റാ​ഗി​ങ് ത​നി ഗു​ണ്ടാ​യി​സം

ഏ​റ്റ​വും മൃ​ദു​ല​മാ​യി, എ​ന്തി​ന് ശ​ബ്ദ​ര​ഹി​ത​മാ​യി, ഒ​രു തൂ​വ​ൽ​സ്​​പ​ർ​ശം​പോ​ലെ, അ​ല്ലെ​ങ്കി​ൽ അ​ങ്ങനെ​ത്ത​ന്നെ​യാ​യി സൗ​ഹൃ​ദം; സൗ​ഹൃ​ദ​ത്തി​ലാ​വു​ന്ന ആ​രെ​യും സു​ഗ​ന്ധ​നി​ർ​ഭ​ര​മാ​യി പൊ​തി​യും. അ​ഗാ​ധ​മാ​യ ഏ​ത് സൗ​ഹൃ​ദ​വും പ​ര​സ്യ​മാ​വാ​ത്ത ഒ​രു ധ്യാ​നാ​ത്മ​ക​ത​യി​ൽ പു​ള​കി​ത​മാ​വും. എ​ന്നാ​ൽ ന​മ്മ​ൾ രോ​ഷാ​കു​ല​രാ​വു​മ്പോ​ൾ, എ​വി​ടെ​യോ ഒ​ളി​ച്ചി​രു​ന്ന ശ​ബ്ദ​ങ്ങ​ളൊ​ക്കെ​യും പ​തി​വി​ലേ​റെ ഒ​ച്ച​യു​മാ​യി പു​റ​ത്തു​ചാ​ടും. സം​സ്​​കാ​രം സ​ർ​ജ​റി ചെ​യ്ത് നീ​ക്കി​യെ​ന്ന് ക​രു​ത​പ്പെ​ട്ടി​രു​ന്ന ന​ഖ​ങ്ങ​ൾ അ​തോ​ടെ ഇ​ര​യു​ടെ​ നേ​രെ നീ​ളും. എം.ടി​യു​ടെ ‘മാ​ന്ത്രി​ക​പ്പൂ​ച്ച​’യി​ലെ​ന്ന​പോ​ലെ!

പു​റ​ത്ത് പോ​ടാ എ​ന്നൊ​രാ​ളോ​ട് പ​റ​യേ​ണ്ട​ത് അ​നി​വാ​ര്യ​മാ​വു​ക​യും, അ​യാ​ള​ത്ര​വേ​ഗം പു​റ​ത്തു​പോ​കു​ന്ന ടൈ​പ്പ​ല്ലെ​ന്ന് തി​രി​ച്ച​റി​യു​ക​യും ചെ​യ്താ​ൽ ശ​ബ്ദം പ​ര​മാ​വ​ധി പൊ​ങ്ങേ​ണ്ടി​വ​രും! പ​റ​ഞ്ഞു​വ​രു​ന്ന​ത് റാ​ഗി​ങ് ഉ​ള്ളി​ലും പു​റ​ത്തു​മു​ള്ള ശ​ബ്ദ​കോ​ലാ​ഹ​ല​ങ്ങ​ളെ​യും കൊ​ള്ള​രു​താ​യ്മ​ക​ളെ​യും വ​ർ​ധി​പ്പി​ക്കു​ന്ന, കാ​മ്പ​സി​ന്റെ സൗ​ഹൃ​ദ​പ​ശ്ചാ​ത്ത​ലം പൊ​ളി​ക്കു​ന്ന പ​ക്കാ​ഗു​ണ്ടാ​യി​സം മാ​ത്ര​മാ​ണെ​ന്ന സ​ത്യ​മാ​ണ്. അ​വി​ക​സി​ത​മാ​യ അ​വ​സ്​​ഥ​ക​ളോ​ട് എ​തി​രി​ടു​മ്പോ​ഴാ​ണ്. ആ​പ​ത്തി​ൽ താ​ങ്ങും​ത​ണ​ലു​മാ​യി മ​നു​ഷ്യ​ർ മാ​റു​മ്പോ​ഴാ​ണ്, മ​റ്റു​ള്ള​വ​ർ പ​ല​കാ​ര​ണ​ങ്ങ​ളാ​ൽ മ​ടി​ച്ചു​നി​ൽ​ക്കു​ന്നി​ട​ത്തേ​ക്ക്, സ​ഹാ​യി​ക്കാ​നും േപ്രാ​ത്സാ​ഹി​പ്പി​ക്കാ​നും ഒ​രാ​ൾ സാ​ഹ​സി​ക​മാ​യി എ​ടു​ത്തു​ചാ​ടു​മ്പോ​ഴാ​ണ് യ​ഥാ​ർ​ഥ ഹീ​റോ പി​റ​ക്കു​ന്ന​ത്. എ​ന്നാ​ൽ ഗു​ണ്ടാ​യി​സം മാ​ക്സിം ​ഗോ​ർ​ക്കി വ്യ​ക്ത​മാ​ക്കി​യ​പോ​ലെ വ്യ​ക്തിയു​ടെ സ​മ​ഗ്ര​മാ​യ അ​ധഃപ​ത​ന​ത്തി​ന്റെ ഭാ​ഗ​മാ​ണ്. വ്യ​ക്തി​യു​ടെ ശി​ഥി​ലീ​ക​ര​ണം ഇ​നി​യൊ​രു പാ​ച്ച് വ​ർ​ക്കി​നും സാ​ധ്യ​ത​യി​ല്ലാ​ത്ത​വി​ധം പ​ര​മാ​വ​സ്​​ഥ​യി​ലെ​ത്തി​യിരി​ക്കു​ന്നു എ​ന്ന​തി​ന്റെ ത​ർ​ക്ക​മ​റ്റ തെ​ളി​വാ​ണ് ഗു​ണ്ടാ​യി​സ​ത്തി​ൽ അ​ഭി​മാ​നി​ക്കു​ന്ന ഗു​ണ്ടാ​യി​സം.

വ്യാ​ജ​ഹീ​റോ​ക​ളു​ടെ വേ​ഷം​കെ​ട്ടി​യാ​ടു​ന്ന റാ​ഗി​ങ് വീ​ര​രാ​യ കാ​മ്പ​സ്​​ഗു​ണ്ട​ക​ൾ, വെ​റും സീ​റോ​ക​ൾ മാ​ത്ര​മാ​ണെ​ന്ന് അ​വ​രെയും മ​റ്റു​ള്ള​വ​രെ​യും ബോ​ധ്യ​പ്പെ​ടു​ത്തും​വി​ധ​മു​ള്ള നി​ര​ന്ത​ര സാം​സ്​​കാ​രി​ക​ പ്ര​വ​ർ​ത്ത​ന​മാ​ണ്, റാ​ഗി​ങ്പ്ര​തി​രോ​ധ​ത്തി​ന്റെ ഭാ​ഗ​മാ​യി മ​റ്റ് പ​ല​തി​നു​മൊ​പ്പം കാ​മ്പ​സ്​ ആ​വ​ശ്യ​പ്പെ​ടു​ന്ന​ത്. അ​ട​ച്ചു​പൂ​ട്ടി അ​ടി​പൊ​ളി കാ​മ്പ​സുക​ൾ​ക്ക് അ​പ്പു​റം സ​ർ​ഗാ​ത്മ​ക​വും ക​ലാ​ത്മ​ക​വും ധ്യാ​നാ​ത്മ​ക​വും രാ​ഷ്ട്രീ​യ​പ്ര​ബു​ദ്ധ​വു​മാ​വു​ന്ന മു​റ​ക്ക് ഏ​തൊ​രു കാ​മ്പ​സും റാ​ഗി​ങ് മു​ക്ത​മാ​വും. മൗ​ന​പ്രാ​ർ​ഥ​ന​യ​ട​ക്കം പ​ല​ത​രം പ്രാ​ർ​ഥ​ന​ക​ൾ കാ​മ്പ​സുക​ളി​ലു​ണ്ട്. പ​ക്ഷേ ആ ​പ്രാ​ർ​ഥ​ന​ക​ൾ​ക്കൊ​ന്നും പൊ​തു​വി​ൽ ബ​ഹ​ള​ത്തെ പ്ര​തി​രോ​ധി​ക്കാ​നാവു​ന്നി​ല്ലെ​ന്ന്, പ്രാ​ർ​ഥ​നാ​ന​ന്ത​ര​മു​ള്ള ബ​ഹ​ള​ങ്ങ​ൾ സാ​ക്ഷ്യം വ​ഹി​ക്കും. പൊ​ട്ടി​ച്ചി​രി​ക​ൾ​ക്കും കെ​ട്ടി​പ്പു​ണ​ര​ലു​ക​ൾ​ക്കും സം​വാ​ദ​ങ്ങ​ൾ​ക്കും സം​ഭാ​ഷ​ണ​ങ്ങ​ൾ​ക്കു​മി​ട​യി​ൽ സ​ന്നി​ഹി​ത​മാ​വേ​ണ്ട ധ്യാ​നാ​ത്മ​ക​ത ന​ഷ്​​ട​പ്പെ​ടു​ന്ന​തുകൊ​ണ്ടുകൂ​ടി​യാ​ണ് കാ​മ്പ​സ് കു​ടു​സ്സാ​വു​ന്ന​ത്. ‘Noise is the new garbage in our life. What we urgently need is a meditative state for our society’ (സു​ന്ദ​ർ​സ​രു​ക്കാ​യ്).

സ​ർ​ഗാ​ത്മ​ക​മാ​വും മു​റ​ക്ക് ധ്യാ​നാ​ത്മ​ക​ത ശ​ബ്ദ​മാ​ലി​ന്യ​മ​ട​ക്ക​മു​ള്ള സ​ർ​വ മാ​ലി​ന്യ​ങ്ങ​ൾ​ക്കു​മെ​തി​രെ​യു​ള്ള മ​ൽ​പി​ടിത്ത​മാ​യി മാ​റും. റാ​ഗി​ങ്ങി​നെ ഒ​രു കാ​മ്പ​സ്​​പ്ര​ശ്നം മാ​ത്ര​മാ​യി കാ​ണ​രു​ത്. ജീ​വി​ത​ത്തി​ന്റെ ഓ​രോ അ​ടി​വെ​പ്പി​ലും ന​മ്മ​ള​റി​ഞ്ഞും ന​മ്മ​ള​റി​യാ​തെ​യും, അ​താ​യി, അ​താ​യ​ത് റാ​ഗി​ങ്ങാ​യി, അ​ത് ന​മു​ക്കൊ​പ്പ​മു​ണ്ട്. മ​റ്റു​ള്ള​വ​രു​ടെ ക​ണ്ണീ​രി​ൽ കു​ളി​ര് കാ​ണു​ന്ന, അ​വ​രു​ടെ പ​ത​ന​ത്തി​ൽ പു​ള​കം​കൊ​ള്ളു​ന്ന ജീ​ർ​ണ മാ​ന​സി​കാ​വ​സ്​​ഥ എ​പ്പോ​ൾ എ​വി​ടെ​യൊ​ക്കെ ജ​യി​ക്കു​ന്നു​വോ, അ​പ്പോ​ൾ അ​വി​ടെ​യൊ​ക്കെ റാ​ഗി​ങ് വൈ​റ​സ്​ സ​ജീ​വ​മാ​വും! സൗ​ഹൃ​ദം ത​രു​ന്ന സ്​​നേ​ഹാ​വ​കാ​ശം ഇ​ല്ലാ​തെ ഒ​രാ​ളു​ടെ തോ​ളി​ൽ കൈയിടു​ന്ന​തും, അ​യാ​ൾ​ക്ക​ത്ര ഇ​ഷ്​​ട​മി​ല്ലാ​ത്ത പേ​ര് വി​ളി​ക്ക​ലും, ത​മാ​ശ പ​റ​യ​ലും, ജീ​ർ​ണറാ​ഗി​ങ്ങി​ന്റെ വ​ക​ഭേ​ദ​ങ്ങ​ൾത​ന്നെ​യാ​ണ്. ഒ​രാ​ൾ​ക്ക് ഇ​ഷ്​​ട​മി​ല്ലാ​ത്ത വി​ധ​ത്തി​ൽ പെ​രു​മാ​റാ​തി​രി​ക്കാ​നു​ള്ള പ​രി​ശീ​ല​ന​മാ​ണ്, അ​റി​യാ​തെ പെ​രു​മാ​റി​പ്പോ​യാ​ൽ, ഉ​ട​നെ തി​രു​ത്താ​നു​ള്ള വി​ന​യ​മാ​ണ്, വ​ള​ർ​ത്തി​യെ​ടു​ക്ക​പ്പെ​ടേ​ണ്ട​ത്.

പ​രി​ച​യ​പ്പെ​ട​ൽ എ​ന്ന​തി​ല​ല്ല, പ​രി​ച​യ​മാ​വ​ലി​ലാണ് കാ​മ്പ​സ്​ പൂ​ക്കേ​ണ്ട​ത്. പ​രി​ച​യ​പ്പെ​ട​ൽ കു​റ്റ​ക​ര​മാ​യ​തു​കൊ​ണ്ട​ല്ല, ചി​ല​പ്പോ​ഴെ​ങ്കി​ലും അ​തി​ൽ അ​പ​ര​വി​ദ്വേ​ഷ​ക്ക​റ ക​ല​രാ​മെ​ന്നു​ള്ള​തു​കൊ​ണ്ടാ​ണ്. എ​ന്നാ​ൽ, പ​രി​ച​യ​മാ​വ​ൽ ത​ങ്ങ​ൾ​ക്കി​ട​യി​ൽ ഒ​രു പൊ​തു​മ​ണ്ഡ​ലം രൂ​പം​കൊ​ണ്ടു​ക​ഴി​ഞ്ഞ​തി​ന്റെ തെ​ളി​വാ​യി പ​രി​ച​യ​പ്പെ​ടു​ന്ന​വ​ർ​ക്കി​ട​യി​ൽ തി​ള​ങ്ങും. ഒ​രേ സ്​​ഥാ​പ​ന​ത്തി​ലെ വി​ദ്യാ​ർ​ഥി​ക​ൾ എ​ന്ന സമാനമാ​യ അ​വ​സ്​​ഥ അ​തോ​ടെ പൊ​തു​അ​വ​സ്​​ഥ​യി​ലേ​ക്ക് കു​തി​ക്കും. ജാ​ക്വി​സ്​ ഡീ​ലേ​ഴ്സ്​ ഉ​ൾ​പ്പെ​ടെ​യു​ള്ള വി​ദ്യാ​ഭ്യാ​സ​ചി​ന്ത​ക​ർ വ്യ​ക്ത​മാ​ക്കി​യ​പോ​ലെ ഒ​രു​മി​ച്ച് ജീ​വി​ക്കാ​നു​ള്ള പ​രി​ശീ​ല​ന​മാ​ണ് വി​ദ്യാ​ഭ്യാ​സ​ത്തി​ന്റെ നാ​ല് തൂ​ണു​ക​ളി​ൽ പ്ര​ധാ​നം. ശ​രി​ക്കും ഒ​രു​മി​ക്ക​ണ​മെ​ങ്കി​ൽ മു​ൻ​വി​ധി​ക​ളെ​ന്ന​പോ​ലെ, സ്വ​ന്തം കാ​ര​ണ​മാ​യോ അ​ല്ലാ​തെ​യോ ഉ​ണ്ടാ​വു​ന്ന കു​റ്റ​ബോ​ധ​ത്തെ​യും ഒ​രു ജീ​ർ​ണ​മാ​ലി​ന്യ​ത്തെ​യെ​ന്ന​പോ​ലെ എ​ടു​ത്തെ​റി​യാ​നു​ള്ള സ​ന്ന​ദ്ധ​ത മ​നു​ഷ്യ​ർ​ക്കി​ട​യി​ൽ വ​ള​ർ​ത്തി​യെ​ടു​ക്ക​ണം.

ജൂ​ത​പീ​ഡ​ന​കാ​ല​ത്ത് ജ​ർ​മനി​യി​ൽ ജീ​വി​ച്ച പാ​സ്റ്റ​ർ നി​മോ​യു​ള്ള​ർ, ഒ​രു ജൂ​ത​സു​ഹൃ​ത്തി​നെ അ​ഭി​സം​ബോ​ധ​ന ചെ​യ്തു​കൊ​ണ്ട്, ‘കു​റ്റ​ബോ​ധ​വും പ്ര​തീ​ക്ഷ​യും’ എ​ന്ന പ്ര​ബ​ന്ധ​ത്തി​ൽ എ​ഴു​തി: സു​ഹൃ​ത്തെ, കു​റ്റ​ബോ​ധം ന​മു​ക്കി​ട​യി​ൽ വി​ല​ങ്ങ​ടി​ച്ചു നി​ൽ​ക്കു​ന്ന​തി​നാ​ൽ നി​ങ്ങ​ൾ​ക്കൊ​പ്പം ചേ​ർ​ന്ന് നി​ൽ​ക്കാ​ൻ എ​ത്ര ചേ​ർ​ന്നു​നി​ൽ​ക്കു​മ്പോ​ഴും എ​നി​ക്കാ​വു​ന്നി​ല്ല. എ​ന്തു​കൊ​ണ്ടെ​ന്നാ​ൽ ഞാ​ൻ നി​ങ്ങ​ളോ​ടും, നി​ങ്ങ​ളു​ടെ ജ​ന​ത​യോ​ടും പാ​പം ചെ​യ്തി​രി​ക്കു​ന്നു. ഈ​യൊ​രു മാ​ന​സി​കാ​വ​സ്​​ഥ​യെ​ങ്കി​ലും മി​നി​മം റാ​ഗി​ങ് ന​ട​ന്ന ക​ലാ​ല​യ​ത്തി​ൽ സ​ർ​വ​ർ​ക്കും ഉ​ണ്ടാ​വേ​ണ്ട​തു​ണ്ട്.

റാ​ഗി​ങ്ങി​ന്റെ പേ​രി​ൽ ജീ​വി​തം ത​ക​ർ​ന്ന​വ​ർ​ക്ക് ആ ​ജീ​വി​തം തി​രി​ച്ചു​ന​ൽ​കാ​ൻ ആ​ര് വി​ചാ​രി​ച്ചാ​ലും ക​ഴി​യി​ല്ല. ആ​കക്കൂ​ടി ചെ​യ്യാ​വു​ന്ന​ത് റാ​ഗി​ങ് വീ​ര​രാ​യ ജീ​ർ​ണ​മ​നു​ഷ്യ​രെ, ജ​ന്തു​ത​യി​ൽ​നി​ന്ന് മാ​ന​വി​ക​ത​യി​ലേ​ക്ക് വീ​ണ്ടെ​ടു​ക്കും​വി​ധം ഒ​രു ക​ലാ​ല​യ​ത്തെ​ റാ​ഗി​ങ് വി​രു​ദ്ധ പോ​ർ​ക്ക​ള​മാ​ക്കി മാ​റ്റി അ​വി​ടെ കൊ​ടി​പ​റ​ത്തു​ന്ന കു​റ്റ​ബോ​ധ​ത്തെ, കു​ത​റു​ന്ന നീ​തി​ബോ​ധം​കൊ​ണ്ട് പ​ക​രം​വെ​ക്കും​വി​ധ​മു​ള്ള ബ​ദ​ൽ​പ്ര​വ​ർ​ത്ത​ന​ങ്ങ​ൾ​ക്ക് ക​രു​ത്തുപ​ക​രു​ക​യാ​ണ്. പ​ഠി​ക്കു​ന്ന​ത് എ​ന്തി​നാ​ണെ​ന്ന് മ​റ​ന്നുപോ​വു​ന്ന​തി​നോ​ളം വ​ലി​യ പ​രാ​ജ​യം വേ​റെ ഇ​ല്ലെ​ന്ന് എ​പ്പോ​ഴും ഓ​ർ​ത്തി​രി​ക്കണം. ‘A University should be a place of light, of liberty, and of learning’ എ​ന്ന് മു​മ്പ് വാ​യി​ച്ച​തോ​ർ​ക്കു​ന്നു. ക​ലാ​ല​യ​ത്തി​ൽ അ​നി​വാ​ര്യ​മാ​യും എ​പ്പോ​ഴും ഉ​ണ്ടാ​വേ​ണ്ട ആ ​വെ​ളി​ച്ച​മാ​ണ് റാ​ഗി​ങ് വേ​ള​യി​ൽ അ​ണ​യു​ന്ന​ത്.

ഒ​രു സ​ർ​വ​വി​ജ്ഞ​ാന​കോ​ശം റാ​ഗി​ങ്ങി​നെ പ​രി​ച​യ​പ്പെ​ടു​ത്തു​ന്ന​ത് കോ​ള​ജു​ക​ളി​ൽ പു​തു​താ​യി ചേ​ർ​ന്ന​വ​രെ സീ​നി​യ​ർ​മാ​ർ ആ​ഘോ​ഷ​പൂ​ർ​വം സ്വീ​ക​രി​ക്കു​ന്ന ഒ​രു ച​ട​ങ്ങ് എ​ന്നാ​ണ്. ചി​ല​പ്പോ​ൾ റാ​ഗി​ങ് വ​ള​രെ താ​ണ നി​ല​വാ​ര​ത്തി​ലെ​ത്താ​റു​ണ്ട് എ​ന്ന രീ​തി​യി​ലു​ള്ള ഒ​രു കു​മ്പ​സാ​ര​വും പ്ര​സ്​​തു​ത വിജ്ഞാന​കോ​ശ​ത്തി​ൽ കാ​ണു​ന്നു. ന​ല്ല​നി​ല​യി​ൽ ന​ട​ത്തി​യാ​ൽ ഗു​ണ​മു​ള്ള കാ​ര്യ​മാ​ണ് റാ​ഗി​ങ് എ​ന്ന് തോ​ന്നി​പ്പി​ക്കും​വി​ധ​മാ​ണ് പൊ​തു​വി​ൽ വി​വ​ര​ണ​രീ​തി. എ​ന്തൊ​ക്കെ ന്യാ​യം പ​റ​ഞ്ഞാ​ലും, മി​തം എ​ന്ന് മു​ദ്ര​ചാ​ർ​ത്ത​പ്പെ​ട്ട പ്ര​ച്ഛ​ന്ന സ്​​നേ​ഹ​റാ​ഗി​ങ്ങും, സൂ​ക്ഷ്മാ​ർ​ഥ​ത്തി​ൽ ജീ​വി​തം കാ​വ​ൽ നി​ൽ​ക്കേ​ണ്ട സൗ​ഹൃ​ദ​ത്തി​ന്റെ ശ​ത്രു​വാ​ണ്. സീ​നി​യ​ർ​മാ​ർ ക​ൽപിക്കു​ക​യും ജൂ​നി​യ​ർ​മാ​ർ അ​നു​സ​രി​ക്കു​ക​യും ചെ​യ്യു​ന്ന​ത് കേ​ക്ക് തി​ന്നാ​നാ​യാ​ലും കു​പ്പാ​യ​ത്തി​ന്റെ കു​ടു​ക്കി​ടാ​നാ​യാ​ലും താ​ടി വ​ടി​ക്കാ​നാ​യാ​ലും പാ​ട്ട് പാ​ടാ​നാ​യാ​ലും, ആ​ധി​പ​ത്യം അ​ടി​ച്ചേ​ൽ​പക്ക​ൽ ആ​ധി​പ​ത്യം അ​ടി​ച്ചേ​ൽ​പിക്ക​ൽത​ന്നെ​യാ​ണ്. സൗ​ഹൃ​ദം ആ​ധി​പ​ത്യ​വി​ധേ​യ​ത്വ​ങ്ങ​ൾ​ക്കെ​ല്ലാം അ​പ്പു​റ​മു​ള്ള ഒ​രാ​വി​ഷ്കാര​മാ​ണെ​ന്ന് അം​ഗീ​ക​രി​ക്ക​പ്പെ​ടു​ന്ന​തോ​ടെ, സ്​​നേ​ഹ​റാ​ഗി​ങ്ങി​നെ വ​ള​മാ​വാ​ൻ​പോ​ലും കൊ​ള്ളാ​ത്ത ജീ​ർ​ണമാ​ലി​ന്യ​ വ​കു​പ്പി​ൽ​പെ​ടു​ത്തി അ​തി​നേ​ക്കാ​ളും മ​ലി​ന​മാ​യൊ​രു അ​ഴു​ക്ക് ക​ട​ലി​ലേ​ക്ക് ഒ​ഴു​ക്കി​വി​ടേ​ണ്ടി​വ​രും.

ജീ​വി​ത​ത്തെ പി​ച്ചി​ച്ചീ​ന്തു​ന്ന ഭീ​ക​ര​ത​ക​ൾ പ​ല​തും സ്​​നേ​ഹ​റാ​ഗി​ങ്ങി​ന്റെ മ​റ​വി​ലാ​ണ് ന​ട​ക്കു​ന്ന​തും ഒ​ളി​ക്കു​ന്ന​തും! കാ​മ്പ​സ് നി​ഘ​ണ്ടു​വി​ൽ​നി​ന്ന് റാ​ഗി​ങ് എ​ന്ന വാ​ക്ക് തന്നെ എ​ന്നെ​ന്നേ​ക്കു​മാ​യി കു​ത്തി​ക്കള​യു​ക​യും, പ​രി​ച​യ​മാ​വ​ൽ സൗ​ഹൃ​ദ​മാ​വ​ൽ ക​വി​ത​യാ​വ​ൽ എ​ന്നി​പ്ര​കാ​ര​മു​ള്ള വാ​ക്കു​ക​ൾ ത​ൽ​സ്​​ഥാ​ന​ത്ത് നി​റ​യു​ക​യും ചെ​യ്യ​ണം. പു​തി​യ കെ​ട്ടി​ട​ങ്ങ​ൾ പ​ണി​തു​യ​ർ​ത്തു​മ്പോ​ൾ, പ​ഴ​യൊ​രു അ​ന്ധ​വി​ശ്വാ​സ​ത്തി​ന്റെ ഭാ​ഗ​മാ​യി, ക​രി​ങ്ക​ണ്ണാ നോ​ക്ക​ല്ലേ എ​ന്നെ​ഴു​തി​വെ​ക്കു​ന്ന കൊ​ള്ള​രു​താ​ത്തൊ​രു പ​തി​വ് മു​മ്പു​ണ്ടാ​യി​രു​ന്നു. എ​ന്നാ​ലി​പ്പോ​ൾ കാ​മ്പ​സ് അ​തി​നെ പു​തു​രീ​തി​യി​ൽ ഉ​ൾ​ക്കൊ​ണ്ട് കാ​മ്പ​സി​നെ റാ​ഗി​ങ്ഡാ​ഷു​ക​ൾ​ക്കെ​തി​രെ​യു​ള്ള ചി​ത്ര​ങ്ങ​ളും ശി​ൽ​പ​ങ്ങ​ളും കാ​രി​ക്കേ​ച്ച​റു​ക​ളും​കൊ​ണ്ട് നി​റ​ക്കേ​ണ്ട​തു​ണ്ട്. ചേ​ട്ട​ന്മാ​ർ ഓ​ന്നോ ര​ണ്ടോ കൊ​ല്ല​ത്തെ സീ​നി​യോ​റി​റ്റി അ​വ​കാ​ശം, അ​ങ്ങ​നെ​യൊ​ന്നു​ണ്ടെ​ങ്കി​ൽ, പ്ര​യോ​ജ​ന​പ്പെ​ടു​ത്തേ​ണ്ട​ത് അ​നി​യ​ന്മാ​ർ ചോ​ദി​ച്ചാ​ൽ​മാ​ത്രം കാ​ന്റീ​ൻ എ​വി​ടെ​യ​ാണെ​ന്നോ, ലൈ​ബ്ര​റി എ​വി​ടെ​യാ​ണെ​ന്നോ ടോ​യ്ലറ്റ് എ​വി​ടെ​യാ​ണെ​ന്നോ കാ​ണി​ച്ചു​കൊ​ടു​ക്കാ​ൻ​ മാ​ത്ര​മാ​വ​ണം. ചേ​ട്ടാ, ചേ​ച്ചി ഒ​രു ചാ​യ എ​ന്ന​വ​ർ സ്​​നേ​ഹ​പൂ​ർ​വം വി​ളി​ക്കാ​തെ ഒ​രു ഓ​സി​ ചാ​യപോ​ലും സീ​നി​യോ​റി​റ്റി​ പ​ദ​വി ദു​രു​പ​യോ​ഗം ചെ​യ്ത്, വി​വേ​ക​മു​ണ്ടെ​ങ്കി​ൽ അ​ക​ത്താ​ക്ക​രു​ത്. ക​ലാ​ല​യം പൊ​തു​മ​ണ്ഡ​ല​ത്തി​ന്റെ ഭാ​ഗ​മാ​ണ്. അ​തോ​ടൊ​പ്പം ഒ​രു കാ​ര​ണ​വ​ശാ​ലും അ​ണ​യാ​ൻ​ പാ​ടി​ല്ലാ​ത്ത അ​തി​ന്റെ​ത​ന്നെ പ്ര​കാ​ശ​ഗോ​പു​ര​വും! അ​ധ്യാ​പ​ക​സം​ഘ​ട​ന​ക​ൾ വി​ദ്യാ​ർ​ഥി സം​ഘ​ട​ന​ക​ൾ ര​ക്ഷി​താ​ക്ക​ളു​ടെ കൂ​ട്ടാ​യ്മ​ക​ൾ, രാ​ഷ്ട്രീ​യ​പാ​ർ​ട്ടി​ക​ൾ, സ​ർ​ക്കാ​ർ സം​വി​ധാ​ന​ങ്ങ​ൾ, മാ​ധ്യ​മ​ങ്ങ​ൾ തു​ട​ങ്ങി​യ സ​ർ​വ പൊ​തു​വേ​ദി​ക​ളും റാ​ഗി​ങ്ഡാ​ഷു​ക​ളു​ടെ ക്രൂ​ര​ത​ക​ളോ​ട്, അ​വ​രേ​ത് കൊ​മ്പ​ത്തു​ള്ള​വ​രാ​യാ​ലും, എ​ന്തി​ന്റെ പേ​രി​ലാ​യാ​ലും ഒ​രു​വി​ധ സ​ന്ധി​യും ചെ​യ്യ​രു​ത്.

വി​വി​ധ വി​ദ്യാ​ർ​ഥി സം​ഘ​ട​ന​ക​ളി​ൽ​പെട്ട​വ​ർ ക​ലാ​ സാം​സ്​​കാ​രി​ക പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി സം​വാ​ദാ​ത്മക കൂ​ട്ടാ​യ്മ​യാ​യി മാ​റു​ന്ന​ത് കാ​മ്പ​സു​ക​ളെ സം​ബ​ന്ധി​ച്ചി​ട​ത്തോ​ളം എ​ത്ര​യോ സ്വാ​ഗ​താ​ർ​ഹ​മാ​ണ്. എ​ന്നാ​ൽ, കൊ​ള്ള​രു​താ​യ്മ​ക​ൾ​ക്കു​ള്ള ഒ​ന്നി​ക്ക​ലി​ന് സ്വ​ന്തം സം​ഘ​ട​ന​ക​ളെ മ​റ​യാ​ക്കു​ന്ന​ത് സം​ഘ​ട​ന​യെ​യും സ്വ​ന്ത​ത്തെ​യും മ​ലി​ന​പ്പെ​ടു​ത്ത​ലാ​ണ്. സ​ർ​വ​സം​ഘ​ട​ന​ക​ളും റാ​ഗി​ങ്ങി​ന് എ​തി​രാ​യി​രി​ക്കെ റാ​ഗി​ങ് വ​ള​രു​ന്ന​ത്, റാ​ഗി​ങ് ഡാ​ഷു​ക​ളു​ടെ ക​രു​ത്തു​കൊ​ണ്ട​ല്ല, അ​തി​നെ എ​തി​ർ​ക്കു​ന്ന​വ​രു​ടെ നി​ഷ്ക്രി​യ​ത്വം​കൊ​ണ്ടാ​ണ്. നി​യ​മം എ​തി​ര്, നാ​ട്ടു​കാ​ർ എ​തി​ര്, സ്വ​ന്തം വീ​ട്ടു​കാ​രും എ​തി​ര്, സം​ഘ​ട​ന​ക​ളൊ​ക്കെ​യും എ​തി​ര്, മാ​ധ്യ​മ​ങ്ങ​ൾ എ​തി​ര്, വി​ദ്യാ​ല​യ അ​ധി​കൃ​ത​രും എ​തി​ര്, എ​ന്നി​ട്ടും അ​ത് അ​ഴു​ക്കു​ചാ​ലി​ൽ കൃ​മി​കീ​ട​ങ്ങ​ളെ​ന്ന​പോ​ലെ വ​ള​രു​ന്നു എ​ന്ന് വ​രു​ന്ന​ത് ഒ​രു കാ​മ്പ​സി​നും അ​ഭി​മാ​ന​ക​ര​മ​ല്ല. ഓ​രോ കാ​മ്പ​സി​ന്റെ​യും പ്ര​വേ​ശ​ന​ക​വാ​ട​ത്തി​ൽ ന​വാ​ഗ​ത​രെ സ്വാ​ഗ​തം ചെ​യ്യു​ന്ന വ്യ​ത്യ​സ്​​ത സം​ഘ​ട​ന​ക​ളു​ടെ ബോ​ർ​ഡു​ക​ൾ​ക്കു മു​ന്നിൽ സ​മ്പൂ​ർ​ണ റാ​ഗി​ങ് മു​ക്തം എ​ന്നെ​ഴു​തി​യ ബോ​ർ​ഡാ​ണ്, സ​ർ​വ സം​ഘ​ട​ന​ക​ളും ഒ​ന്നി​ച്ച് ആ​ദ്യം സ്​​ഥാ​പി​ക്കേ​ണ്ട​ത്. ബാ​ക്കി​യൊ​ക്കെ പി​ന്നെ​ മ​തി.

ക​ടു​വ​യു​ടെ ന​ഖ​ത്തെ​യും കു​ട്ടി​യു​ടെ കൈ​യി​ലെ പി​റ​ന്നാ​ൾ സ​മ്മാ​ന​മാ​യി ല​ഭി​ച്ച പേ​ന​ക്ക​ത്തി​യെ​യും മു​ൻ​നി​ർ​ത്തി ര​വീ​ന്ദ്ര​നാ​ഥ​ ടാ​ഗോ​ർ ന​ട​ത്തി​യൊ​രു നി​രീ​ക്ഷ​ണം റാ​ഗി​ങ് വി​ശ​ക​ല​ന​ത്തി​ലും പ്ര​സ​ക്ത​മാ​വു​മെ​ന്ന് ക​രു​തു​ന്നു. ക​ടു​വ​യു​ടെ ന​ഖ​വും അ​തി​ന്റെ മ​നോ​ഭാ​വ​ങ്ങ​ളും ഒ​ന്നി​ച്ചാ​ണ് വ​ള​രു​ന്ന​ത്. അ​തു​കൊ​ണ്ടുത​ന്നെ ന​ഖം എ​പ്പോ​ഴാ​ണ് ഉ​പ​യോ​ഗി​ക്കേ​ണ്ട​ത് എ​ന്ന​തി​ൽ അ​തി​നൊ​രു സ​ന്ദേ​ഹ​വു​മി​ല്ല. ടാ​ഗോ​റി​ന്റെ ഭാ​ഷ​യി​ൽ വ്യാ​ഘ്ര​ത്വ​വും ന​ഖ​ങ്ങ​ളും ത​മ്മി​ലൊ​രു പൊ​രു​ത്ത​ക്കേ​ട് ഒ​രു ക​ടു​വ​ക്കും ഉ​ണ്ടാ​വു​ക​യി​ല്ല. എ​ന്നാ​ൽ, പേ​നക്ക​ത്തി പി​റ​ന്നാ​ൾ സ​മ്മാ​ന​മാ​യി കി​ട്ടി​യ കു​ട്ടി​യു​ടെ അ​വ​സ്​​ഥ അ​ത​ല്ല. അ​വ​ന്റെ ആ​ന്ത​ര​പ്ര​കൃ​തി ക​ടു​വ​യി​ലെ​ന്ന​പോ​ലെ ഇ​തി​നോ​ട് ഇ​ണ​ങ്ങി​ ചേ​ര​ത്ത​ക്ക​വ​ണ്ണം വ​ള​ർ​ന്നി​ട്ടി​ല്ല. ടാ​ഗോ​ർ എ​ഴു​തി. പു​തു​താ​യി കി​ട്ടി​യ പേ​ന​ക്ക​ത്തി​ക​ൾ ഉ​പ​യോ​ഗി​ച്ച് ത​ന്റെ​യും അ​ന്യ​രു​ടെ​യും ജീ​വ​ക്ഷേ​മ​ങ്ങ​ളെ അ​പ​ക​ട​ത്തി​ലാ​ക്കു​ന്ന കു​ട്ടി​ക​ൾ! ആ ​പേ​നക്ക​ത്തി​ക​ൾ​ക്കാ​ക​ട്ടെ മ​നു​ഷ്യ​പ്പ​റ്റു​ണ്ടാ​വാ​ൻ ഇ​നി​യും സ​മ​യ​മാ​യി​ട്ടി​ല്ല.

.