നെ​ന്മേ​നി​യി​ൽ വീ​ണ്ടും പു​ലി; ഭീ​തി​യൊ​ഴി​യാ​തെ ബ​ത്തേ​രി​യും മീ​ന​ങ്ങാ​ടി​യും

സു​ൽ​ത്താ​ൻ ബ​ത്തേ​രി: നെ​ന്മേ​നി പ​ഞ്ചാ​യ​ത്തി​ലെ ന​മ്പ്യാ​ർ​കു​ന്ന്, ചീ​രാ​ൽ മേ​ഖ​ല​ക​ളി​ൽ ത​മ്പ​ടി​ക്കു​ന്ന പു​ലി ജ​ന​വാ​സ മേ​ഖ​ല​ക​ളി​ൽ​നി​ന്നു കാ​ട്ടി​ലേ​ക്ക് തി​രി​ച്ചു പോ​കാ​ത്ത​ത് പ്ര​ദേ​ശ​വാ​സി​ക​ളെ ഭീ​തി​യി​ലാ​ക്കു​ന്നു. ന​മ്പ്യാ​ർ​കു​ന്ന് പാ​റ​ക്കു​ഴു​പ്പ് അ​റി​ക്കാ​ട്ടി​ൽ പീ​താം​ബ​ര​ന്റെ ആ​ടി​നെ ഞാ​യ​റാ​ഴ്ച പുലർച്ച പു​ലി ക​ടി​ച്ചു കൊ​ന്നു. മ​റ്റൊ​രു ആ​ടി​നെ പ​രി​ക്കേ​ൽ​പി​ച്ചു. ക​ഴി​ഞ്ഞ ദി​വ​സം പു​ലി നാ​യെ ആ​ക്ര​മി​ച്ച ചീ​രാ​ൽ മു​രി​ക്കി​ലാ​ടി​യി​ൽ​നി​ന്നു നാ​ല് കി​ലോ​മീ​റ്റ​ർ മാ​റി​യാ​ണ് ഞാ​യ​റാ​ഴ്ച പുലർച്ച പു​ലി​യു​ടെ ആ​ക്ര​മ​ണ​മു​ണ്ടാ​യ​ത്. ചീ​രാ​ൽ മേ​ഖ​ല​യി​ൽ പു​ലി സാ​ന്നി​ധ്യം തു​ട​ങ്ങി​യി​ട്ട് ര​ണ്ടു മാ​സ​ത്തോ​ള​മാ​യി. നി​ര​വ​ധി വ​ള​ർ​ത്തു മൃ​ഗ​ങ്ങ​ൾ ആ​ക്ര​മി​ക്ക​പ്പെ​ട്ടു.

വ​നം​വ​കു​പ്പ് തി​ര​ച്ചി​ൽ ന​ട​ത്തി കാ​മ​റ​ക​ൾ സ്ഥാ​പി​ച്ചു പോ​കു​ന്ന​ത​ല്ലാ​തെ കാ​ര്യ​മാ​യ ന​ട​പ​ടി​ക​ളൊ​ന്നും ഉ​ണ്ടാ​വു​ന്നി​ല്ലെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. പ​ക​ൽ കു​റ്റി​ക്കാ​ട്ടി​ലും മ​റ്റും ത​ങ്ങു​ന്ന പു​ലി സ​ന്ധ്യ മ​യ​ങ്ങു​ന്ന​തോ​ടെ​യാ​ണ് പു​റ​ത്തി​റ​ങ്ങു​ന്ന​ത്. ന​മ്പ്യാ​ർ​കു​ന്ന്, കു​ടു​ക്കി, ചീ​രാ​ൽ, പ​ഴൂ​ർ, ന​മ്പി​ക്കൊ​ല്ലി എ​ന്നി​വി​ട​ങ്ങ​ളി​ലെ​ല്ലാം ക​ഴി​ഞ്ഞ ര​ണ്ടു​മാ​സ​ത്തി​നു​ള്ളി​ൽ പു​ലി വ​ന്നു​പോ​യി​ട്ടു​ണ്ട്. ഒ​രു മാ​സ​ത്തോ​ളം സു​ൽ​ത്താ​ൻ ബ​ത്തേ​രി മേ​ഖ​ല​യും പു​ലി ഭീ​തി​യി​ലാ​യി​രു​ന്നു.

ക​ഴി​ഞ്ഞ ഒ​രാ​ഴ്ച​യാ​യി പു​ലി ശ​ല്യം ഇ​വി​ടെ​നി​ന്നൊ​ഴി​ഞ്ഞി​ട്ടു​ണ്ട്. കൂ​ട്, കാ​മ​റ എ​ന്നി​വ​യൊ​ക്കെ സ്ഥാ​പി​ച്ചി​ട്ടും യാ​തൊ​രു പ്ര​യോ​ജ​ന​വു​മു​ണ്ടാ​യി​ല്ല. കോ​ട്ട​ക്കു​ന്ന്, ഫെ​യ​ർ​ലാ​ൻ​ഡ് കോ​ള​നി, പ​ട്ട​രു​പ​ടി, ക​ട്ട​യാ​ട് എ​ന്നി​വി​ട​ങ്ങ​ളി​ലാ​യി​രു​ന്നു പു​ലി എ​ത്തി​യി​രു​ന്ന​ത്. ക​ട്ട​യാ​ടെ​ത്തി​യ പു​ലി ബീ​നാ​ച്ചി മ​ധ്യ​പ്ര​ദേ​ശ് സ​ർ​ക്കാ​ർ തോ​ട്ട​ത്തി​ലേ​ക്ക് ക​യ​റി​യെ​ന്ന നി​ഗ​മ​ന​ത്തി​ലാ​ണ് പ്ര​ദേ​ശ​വാ​സി​ക​ൾ. അ​ങ്ങ​നെ​യെ​ങ്കി​ൽ പു​ലി വീ​ണ്ടും എ​ത്താ​നു​ള്ള സാ​ധ്യ​ത​യു​ണ്ട്. മീ​ന​ങ്ങാ​ടി പ​ഞ്ചാ​യ​ത്തി​ലെ മൈ​ലം​പാ​ടി​യാ​ണ് പു​ലി​യെ​ത്തി​യ മ​റ്റൊ​രു പ്ര​ദേ​ശം. ക​ഴി​ഞ്ഞ ദി​വ​സം പു​ലി​യെ പി​ടി​കൂ​ടാ​ൻ ഇ​വി​ടെ കൂ​ട് സ്ഥാ​പി​ച്ചി​ട്ടു​ണ്ട്.