മണിപ്പൂരിൽ രണ്ടാംഘട്ട പോളിങ് ഇന്ന്

ഇംഫാൽ: മണിപ്പൂരിൽ 22 മണ്ഡലങ്ങളിലേക്കുള്ള രണ്ടാംഘട്ട പോളിങ് ശനിയാഴ്ച നടക്കും. ഫെബ്രുവരി 28ന് ആദ്യഘട്ട വോട്ടെടുപ്പ് നടന്ന അഞ്ച് നിയമസഭാ മണ്ഡലങ്ങളിലെ 12 പോളിങ് സ്റ്റേഷനുകളിൽ റീ പോളിങ്ങും ഇന്നാണ്.

പോളിങ് സമയത്തും ശേഷവും വോട്ടുയന്ത്രങ്ങൾക്ക് കേടുപാടുകൾ വന്നതാണ് വീണ്ടും തെരഞ്ഞെടുപ്പ് നടത്താൻ കാരണം. 38 നിയമസഭ സീറ്റുകളിലേക്ക് നടന്ന ആദ്യഘട്ട തെരഞ്ഞെടുപ്പിൽ 78.03 ശതമാനമായിരുന്നു പോളിങ് ശതമാനം.