അ​മ്മ​യു​ടെ പ്ര​തിവി​പ്ല​വം

വി​മോ​ച​ന വി​പ്ല​വ സ​മ​ര​ത്തി​നാ​യി ജീ​വി​തം മാ​റ്റി​വെ​ച്ച​വ​രു​ടെ വീ​ട​ക​ങ്ങ​ളി​ൽ ജീ​വി​ക്കാ​ൻ വേ​ണ്ടി പൊ​രു​തി​യ പെ​ണ്ണി​ന് ആ ​പോ​രാ​ട്ട​ത്തി​ലെ സം​ഭാ​വ​നയെ​ന്താ​ണ്. സ​മ​രച​രി​ത്ര​ത്തി​ൽ അ​വ​ളു​ടെ ജീ​വി​ത​ത്തെ എ​ത്ര​ത്തോ​ളം അ​ട​യാ​ള​പ്പെ​ടു​ത്തി​യി​ട്ടു​ണ്ട്. ച​രി​ത്ര​ത്തി​ൽ ഇ​ടം​പി​ടി​ച്ച വി​പ്ല​വകാ​രി​ക​ളു​​ടെ കു​ടും​ബി​നി​ക​ൾ അ​നു​ഭ​വി​ച്ച സ​മാ​ന​ത​ക​ളി​ല്ലാ​ത്ത ത്യാ​ഗ​ത്തെ എ​ങ്ങ​നെ​യാ​ണ് രേ​ഖ​പ്പെ​ടു​ത്തി​യി​ട്ടു​ള്ള​ത്. ക​മ്യൂ​ണി​സം അ​തി​ന്റെ രാ​ഷ്ട്രീ​യ വാ​യ​ന ആ​രം​ഭി​ച്ച് നൂ​റ്റാ​ണ്ടു​ക​ൾ പി​ന്നി​ട്ടി​ട്ടും ഈ ​ചോ​ദ്യ​ങ്ങ​ൾ​ക്കു​ള്ള ഉ​ത്ത​രം ക​മ്യൂണി​സ്റ്റ് പാ​ർ​ട്ടി​യെ വ​രി​ഞ്ഞി​ട്ടു​മു​റു​ക്കി​യ ആ​ണ​ധി​കാ​ര​ത്തി​ന്റെ ച​വി​ട്ട​ടി​യി​ൽ​ത​ന്നെ ഉ​റ​പ്പി​ച്ചി​രി​ക്കു​ന്നു​വെ​ന്ന​താ​ണ് യാ​ഥാ​ർ​ഥ്യം. ഈ ​യാ​ഥാ​ർ​ഥ്യം ഉ​റ​വ​പൊ​ട്ടി തെ​ളി​ഞ്ഞു​നി​ൽ​ക്കു​ന്ന​താ​ണ് മാ​ധ​വ​ൻ​ പു​റ​ച്ചേ​രി​യു​ടെ ‘അ​മ്മ​യു​ടെ ഓ​ർ​മപ്പുസ്ത​കം’.

പോ​രാ​ട്ട​ങ്ങ​ൾ​ക്ക് പ്ര​തി​ഫ​ലം അ​ധി​കാ​ര​മാ​കു​മ്പോ​ൾ അ​തി​ന് കൂ​ട്ടു​നി​ന്ന സ്ത്രീ ​പി​ന്നെ​യും അ​ധി​കാ​ര​ത്തി​ന്റെ അ​ടു​ക്ക​ള പു​റ​ത്തു​ത​ന്നെ​യെ​ന്നാ​ണ് വ​ർ​ത്ത​മാ​ന​വും. ക​വി മാ​ധ​വ​ൻ​ പു​റ​ച്ചേ​രി​യു​ടെ ഈ​പു​സ്ത​കം വി​പ്ല​വ ച​രി​ത്ര​ത്തി​ലെ ആ​ൺ അ​ട​യാ​ളങ്ങളുടെ പൂ​ർ​ണാ​ധി​ക​ാര​ത്തെ പൂ​ർ​ണ​മാ​യും ത​ള്ളി​ക്കള​യു​ന്നു. അ​തി​ൽ സ്ത്രീ​യു​ടെ ജീ​വ​ത്യാ​ഗം എ​ഴു​​തി​ച്ചേർ​ക്കാ​ത്ത​ത് എ​ന്ത് എ​ന്ന ചോ​ദ്യം ഉ​ന്ന​യി​ക്കു​ന്നു. വ​ട​ക്കേ മ​ല​ബാ​റി​ലെ ക​മ്യൂ​ണി​സ്റ്റ് ക​ർ​ഷ​ക പേ​ാരാ​ട്ട​ങ്ങ​ളി​ൽ ഇ.​കെ. നാ​യ​നാ​ർ​ക്കും കെ.​എ. കേ​ര​ളീ​യ​നും വി​ഷ്ണു ഭാ​ര​തീ​യ​നും സി. ​അ​ച്യു​ത​ മേ​നോ​നു​മൊ​പ്പം പ്ര​വ​ർ​ത്തി​ച്ച വ​ട​ക്കി​ല്ലം ഗോ​വി​ന്ദ​ൻ ന​മ്പൂ​തി​രി​യു​ടെ മ​ക​നാ​ണ് ക​വികൂ​ടി​യാ​യ മാ​ധ​വ​ൻ പു​റ​ച്ചേ​രി. അ​മ്മ ഗം​ഗ അ​ന്ത​ർ​ജ​നം. അ​ച്ഛ​ന്റെ ച​രി​ത്ര​ത്തി​നും പോ​രാ​ട്ട​ത്തി​നും പ​രി​ക്കേ​ൽ​ക്കാ​തെ അ​മ്മ ന​ട​ത്തി​യ പ​രോ​ക്ഷ​മാ​യ പ്ര​തി​വി​പ്ല​വ​ത്തി​ന്റെ സ്മ​ര​ണ​ക​ളാ​ണ് ഈ ​പു​സ്ത​കം. പോ​രാ​ട്ട​ങ്ങ​ളെ ഒ​രു മു​ഖ​ഭാ​വം കൊ​ണ്ടു​പോ​ലും ചോ​ദ്യം ചെ​യ്യാ​തെ അ​മ്മ ന​ട​ത്തി​യ, സ്മാ​ര​കം പ്ര​തീ​ക്ഷി​ക്കാ​ത്ത പോ​രാ​ട്ടം. ജ​ന്മിത്തം പ​ടി​യി​റ​ങ്ങി വ​ർ​ണ​വ്യ​വ​സ്ഥ ത​ക​ർ​ന്ന​പ്പോ​ൾ വ​ട​ക്കി​ല്ല​ത്തേ​ക്ക് പ​ടി​ക​യ​റി​വ​ന്ന സ​മ്പ​ന്ന​മാ​യ പ​ട്ടി​ണി​യി​ൽ ഒ​ര​മ്മ മ​ക്ക​ളെ പോ​റ്റാ​ൻ ത​ന്നോ​ടു​ത​ന്നെ ന​ട​ത്തി​യ യു​ദ്ധ​ത്തി​ന്റെ കാ​ണ്ഡ​മാ​ണ് ഈ ​പു​സ്ത​കം. അ​ത് വി​പ്ല​വകാ​രി​യു​ടെ ജീ​വി​തം, കു​ടും​ബ ബ​ന്ധം, ക​മ്യൂ​ണി​സ്റ്റ് പാ​ർ​ട്ടി​യു​ടെ ച​രി​ത്രം എ​ന്നി​വ​ക്ക​പ്പു​റ​ത്ത് കേ​ര​ളം​ ക​ണ്ട ഏ​റ്റ​വും ശ​ക്ത​മാ​യ സ്ത്രീ​പ​ക്ഷ ച​രി​ത്രം കൂ​ടി​യാ​ണ്.

നി​ങ്ങ​ളി​ൽ മ​നു​ഷ്യ​ൻ ബാ​ക്കി​യു​ണ്ടെ​ങ്കി​ൽ ക​ണ്ണു​ന​ന​യാ​തെ ഈ ​പു​സ്ത​കം മു​ഴു​മി​പ്പി​ക്കാ​നാ​വി​ല്ല. ഒ​രു ക​വി​യു​ടെ ഭാ​ഷാ​ലാ​വ​ണ്യം പൂ​ർ​ണ​മാ​യും പ്ര​യോ​ഗി​ച്ച് അ​നു​ഭ​വ​ങ്ങ​ളു​ടെ ആ​ഴ​ങ്ങ​ൾ രേ​ഖ​പ്പെ​ടു​ത്തി​യ പു​സ്ത​ക​മാ​ണി​ത്. അ​മ്മ​യെ​ക്കു​റി​ച്ച് എ​ഴു​താ​ൻ ഭാ​ഷ​യെ വെ​ല്ലു​വി​ളി​ക്ക​ണം. അ​മ്മ​യോ​ടു​ള്ള സ്നേ​ഹ​ത്തി​ന്റെ ആ​ഴം അ​ട​യാ​ള​പ്പെ​ടു​ത്ത​ണ​മെ​ങ്കി​ൽ ഭാ​ഷ​യും അ​ത്ര​ത്തോ​ളം ആ​ഴ​ത്തി​ൽ ഇ​റ​ങ്ങ​ണം. അ​മ്മ​യോ​ടു​ള്ള സ്നേ​ഹ​വും അ​മ്മ​യ​നു​ഭ​വി​ച്ച യാ​ത​ന​യും നേ​രി​ട്ട വെ​ല്ലു​വി​ളി​ക​ളും ദാ​രി​ദ്ര്യ​വും അ​നി​ത​ര സാ​ധാ​ര​ണ​മാ​യ ഭാ​ഷ​കൊ​ണ്ട് അ​ട​യാ​ള​പ്പെ​ടു​ത്തി​യ അ​നു​പ​മ ഗ്ര​ന്ഥ​മാ​യി ഈ ​പു​സ്ത​ക​ത്തെ കാ​ണു​ന്നു. മൂ​ന്നു മാ​ന​ങ്ങ​ളാ​ണ് ഈ ​പു​സ്ത​ക​ത്തി​ൽ പ്ര​ധാ​ന​മാ​യും കാ​ണു​ന്ന​ത്. ഒ​ന്ന്, അ​മ്മ​യെ​ന്ന അ​നു​ഭ​വ​ത്തെ ഭാ​ഷ​കൊ​ണ്ട് അ​ട​യാ​ള​പ്പെ​ടു​ത്തു​ക​യെ​ന്ന സാ​ഹി​ത്യ​ത​ലം. ര​ണ്ട്, ആ​ൺ​ കോ​യ്മ​യാ​ൽ രേ​ഖ​പ്പെ​ടു​ത്ത​പ്പെ​ട്ട വി​പ്ല​വ ച​രി​ത്ര​ര​ച​ന​ക​ളെ നി​ഷ്ക​രു​ണം ചോ​ദ്യം ചെ​യ്യു​ന്ന സ്ത്രീ​പ​ക്ഷ ച​രി​ത്ര​ത​ലം. മൂ​ന്ന്, ക​മ്യൂണി​സ്റ്റ് പാ​ർ​ട്ടി​യു​ടെ പി​ള​ർ​പ്പി​ൽ വ​ക​ഭേ​ദ​ങ്ങ​ൾ​ക്ക​പ്പു​റം വേ​ദ​ന​യു​ടെ​യും ആ​ത്മ​സം​ഘ​ർ​ഷ​ങ്ങ​ളു​ടെ​യും ത​ലം.

വി​പ്ല​വ​ത്തി​ന്റെ​യും വി​മോ​ച​ന​ത്തി​ന്റെ​യും നേ​ര​വ​കാ​ശം ആ​ൺ​കോ​യ്മ​യു​ടെ പ​ട്ട​യ​മാ​യി സ​മൂ​ഹം ആ​ലേ​ഖ​നം ചെ​യ്തു​കൊ​ടു​ക്കു​ന്ന ച​രി​ത്രാ​നു​ഭ​വ​ങ്ങ​ളെ രാ​ഷ്ട്രീ​യ​മാ​യി കീ​ഴ്മേ​ൽ​മ​റി​ക്കു​ക​യാ​ണ് മാ​ധ​വ​ൻ പു​റ​ച്ചേ​രി. ഗാ​ർ​ഹി​കാ​ധ്വാ​നം സാ​മൂ​ഹി​കാ​ധ്വാ​ന​ത്തി​ന്റെ ഭാ​ഗ​മാ​ണെ​ന്ന രാ​ഷ്ട്രീ​യ വാ​യ​ന ഗ​തി​പി​ടി​ക്കാ​ൻ ഏ​റെക്കാ​ലം വൈ​കി​യെ​ങ്കി​ലും വി​പ്ല​വ​കാ​രി​ക​ളു​ടെ സ​ഹ​ധ​ർ​മ​ിണി​ക​ളും കു​ടും​ബ​വും വി​പ്ല​വകാ​രി​ക​ളു​ടേ​തി​നേ​ക്കാ​ൾ ത്യാ​ഗം അ​നു​ഭ​വി​ക്കു​ന്നു​ണ്ടാ​യി​രു​ന്നു​വെ​ന്ന് വ​ട​ക്കി​ല്ലം ഗോ​വി​ന്ദ​ൻ ന​മ്പൂ​തി​രി​യു​ടെ സ​ഹ​ധ​ർ​മ​ണി ഗം​ഗ അ​ന്ത​ർ​ജ​ന​ത്തി​ന്റെ ജീ​വി​തം ന​മ്മെ ബോ​ധ്യ​പ്പെ​ടു​ത്തു​ന്നു. പാ​ർ​ട്ടി​യും സ​മ​ര​വും ല​ക്ഷ്യ​മാ​ക്കു​ന്ന നേ​താ​ക്ക​ളു​ടെ ജീ​വി​ത​ത്തി​ന് എ​ത്ര​ത്തോ​ളം ച​രി​ത്ര പ്രാ​ധാ​ന്യ​മു​ണ്ടോ അ​തേ പ്രാ​ധാ​ന്യ​മോ അ​തി​ലേ​റെ​യോ അ​തി​നും​ മു​ക​ളി​ലോ, തി​ള​ക്കു​ന്ന വെ​ള്ള​ത്തി​ലേ​ക്ക് ഒ​രു​പി​ടി അ​രി​യു​മാ​യി ആ​രെ​ങ്കി​ലും വ​രു​ന്നു​ണ്ടോ​യെ​ന്ന് അ​ന്വേ​ഷി​ക്കു​ന്ന അ​ന്ത​ർ​ജ​നം നേ​രി​ടു​ന്ന അ​ഗ്നിപ​രീ​ക്ഷ​യി​ലു​ണ്ട്.

ബ്രാ​ഹ്മ​ണ​നും ന​മ്പൂ​തി​രി​ക്കും കോ​യ്മ​യി​ൽ അ​ഭി​ര​മി​ക്ക​ണ​മെ​ങ്കി​ൽ സ​മ്പ​ത്ത് അ​ടി​സ്ഥാ​ന​മാ​യി​ വേ​ണം എ​ന്ന​ത് ഫി​ലോ​സ​ഫി. സ​മ്പ​ത്ത് ഇ​ല്ലാ​താ​വു​ക​യും ആ​ സ്ഥാ​ന​ത്തേ​ക്ക് അ​ടി​ത്ത​റ​യാ​യി പ​ട്ടി​ണി ക​യ​റു​ക​യും ചെ​യ്യു​മ്പോ​ൾ ബ്രാ​ഹ്മ​ണ്യം ഉ​ള്ള​ട​ക്കം ന​ഷ്ട​പ്പെ​ട്ട തേ​ങ്ങ​യു​ടെ തൊ​ണ്ടു​പോ​ലെ പ​രി​ഹാ​സ്യ​മാ​കു​ന്നു എ​ന്ന സ​ത്യം മ​ന​സ്സി​ലാ​ക്കാ​നു​ണ്ട്. ദാ​രി​ദ്ര്യം ക​ട​ന്നു​വ​ന്നാ​ലും ഇ​ല്ല​ത്തുനി​ന്ന് ഇ​റ​ങ്ങാ​തെ, അ​മ്മാ​ത്തേ​ക്ക് ഒ​ഴി​ഞ്ഞു​പോ​കാ​തെ കാ​ലി​ൽ ചു​റ്റി​വ​ലി​ക്കു​ന്ന ദു​ര​ഭി​മാ​ന​ത്തി​ന് ഒ​രു കോ​ട്ട​വും ത​ട്ടാ​ത്ത​ത് അ​ന്ത​ർ​ജ​ന​ത്തി​ന്റെ​യും മ​ക്ക​ളു​ടെ​യും കു​റ്റ​മ​ല്ല എ​ന്ന് സ​മൂ​ഹം ഇ​തു​വ​രെ​യും തി​രി​ച്ച​റി​ഞ്ഞി​ല്ല. പ​ട്ടി​ണി​യി​ലും അ​വ​രെ സ​വ​ർ​ണ​ർ എ​ന്ന് അ​വ​ഹേ​ളി​ക്കു​ന്ന അ​ഭി​ന​വ പോ​രാ​ളി​ക​ൾ​ക്ക് മു​ന്നി​ൽ ഈ ​അ​മ്മ​യു​ടെ ജീ​വി​തം പ​രി​ഹാ​സ​മാ​കാ​നും ഇ​ട​യു​ണ്ട്.

സ​വ​ർ​ണ​ൻ എ​ന്നാ​ൽ സ​മ്പ​ത്ത് വ​ഹി​ക്കു​ന്ന​വ​ൻ എ​ന്ന അ​ർ​ഥം ത​ന്നെ​യാ​ണ് വ​ർ​ണ വ്യ​വ​സ്ഥ​യി​ലു​ള്ള​ത്. വ​ർ​ണം മാ​ത്രം സ്വീ​ക​രി​ച്ച് വ്യ​വ​സ്ഥ​യി​ൽനി​ന്ന് നി​ഷ്പ​ക്ഷ ഭൂ​മി​യി​ലേ​ക്ക് പ​ലാ​യ​നം ചെ​യ്യ​പ്പെ​ടു​ന്ന അ​ന്ത​ർ​ജ​ന​ങ്ങ​ളു​ടെ ജീ​വി​തം മൂർ​ധാ​വി​ൽ മു​ള​പൊ​ട്ടി ഗം​ഗാ​പ്ര​വാ​ഹ​മാ​യി വ​രു​ന്ന​തി​ന്റെ ആ​ദ്യ ഉ​റ​വ​യാ​ണ് ‘അ​മ്മ​യു​ടെ ഓ​ർ​മ​പ്പുസ്ത​കം’. ഈ ​രോ​ഷം ഒ​രു വേ​ദ വി​ചാ​ര​മാ​യി പു​സ്ത​ക​ത്തി​ൽ പ​ല​യി​ട​ത്തും പ​രി​ണ​മി​ക്കു​ന്നു​ണ്ട്. ഈ ​പു​സ്ത​ക​ത്തി​ന്റെ എ​ഴു​ത്തി​ൽ എ​ഴു​ത്തു​കാ​ര​ൻ നേ​രി​ടു​ന്ന വ​ലി​യ സം​ഘ​ർ​ഷമു​ണ്ട്. വ​ലി​യ വി​പ്ല​വകാ​രി​യു​ടെ ജീ​വി​തം എ​ന്നാ​ണ് അ​ച്ഛ​നെ കു​റി​ച്ച് പ​റ​യു​ന്ന​ത്. പു​സ്ത​ക​ത്തി​ന്റെ അ​വ​സാ​ന ഭാ​ഗ​ത്ത് അ​ച്യുത​ മേ​നോ​ൻ, ഇ.​കെ. നാ​യ​നാ​ർ, എ​ൻ.​ഇ. ബാ​ലാ​റാം, വി​ഷ്ണു​ഭാ​ര​തീ​യ​ൻ, കെ.​എ. കേ​ര​ളീ​യ​ൻ എ​ന്നി​വ​രു​മാ​യി ആ​ത്മ​ബ​ന്ധ​മു​ള്ള മ​നു​ഷ്യ​നാ​ണ് സ്മൃ​തി​നാ​ശം വ​ന്ന് പി​ച്ചും പേ​യും പ​റ​യു​ന്ന​ത് എ​ന്ന് പ​രാ​മ​ർ​ശി​ക്കു​ന്നു​ണ്ട്. അ​തി​ന് വ​ലി​യ അ​ന്ത​ർ​ധാ​രാ​ർ​ഥ​ങ്ങ​ളു​ണ്ട്.

അ​ച്ഛ​ന് ജീ​വി​തം എ​ന്നാ​ൽ ക​മ്യൂ​ണി​സ്റ്റ് പാ​ർ​ട്ടി​യാ​ണ്. അ​തി​നു താ​ഴെ വ​ല്ല​പ്പോ​ഴും തി​ക​ട്ടിവ​രു​ന്ന ഓ​ർ​മത്തുട്ടു​ക​ൾ മാ​ത്ര​മാ​ണ് കു​ടും​ബം. വ​ട​ക്കി​ല്ലം എ​ന്ന ആ​ൽ​മ​ര​ത്തി​നു ചു​വ​ട്ടി​ൽ​നി​ന്ന് മാ​റി വെ​യി​ല​ത്തു​നി​ർ​ത്ത​പ്പെ​ട്ട അ​ന്ത​ർ​ജ​ന​ത്തി​ന്റെ വേ​ദ​ന​യും പ​ട്ടി​ണി​യും ആ​ത്മസം​ഘ​ർ​ഷ​ങ്ങ​ളും മ​ക​ൻ ആ​വി​ഷ്ക​രി​ക്കു​മ്പോ​ൾ അ​ത് ആ​ണ​ധി​കാ​ര​ത്തി​ന്റെ നേ​ർ​ക്കു​ള്ള സ​മ​ര​മാ​യും മാ​റു​ന്നു​ണ്ട്. അ​ച്ഛ​ന്റെ സാ​മൂ​ഹി​ക രാ​ഷ്ട്രീ​യ പ്ര​വ​ർ​ത്ത​ന​ത്തെ അം​ഗീ​ക​രി​ക്കു​ന്ന​തി​നൊ​പ്പം അ​മ്മ​യു​ടെ വേ​ദ​ന​ക​ൾ​ക്കും ചേച്ചി​യു​ടെ പ​രി​ഹാ​ര​മി​ല്ലാ​ത്ത രോ​ഗ​ത്തി​നും ഉ​ത്ത​ര​വാ​ദി അ​ച്ഛ​ന്റെ പി​ടി​കി​ട്ടാ​ത്ത യാ​ത്ര​ക​ളാ​ണ് എ​ന്ന് വ​രി​ക​ൾ​ക്കി​ട​യി​ല​ല്ല, വ​രി​ക​ൾ​ക്ക് അ​ടി​യി​ൽ നി​സ്സം​ഗ​മാ​യി മ​ക​ൻ പ​റ​ഞ്ഞു​വെ​ക്കു​ന്നു​ണ്ട്. എ​ല്ലാ വേ​ദ​ന​ക​ളെ​യും ക​ടി​ച്ച​മ​ർ​ത്തി, സ്ത്രീ​യു​ടെ​യും കു​ഞ്ഞി​ന്റെ​യും എ​ല്ലാ സ്വാ​ത​ന്ത്ര്യ​വും ജ​ഠ​രാ​ഗ്നി​യി​ൽ ഹോ​മി​ച്ച് അ​തി​ൽ​നി​ന്ന് ജീ​വ​ന്റെ ഹ​വി​സ് സ്വീ​ക​രി​ച്ച് അ​ര​പ്പട്ടി​ണി​യെ​യും മു​ഴു​പ്പട്ടി​ണി​യെ​യും മാ​റി​മാ​റി ഉ​പ​ന​യ​നം ന​ട​ത്തി ജീ​വി​തംകൊ​ണ്ട് അ​വ​ർ​ണ​നാ​യ മ​ക​ൻ അ​മ്മ​ക്ക് തി​രി​കെ ന​ൽ​കി​യ നി​വേ​ദ്യ​മാ​യി ഈ ​പു​സ്ത​ക​ത്തെ ക​ണ​ക്കാ​ക്കാ​നാ​കും..