വനത്തിൽ തീയിട്ടു; യുവാക്കള്‍ക്കെതിരെ കേസെടുത്തു​

കു​ള​ത്തൂ​പ്പു​ഴ: വ​ന​ത്തി​നു​ള്ളി​ല്‍ അ​ശ്ര​ദ്ധ​മാ​യി തീ ​ക​ത്തി​ച്ച​തി​നെ​ത്തു​ട​ർ​ന്ന്​​ അ​ടി​ക്കാ​ടു​ക​ളും ത​ടി​ക​ളും ക​ത്തി​ന​ശി​ച്ചു.

ക​ഴി​ഞ്ഞ​ദി​വ​സം ഉ​ച്ച​യോ​ടെ​യാ​ണ് ചോ​ഴി​യ​ക്കോ​ട് മി​ൽ​പ്പാ​ലം ഭാ​ഗ​ത്ത്​ ആ​റ്റി​നോ​ട് ചേ​ർ​ന്നു​ള്ള ഇ​ട​വ​ന​ത്തി​ൽ തീ​പ​ട​ർ​ന്ന​ത്. രാ​വി​ലെ പു​റ​മെ നി​ന്നെ​ത്തി​യ ഏ​താ​നും യു​വാ​ക്ക​ൾ പു​ഴ​യി​ൽ കു​ളി​ക്കു​ക​യും സ​മീ​പ​ത്തി​രു​ന്ന് ഭ​ക്ഷ​ണം പാ​ച​കം​ചെ​യ്തു​ക​ഴി​ക്കു​ക​യും ചെ​യ്തി​രു​ന്നു.

ആ​ഘോ​ഷ​ങ്ങ​ള്‍ക്കു​ശേ​ഷം ശ​രി​യാ​യ രീ​തി​യി​ൽ തീ ​കെ​ടു​ത്താ​തെ ഇ​വ​ര്‍ മ​ട​ങ്ങു​ക​യാ​യി​രു​ന്ന​ത്രെ. പി​ന്നാ​ലെ സ​മീ​പ​ത്തെ അ​ടി​ക്കാ​ടു​ക​ള്‍ക്ക് തീ​പി​ടി​ക്കു​ക​യും പു​ഴ​യോ​ര​ത്ത് വീ​ണു​കി​ട​ന്നി​രു​ന്ന വ​ന്‍മ​ര​മ​ട​ക്കം ക​ത്തു​ക​യും ചെ​യ്തു. ഏ​റെ നേ​ര​ത്തി​നു​ശേ​ഷം വ​ന​ത്തി​ല്‍ തീ​പ​ട​രു​ന്ന​ത് ശ്ര​ദ്ധ​യി​ല്‍പെ​ട്ട നാ​ട്ടു​കാ​ര്‍ വി​വ​രം ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ൽ കു​ള​ത്തൂ​പ്പു​ഴ വ​നം റേ​ഞ്ച് ഓ​ഫി​സ​ർ അ​രു​ൺ രാ​ജേ​ന്ദ്ര​ന്‍റെ നേ​തൃ​ത്വ​ത്തി​ല്‍ വ​ന​പാ​ല​ക​രും വ​നം വാ​ച്ച​ർ​മാ​രും നാ​ട്ടു​കാ​രും ചേ​ര്‍ന്ന് തീ ​നി​യ​ന്ത്ര​ണ​വി​ധേ​യ​മാ​ക്കു​ക​യാ​യി​രു​ന്നു.

ഏ​താ​നും നാ​ള്‍ മു​മ്പും സ​മാ​ന​സം​ഭ​വ​ങ്ങ​ൾ ഇ​വി​ടെ ഉ​ണ്ടാ​യി. സം​ഭ​വ​ത്തെ തു​ട​ര്‍ന്ന് യു​വാ​ക്ക​ള്‍ക്കെ​തി​രെ കേ​സെ​ടു​ത്ത​താ​യി വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ അ​റി​യി​ച്ചു.