മൃ​ഗ​ങ്ങ​ളെ വാ​യി​ച്ച​പ്പോ​ൾ

കേ​ര​ള ച​രി​ത്രം പ​രി​ച​രി​ച്ച് പോ​ന്നി​രു​ന്ന ഗ​തകാ​ല ച​രി​ത്ര ആ​ഖ്യാ​ന​ങ്ങ​ൾ​ക്കു​ പു​റ​മെ ച​രി​ത്ര​ത്തി​ൽ വേ​റി​ട്ടൊ​രു അ​ന്വേ​ഷ​ണ​രീ​തി പ​രി​ച​യ​പ്പെ​ടു​ത്തു​ക​യാ​ണ് മ​ഹ്മൂ​ദ് കൂരി​യ എ​ഴു​തി​യ ‘മൃ​ഗ​ക​ലാ​പം’ എ​ന്ന പു​സ്ത​കം. ഈ ​പു​സ്‌​ത​കം പ്ര​ധാ​ന​മാ​യും മ​ല​ബാ​ർ സ​മ​ര​ങ്ങ​ളു​ടെ ച​രി​ത്ര​ത്തി​ൽ മ​നു​ഷ്യ​നെ കേ​ന്ദ്ര ക​ഥാ​പാ​ത്ര​മാ​ക്കു​ന്ന​തി​ന് പ​ക​രം മൃ​ഗ​ങ്ങ​ളെ നാ​യ​ക​വേ​ഷം അ​ണി​യി​ച്ചു​കൊ​ണ്ടു​ള്ള പ​ഠ​ന​മാ​ണ് ല​ക്ഷ്യം വെക്കുന്ന​ത്.

നീ​ണ്ട മ​ല​ബാ​ർ സ​മ​ര​കാ​ല​ത്ത് നേ​രി​ട്ടോ അ​ല്ലാ​തെ​യോ ക​ലാ​പ​ങ്ങ​ളി​ൽ പ​ങ്കു​ചേ​ർ​ന്ന മൃ​ഗ​ങ്ങ​ളെ ച​രി​ത്ര​ത്താ​ളു​ക​ളി​ൽ നി​ന്ന് ക​ണ്ടെ​ത്തി, മൃ​ഗ​ചു​റ്റു​പാ​ടു​ക​ളു​മാ​യി ബ​ന്ധ​പ്പെ​ടു​ത്തി മ​ല​ബാ​റി​ലെ ക​ലാ​പ​ങ്ങ​ളെ, സ​മ​ര​പോ​രാ​ളി​ക​ളെ, അ​ധി​നി​വേ​ശ ബ്രി​ട്ട​നെ, ബ്രി​ട്ട​ൻ സേ​ന​യെ, എ​ഴു​ത്തു​കാ​ര​ൻ വാ​യി​ച്ചെ​ടു​ക്കു​മ്പോ​ൾ, ഈ ​പു​സ്‌​ത​കം വാ​യി​ക്കു​ന്ന വാ​യ​ന​ക്കാ​ർ​ക്ക് പു​തി​യ വാ​യ​ന​നു​ഭ​വം ല​ഭി​ക്കു​ക​യാ​ണ്.

ഈ ​ക​ഴി​ഞ്ഞ കാ​ലം​വ​രെ ന​മ്മു​ടെ സാ​മൂ​ഹി​ക ചു​റ്റു​പാ​ടു​ക​ളി​ൽ, ദൈ​നം​ദി​ന പ്ര​ക്രി​യ​യി​ൽ പ്ര​ധാ​ന സ്ഥാ​നം അ​ല​ങ്ക​രി​ക്കു​ന്ന മൃ​ഗ​ങ്ങ​ൾ, എ​ന്തി​ന് ഈ ​കാ​ല​ത്തും നാം ​സ​ഹാ​യ ഹ​സ്‌​ത​ങ്ങ​ൾ അ​വ​ർ​ക്ക് നേ​രെ നീ​ട്ടു​മ്പോ​ഴും ന​മ്മു​ടെ ച​രി​ത്ര​ങ്ങ​ൾ മ​നു​ഷ്യകേ​ന്ദ്രീ​കൃ​ത​മാ​യി പ്ര​വ​ർ​ത്തി​ച്ചു​കൊ​ണ്ടി​രു​ന്നു. കേ​ര​ള​ത്തെ, മ​ല​ബാ​ർ ച​രി​ത്ര​ത്തെ, മൃ​ഗ​ങ്ങ​ളെ കൊ​ണ്ട് പു​ന​ർ​നി​ർ​മി​ക്കു​ക​യാ​ണ് ച​രി​ത്ര​കാ​ര​ൻ.

പ്രാ​ദേ​ശി​ക​വു​മാ​യി ഒ​ത്തി​ണ​ങ്ങി​യ ക​ന്നു​കാ​ലി​ക​ളും ആ​ന​ക​ളും നാ​യ​ക​ളും ഉ​ൾ​ക്കൊ​ള്ളു​ന്ന​തി​നോ​ടൊ​പ്പം, ബ്രി​ട്ട​ൻ ഇ​റ​ക്കു​മ​തി​ക​ളാ​യ ക​ഴു​ത​ക​ളും, കു​തി​ര​ക​ളും ക​ട​ന്നു വ​രു​ന്നുണ്ട്. സൂ​ചി​പ്പി​ക്ക​പ്പെ​ട്ട ഓ​രോ മൃ​ഗ​ത്തിനും ഓ​രോ അ​ധ്യാ​യം പു​സ്‌​ത​ക​ത്തി​ൽ എ​ഴു​ത്തു​കാ​ര​ൻ മാ​റ്റി​വെ​ക്കു​മ്പോ​ൾ ഓ​രോ മൃ​ഗത്തെക്കു​റി​ച്ചും ഗ്ര​ന്ഥ​കാ​ര​ൻ ന​ട​ത്തി​യ പ​ഠ​ന​ത്തി​ന്റെ ആ​ഴ​വും അ​ന്വേ​ഷ​ണ​ത്തി​ന്റെ പ​ര​പ്പും തെ​ളി​യു​ന്നു.

സ​മ​ര​കാ​ല​ങ്ങ​ളോ​ടും സ​മ​കാ​ലിക വി​വ​ര​ണ​ങ്ങ​ളോ​ടും നീ​തി​പു​ല​ർ​ത്താ​ൻ പു​സ്‌​ത​ക​ത്തി​ൽ 1930ന് ​മു​മ്പു​ള്ള ഉ​റ​വി​ട​ങ്ങ​ളാ​ണ് ഉ​ൾ​പ്പെ​ടു​ത്തി​യി​രി​ക്കു​ന്ന​ത്. അ​തി​ൽ അ​ധി​ക​വും കേ​ര​ളേ​ത​ര ഉ​റ​വി​ട​ങ്ങളാ​ണ്. ഓ​രോ പ​രാ​മ​ർ​ശ​ത്തി​നും സൂ​ചി​ക​ക​ൾ ന​ൽ​കി ഉ​റ​വി​ട​ങ്ങ​ൾ വ്യ​ക്ത​മാ​ക്കി ക​ട​ന്നു​പോ​യ പു​സ്‌​ത​ക​ത്തി​ൽ എ​ഴു​ത്തു​കാ​ര​ൻ ന​ട​ത്തി​യ പ്ര​യ​ത്നം ശ്ലാ​ഘ​നീ​യം. അ​തി​നു​പു​റമെ വാ​യ​ന​ക്കാ​രു​ടെ ആ​സ്വാ​ദ​ന​ത്തി​ന് കോ​ട്ടംത​ട്ടാ​തെ​യു​ള്ള വ​രി​യി​ലെ ഒ​ഴു​ക്കും വാ​യ​ന​യെ ത്ര​സി​പ്പി​ക്കു​ന്നു.

സാ​മൂ​ഹിക പ്ര​ത​ല​ത്തി​ൽ ഇ​പ്പോ​ഴും ത​ങ്ങി​നി​ൽ​ക്കു​ന്ന പ​രാ​മ​ർ​ശ​ങ്ങ​ളു​ടെ​യും ആ​ചാ​ര​ങ്ങ​ളു​ടെ​യും ച​രി​ത്ര ഉ​ദ്ധ​ര​ണി​യും പ​ഴ​യ​കാ​ല മാ​പ്പി​ള​പ്പാ​ട്ടു​ക​ളും അ​തി​ന്റെ സാ​രാം​ശ​ങ്ങ​ളും ക​വി​ത​ക​ൾ ചേ​ർ​ത്ത​തും, പ്ര​ത്യേ​കി​ച്ച് അ​വ​സാ​ന അ​ധ്യാ​യ​ത്തി​ലെ ‘പൂ​ച്ച​വ​ധം മു​ത​ൽ എ​ലി​പ്പ​ട വ​രെ’ എ​ന്ന മോ​യി​ൻ​കു​ട്ടി വൈ​ദ്യ​രു​ടേ​തെ​ന്ന് ക​രു​ത​പ്പെ​ടു​ന്ന വ​രി​ക​ളി​ലൂ​ടെ​യു​ള്ള പ​ഠ​ന​വും വാ​യ​ന​ക്കാ​രി​ൽ കൗ​തു​ക​മു​ണ്ടാ​ക്കു​ന്ന​താ​ണ്.

വാ​യ​ന പൂ​ർ​ത്തീ​ക​ര​ണ​ത്തോ​ടെ വാ​യ​ന​ക്കാ​രെ പു​തി​യ വീ​ക്ഷ​ണ​കോ​ണി​ലൂ​ടെ ച​രി​ത്ര​ത്തെ സ​മീ​പി​ക്കാ​നും, ചി​ന്തി​പ്പി​ക്കാ​നും വ​ഴി​യൊ​രു​ക്കു​ന്നു. ച​രി​ത്ര​ത്തി​ൽ അ​ട​യാ​ള​പ്പെ​ടു​ത്താ​തെ ക​ട​ന്നു​പോ​യ​തി​നെ തേ​ടി​പ്പി​ടി​ക്കാ​ൻ പ്ര​ചോ​ദി​പ്പി​ക്കു​ക​യും, ച​രി​ത്ര​ത്തെ​ പു​ന​ർ​വി​ചി​ന്ത​നം ന​ട​ത്താ​ൻ പ്രേ​രി​പ്പി​ക്കു​ക​യും ചെ​യ്യു​ന്ന​തു​കൂ​ടി​യാ​ണ് പു​സ്ത​കം.