സ്വ​ത്വ​ബോ​ധ​ത്തെ ചോ​ദ്യ​ങ്ങ​ളാ​ലു​ല​ച്ച് ‘ഹ​യ​വ​ദ​ന’

തൃ​ശൂ​ർ: ഇ​ന്ത്യ​ൻ നാ​ട​ക​വേ​ദി എ​ക്കാ​ല​വും എ​ഴു​​ന്നേ​റ്റു​നി​ന്ന് കൈ​യ​ടി​ച്ചി​ട്ടു​ള്ള പേ​രു​ക​ളി​ൽ ഒ​ന്നാ​മ​തു​ള്ള​യാ​ളാ​ണ് ഗി​രീ​ഷ് ക​ർ​ണാ​ട്. ഹ​യ​വ​ദ​ന​യും നാ​ഗ​മ​ണ്ഡ​ല​യും യ​യാ​തി​യു​മൊ​ക്കെ എ​ത്ര​കാ​ലം പി​ന്നി​ട്ടാ​ലും പു​തി​യ മാ​ന​ങ്ങ​ൾ തീ​ർ​ത്തു​കൊ​ണ്ട് മു​ന്നേ​റും. ആ​ക്ട​ർ മു​ര​ളി തി​യ​റ്റ​റി​ൽ അ​ര​ങ്ങേ​റി​യ ‘ഹ​യ​വ​ദ​ന’ കാ​ഴ്ച​ക​ക്കാ​ർ​ക്ക് അ​പൂ​ർ​വ​മാ​യ തി​യ​റ്റ​ർ അ​നു​ഭ​വ​മാ​ണ് ന​ൽ​കി​യ​ത്.

ഭാ​വ​ന​ക്കും യാ​ഥാ​ർ​ഥ്യ​ത്തി​നും ഇ​ട​യി​ലൂ​ടെ മ​നു​ഷ്യ മ​ന​സ്സു​ക​ളെ കീ​ഴ്മേ​ൽ മ​റി​ക്കു​ന്ന ചി​ന്ത​ക​ളാ​ണ് നാ​ട​കം പ​ങ്കു​വെ​ച്ച​ത്. പ്ര​ശ​സ്ത സം​വി​ധാ​യി​ക നീ​ലാം മാ​ൻ​സി​ങ് ചൗ​ധ​രി​യു​ടെ 100 മി​നി​റ്റ് നീ​ണ്ട ഹി​ന്ദി നാ​ട​കം ബം​ഗ​ളൂ​രു​വി​ലെ ഭൂ​മി​ക ട്ര​സ്റ്റ് ആ​ണ് ഒ​രു​ക്കി​യ​ത്. ഗി​രീ​ഷ് ക​ർ​ണാ​ടി​ന്റെ ആ​ധു​നി​ക ക്ലാ​സി​ക് എ​ന്ന​റി​യ​പ്പെ​ടു​ന്ന ‘ഹ​യ​വ​ദ​ന’, സ്വ​ത്വ​ബോ​ധം, മ​നു​ഷ്യ​ന്റെ ദു​ർ​ബ​ല​ത എ​ന്നി​വ​യെ ചോ​ദ്യം ചെ​യ്തു​കൊ​ണ്ട് ‘ഞാ​ൻ ആ​രാ​ണ്?’ എ​ന്ന അ​ടി​സ്ഥാ​ന ചോ​ദ്യ​ത്തി​ലേ​ക്ക് പ്രേ​ക്ഷ​ക​രെ എ​ത്തി​ച്ചു.

നാ​ട​ക​ത്തി​ലു​ട​നീ​ളം പൂ​ർ​ണ​നാ​കാ​ൻ കൊ​തി​ക്കു​ന്ന ഒ​രു കു​തി​ര​ത്ത​ല​യു​ള്ള പു​രു​ഷ​ൻ, ത​ന്റെ സ​മ്പൂ​ർ​ണ​ത​യി​ലേ​ക്ക് മ​ട​ങ്ങു​ന്ന ഒ​രു ദൃ​ശ്യം പോ​ലെ നി​ല​നി​ന്നു. മ​നു​ഷ്യ​ന്റെ ആ​ത്മാ​ന്വേ​ഷ​ണ​ത്തി​ന് പു​തി​യ ദി​ശ​ക​ളും ചി​ന്ത​ക​ളും ചേ​ർ​ത്തു​വെ​ക്കു​ന്ന​താ​യി​രു​ന്നു നാ​ട​കം.

പാ​ട്ടു​ക​ൾ, സം​ഭാ​ഷ​ണ​ങ്ങ​ൾ, പാ​ര​മ്പ​ര്യ​വും പു​തു​മ​യും കൂ​ട്ടി​ച്ചേ​ർ​ത്ത ദൃ​ശ്യ​വ​ത്ക​ര​ണം എ​ന്നി​വ നാ​ട​ക​ത്തെ മി​ക​വു​റ്റ​താ​ക്കി. ‘പ്ര​തി​രോ​ധ​ത്തി​ന്റെ സം​സ്കാ​ര​ങ്ങ​ൾ’ എ​ന്ന ഇ​റ്റ്ഫോ​ക് പ്ര​മേ​യ​ത്തോ​ട് പൊ​രു​ത്ത​പ്പെ​ടു​ന്ന അ​വ​ത​ര​ണം, ന​ർ​മ​വും ശോ​ക​വും പ്ര​ണ​യ​വും അ​സൂ​യ​യും പ്ര​തീ​ക്ഷ​യും നി​രാ​ശ​യും സ​മ​ന്വ​യി​പ്പി​ച്ച്, ആ​ധു​നി​ക ത​ല​മു​റ​യു​ടെ ചി​ന്താ​ഗ​തി​ക​ളെ ആ​ഴ​ത്തി​ൽ സ്പ​ർ​ശി​ച്ചു എ​ന്ന​തി​ൽ ത​ർ​ക്ക​മി​ല്ല.