​ശ​ദീ​ക​ര​ണം.

ഉ​ത്ത​ര​ക്ക​ട​ലാ​സു​ക​ൾ ജ​നു​വ​രി 12ന് ​ന​ഷ്ട​മാ​യെ​ന്ന് അ​ധ്യാ​പ​ക​ൻ പൊ​ലീ​സി​നെ​യും 14 ന് ​സ​ർ​വ​ക​ലാ​ശാ​ല​യെ​യും അ​റി​യി​ച്ചി​രു​ന്നു. മൂ​ല്യ​നി​ർ​ണ​യം ന​ട​ത്തി​യ അ​ധ്യാ​പ​ക​ന്‍റെ പ​ക്ക​ൽ നി​ന്ന്​ ഉ​ത്ത​ര​ക്ക​ട​ലാ​സ് ക​ള​ഞ്ഞു​പോ​യി​ട്ടും ആ​ദ്യം മൂ​ടി​വെ​ക്കു​ക​യാ​യി​രു​ന്നു സ​ർ​വ​ക​ലാ​ശാ​ല അ​ധി​കൃ​ത​ർ. ഒ​ടു​വി​ൽ ഏ​പ്രി​ൽ ഏ​ഴി​ന് വീ​ണ്ടും പ​രീ​ക്ഷ​യെ​ഴു​ത​ണ​മെ​ന്ന അ​റി​യി​പ്പ് ല​ഭി​ച്ച​തി​നെ തു​ട​ർ​ന്നു​ള്ള അ​ന്വേ​ഷ​ണ​ത്തി​ലാ​ണ് ഉ​ത്ത​ര​ക്ക​ട​ലാ​സു​ക​ള്‍ ന​ഷ്ട​മാ​യ വി​വ​രം വി​ദ്യാ​ർ​ഥി​ക​ൾ അ​റി​യു​ന്ന​ത്. വ​ലി​യ വീ​ഴ്ച​യാ​ണ് സ​ർ​വ​ക​ലാ​ശാ​ല​ക്ക് പ​റ്റി​യ​തെ​ന്ന് വി.​സി സ​മ്മ​തി​ച്ചു. വീ​ഴ്ച​യു​ടെ ഭാ​ഗ​മാ​യി കേ​ര​ള സ​ർ​വ​ക​ലാ​ശാ​ല​യി​ൽ അ​ഫി​ലി​യേ​റ്റ് ചെ​യ്തി​ട്ടു​ള്ള തി​രു​വ​ന​ന്ത​പു​ര​ത്തെ ഇ​ൻ​സ്റ്റി​റ്റ്യൂ​ട്ട് ഓ​ഫ് കോ​ഓ​പ​റേ​റ്റി​വ് മാ​നേ​ജ്മെ​ന്റി​ലെ അ​ധ്യാ​പ​ക​നെ അ​ന്വേ​ഷ​ണ വി​ധേ​യ​മാ​യി സ​സ്പെ​ൻ​ഡ് ചെ​യ്തേ​ക്കും. അ​ധ്യാ​പ​ക​നോ​ട് ഏ​പ്രി​ൽ നാ​ലി​ന് സ​ർ​വ​ക​ലാ​ശാ​ല​യി​ൽ ഹാ​ജ​രാ​കാ​ൻ ആ​വ​ശ്യ​പ്പെ​ട്ടി​ട്ടു​ണ്ട്. ക​ൺ​ട്രോ​ള​റു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ സ​ർ​വ​ക​ലാ​ശാ​ല ജീ​വ​ന​ക്കാ​ർ​ക്കെ​തി​രെ​യും ന​ട​പ​ടി​യു​ണ്ടാ​കു​മെ​ന്നാ​ണ് വി​വ​രം. ഒ​രു​വ​ർ​ഷ​ത്തി​ന​കം മൂ​ല്യ​നി​ർ​ണ​യം ഡി​ജി​റ്റ​ലാ​ക്കു​മെ​ന്നും പ്ര​ത്യേ​ക പ്രോ​ട്ടോ​കോ​ൾ ഉ​ണ്ടാ​ക്കു​മെ​ന്നും വൈ​സ് ചാ​ൻ​സ​ല​ർ മോ​ഹ​ന​ൻ കു​ന്നു​മ്മ​ൽ പ​റ‌​ഞ്ഞു.

അ​തേ​സ​മ​യം അ​ധ്യാ​പ​ക​ന്​ പ​റ്റി​യ വീ​ഴ്ച​യു​ടെ പേ​രി​ല്‍ വീ​ണ്ടും പ​രീ​ക്ഷ എ​ഴു​ത​ണ​മെ​ന്ന​തി​ൽ ശ​ക്ത​മാ​യ പ്ര​തി​ഷേ​ധ​മാ​ണ്​ വി​ദ്യാ​ര്‍ഥി​ക​ള്‍ക്കു​ള്ള​ത്. കാ​മ്പ​സ് സെ​ല​ക്‌​ഷ​ന്‍ ഉ​ള്‍പ്പെ​ടെ ല​ഭി​ച്ച്​ പ​ല​രും വി​ദേ​ശ​ത്ത് ജോ​ലി​യി​ല്‍ പ്ര​വേ​ശി​ച്ചു​ക​ഴി​ഞ്ഞു. ഇ​വ​ർ​ക്ക് പ​രീ​ക്ഷ നി​ശ്ച​യി​ച്ച ദി​വ​സ​ങ്ങ​ളി​ൽ കേ​ര​ള​ത്തി​ലേ​ക്കെ​ത്താ​ൻ ക​ഴി​യാ​ത്ത അ​വ​സ്ഥ​യാ​ണെ​ന്ന് വി​ദ്യാ​ർ​ഥി​ക​ൾ പ​റ​യു​ന്നു.