22 ലക്ഷവുമായി മുങ്ങിയ പ്രതി 20 വര്‍ഷത്തിനുശേഷം പിടിയിൽ

അ​ഞ്ച​ല്‍ : ഇ​രു​പ​ത് വ​ർ​ഷം മു​മ്പ് മൂ​ന്നു​പേ​രി​ല്‍ നി​ന്നാ​യി 22 ല​ക്ഷം രൂ​പ ക​ടം​വാ​ങ്ങി​യ ശേ​ഷം മ​ട​ക്കി​ന​ൽ​കാ​തെ മു​ങ്ങി​യ ആ​ളി​നെ അ​ഞ്ച​ൽ പൊ​ലീ​സ് അ​റ​സ്റ്റ് ചെ​യ്തു. നെ​ടു​മ​ണ്‍കാ​വ്, തെ​ക്കേ​ക്ക​ര, അ​ങ്ങാ​ടി​യി​ല്‍ ബി​ജു (55)വാ​ണ് പി​ടി​യി​ലാ​യ​ത്. അ​ഞ്ച​ൽ കേ​ന്ദ്രീ​ക​രി​ച്ച്​ ചി​ട്ടി​ക്ക​മ്പ​നി ന​ട​ത്ത​വേ 2005 ൽ ​കൂ​ട​ല്‍ സ്വ​ദേ​ശി​ക​ളാ​യ ര​ണ്ടു​പേ​രി​ല്‍ നി​ന്നും അ​ടൂ​ര്‍ സ്വ​ദേ​ശി​യി​ല്‍ നി​ന്നു​മാ​യി 22 ല​ക്ഷം രൂ​പ ബി​ജു വാ​ങ്ങു​ക​യും തി​രി​കെ ന​ല്‍കാ​തെ മു​ങ്ങു​ക​യു​മാ​യി​രു​ന്നു.

പ​ണം ന​ഷ്ട​മാ​യ​വ​ർ അ​ഞ്ച​ൽ പൊ​ലീ​സി​ല്‍ പ​രാ​തി ന​ൽ​കി. എ​ന്നാ​ൽ, ഇ​യാ​ളെ കു​റി​ച്ച് ഒ​രു​വി​വ​ര​വും പൊ​ലീ​സി​ന് ല​ഭി​ച്ചി​രു​ന്നി​ല്ല. ഇ​തി​നി​ടെ 2009 ല്‍ ​ബി​ജു​വി​നെ പു​ന​ലൂ​ര്‍ കോ​ട​തി പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ക്കു​ക​യും ചെ​യ്തു. പ​ല​യി​ട​ങ്ങ​ളി​ലാ​യി മാ​റി​മാ​റി താ​മ​സി​ച്ചു​വ​ന്ന ബി​ജു,

മൈ​സൂ​രി​ല്‍ ഉ​ണ്ടെ​ന്ന ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ക​ഴി​ഞ്ഞ ദി​വ​സം മൈ​സൂ​രി​ൽ നി​ന്നും ഇ​യാ​ളെ ക​സ്റ്റ​ഡി​യി​ലെ​ടു​ത്ത​ത്. അ​ഞ്ച​ലി​ല്‍ എ​ത്തി​ച്ച്​ പു​ന​ലൂ​ർ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍റ് ചെ​യ്തു.