‘ഇ​ട​ശ്ശേ​രി​ക്കാ​റ്’ ഒ​രു പ്ര​തി​ച​രി​ത്ര വാ​യ​ന

‘ഒ​രി​ക്ക​ലും രാ​ജ​ല​ക്ഷ്മി​യാ​ക​രു​ത്. മാ​ധ​വി​ക്കു​ട്ടി​യു​മാ​വ​രു​ത്. കെ. ​സ​ര​സ്വ​തി​യ​മ്മ​യാ​യി​ത്ത​ന്നെ പ്ര​തി​ക​രി​ക്ക​ണം.’ കെ.​പി. രാ​മ​നു​ണ്ണി​യു​ടെ പു​ത്ത​ൻ ക​ഥാ​സ​മാ​ഹാ​ര​മാ​യ ഇ​ട​ശ്ശേ​രി​ക്കാ​റി​ലെ ‘മാ​ധ​വി​ക്കു​ട്ടി’ എ​ന്ന ക​ഥ​യി​ലേ​താ​ണ് ഈ ​ഭാ​ഗം. ജീ​വി​ത​ത്തി​ലു​ട​നീ​ളം ആ​ൺ​കോ​യ്മ​യു​ടെ ഇ​ര​യാ​യി ഉ​രു​കി​ത്തീ​രേ​ണ്ടി​വ​രു​ന്ന ഹൃ​ദ​യ​ങ്ങ​ൾ​ക്ക് സ്ത്രീ​സാ​ഹി​ത്യം ന​ൽ​കേ​ണ്ട ഉ​പ​ദേ​ശ​മാ​ണി​ത്.

രാ​ജ​ല​ക്ഷ്മി​യെ​പ്പോ​ലെ ഭ​യ​പ്പെ​ട്ട് പി​ന്മാ​റാ​തെ, മാ​ധ​വി​ക്കു​ട്ടി​യെ​പ്പോ​ലെ സ്വ​പ്ന​ലോ​ക​ങ്ങ​ളി​ലേ​ക്ക് ഊ​ളി​യി​ടാ​തെ, ക​ന​ത്ത മ​തി​ലു​ക​ൾ ഭേ​ദി​ക്കു​ന്ന പെ​ൺ​ബു​ദ്ധി​ക​ളാ​യി മു​ന്നേ​റ​ണം, സ​ര​സ്വ​തി​യ​മ്മ​യെ​പ്പോ​ലെ... എ​ന്നാ​ൽ ക​ഥാ​കൃ​ത്തി​നെ​പ്പോ​ലെ ഞാ​നും ആ​ഗ്ര​ഹി​ക്കു​ന്ന​ത് മാ​ധ​വി​ക്കു​ട്ടി​യെ​പ്പോ​ലെ സ്വ​പ്നം കാ​ണാ​നാ​ണ്.

ആ ​മാ​യി​ക ലോ​ക​ത്ത് വി​ഹ​രി​ക്കു​വാ​നാ​ണ്. പ​ക്ഷേ മാ​ധ​വി​ക്കു​ട്ടി​യാ​കു​ക എ​ന്ന​ത് അ​ത്ര​യെ​ളു​പ്പ​മ​ല്ല. അ​തി​നാ​യ് നി​ങ്ങ​ൾ ഭാ​വ​ന​യെ​ക്കൂ​ട്ടു​പി​ടി​ച്ച് ഉ​ന്മാ​ദ​ത്തി​നും സ്വ​പ്ന​ത്തി​നി​ട​യി​ലും സ​ഞ്ച​രി​ക്ക​ണം. ശൂ​ന്യ​ത​യി​ൽ കൃ​ഷ്ണ​നെ, നി​ങ്ങ​ളു​ടെ പ്രി​യ​പ്പെ​ട്ട കാ​മു​ക​നെ തേ​ട​ണം. മാ​ധ​വി​ക്കു​ട്ടി​ക്കേ അ​ത് സാ​ധി​ക്കൂ.

ദാ​മ്പ​ത്യ​മെ​ന്നാ​ൽ മൃ​ഗ​പ​രി​പാ​ല​ന​മെ​ന്നാ​ണ് ‘മാ​ധ​വി​ക്കു​ട്ടി’ എ​ന്ന ക​ഥ​യി​ലെ ക​ഥാ​പാ​ത്ര​മാ​യ സ​ര​സ്വ​തി​യ​മ്മാ​ൾ ത​ന്റെ ജീ​വി​ത​ത്തി​ലൂ​ടെ ക​ണ്ടെ​ത്തി​യ​ത്. ചീ​റി​യ​ടു​ക്കു​ന്ന മൃ​ഗ​ത്തെ ത​ഞ്ച​ത്തി​ൽ മെ​രു​ക്കി എ​ടു​ക്കു​ക എ​ന്ന​താ​ണ് നി​ങ്ങ​ളു​ടെ സാ​ഹ​സി​ക​മാ​യ ദൗ​ത്യം. യ​ഥാ​സ​മ​യം മൃ​ഗ​ത്തി​ന്റെ വി​ശ​പ്പി​നു​ള്ള​ത് ന​ൽ​കി​ക്ക​ഴി​ഞ്ഞാ​ൽ അ​വ​ർ സ്വ​ത​ന്ത്ര​യാ​ണ്.

അ​വ​ർ അ​വ​രു​ടേ​താ​യ ലോ​കം ക​ണ്ടെ​ത്തു​ന്നു, അ​തി​നെ സ്വ​ന്ത​മാ​ക്കു​ന്നു. ലോ​ക​ത്തെ​വി​ടെ​യും ത​ന്റെ സാ​ങ്ക​ൽ​പിക പ്ര​ണ​യ​ത്തെ ക​ണ്ടെ​ത്തി പ്ര​ണ​യി​ക്കു​ന്നു. ജീ​വി​ത​ത്തി​ന്റെ അ​ർ​ഥം ക​ണ്ടെ​ത്തു​ന്നു. അ​വ​ർ മാ​ധ​വി​ക്കു​ട്ടി​യാ​യി മാ​റു​ന്നു. ത​ന്റെ ഈ ​ജീ​വി​തം ര​ണ്ട് ത​ല​മു​റ​ക​ൾ ക​ട​ന്ന് ത​ന്റെ കൊ​ച്ചു​മ​ക​ൾ​ക്കും അ​വ​ർ സ​മ്മാ​നി​ക്കു​ന്നു.

ദാ​മ്പ​ത്യ​മെ​ന്ന ഊ​രാ​ക്കു​ടു​ക്കി​ൽ​പ്പെ​ട്ട് ശ്വാ​സം മു​ട്ടു​ന്ന കൊ​ച്ചു​മ​ക​ളും പാ​ട്ടി​യു​ടെ വ​ഴി​ത​ന്നെ സ്വീ​ക​രി​ച്ച് മൃ​ഗ​പ​രി​പാ​ല​നം തി​ര​ഞ്ഞെ​ടു​ക്കു​ന്നു. ശേ​ഷം കൊ​ച്ചു​മ​ക​ൾ മാ​ധു​വി​ന് മു​ന്നി​ലു​ള്ള ലോ​ക​ത്തെ വാ​യ​ന​ക്കാ​ർ​ക്ക് വി​ട്ടു​കൊ​ടു​ക്കു​ക​യാ​ണ്. പാ​ട്ടി​യു​ടെ ലോ​കം ത​ന്നെ​യാ​ണ് മാ​ധു​വും ജീ​വി​ക്കു​വാ​ൻ പോ​കു​ന്ന​ത്. മാ​ധ​വി​ക്കു​ട്ടി​യു​ടെ ലോ​കം. സ്വാ​ത​ന്ത്ര​ത്തി​ന്റെ, ഉ​ന്മാ​ദ​ത്തി​ന്റെ, സ്വ​പ്ന​ങ്ങ​ളു​ടെ വി​ശാ​ല​മാ​യ ലോ​കം.

മ​നു​ഷ്യ​ജീ​വി​ത​ത്തി​ന്റെ വൈ​രു​ധ്യ​ങ്ങ​ളെ​യും പ​രി​മി​തി​ക​ളെ​യും ഉ​യ​ിർ​ത്തെ​ഴു​ന്നേ​ൽ​പ്പു​ക​ളെ​യും സ്പ​ർ​ശി​ച്ചുപോ​കു​ന്ന ആ​റു ക​ഥ​ക​ളാ​ണ്, മാ​തൃ​ഭൂ​മി ബു​ക്സ് പ്ര​സി​ദ്ധീ​ക​രി​ച്ച കെ.​പി. രാ​മ​നു​ണ്ണി​യു​ടെ ‘ഇ​ട​ശ്ശേ​രി​ക്കാ​റ്’ എ​ന്ന ക​ഥാ​സ​മാ​ഹാ​ര​ത്തി​ലു​ള്ള​ത്.

സ്നേ​ഹം അ​തി​ന്റെ എ​ല്ലാ സീ​മ​ക​ളെ​യും ഭേ​ദി​ച്ച്, ഭൂ​മി​യി​ൽ ക​നി​വി​നും വാ​ത്സ​ല്യ​ത്തി​നും കൊ​തി​ക്കു​ന്ന ഹൃ​ദ​യ​ങ്ങ​ൾ​ക്ക് ശാ​ന്തി​ന​ൽ​കാ​ൻ വി​പ്ല​വം ജ​യി​ച്ച ക​ഥ ‘ജീ​വി​ത​ത്തി​ന്റെ പു​സ്ത​ക​ത്തി​ലൂ​ടെ’ പ​റ​ഞ്ഞ നോ​വ​ലി​സ്റ്റ് ക​ഥാ​ലോ​ക​ത്തേ​ക്കെ​ത്തു​മ്പോ​ൾ, ത​ന്റെ മു​ന്നി​ലു​ള്ള വ​ർ​ത്ത​മാ​ന​കാ​ല സ​മ​സ്യ​ക​ളെ​യും പൊ​ള്ള​ത്ത​ര​ങ്ങ​ളെ​യും ഗൗ​ര​വ​ക​ര​മാ​യി അ​ഭി​മു​ഖീ​ക​രി​ക്കു​ന്നു.

തൈ​ഹോ​ക്കു​വി​ലെ വി​മാ​ന അ​പ​ക​ടം ത​ട​യാ​ൻ ക​ഴി​ഞ്ഞി​രു​ന്നെ​ങ്കി​ൽ ഒ​രു​പ​ക്ഷേ ഇ​ന്ത്യാ മ​ഹാ​രാ​ജ്യം ര​ണ്ടാ​യി കീ​റി​മു​റി​ക്ക​പ്പെ​ടു​മാ​യി​രു​ന്നി​ല്ലെ​ന്ന് സം​വി​ധാ​യ​ക​ൻ മ​ഹേ​ഷ്‌ മേ​നോ​ൻ ത​ന്റെ ഭാ​വ​ന​യു​ടെ വെ​ള്ളി​ത്തി​ര​യി​ൽ ഉ​റ​പ്പി​ക്കു​ന്നു. അ​ത് ച​ല​ച്ചി​ത്ര​മാ​ക്കി ആ​ധു​നി​ക ഇ​ന്ത്യ​യു​ടെ ശി​ഥി​ല​മാ​യ മാ​റി​ട​ത്തി​ലേ​ക്ക് സ​മ​ർ​പ്പി​ക്കു​ന്നു. മ​ഹാ​ത്മ​ജി​യാ​യി ചി​ത്ര​ത്തി​ൽ വേ​ഷ​മി​ടു​ന്ന മ​ജീ​ദ് ഭാ​യി ടീ​മി​ൽ പ്ര​ധാ​നി​ക​ളെ​ല്ലാം മു​സ്‌​ലി​ംക​ളും സു​ഭാ​ഷ് ച​ന്ദ്ര​ബോ​സ് ആ​യി അ​ഭി​ന​യി​ക്കു​ന്ന മ​നോ​ഹ​ർ മാ​ര​ൻ ടീ​മി​ൽ പ്ര​മു​ഖ​രെ​ല്ലാം ഹി​ന്ദു​ക്ക​ളും.

കാ​സ്റ്റി​ങ്ങി​ൽ ഇ​വ​രെ ഒ​രു​മി​പ്പി​ക്കു​ക എ​ന്ന​തി​ലൂ​ടെ ക​ഥാ​കൃ​ത്ത് ബോ​ധ​പൂ​ർ​വം ശ്ര​മി​ക്കു​ന്ന​ത് ഹി​ന്ദു-​മു​സ്‍ലിം ഒ​രു​മ​ക്ക് ഗാ​ന്ധി-​സു​ഭാ​ഷ് ച​ന്ദ്ര​ബോ​സ് സ​മാ​ഗ​മം അ​നി​വാ​ര്യ​മാ​യി​രു​ന്നു എ​ന്നുത​ന്നെ​യാ​ണ്. ല​ക്ഷ്യ​മൊ​ന്നാ​യി​രു​ന്നെ​ങ്കി​ലും ബാ​പ്പു​വി​ന്റെ​യും നേ​താ​ജി​യു​ടെ​യും പ്ര​വ​ർ​ത്ത​നരീ​തി​ക​ൾ വ്യ​ത്യ​സ്ത​മാ​യി​രു​ന്നു എ​ന്ന് ച​രി​ത്രം പ​റ​യു​ന്നു. എ​ന്നാ​ൽ, ആ ​വൈ​രു​ധ്യ​ങ്ങ​ളു​ടെ ഭൂ​മി​ക​യി​ൽ​നി​ന്നു​കൊ​ണ്ടു​ള്ള പ്ര​തി​ച​രി​ത്ര സൃ​ഷ്ടി​യാ​ണ് ‘ബാ​പ്പു​ജി​യും നേ​താ​ജി​യും’ എ​ന്ന ക​ഥ.

ബാ​പ്പു​വി​ന്റെ​യും നേ​താ​ജി​യു​ടെ​യും ആ​ശ​യ​ങ്ങ​ളി​ലൂ​ടെ ഇ​ന്ത്യാ രാ​ജ്യ​ത്തെ പു​തു​ക്കി​പ്പ​ണി​യാ​ൻ ത​യാ​റാ​കു​ന്ന ക​ഥാ​കൃ​ത്തി​ന്റെ ഉ​ള്ളി​ൽ, ഒ​ന്നു​കി​ൽ താ​ൻ ബാ​പ്പു​ജി​യു​ടെ​യും നേ​താ​ജി​യു​ടെ​യും ഡ​ൽ​ഹി​യി​ലെ​ത്തും അ​ല്ലെ​ങ്കി​ൽ ഭ്രാ​ന്താ​ശു​പ​ത്രി​യി​ൽ എ​ന്ന ചി​ന്ത ഉ​ണ​രു​ന്നു​ണ്ട്. വ​ർ​ത്ത​മാ​ന​കാ​ല രാ​ഷ്ട്രീ​യ ആ​രാ​ജ​ക​ത്വ​ത്തി​ന്റെ ശേ​ഷി​പ്പു​ക​ളാ​ണ് ക​ഥാ​നാ​യ​ക​ന്റെ ഈ ​ചി​ന്ത​ക്ക് കാ​ര​ണം.

മ​ല​ബാ​ർ ക​ലാ​പ​ത്തി​ൽ ത​ക​ർ​ക്ക​പ്പെ​ട്ട ന​മ്പൂ​തി​രി മ​ന​ക​ളി​ലൊ​ന്നി​ൽ​നി​ന്ന് ചാ​ത്ത​ന്റെ ചാ​ള​യി​ലേ​ക്ക് ഓ​ടി​ക്ക​യ​റി​യ സാ​വി​ത്രി​യു​ടെ പി​ൻ​മു​റ​കാ​രി സ​ബി​ത ന​മ്പൂ​തി​രി, സാ​വി​ത്രി​ക്ക് ക​ഴി​യാ​തെ പോ​യ ദൗ​ത്യം സ്വ​യം പൂ​ർ​ത്തീ​ക​രി​ക്കു​ന്നു. കീ​ഴാ​ള​നാ​യ ചാ​ത്ത​നി​ൽ​നി​ന്ന് പി​റ​വി​യു​ടെ ബീ​ജം മു​ള​പ്പി​ച്ചെ​ടു​ക്കാ​ൻ സാ​വി​ത്രി​ക്ക് ക​ഴി​ഞ്ഞി​ല്ല, അ​ല്ല സ​മൂ​ഹ​ത്തി​ന്റെ സ​വ​ർ​ണ പു​രു​ഷാ​ധി​പ​ത്യം അ​തി​ന് അ​നു​വ​ദി​ച്ചി​ല്ല.

ത​ന്റെ സ​മു​ദാ​യം ച​രി​ത്ര​ത്തോ​ടും കീ​ഴാ​ള​രോ​ടും ചെ​യ്ത തെ​റ്റി​നെ തി​രു​ത്താ​ൻ, സ​മൂ​ഹ​ത്തി​ലെ ഏ​റ്റ​വും പി​ന്നാ​ക്കം നി​ൽ​ക്കു​ന്ന പ​നി​യാ​റി ഗോ​ത്ര​വി​ഭാ​ഗ​ത്തി​ൽ പി​റ​ന്ന പു​നീ​ത് കു​മാ​റി​ൽ​നി​ന്നും സ​ബി​ത ന​മ്പൂ​തി​രി ഗ​ർ​ഭ​മേ​റ്റ് വാ​ങ്ങു​ന്നു. ന​മ്പൂ​തി​രി ഇ​ല്ല​ങ്ങ​ളി​ൽ നി​ല​നി​ന്നി​രു​ന്ന പു​രു​ഷാ​ധി​പ​ത്യ​ത്തി​ന്റെ അ​സ​ഹ്യ​മാ​യ അ​ടി​മ​ത്ത​ത്തി​ൽ വ​ല​ഞ്ഞി​രു​ന്ന സ്ത്രീ​ത്വ​ത്തി​ന്റെ പ്ര​തി​കാ​രം കൂ​ടെ​യാ​ണ് സ​ബി​ത ന​മ്പൂ​തി​രി​യു​ടെ പ്ര​തി​ക​ര​ണം. ത​ന്റെ അ​നു​വാ​ദ​മി​ല്ലാ​തെ ത​ന്നി​ലെ കീ​ഴാ​ള​ഭ്രൂ​ണ​ത്തെ ന​ശി​പ്പി​ക്കാ​ൻ ത​ന്നി​ലേ​ക്ക് ക​ട​ന്ന് വ​ന്ന ആ​ശ്വി​നോ​ട്‌ ‘യൂ ​പീ​പ്​ൾ ഷു​ഡ് അ​പ്പോ​ള​ജൈ​സ്’ എ​ന്ന സ​ബി​ത​യു​ടെ മ​റു​പ​ടി കാ​ല​ങ്ങ​ൾ​ക്ക​പ്പു​റം നി​ന്ന് സാ​വി​ത്രി​യും ത​ന്റെ സ​മൂ​ഹ​ത്തോ​ട് വി​ളി​ച്ചു പ​റ​യ​ണ​മെ​ന്ന് വാ​യ​ന​ക്കാ​ർ ആ​ഗ്ര​ഹി​ക്കു​ന്നു.

മൂ​ല്യ​ത്ത​ക​ർ​ച്ച​യി​ലേ​ക്ക് വ​ഴു​തി​വീ​ഴു​ന്ന ലോ​ക​ത്തെ, ഇ​ട​ശ്ശേ​രി​യ​ൻ ദ​ർ​ശ​ന​ങ്ങ​ളി​ലൂ​ടെ തി​രി​കെ പി​ടി​ക്കാ​നാ​ണ്, ഇ​ട​ശ്ശേ​രി​യു​ടെ കൊ​ച്ചു​മ​ക​ൻ, മ​ഹാ​ക​വി​യു​ടെ പ​ഴ​യ 1955 മോ​ഡ​ൽ സ്റ്റാ​ൻ​ഡേ​ഡ് കാ​റും അ​ന്വേ​ഷി​ച്ച് ഇ​റ​ങ്ങു​ന്ന​ത്. ജീ​വി​ത​ത്തി​ൽ ഉ​ത്ത​രം കി​ട്ടാ​തെ സ്വ​യം കു​ഴ​ങ്ങു​ന്ന സ​ന്ദ​ർ​ഭ​ങ്ങ​ളി​ൽ മ​ഹാ​ക​വി​യു​ടെ ആ​ശ​യ​ലോ​കം കൊ​ച്ചു​മ​ക​നു​മു​ന്നി​ൽ വി​ശാ​ല​മാ​കു​ന്നു. ഇ​ട​ശ്ശേ​രി​യു​ടെ ആ​ശ​യ​ങ്ങ​ൾ വ​ർ​ത്ത​മാ​ന​കാ​ല​ത്തും പ്ര​സ​ക്ത​മാ​ണ് എ​ന്ന ചി​ന്ത​യി​ലാ​ണ് ‘ഇ​ട​ശ്ശേ​രി​ക്കാ​റ്’​ എന്ന ​ക​ഥ രൂ​പ​പ്പെ​ട്ടി​രി​ക്കു​ന്ന​ത്.

ഇ​ത​ര ജീ​വി​ക​ൾ​ക്ക് സ​മാ​ധാ​ന​ത്തോ​ടെ സ​ന്തോ​ഷ​ത്തോ​ടെ ഭൂ​മി​യി​ൽ ജീ​വി​ക്ക​ണ​മെ​ങ്കി​ൽ മ​നു​ഷ്യ​ർ ഭൂ​മി​യി​ൽ​നി​ന്നും ഒ​ഴി​വാ​ക​ണം എ​ന്നാ​ഗ്ര​ഹി​ക്കു​ക​യാ​ണ് ‘ഇ​വാ​ക്യു​വേ​റ്റ്, ഇ​വാ​ക്യു​വേ​റ്റ് ഇ​വാ​ക്യു​വേ​റ്റ്’ എ​ന്ന ക​ഥ​യി​ലെ എ​യ​ർ​ഹോ​സ്റ്റ​സ് സു​നി​ഷ. ത​നി​ക്ക് ചു​റ്റും നി​ൽ​ക്കു​ന്ന മ​നു​ഷ്യ​രു​ടെ കാ​പ​ട്യ​വും സ്വാ​ർ​ഥ​ത​യും ആ​ത്മാ​ർ​ഥ​ത ല​വ​ലേ​ശം തൊ​ട്ടു തീ​ണ്ടാ​ത്ത വാ​ക്കു​ക​ളും പ്ര​വൃ​ത്തി​ക​ളും സു​നി​ഷ​യെ ഇ​ത്ത​ര​ത്തി​ലൊ​രു ചി​ന്ത​യി​ലെ​ത്തി​ക്കു​ന്നു.

ലൗ, ​ലൈ​ക്‌ തു​ട​ങ്ങി​യ സം​ജ്ഞ​ക​ളൊ​ക്കെ ആ​വ​ശ്യാ​നു​സ​ര​ണം ആ​ത്മ​സു​ഖ​ത്തി​നാ​യ് എ​ടു​ത്ത് പ്ര​യോ​ഗി​ക്കു​ന്ന​വ​യാ​യി മാ​റു​ന്ന​ത്, ക​റ​ക​ള​ഞ്ഞ സ്നേ​ഹം ക​ണ്ടു വ​ള​ർ​ന്ന സു​നി​ഷ​ക്ക് അ​സ​ഹ്യ​മാ​യി തോ​ന്നു​ന്നു. ഇ​ത്ത​ര​ത്തി​ലു​ള്ള മ​നു​ഷ്യ​ർ പെ​റ്റുപെ​രു​കു​ന്ന​ത് ഭൂ​മി​യു​ടെ നി​ല​നി​ൽ​പി​നെ​ത്ത​ന്നെ ബാ​ധി​ക്കു​മെ​ന്ന​വ​ൾ ഭ​യ​ക്കു​ന്നു. ഒ​രു​പ​ക്ഷേ മ​ര​ണ​ത്തി​ലേ​ക്ക് കൂ​സ​ലി​ല്ലാ​തെ എ​ടു​ത്തുചാ​ടി ഭൂ​മി​യെ ര​ക്ഷി​ക്കാ​ൻ അ​വ​ളെ പ്രേ​രി​പ്പി​ച്ച​തും ഈ ​ചി​ന്തത​ന്നെ​യാ​ക​ണം.

സ​മൂ​ഹ​ത്തി​ലെ പ​ല അ​ധി​കാ​ര വ്യ​വ​സ്ഥ​ക​ളോ​ടും ആ​ൾ​ബ​ല​ങ്ങ​ളോ​ടും ഒ​രേ​സ​മ​യം ക​ല​ഹി​ക്കു​ക​യും പ്ര​തി​ക​രി​ക്കു​ക​യും ചെ​യ്യു​ന്ന​വ​യാ​ണ് ‘ഇ​ട​ശ്ശേ​രി​ക്കാ​റി’​ലെ ക​ഥ​ക​ൾ. അ​വ​യി​ൽ ച​രി​ത്ര​ത്തി​ന്റെ ഏ​ടു​ക​ളു​ണ്ട്. വാ​ർ​ത്ത​മാ​ന​ത്തി​ന്റെ സ​മ​സ്യ​ക​ളു​ണ്ട്. ഭാ​വി​യു​ടെ ആ​കു​ല​ത​ക​ളു​മു​ണ്ട്.

.