ഒ​രു തെ​ക്കു​വ​ട​ക്ക​ൻ ഓ​ണ​സ​ദ്യ​വി​ശേ​ഷം

കു​ടും​ബ​ത്തി​ലെ എ​ല്ലാ​വ​രും കൂ​ടി ഒ​ന്നി​ച്ചി​രു​ന്ന് ക​ഴി​ക്കു​മ്പോ​ഴു​ള്ള സ​ന്തോ​ഷമാ​ണ് ഓ​ണം. തൂ​ശ​നി​ല​യി​ൽ ചോ​റി​നൊ​പ്പം നി​ര​വ​ധി തൊ​ടു​ക​റി​ക​ളും സാ​മ്പാ​റും കാ​ള​നും മോ​രും ര​സ​വും പാ​യ​സ​ങ്ങ​ളും ചേ​രു​ന്ന സ​ദ്യ നാ​വി​ൽ​ തീ​ർ​ക്കു​ക ഒ​രി​ക്ക​ലും മാ​യാ​ത്ത രു​ചി​യോ​ർ​മ​ക​ളാ​ണ്

ഉണ്ണു​ന്നെ​ങ്കി​ൽ ഓ​ണം ഉ​ണ്ണ​ണം’ എ​ന്നാ​ണ് ചൊ​ല്ല് ത​ന്നെ. അ​ത്ര​ക്കു​ണ്ട് മ​ല​യാ​ളി​ക്ക് ഓ​ണ​സ​ദ്യ​യോ​ടു​ള്ള രു​ചി​ക്ക​മ്പം. തൂ​ശ​നി​ല​യി​ൽ ചോ​റി​നൊ​പ്പം നി​ര​വ​ധി തൊ​ടു​ക​റി​ക​ളും സാ​മ്പാ​റും കാ​ള​നും മോ​രും ര​സ​വും പാ​യ​സ​ങ്ങ​ളും ചേ​രു​ന്ന സ​ദ്യ നാ​വി​ൽ​ തീ​ർ​ക്കു​ക ഒ​രി​ക്ക​ലും മാ​യാ​ത്ത രു​ചി​യോ​ർ​മ​ക​ളാ​ണ്. പ​ത്ത് നാ​ളി​ലും സ​ദ്യ​യൊ​രു​ക്കി​യി​രു​ന്ന പ​ണ്ടു​​കാ​ല​ത്തി​ൽ​നി​ന്ന് ഇ​ന്ന് ഏ​റെ മാ​റ്റം വ​ന്നെ​ങ്കി​ലും ഒ​രു കാ​ര്യ​ത്തി​ൽ അ​ന്നും ഇ​ന്നും മാ​റ്റ​മി​ല്ല. തി​​രു​വോ​ണ​ത്തി​ന് വി​ഭ​വ​സ​മൃ​ദ്ധ​മാ​യ സ​ദ്യത​ന്നെ വേ​ണം.

പ​ക്ഷേ, ആ​റു മ​ല​യാ​ളി​ക്ക് നൂ​റു മ​ല​യാ​ളം എ​ന്ന​ പോ​ലെ സ​ദ്യ​ക്കാ​ര്യ​ത്തി​ലുമുണ്ട് ഈ ​വേ​ർ​തി​രി​വ്. പൊ​തു​വെ മി​ക്ക​യി​ട​ത്തും പ​ച്ച​ക്ക​റി വി​ഭ​വ​ങ്ങ​ളാ​ണ് ഓ​ണ​സ​ദ്യ​യി​ൽ ഇ​ടം​പി​ടി​ക്കു​ക. എ​ന്നാ​ൽ, ചി​ല ഇ​ട​ങ്ങ​ളി​ൽ വി​ശേ​ഷി​ച്ച് വ​​ട​ക്കേ മ​ല​ബാ​റി​ൽ നോ​ൺ വെ​ജ് സ​ദ്യ​ക്കാ​ണ് ഇ​ഷ്ട​ക്കൂ​ടു​ത​ൽ. ഇ​ത് കേ​ൾ​ക്കു​ന്ന തെ​ക്ക​ൻ കേ​ര​ളീ​യ​ൻ അ​യ്യേ എ​ന്ന് പ​റ​ഞ്ഞ് മൂ​ക്ക​ത്തു​​വി​ര​ൽ വെ​ച്ചാ​ലും നോ​ൺവെജ് ഓ​ണ​ത്തി​ൽ വ​ട​ക്ക​ന് അ​ഭി​മാ​ന​മേ​യു​ള്ളൂ.

വി​ല കൂ​ടി​യാ​ലും ചി​ക്ക​നോ ന​ല്ല​യി​നം മീ​നോ ഇ​ല്ലാ​തെ എ​ന്ത് ഓ​ണം എ​ന്നാ​ണ് പ​ഴ​മ​ക്കാ​ർപോ​ലും ചോ​ദി​ക്കു​ന്ന​ത്. കാ​സ​ർ​കോ​ട്, ക​ണ്ണൂ​ർ, വ​യ​നാ​ട്, കോ​ഴി​ക്കോ​ട്, മ​ല​പ്പു​റം എ​ന്നി​വി​ട​ങ്ങ​ളി​ൽ സ​ദ്യ​ക്കൊ​പ്പം ഇ​ല​യി​ൽ ചി​ക്ക​നോ മീ​നോ ഇ​ല്ലാ​ത്ത കാ​ര്യം ആ​ലോ​ചി​ക്കാ​നേ വ​യ്യ. എ​ന്നാ​ൽ, ഇ​വി​ട​ങ്ങ​ളി​ൽ ഇ​വ​യൊ​ന്നും ക​ഴി​ക്കാ​ത്ത കൂ​ട്ട​രും ഏ​റെ​യു​ണ്ട്. പ​ച്ച​ക്ക​റി​യ​ല്ലാ​തെ മ​റ്റൊ​ന്നും വീ​ട്ടി​ലേ​ക്ക് അ​ടു​പ്പി​ക്കാ​ത്ത​വ​ർ. അ​ത്ര നി​ർ​ബ​ന്ധ​മാ​ണെ​ങ്കി​ൽ തി​രു​വോ​ണം ക​ഴി​ഞ്ഞു​ള്ള ദി​വ​സം നോ​ക്കാം എ​ന്ന ചി​ട്ട​വ​ട്ടം പാ​ലി​ക്കു​ന്ന​വ​ർ.

വ​ലു​തും വി​ല​കൂ​ടി​യ​തു​മാ​യ മീ​നാ​ണ് തി​രു​വോ​ണ​നാ​ളി​ൽ മ​ല​ബാ​റു​കാ​ർ വാ​ങ്ങു​ക. ആ​വോ​ലി, അ​യ​ക്കൂ​റ, ക​രി​മീ​ൻ തു​ട​ങ്ങി​യ​വ​യു​ടെ വി​ല​യൊ​ക്കെ റോ​ക്ക​റ്റി​നേ​ക്കാ​ൾ കു​തി​ക്കും. കാ​ണം വി​റ്റും ഓ​ണം ഉ​ണ്ണ​ണം എ​ന്നാ​ണ​ല്ലോ ചൊ​ല്ല്. അ​തി​നാ​ൽ വി​ല​യൊ​ക്കെ അ​ന്ന​ത്തേ​ക്ക് മ​റ​ക്കും.

ചി​ക്ക​നും മീ​നും മാ​റി ഇ​പ്പോ​ൾ ബി​രി​യാ​ണിവ​രെ മ​ല​ബാ​റി​ലെ സ​ദ്യ​​യി​ൽ ഇ​ടം​പി​ടി​ച്ചു​തു​ട​ങ്ങി​യി​ട്ടു​ണ്ട്. തി​രു​വോ​ണം അ​ടു​ക്കു​ന്ന​തോ​ടെ ലോ​ഡ് ക​ണ​ക്കി​ന് കോ​ഴി​വ​ണ്ടി​ക​ളാ​ണ് അ​യ​ൽ സം​സ്ഥാ​ന​ങ്ങ​ളി​ൽ​നി​ന്ന് അ​തി​ർ​ത്തി ക​ട​ന്ന് മ​ല​ബാ​റി​ലേ​ക്ക് എ​ത്തു​ന്ന​ത്. ഓ​ണ​ത്തി​ന് ക​ച്ച​വ​ടം പൊ​ടി പൊ​ടി​ക്കാ​നാ​യി ചി​ക്ക​നൊ​പ്പം പ​ച്ച​ക്ക​റി കി​റ്റ് ​സൗ​ജ​ന്യ​മാ​യി കൊ​ടു​ക്കു​ന്ന ക​ട​ക്കാ​ർ വ​രെ​യു​ണ്ട് മ​ല​പ്പു​റ​ത്തും കോ​ഴി​ക്കോ​ടു​മൊ​ക്കെ. ഓ​ണം, വി​ഷു പോ​ലു​ള്ള സീ​സ​ൺ ല​ക്ഷ്യ​മി​ട്ട് മ​ത്സ്യ കൃ​ഷി ന​ട​ത്തു​ന്ന​വ​രെ​യും കാ​ണാം. എ​ന്തൊ​ക്കെ​യാ​ണെ​ങ്കി​ലും അ​വ​ന​വ​ന് ഇ​ഷ്ട​മു​ള്ള​ത് ഉ​ണ്ടാ​ക്കി അ​ത് കു​ടും​ബ​ത്തി​ലെ എ​ല്ലാ​വ​രും കൂ​ടി ഒ​ന്നി​ച്ചി​രു​ന്ന് ക​ഴി​ക്കു​മ്പോ​ഴു​ള്ള സ​ന്തോ​ഷം ത​ന്നെ​യാ​ണ​ല്ലോ ഓ​ണം.

ന​ല്ലോ​ണം അ​റി​ഞ്ഞു​ണ്ണാം

ഓ​ണം ഉ​ണ്ട​റി​യ​ണം എ​ന്നാ​ണ് ചൊ​ല്ല്. വി​ഭ​വ​സ​മൃ​ദ്ധ​മാ​യ ഊ​ണി​നെ​യാ​ണ് സ​ദ്യ എ​ന്ന് വി​ളി​ക്കു​ന്ന​ത്. എ​ല്ലാ രു​ചി​ക​ളും അ​ട​ങ്ങി​യ സ​മ്പൂ​ർ​ണ​വും സ​മീ​കൃ​ത​വു​മാ​യ ആ​ഹാ​ര​മാ​ണ് സ​ദ്യ. ‘ബ​ന്ധു​ക്ക​ളോ​ടും സു​ഹൃ​ത്തു​ക്ക​ളോ​ടു​മൊ​പ്പ​മു​ള്ള മ​ഹാ​ഭോ​ജ​നം’ എ​ന്ന് അ​ർ​ഥ​മു​ള്ള ‘സ​ഗ്ധി’ എ​ന്ന സം​സ്കൃ​ത​ശ​ബ്ദ​ത്തി​ൽ​നി​ന്നാ​ണ് ‘സ​ദ്യ’ എ​ന്ന വാ​ക്കി​ന്റെ ഉ​ദ്ഭ​വം. നി​ല​ത്ത് ച​മ്രം പ​ടി​ഞ്ഞി​രു​ന്ന് വാ​ഴ​യി​ല​യി​ലാ​ണ് പാ​ര​മ്പ​ര്യ​മാ​യി സ​ദ്യ​യു​ണ്ണു​ന്ന രീ​തി. 26 കൂ​ട്ടം വി​ഭ​വ​ങ്ങ​ളാ​ണ് ഉ​ൾ​പ്പെ​ടു​ക. സ​ദ്യ വി​ള​മ്പു​ന്ന​തി​നും ക​ഴി​ക്കു​ന്ന​തി​നും ചി​ട്ട​വ​ട്ട​ങ്ങ​ളു​ണ്ട്. ക​റി​ക​ളു​ടെ എ​ണ്ണ​ത്തി​ലും വി​ള​മ്പു​ന്ന രീ​തി​യി​ലും പ്രാ​ദേ​ശി​ക​മാ​യ വ്യ​ത്യാ​സ​ങ്ങ​ൾ കാ​ണാം. എ​ന്നാ​ലും പൊ​തു​വാ​യി വി​ള​മ്പു​ന്ന രീ​തി​യു​ണ്ട്. അ​പ്പോ​ൾ ഇ​ത്ത​വ​ണ അ​റി​ഞ്ഞു​ണ്ണാം.

ഇ​ല​യി​ടാം

തൂ​ശ​നി​ല​യി​ലാ​യി​രി​ക്ക​ണം സ​ദ്യ വി​ള​മ്പേ​ണ്ട​ത്. നാ​ക്കി​ല​യെ​ന്നും പ​റ​യും. ഇ​ല​യു​ടെ അ​ഗ്ര​ഭാ​ഗം ഇ​രി​ക്കു​ന്ന​യാ​ളു​ടെ ഇ​ട​ത് വ​ശ​ത്തും മു​റി​ച്ച ഭാ​ഗം വ​ല​തു​വ​ശ​ത്തു​മാ​യി വേ​ണം ഇ​ല​യി​ടാ​ൻ.

ഇ​നി വി​ള​മ്പാം

ഓ​രോ വി​ഭ​വ​ത്തിനും ഓ​രോ ഗു​ണ​മാ​യ​തി​നാ​ൽ അ​ത് വി​ള​മ്പു​ന്ന​തി​നും അ​തി​ന്റേ​താ​യ സ്ഥാ​ന​വു​മു​ണ്ട്. ഇ​ല​യു​ടെ ഇ​ട​തു​വ​ശ​ത്ത് താ​ഴെ​യാ​യി ഉ​പ്പ്, പ​പ്പ​ടം, പ​ഴം, ശ​ർ​ക്ക​ര വ​ര​ട്ടി, കാ​യ വ​റു​ത്ത​ത് എ​ന്നി​വ വി​ള​മ്പാം. ഇ​ട​ത്തേ മൂ​ല​യി​ൽ മു​ക​ളി​ലാ​യി പു​ളി​യി​ഞ്ചി​യും അ​ച്ചാ​റു​ക​ളും വി​ള​മ്പും. തു​ട​ർ​ന്ന് കി​ച്ച​ടി, പ​ച്ച​ടി, അ​വി​യ​ൽ, തോ​ര​ൻ, കൂ​ട്ടു​ക​റി, എ​രി​ശ്ശേ​രി, ഓ​ല​ൻ എ​ന്നി​വ. കാ​ള​ൻ വ​ല​ത്തേ​യ​റ്റ​ത്താ​ണ് വി​ള​മ്പു​ക. ക​റി​യെ​ല്ലാം വി​ള​മ്പി​യാ​ൽ പി​ന്നെ ചോ​റ് ന​ടു​വി​ലാ​യി വി​ള​മ്പാം. പി​ന്നാ​ലെ പ​രി​പ്പും നെ​യ്യും ചോ​റി​ന്റെ വ​ല​തു​വ​ശം. അ​തി​നുശേ​ഷം സാ​മ്പാ​ർ, മോ​രു ക​റി, ഉ​ള്ളി തീ​യ​ൽ, ര​സം, സം​ഭാ​രം. ശേ​ഷം പാ​യ​സം.

ക​ഴി​ച്ചു തു​ട​ങ്ങാം

മ​ധു​രം, പു​ളി, ഉ​പ്പ്‌, എ​രി​വ്‌, ക​യ്പ്, ച​വ​ർ​പ്പ്‌ എ​ന്നി​വ​യാ​ണ് ആ​റു​ര​സ​ങ്ങ​ൾ. ഈ ​ക്ര​മ​ത്തി​ലാ​ക​ണം ക​ഴി​ക്കേ​ണ്ട​ത്. ആ​ദ്യം ക​ഴി​ക്കേ​ണ്ട​ത്‌ ശ​ർ​ക്ക​ര വ​ര​ട്ടി​യും കാ​യ വ​റു​ത്ത​തു​മാ​ണ്. ശ​ർ​ക്ക​ര വ​ര​ട്ടി​യി​ലെ മ​ധു​രം നാ​വി​ലെ ര​സ​മു​കു​ള​ങ്ങ​ളെ ഉ​ണ​ർ​ത്തും. അ​ടു​ത്ത​ത് ചോ​റ്. ആ​ദ്യം നെ​യ്യും പ​രി​പ്പും പ​പ്പ​ടം കൂ​ട്ടി ക​ഴി​ക്ക​ണം. നെ​യ്യ്‌ ശ​രീ​ര​ത്തി​ലെ അ​ഗ്നി​യെ ഉ​ത്തേ​ജി​പ്പി​ക്കു​ന്നു. അ​ഗ്നി​യാ​ണ് ദ​ഹ​നം ഉ​ണ്ടാ​ക്കു​ന്ന​ത്‌. ശേ​ഷം പു​ളി​യി​ഞ്ചി. മ​ധു​ര​വും ഇ​ഞ്ചി​യും ദ​ഹ​നേ​ന്ദ്രി​യ​ത്തെ ഉ​ത്തേ​ജി​പ്പി​ക്കും.

പു​ളി​യി​ഞ്ചി​ക്കുശേ​ഷം മ​ധു​ര​മു​ള്ള ക​റി​ക​ൾ കൂ​ട്ടാം. പി​ന്നീ​ട്‌ കൂ​ട്ടു​ക​റി. അ​ടു​ത്ത​ത് മ​ത്ത​ൻ എ​രി​ശ്ശേ​രി. തു​ട​ർ​ന്ന് കാ​ള​നും അ​വി​യ​ലും പ​ച്ച​ടി​യും എ​രി​ശ്ശേ​രി​യു​മെ​ല്ലാം ക​ഴി​ക്കാം. മ​ധു​ര​വും പു​ളി​യും ക​ഴി​ഞ്ഞാ​ൽ ഉ​പ്പും എ​രി​വു​മു​ള്ള വി​ഭ​വ​ങ്ങ​ളു​ടെ രു​ചി​യ​റി​യാം. അ​ച്ചാ​ർ, പ​ച്ച​ടി, തോ​ര​ൻ എ​ന്നി​വ ക​ഴി​ക്കാം.

ചോ​റും സാ​മ്പാ​റും ക​ഴി​ഞ്ഞാ​ൽ ചോ​റും ര​സ​വും ക​ഴി​ക്ക​ണം. ശേ​ഷം പാ​യ​സം ക​ഴി​ക്കാം. അ​ട​പ്ര​ഥ​മ​നാ​ണ് ആ​ദ്യം. തെ​ക്ക​ൻ കേ​ര​ള​ത്തി​ൽ പ​ഴ​മു​ട​ച്ചാ​ണ് ക​ഴി​ക്കു​ക. വ​​ട​ക്കേ മ​ല​ബാ​റി​ലും മ​ധ്യ​​കേ​ര​ള​ത്തി​ലും സ​ദ്യ​ക്ക് പാ​ല​ട​യാ​ണ് പ്ര​ധാ​നം. അ​ട ക​ഴി​ഞ്ഞാ​ൽ പാ​ൽ പാ​യ​സ​മോ സേ​മി​യ​യോ പ​രി​പ്പ് പാ​യ​സ​മോ ആ​കാം. തെ​ക്ക് പാ​ല​ട​ക്കും പാ​ൽ​പാ​യ​സ​ത്തി​നും സേ​മി​യ​ക്കു​മൊ​പ്പം ബോ​ളി വി​ള​മ്പും. പാ​യ​സ​ത്തി​ന് ശേ​ഷം മോ​ര് കൂ​ട്ടി വീ​ണ്ടും ചോ​റ് ക​ഴി​ക്ക​ണം. ദ​ഹ​നം ശ​രി​യാ​യി ന​ട​ക്കാ​നാ​ണി​ത്. ഏ​റ്റ​വു​മൊ​ടു​വി​ൽ ഒ​രു പ​ഴം കൂ​ടി ക​ഴി​ച്ചാ​ൽ ഇ​ല മ​ട​ക്കാം. ഇ​ല മ​ട​ക്കു​ന്ന​തി​നും അ​തി​ന്റേ​താ​യ രീ​തി​യു​ണ്ട്. ഊ​ണ് ഇ​ഷ്ട​പ്പെ​ട്ടാ​ൽ ഇ​ല മു​ക​ളി​ൽ​നി​ന്ന് താ​ഴോ​ട്ടാ​ണ് മ​ട​ക്കു​ക.

ഓ​ല​​നാ​ണ് താ​രം

ഏ​തു ​തൊ​ടു​ക​റി ക​ഴി​ച്ചാ​ലും ഒ​ര​ൽ​പം ഓ​ല​ൻ ക​ഴി​ച്ചി​ട്ടാ​ണ് മ​റ്റൊ​രു ക​റി ക​ഴി​ക്കേ​ണ്ട​ത്. ഉ​പ്പോ എ​രി​വോ മ​റ്റ് രു​ചി​ക്കൂ​ട്ടു​ക​ളോ ചേ​ർ​ക്കാ​തെ ഉ​ണ്ടാ​ക്കു​ന്ന ഓ​ല​ൻ ക​ഴി​ക്കു​മ്പോ​ൾ മു​മ്പ് ക​ഴി​ച്ച വി​ഭ​വ​ത്തി​ന്റെ രു​ചി നാ​വി​ൽ​നി​ന്ന് മാ​റി​നി​ൽ​ക്കും. അ​തി​നാ​ൽ ഓ​രോ ക​റി​യു​ടെ​യും യ​ഥാ​ർ​ഥ രു​ചി അ​റി​ഞ്ഞു​ണ്ണാം.