പെൺകുട്ടിയെ തട്ടിക്കൊണ്ടുപോയി വിറ്റ കേസിൽ രണ്ടാം പ്രതിയും പിടിയിൽ

ഫ​റോ​ക്ക്: പ​തി​ന​ഞ്ചു​കാ​രി​യെ ത​ട്ടി​ക്കൊ​ണ്ടു​പോ​യി വി​ൽ​പ​ന ന​ട​ത്തി​യ കേ​സി​ൽ ര​ണ്ടാം പ്ര​തി​യും പൊ​ലീ​സ് പി​ടി​യി​ലാ​യി. അസം ബാ​ർ​പെ​ട്ട സ്വ​ദേ​ശി ലാ​ൽ​ചാ​ൻ ഷേ​ഖ് (54)നെ​യാ​ണ് ന​ല്ല​ളം പൊ​ലീ​സ് അ​റ​സ്റ്റ് ചെ​യ്ത​ത്. സൈ​ബ​ർ സെ​ല്ലി​ന്റെ​യും ക​ർ​ണാ​ട​ക പൊ​ലീ​സി​ന്റെ​യും സ​ഹാ​യ​ത്തോ​ടെ ചി​ക്ക​മം​ഗ​ളൂ​രു​വി​ൽ​നി​ന്നാ​ണ് പി​ടി​കൂ​ടി​യ​ത്.

ഇ​യാ​ളു​ടെ മ​ക​നാ​യ ഒ​ന്നാം പ്ര​തി ന​സീ​ദു​ൽ ഷേ​ഖ്‌ (21) ന​ല്ല​ളം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ കു​ടും​ബ​ത്തോ​ടൊ​പ്പം താ​മ​സി​ക്കു​ന്ന സ​മ​യ​ത്ത് വെ​സ്റ്റ്‌ ബം​ഗാ​ൾ സ്വ​ദേ​ശി​യാ​യ 15 കാ​രി​യെ 2023 ഒ​ക്ടോ​ബ​റി​ൽ പ്ര​ണ​യം ന​ടി​ച്ച് ത​ട്ടി​കൊ​ണ്ടു​പോ​യി ഹ​രി​യാ​ന​യി​ലു​ള്ള ലാ​ൽ​ചാ​ൻ ഷേ​ഖി​ന് കൈ​മാ​റു​ക​യാ​യി​രു​ന്നു.

ഇ​യാ​ൾ കാ​ൽ ല​ക്ഷം രൂ​പ​ക്ക് ഹ​രി​യാ​ന സ്വ​ദേ​ശി​യാ​യ മൂ​ന്നാം​പ്ര​തി സു​ശീ​ൽ കു​മാ​റി​ന് (35) വി​ൽ​ക്കു​ക​യാ​യി​രു​ന്നു. ന​സീ​ദു​ൽ ഷേ​ഖ്, സു​ശീ​ൽ​കു​മാ​ർ എ​ന്നി​വ​ർ നേ​ര​ത്തേ അ​റ​സ്റ്റി​ലാ​യി​ട്ടു​ണ്ട്.

ന​ല്ല​ളം പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ ക​ഴി​ഞ്ഞ വ​ർ​ഷം മേ​യി​ൽ പെ​ൺ​കു​ട്ടി​യെ ക​ണ്ടെ​ത്തു​ക​യും ചെ​യ്തു. പെ​ൺ​കു​ട്ടി ഗ​ർ​ഭി​ണി​യാ​യ​തി​നാ​ൽ മൊ​ഴി രേ​ഖ​പ്പെ​ടു​ത്തി പോ​ക്സോ, ത​ട്ടി​ക്കൊ​ണ്ടു​പോ​ക​ൽ, മ​നു​ഷ്യ​ക്ക​ട​ത്ത് എ​ന്നീ കു​റ്റ​കൃ​ത്യ​ങ്ങ​ൾ​ക്കാ​ണ് കേ​സെ​ടു​ത്ത​ത്.