മത്സ്യം വിൽക്കാനെത്തിയയാൾ വീ​ട്ടി​ൽ അ​തി​ക്ര​മി​ച്ചു​ക​യ​റി; യുവതിയെ കടന്നുപിടിച്ചതായി പരാതി

ഹ​രി​പ്പാ​ട്: മീ​ൻ വി​ൽ​പ​ന​ക്കെ​ത്തി​യ​യാ​ൾ വീ​ട്ടി​ൽ അ​തി​ക്ര​മി​ച്ചു​ക​യ​റി യു​വ​തി​യെ ഉ​പ​ദ്ര​വി​ക്കാ​ൻ ശ്ര​മി​ച്ചു. യു​വ​തി​യു​ടെ പ​രാ​തി​യി​ൽ തൃ​ക്കു​ന്ന​പ്പു​ഴ പ​തി​യാ​ങ്ക​ര സ്വ​ദേ​ശി അ​ബ്ദുറ​ഹ്​​മാ​നെ​തി​രെ (50) തൃ​ക്കു​ന്ന​പ്പു​ഴ പൊ​ലീ​സ് കേ​സെ​ടു​ത്തു. ബു​ധ​നാ​ഴ്ച രാ​വി​ലെ കാ​ർ​ത്തി​ക​പ്പ​ള്ളി മ​ഹാ​ദേ​വി​കാ​ടാ​ണ് സം​ഭ​വം. മീ​നു​മാ​യി എ​ത്തി​യ പ്ര​തി കാ​ളി​ങ്​ ബെ​ല്ല​ടി​ച്ച​പ്പോ​ൾ മീ​ൻ വേ​ണ്ടെ​ന്നു പ​റ​ഞ്ഞു യു​വ​തി മു​ൻ വാ​തി​ല​ട​ച്ച് കു​റ്റി​യി​ട്ടു.

വീ​ട്ടി​ൽ യു​വ​തി ത​നി​ച്ചാ​ണെ​ന്ന് മ​ന​സ്സി​ലാ​ക്കി​യ പ്ര​തി അ​ടു​ക്ക​ള വാ​തി​ലി​ൽ​ക്കൂ​ടി വീ​ടി​നു​ള്ളി​ൽ അ​തി​ക്ര​മി​ച്ചു ക​യ​റി ഹാ​ളി​ൽ നി​ൽ​ക്കു​ക​യാ​യി​രു​ന്ന യു​വ​തി​യെ ക​ട​ന്നു​പി​ടി​ക്കാ​ൻ ശ്ര​മി​ച്ചു. യു​വ​തി പ്ര​തി​യെ ത​ള്ളി​മാ​റ്റി അ​ടു​ത്ത മു​റി​യി​ൽ ക​യ​റി വാ​തി​ല​ട​ച്ചു ര​ക്ഷ​പ്പെ​ടു​ക​യാ​യി​രു​ന്നു. അ​തി​നി​ടെ പ്ര​തി ബൈ​ക്കി​ൽ ക​ട​ന്നു​ക​ള​ഞ്ഞു. ബൈക്ക്​ പി​ന്നീ​ട് ഓ​ച്ചി​റ​യി​ൽ​നി​ന്ന് ക​ണ്ടെ​ടു​ത്തു.