ലഹരിമാഫിയ കീഴടക്കുന്ന ഐ.ടി നഗരം

കാ​ക്ക​നാ​ട്: ഐ.​ടി ന​ഗ​ര​മാ​യ കാ​ക്ക​നാ​ട്​ ചെ​റി​യ അ​ള​വി​ൽ ക​ഞ്ചാ​വ് പി​ടി​കൂ​ടു​ന്ന​തും മ​റ്റു​മാ​യി​രു​ന്നു ഏ​താ​നും​ വ​ർ​ഷം മു​മ്പ്​ വ​രെ വ​ന്നി​രു​ന്ന ല​ഹ​രി വാ​ർ​ത്ത. ഇ​ന്ന് അ​തി​ന് വ​ലി​യ മാ​റ്റം വ​ന്നി​രി​ക്കു​ന്നു. രാ​സ​ല​ഹ​രി ക​ച്ച​വ​ട​വും ല​ഹ​രി ഉ​പ​യോ​ഗി​ച്ച് ദി​നം​പ്ര​തി ന​ട​ത്തു​ന്ന അക്ര​മ​വും ഐ.​ടി ന​ഗ​ര​ത്തി​ന്‍റെ ഉ​റ​ക്കം കെ​ടു​ത്തു​ക​യാ​ണ്.

സ്ത്രീ​പു​രു​ഷ ഭേ​ദ​മി​ല്ലാ​തെ​യാ​ണ് ല​ഹ​രി​യു​ടെ ഉ​പ​യോ​ഗം. സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ ല​ഹ​രി​യെ​ത്തു​ന്ന​യി​ട​മാ​യി കാ​ക്ക​നാ​ട്​ മാ​റി​ക്ക​ഴി​ഞ്ഞു. കു​റ​ച്ചു മാ​സ​ങ്ങ​ൾ​ക്കി​ടെ എ​ടു​ത്ത വി​വി​ധ ല​ഹ​രി​മ​രു​ന്ന് കേ​സു​ക​ളു​ടെ എ​ണ്ണം മാ​ത്രം മ​തി ഐ.​ടി ന​ഗ​ര​ത്തി​ന്‍റെ ‘റേ​ഞ്ച്’ മാ​റി​യെ​ന്ന് മ​ന​സ്സി​ലാ​ക്കാ​ൻ. ശ​ക്ത​മാ​യ പ​രി​ശോ​ധ​ന ഇ​ല്ലാ​ത്ത​താ​ണ് കാ​ക്ക​നാ​ടി​നെ ല​ഹ​രി ക​ച്ച​വ​ട​ക്കാ​രു​ടെ ഇ​ഷ്ട​യി​ട​മാ​യി മാ​റ്റു​ന്ന​ത്.

ല​ഹ​രി വി​പ​ണ​ന​ത്തി​ന്‍റെ ക​ണ്ണി പൊ​ട്ടി​ക്കാ​ൻ ജി​ല്ല ആ​സ്ഥാ​നം കേ​ന്ദ്ര​മാ​ക്കി എ​ക്‌​സൈ​സ് റേ​ഞ്ച് ഓ​ഫി​സ് സ്ഥാ​പി​ക്കേ​ണ്ട​ത് അ​നി​വാ​ര്യ​മാ​ണ്. എ​റ​ണാ​കു​ളം എ​ക്‌​സൈ​സ് സ​ർ​ക്കി​ൾ ഓ​ഫി​സ് പ​രി​ധി​യി​ലാ​ണ് തൃ​ക്കാ​ക്ക​ര​യും പ​രി​സ​ര പ്ര​ദേ​ശ​വും. ഈ ​മേ​ഖ​ല​ക​ളി​ൽ ല​ഹ​രി മാ​ഫി​യ സം​ഘ​ങ്ങ​ൾ സ​ജീ​വ​മാ​ണ്. ക​ഞ്ചാ​വ്, ല​ഹ​രി മ​രു​ന്നു​ക​ൾ​ക്ക് പു​റ​മേ വ്യാ​ജ മ​ദ്യ​വി​ൽ​പ​ന​യും കേ​ന്ദ്ര​ങ്ങ​ളും പ്ര​ദേ​ശ​ത്ത് പെ​രു​കു​ന്നു​ണ്ട്.

ല​ഹ​രി​സം​ഘ​ങ്ങ​ളു​ടെ ഏ​റ്റു​മു​ട്ട​ലും പ​തി​വാ​ണ്. കാ​ക്ക​നാ​ട്ടെ ര​ണ്ട് പൊ​ലീ​സ് സ്‌​റ്റേ​ഷ​നു​ക​ളാ​യ തൃ​ക്കാ​ക്ക​ര​യും ഇ​ൻ​ഫോ​പാ​ർ​ക്കും എ​റ​ണാ​കു​ള​ത്ത്​ നി​ന്നു​ള്ള പ്ര​ത്യേ​ക സം​ഘ​ത്തോ​ടൊ​പ്പം ല​ഹ​രി​മ​രു​ന്ന് പി​ടി​കൂ​ടു​ന്നു​ണ്ടെ​ങ്കി​ലും കാ​ര്യ​മാ​യ തു​ട​ർ അ​ന്വേ​ഷ​ണ​മു​ണ്ടാ​കു​ന്നി​ല്ല.

ഞെ​ട്ടി​ച്ച് ക​ണ​ക്കു​ക​ൾ

2025 ജ​നു​വ​രി, ഫെ​ബ്രു​വ​രി മാ​സ​ത്തി​ൽ 50 ദി​വ​സ​ത്തി​നി​ടെ 314 ല​ഹ​രി​മ​രു​ന്ന്​ കേ​സു​ക​ളാ​ണ് ജി​ല്ല​യി​ൽ ര​ജി​സ്റ്റ​ർ ചെ​യ്ത​ത്. ശ​രാ​ശ​രി ഒ​രു ദി​വ​സം ആ​റു കേ​സു​ക​ൾ വീ​തം ഉ​ണ്ടാ​കു​ന്നു. 314 കേ​സു​ക​ളി​ലാ​യി 365 പേ​രെ അ​റ​സ്റ്റ് ചെ​യ്ത​തു. 99.396 കി​ലോ ക​ഞ്ചാ​വും 622.5039 ഗ്രാം ​എം.​ഡി.​എം.​എ​യും 29 ഗ്രാം ​ഹാ​ഷി​ഷും 2.36 ഗ്രാം ​ബ്രൗ​ൺ​ഷു​ഗ​റും 17.58 ഗ്രാം ​ഹ​ഷീ​ഷ് ഓ​യി​ലും, .041 ഗ്രാം ​എ​ൽ.​എ​സ്.​ഡി, 18.457 ഗ്രാം ​എ​ൽ.​എ​സ്.​ഡി പ​ഞ്ച​സാ​ര ക്യൂ​ബ് ഇ​ങ്ങ​നെ നി​ര​വ​ധി ല​ഹ​രി മ​രു​ന്നു​ക​ളാ​ണ് ര​ണ്ടു മാ​സ​ത്തി​നി​ടെ പി​ടി​കൂ​ടി​യ​ത്.

2024ൽ ​കേ​സു​ക​ളു​ടെ എ​ണ്ണം 2,475 ആ​ണ്. ഇ​തി​ൽ 2795 പ്ര​തി​ക​ളെ പി​ടി​കൂ​ടി​യി​ട്ടു​ണ്ട്. ഇ​ക്കാ​ല​യ​ള​വി​ൽ 333.51 കി​ലോ ക​ഞ്ചാ​വ്, 1890 ഗ്രാം ​എം.​ഡി.​എം.​എ ഉ​ൾ​പ്പെ​ടെ 18 ഓ​ളം മ​യ​ക്കു​മ​രു​ന്ന്​ കേ​സു​ക​ളാ​ണ്​ പി​ടി​കൂ​ടി​യ​ത്. കോ​ള​ജ് വി​ദ്യാ​ർ​ഥി​ക​ൾ, യു​വ​തീ യു​വാ​ക്ക​ൾ, സി​നി​മ, ഐ.​ടി. മേ​ഖ​ല​ക​ളി​ലു​ള്ള​വ​ർ തു​ട​ങ്ങി​യ​വ​രെ കേ​ന്ദ്രീ​ക​രി​ച്ചാ​ണ് ല​ഹ​രി​മാ​ഫി​യ​യു​ടെ പ്ര​വ​ർ​ത്ത​നം.

വി​ദേ​ശ​ത്തു​നി​ന്ന് അ​തി​ർ​ത്തി ക​ട​ത്തി​യാ​ണ് നേ​ര​ത്തെ രാ​സ​ല​ഹ​രി എ​ത്തി​ച്ചി​രു​ന്ന​തെ​ങ്കി​ൽ ഇ​പ്പോ​ൾ ഗോ​വ, ഹൈ​ദ​രാ​ബാ​ദ്, ബം​ഗ​ളൂ​രു എ​ന്നി​വി​ട​ങ്ങ​ളി​ൽ ല​ഹ​രി​നി​ർ​മാ​ണ കേ​ന്ദ്ര​ങ്ങ​ൾ ഉ​ള്ള​താ​യി പൊ​ലീ​സ് ക​ണ്ടെ​ത്തി​യി​ട്ടു​ണ്ട്.

ഹോ​ട്ട​ൽ മു​റി​ക​ളും ഫ്ലാ​റ്റു​ക​ളും സു​ര​ക്ഷി​ത കേ​ന്ദ്ര​ങ്ങ​ൾ

ല​ഹ​രി​യി​ട​പാ​ടു​ക​ള്‍ക്കും ഉ​പ​യോ​ഗ​ത്തി​നു​മു​ള്ള സു​ര​ക്ഷി​ത കേ​ന്ദ്ര​ങ്ങ​ളാ​ക്കു​ന്ന​ത് ഫ്ലാ​റ്റു​ക​ളും ഹോ​ട്ട​ല്‍ മു​റി​ക​ളു​മാ​ണ്. ഐ.​ടി, മെ​ട്രോ ന​ഗ​ര​ങ്ങ​ളി​ൽ നി​ര​വ​ധി ഫ്ലാ​റ്റു​ക​ൾ കേ​ന്ദ്രീ​ക​രി​ച്ചാ​ണ് ഉ​പ​യോ​ഗ​വും വി​ൽ​പ​ന​യും ന​ട​ക്കു​ന്ന​ത്. എം.​ഡി.​എം.​എ, എ​ൽ.​എ​സ്.​ഡി തു​ട​ങ്ങി​യ സി​ന്ത​റ്റി​ക് ല​ഹ​രി​മ​രു​ന്നു​ക​ള്‍ വ്യാ​പ​ക​മാ​യ​തോ​ടെ ഒ​ളി​യും മ​റ​യു​മി​ല്ലാ​തെ ല​ഹ​രി ഉ​പ​യോ​ഗി​ക്കാ​വു​ന്ന രീ​തി​യി​ല്‍ ജി​ല്ല വ​ള​രു​ക​യാ​ണ്.

സാ​ധാ​ര​ണ​ക്കാ​ര്‍ക്കൊ​പ്പം നീ​തി​പാ​ല​ന​ത്തി​ന് ചു​മ​ത​ല​പ്പെ​ട്ട പൊ​ലീ​സു​കാ​ര്‍ക്കും ല​ഹ​രി​ക്ക​ടി​മ​പ്പെ​ടു​ന്ന​വ​രു​ടെ ആ​ക്ര​മ​ത്തി​ല്‍ നി​ന്നും ര​ക്ഷ​യി​ല്ല. ഫ്ലാ​റ്റു​ക​ള്‍ കേ​ന്ദ്രീ​ക​രി​ച്ച് ല​ഹ​രി പാ​ര്‍ട്ടി​ക​ള്‍ ന​ട​ത്തി വ​രു​മാ​ന​മു​ണ്ടാ​ക്കു​ന്ന​വ​ർ ഏ​റി​യെ​ന്നും യു​വ​ത​ല​മു​റ​യെ ല​ഹ​രി​യി​ലേ​ക്ക് എ​ത്തി​ക്കു​ന്ന ഘ​ട​ക​ങ്ങ​ള്‍ ജി​ല്ല​യി​ൽ നി​ര​വ​ധി​യാ​ണെ​ന്നു​മാ​ണ് പൊ​ലീ​സ് പ​റ​യു​ന്ന​ത്. ദ​മ്പ​തി​ക​ളെ​ന്ന വ്യാ​ജേ​ന അ​ധി​ക​വാ​ട​ക ഈ​ടാ​ക്കി ല​ഹ​രി ഉ​പ​യോ​ഗ​ത്തി​ന് ഹോ​ട്ട​ലു​ക​ളും സൗ​ക​ര്യ​മൊ​രു​ക്കി ന​ല്‍കു​ന്നു​ണ്ടെ​ന്ന ആ​ക്ഷേ​പ​വു​മു​ണ്ട്.

വീ​ടു​ക​ളും ഫ്ലാ​റ്റു​ക​ളും വാ​ട​ക​ക്ക് ന​ല്‍കു​ന്ന വി​വ​രം ഉ​ട​മ​സ്ഥ​ര്‍ പൊ​ലീ​സി​നെ അ​റി​യി​ക്കാ​ത്ത​തും ല​ഹ​രി​മാ​ഫി​യ മു​ത​ലെ​ടു​ക്കു​ന്നു​ണ്ടെ​ന്നാ​ണ് സ​മീ​പ​കാ​ല സം​ഭ​വ​ങ്ങ​ള്‍ സാ​ക്ഷ്യ​പ്പെ​ടു​ത്തു​ന്ന​ത്. മു​ന്‍കാ​ല​ങ്ങ​ളി​ല്‍ നി​ന്നും വ്യ​ത്യ​സ്ത​മാ​യി ല​ഹ​രി​ക്ക് അ​ടി​പ്പെ​ടു​ന്ന യു​വ​തി​ക​ളു​ടെ എ​ണ്ണം കൂ​ടി​വ​രു​ന്ന​ത് ഏ​റെ ആ​ശ​ങ്കാ​ജ​ന​ക​മാ​ണ്. ല​ഹ​രി ക​ട​ത്തി​ന്റെ ക​ണ്ണി​ക​ളാ​യും ല​ഹ​രി​മാ​ഫി​യ​യെ നി​യ​ന്ത്രി​ക്കു​ന്ന ശ​ക്തി​യാ​യും സ്ത്രീ​ക​ള്‍ മാ​റു​ന്നു.

യു​വ​ത​ല​മു​റ ഭീ​തി ജ​നി​പ്പി​ക്കു​ന്നു

മു​ൻ കാ​ല​ങ്ങ​ളെ അ​പേ​ക്ഷി​ച്ച് യു​വ​ത​ല​മു​റ ല​ഹ​രി​മ​രു​ന്നും മ​ദ്യ​വും ഓ​ണ്‍ലൈ​ന്‍ ചൂ​താ​ട്ട​ങ്ങ​ളുമാ​യി ത​ങ്ങ​ളു​ടെ ഭാ​വി ന​ശി​പ്പി​ക്കു​ക​യാ​ണ്. ല​ഹ​രി ഉ​പ​യോ​ഗി​ച്ച്​ ഗ​താ​ഗ​ത നി​യ​മ​ങ്ങ​ൾ തെ​റ്റി​ച്ച് അ​പ​ക​ടം ക്ഷ​ണി​ച്ച് വ​രു​ത്തു​ന്നു. 40 ശ​ത​മാ​നം കു​റ്റ​കൃ​ത്യ​ങ്ങ​ളും ചെ​യ്യു​ന്ന​ത് 18നും 25​നും ഇ​ട​യി​ല്‍ പ്രാ​യ​മു​ള്ള​വ​രാ​ണെ​ന്ന് നി​ര​വ​ധി പ​ഠ​ന​ങ്ങ​ള്‍ തെ​ളി​യി​ച്ചു.

കു​ട്ടി​ക്കാ​ല​ത്തെ സാ​ഹ​ച​ര്യ​ങ്ങ​ള്‍, മാ​താ​പി​താ​ക്ക​ളു​ടെ സ്വാ​ധീ​നം, കു​ടും​ബ ബ​ന്ധ​ങ്ങ​ള്‍, സൗ​ഹൃ​ദ​ങ്ങ​ള്‍ എ​ന്നി​വ​യെ​ല്ലാം വ്യ​ക്തി​യു​ടെ ജീ​വി​ത​ത്തെ വ​ലി​യ രീ​തി​യി​ൽ ബാ​ധി​ക്കു​ന്ന​താ​യി മ​ന:​ശാ​സ്‌​ത്ര​ജ്ഞ​ര്‍ പ​റ​യു​ന്നു. സ്‌​മാ​ര്‍ട്ട് ഫോ​ണു​ക​ള്‍ക്ക് അ​ടി​മ​ക​ളാ​യ​വ​ര്‍ അ​നു​ദി​നം വ​ർ​ധി​ക്കു​ക​യാ​ണ്.

പു​സ്‌​ത​ക​ങ്ങ​ള്‍ വാ​യി​ക്കു​ക​യോ വി​നോ​ദ​ങ്ങ​ളി​ൽ ഏ​ര്‍പ്പെ​ടു​ക​യോ ചെ​യ്യു​ന്ന​തി​ന് പ​ക​രം മൊ​ബൈ​ൽ ഫോ​ണു​ക​ൾ​ക്ക് അ​ടി​മ​ക​ളാ​വു​ക​യാ​ണ്. ചെ​റു​പ്രാ​യ​ത്തി​ല്‍ ത​ന്നെ കു​ട്ടി​ക​ളു​ടെ പെ​രു​മാ​റ്റ രീ​തി​ക​ള്‍ തി​രി​ച്ച​റി​ഞ്ഞ് അ​വ​രെ ശ​രി​യാ​യ പാ​ത​യി​ലേ​ക്ക് ന​യി​ക്കാ​ന്‍ ക​ഴി​ഞ്ഞാ​ല്‍ തീ​ര്‍ച്ച​യാ​യും അ​വ​ര്‍ ന​ല്ല പൗ​ര​ന്മാ​രാ​യി മാ​റു​ക ത​ന്നെ ചെ​യ്യും.