ബാ​ങ്കി​ൽ മു​ക്കു​പ​ണ്ടം പ​ണ​യ​പ്പെ​ടു​ത്തി​യ മൂ​ന്നു​പേ​ർ അ​റ​സ്റ്റി​ൽ

നീ​ലേ​ശ്വ​രം: ക​രി​ന്ത​ളം സ​ർ​വി​സ് സ​ഹ​ക​ര​ണ ബാ​ങ്കി​ൽ മു​ക്കു​പ​ണ്ടം പ​ണ​യപ്പെ​ടു​ത്തി പ​ണം ത​ട്ടാ​ൻ ശ്ര​മി​ച്ച യു​വ​തി ഉ​ൾ​പ്പെ​ടെ​യു​ള്ള മൂ​ന്നു​പേ​രെ നീ​ലേ​ശ്വ​രം പൊ​ലീ​സ് അ​റ​സ്റ്റ് ചെ​യ്തു.

കൊ​ല്ല​മ്പാ​റ വാ​ളൂ​രി​ലെ പ്ര​സാ​ദി​ന്‍റെ ഭാ​ര്യ എ.​വി. ര​മ്യ, ക​ണ്ണൂ​ർ ഇ​രി​ട്ടി പ​ടി​യൂ​ർ സ്വ​ദേ​ശി​യും ചെ​റു​വ​ത്തൂ​ർ പു​തി​യ ക​ണ്ട​ത്ത് താ​മ​സി​ക്കു​ന്ന ഷി​ജി​ത്ത്, നീ​ലേ​ശ്വ​രം ദേ​വ​ന​ന്ദ ഗോ​ൾ​ഡ് ഉ​ട​മ​യും ക​ണ്ണൂ​ർ അ​ഞ്ച​ര​ക്ക​ണ്ടി സ്വ​ദേ​ശി​യു​മാ​യ ബി​ജു എ​ന്നി​വ​രെ​യാ​ണ് എ​സ്.​ഐ കെ.​വി. ര​തീ​ഷി​​ന്‍റെ നേ​തൃ​ത്വ​ത്തി​ലു​ള്ള സം​ഘം അ​റ​സ്റ്റ് ചെ​യ്ത​ത്. വ്യാ​ഴാ​ഴ്ച ഉ​ച്ച​ക്കാ​ണ് ഈ ​സം​ഘം 26.400 ഗ്രാം ​മു​ക്കു​പ​ണ്ടം ബാ​ങ്കി​ൽ പ​ണ​യപ്പെ​ടു​ത്താ​ൻ ശ്ര​മി​ച്ച​ത്. പ​ണ​യം വെ​ക്കാ​ൻ കൊ​ണ്ടു​വ​ന്ന ആ​ഭ​ര​ണ​ങ്ങ​ൾ വാ​ങ്ങി​യ​പ്പോ​ൾ ബാ​ങ്ക് അ​പ്രൈ​സ​ർ സം​ശ​യം തോ​ന്നി ഉ​ര​ച്ച് നോ​ക്കി​യ​പ്പോ​ഴാ​ണ് മൂ​ക്കു​പ​ണ്ട​മാ​ണെ​ന്ന് തി​രി​ച്ച​റി​ഞ്ഞ​ത്.

40 ശ​ത​മാ​നം മു​ക്കു​പ​ണ്ട​ത്തി​ന്‍റെ മു​ക​ളി​ൽ സ്വ​ർ​ണം പൂ​ശി തി​രി​ച്ച​റി​യാ​ൻ പ​റ്റാ​ത്ത വി​ധ​ത്തി​ലാ​യി​രു​ന്നു പ്ര​തി​ക​ൾ വ്യാ​ജ സ്വ​ർ​ണം ത​യാ​റാ​ക്കി​യ​ത്. പ​ണ​യ ആ​ഭ​ര​ണ​ത്തി​ന് മു​ക​ളി​ൽ 916 എ​ന്ന് വ്യാ​ജ ലേ​ബ​ൽ പ​തി​ച്ചാ​ണ് പ​ണ​യ ത​ട്ടി​പ്പ് ന​ട​ത്തി​യ​ത്. ഷി​ജി​ത്തും ര​മ്യ​യു​മാ​ണ് പ​ണ​യം വെ​ക്കാ​ൻ ബാ​ങ്കി​ൽ എ​ത്തി​യ​ത്. ഇ​വ​ർ​ക്ക് മു​ക്കു​പ​ണ്ട​ത്തി​ന് മു​ക​ളി​ൽ 916 വ്യാ​ജ സീ​ൽ പ​തി​പ്പി​ച്ച​ത് നീ​ലേ​ശ്വ​ര​ത്തെ ഫാ​ൻ​സി ഷോ​പ്പ് ഉ​ട​മ ബി​ജു​വാ​ണ്. ബാ​ങ്ക് സെ​ക്ര​ട്ട​റി വി. ​മ​ധു​സൂ​ത​ന​ന്‍റെ പ​രാ​തി​യി​ലാ​ണ് പൊ​ലീ​സ് കേ​സെ​ടു​ത്ത​ത്. ഹോ​സ്ദു​ർ​ഗ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ്​ ചെ​യ്തു.