ഫെ​മി​നി​ച്ചി​ക്ക​ഥ വീ​ണ്ടും

കേ​ര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​യി​ൽ മി​ക​ച്ച പ്രേ​ക്ഷ​ക പ്രീ​തി നേ​ടി​യ ചി​ത്ര​ത്തി​നു​ള്ള അ​വാ​ർ​ഡ് ഉ​ൾ​പ്പെ​ടെ അ​ഞ്ച് അ​വാ​ർ​ഡു​ക​ൾ ക​ഴി​ഞ്ഞ​വ​ർ​ഷം ക​ര​സ്ഥ​മാ​ക്കി​യ സി​നി​മ​യാ​ണ് ഫാ​സി​ൽ മു​ഹ​മ്മ​ദ് സം​വി​ധാ​നം ചെ​യ്ത ‘ഫെ​മി​നി​ച്ചി ഫാ​ത്തി​മ’. സി​നി​മ​യു​ടെ പേ​രുകൊ​ണ്ടും ക​ഥപ​റ​ച്ചി​ൽ രീ​തി കൊ​ണ്ടും മേ​ള​യി​ൽ എ​റ്റ​വും കൂ​ടു​ത​ൽ പ്ര​ശം​സ നേ​ടി​യ ചി​ത്ര​ങ്ങ​ളി​ലൊ​ന്നു കൂ​ടി​യാ​ണി​ത്. മി​ക​ച്ച സി​നി​മ​ക്കു​ള്ള കേ​ര​ള ഫി​ലിം ക്രി​ട്ടി​ക്സ് അ​വാ​ർ​ഡ് കൂ​ടി സ്വ​ന്ത​മാ​ക്കി വീ​ണ്ടും വാ​ർ​ത്ത​ക​ളി​ൽ ഇ​ടം നേ​ടു​ക​യാ​ണ് ഈ ​ചി​ത്രം. ഫെ​മി​നി​ച്ചി ഫാ​ത്തി​മ​യു​ടെ തി​ര​ക്ക​ഥാ​കൃ​ത്തും സം​വി​ധാ​യ​ക​നും എ​ഡി​റ്റ​റു​മാ​യ ഫാ​സി​ൽ മു​ഹ​മ്മ​ദ് സം​സാ​രി​ക്കു​ന്നു.

ഫാ​ത്തി​മ ഫെ​മി​നി​ച്ചിയായ ക​ഥ

സോ​ഷ്യ​ൽ മീ​ഡി​യ​യി​ൽ ഒ​രു സ്ത്രീ ​എ​ന്തെ​ങ്കി​ലും അ​ഭി​പ്രാ​യം പ​റ​ഞ്ഞാ​ൽ അ​ത് ന​ല്ല​താ​ണെ​ങ്കി​ൽകൂ​ടി ഒ​രുവി​ഭാ​ഗം ആ​ൾ​ക്കാ​ർ അ​വ​രെ ഫെ​മി​നി​ച്ചി എ​ന്ന് വി​ളി​ക്കാ​റു​ണ്ട്. സ്ത്രീ​ക​ൾ എ​പ്പോ​ഴും ഉ​യ​ര​ങ്ങ​ൾ കീ​ഴ​ട​ക്കി​ക്കൊ​ണ്ടി​രി​ക്കു​ക​യാ​ണ്. അ​തി​നെ ക​ളി​യാ​ക്കാ​നാ​ണ് ചി​ല​ർ ഫെ​മി​നി​ച്ചി എ​ന്ന വാ​ക്കു​പ​യോ​ഗി​ക്കു​ന്ന​ത്.

എ​ന്നാ​ൽ, ഞാ​ൻ ആ ​പേ​ര് പോ​സി​റ്റിവാ​യാ​ണ് കാ​ണു​ന്ന​ത്. സി​നി​മവ​ഴി ഫെ​മി​നി​ച്ചി എ​ന്ന വാ​ക്കി​നെ ആ​ൾ​ക്കാ​രും പോ​സി​റ്റിവാ​യി എ​ടു​ക്കു​മെ​ന്ന് ക​രു​തു​ന്നു. ഫാ​ത്തി​മ ഫെ​മി​നി​ച്ചി ആ​യാ​ൽ എ​ങ്ങ​നി​രി​ക്കു​മെ​ന്ന് എ​നി​ക്കും ആ​കാം​ക്ഷ​യു​ണ്ടാ​യി​രു​ന്നു. മു​സ്‍ലിം സ്ത്രീ​ക​ൾ​ക്കി​ട​യി​ലെ ഉ​ന്ന​മ​ന​വും ഈ ​സി​നി​മ​ക്ക് പ്ര​ചോ​ദ​ന​മാ​യി​ട്ടു​ണ്ട്. എ​ന്‍റെ ചു​റ്റു​പാ​ടു​ക​ളി​ൽ​നി​ന്ന് ഞാ​ൻ ക​ണ്ട ഫെ​മി​നി​സ​മാ​ണ് സി​നി​മ​യി​ലു​ള്ള​ത്.

തു​ല്യ​ത​യെ കു​റി​ച്ചു​ത​ന്നെ​യാ​ണ് ഫാ​ത്തി​മ​യും സം​സാ​രി​ക്കു​ന്ന​ത്. പൊ​തു​ഇ​ട​ങ്ങ​ളി​ലെ തു​ല്യ​ത ഇ​പ്പോ​ൾ സം​സാ​ര വി​ഷ​യ​മാ​ണ്. ഈ ​തു​ല്യ​ത വീ​ട്ടി​ൽ​നി​ന്നാ​ണ് തു​ട​ങ്ങേ​ണ്ട​ത്. സാ​മ്പ​ത്തി​ക സ്വാ​ശ്ര​യ​ത്വം സ്ത്രീ​ക​ൾ​ക്ക് എ​ത്ര​ത്തോ​ളം അ​ത്യാ​വ​ശ്യ​മാ​ണെ​ന്ന് കൂ​ടി സി​നി​മ ച​ർ​ച്ചചെ​യ്യു​ന്നു. അ​ത് അ​വ​ർ​ക്ക് എ​ത്ര​ത്തോ​ളം ജീ​വി​ത്തി​ൽ സ​ഹാ​യ​ക​മാ​കു​മെ​ന്നും. ദു​രാ​ചാ​ര​ങ്ങ​ൾ എ​ത്ര​ത്തോ​ള​മാ​ണ് സ്ത്രീ​ക​ളെ ബാ​ധി​ക്കു​ന്ന​തെ​ന്നും അ​ത് തി​രു​ത്ത​പ്പെ​ടേ​ണ്ട​താ​ണെ​ന്നും സി​നി​മ പ​റ​യു​ന്നു. ആ​ൾ​ക്കാ​രോ​ടും ഒ​രു കാ​ര്യ​മേ പ​റ‍ാ​നു​ള്ളൂ ‘എ​ല്ലാ​രും ഫെ​മി​നി​ച്ചി​ക​ളാ​വു​ക’.

സി​നി​മ മേ​ഖ​ല​യി​ലേ​ക്ക്

ഫെ​മി​നി​ച്ചി ഫാ​ത്തി​മ പ​രി​മി​തി​ക​ൾ​ക്കു​ള്ളി​ൽനി​ന്നും ചെ​യ്ത ഒ​രു കൂ​ട്ടാ​യ്മ​യു​ടെ സി​നി​മ​യാ​ണ്. സു​ഹൃ​ത്തു​ക്ക​ളെ​യും നാ​ട്ടു​കാ​രെ​യും ഒ​ക്കെ ഉ​ൾ​പ്പെ​ടു​ത്തി ചെ​യ്ത സി​നി​മ​യാ​ണ്. എ​ല്ലാ​വ​രെ​യും എ​ന്നി​ൽ വി​ശ്വാ​സ​മ​ർ​പ്പി​ച്ച് ഒ​പ്പം കൂ​ട്ടു​ക​യാ​ണ് ചെ​യ്ത​ത്. സി​നി​മ​യു​ടെ എ​ല്ലാ മേ​ഖ​ല​ക​ളും ഞാ​ൻ ചെ​യ്യും. സി​നി​മ അ​ത്ര​യും ഇ​ഷ്ട​മാ​ണ്. സം​വി​ധാ​ന​വും തി​ര​ക്ക​ഥ​യും എ​ഡി​റ്റി​ങ്ങും മാ​ത്ര​മ​ല്ല, അ​തി​ലെ ആ​ർ​ട് വ​ർ​ക്ക്, കോ​സ്റ്റ്യൂം എ​ല്ലാം ഞാ​നും സു​ഹൃ​ത്തു​ക്ക​ളും ത​ന്നെ​യാ​ണ് ചെ​യ്ത​ത്.

സി​നി​മ പാ​ര​മ്പ​ര്യ​മൊ​ന്നു​മി​ല്ല. ആ​ഗ്ര​ഹ​ത്തി​ന്‍റെ പു​റ​ത്താ​ണ് സി​നി​മ​യി​ലോ​ട്ട് വ​രു​ന്ന​ത്.​ ഒ​മ്പ​താം ക്ലാ​സി​ൽ പ​ഠി​ക്കു​മ്പോ​ൾ ഷോ​ർ​ട് ഫി​ലിം ചെ​യ്താ​ണ് തു​ട​ക്കം. കു​റ​ച്ച് സി​നി​മ​ക​ളി​ൽ സ്പോ​ട്ട് എ​ഡി​റ്റ​റാ​യി വ​ർ​ക്ക് ചെ​യ്തു. പി​ന്നെ ഖ​ബ​ർ എ​ന്ന ഷോ​ർ​ട്ട് ഫി​ലിം ചെ​യ്തു. പി​ന്നെ ഒ​രു വെ​ബ് സീ​രീ​സ്. അ​തി​നു​ശേ​ഷ​മാ​ണ് സി​നി​മ ചെ​യ്യു​ന്ന​ത്. സി​നി​മ​ക​ൾ കാ​ണാ​നൊ​ക്കെ പ​ണ്ടു തൊ​ട്ടേ ന​ല്ല താ​ൽ​പ​ര്യ​മാ​യി​രു​ന്നു. അ​താ​വാം സി​നി​മ​യോ​ടു​ള്ള ഇ​ഷ്ട​ത്തി​നും കാ​ര​ണം.

ജീ​വി​ക്കു​ന്ന അ​ഭി​നേ​താ​ക്ക​ൾ

ഷം​ല ഹം​സ​യും കു​മാ​ർ സു​നി​ലു​മാ​ണ് പ്ര​ധാ​ന ക​ഥാ​പാ​ത്ര​ങ്ങ​ൾ. ക​ഥ ന​ട​ക്കു​ന്ന പൊ​ന്നാ​നി​യു​ടെ ജീ​വി​തരീ​തി​ക​ളു​മാ​യി അ​ടു​ത്തുനി​ൽ​ക്കു​ന്ന ആ​ളാ​ണ് ഷം​ല. ഒ​രു സി​നി​മ​യി​ലെ പ്ര​ക​ട​നം ഇ​ഷ്ട​പ്പെ​ട്ടി​ട്ടാ​ണ് കു​മാ​റി​നെ വി​ളി​ക്കു​ന്ന​ത്. മ​ല​പ്പു​റം ഭാ​ഷാ​ശൈ​ലി​യു​മാ​യി ചേ​ർ​ന്നുനി​ൽ​ക്കു​ന്ന ആ​ൾ. ബാ​ക്കി​യു​ള്ള അ​ഭി​നേ​താ​ക്ക​ളെ​ല്ലാം എ​ന്‍റെ ചു​റ്റു​പാ​ടു​മുള്ള പ​രി​ച​യ​ക്കാ​രും പൊ​ന്നാ​നി​യി​ലെ നാ​ട്ടു​കാ​രു​മാ​ണ്. കൂ​ടു​ത​ൽ ആ​ൾ​ക്കാ​രും എ​ന്‍റെ വെ​ബ് സീ​രീ​സി​ലും ഷോ​ർ​ട്ട് ഫി​ലി​മി​ലും അ​ഭി​ന​യി​ച്ച​വ​രാ​ണ്. സി​നി​മ ഉ​ട​ൻ തി​യ​റ്റ​റി​ലെ​ത്തും.

സി​നി​മ പ്രേ​മി​ക​ളോ​ട്

സി​നി​മ ചെ​യ്യാ​ൻ താ​ൽ​പ​ര്യ​മു​ള്ള​വ​ർ അ​ത് ചെ​യ്യു​ക. സി​നി​മാ മോ​ഹ​വു​മാ​യി എ​റ​ണാ​കു​ള​ത്തൊ​ക്കെ പോ​യി ആ​ർ​ട്ടി​സ്റ്റു​ക​ളോ​ട് സി​നി​മ പ​റ​യാ​ൻ ശ്ര​മി​ക്ക​ലും, പ്രൊ​ഡ​ക്ഷ​ന്‍റ​ടു​ത്ത് സം​സാ​രി​ക്ക​ലു​മൊ​ക്കെ ചെ​യ്യു​ക​യാ​യി​രു​ന്നു ഇ​ത്ര​യും കാ​ലം. പ​ക്ഷേ, റി​സ​ൾ​ട്ടു​ണ്ടാ​യി​ല്ല. അ​വ​സാ​നം എ​ന്‍റെ വീ​ടി​ന്‍റെ ചു​റ്റും നി​ന്നാ​ണ് സി​നി​മ​യു​ണ്ടാ​ക്കി​യ​ത്.