നി​ശ്ശബ്ദ​മാ​യ ലോ​ക​ത്ത് അ​വ​ൾ ഉ​റ​ക്കെ പാ​ടു​ന്നു

നാ​ലു​ പേ​ര​ട​ങ്ങു​ന്ന ഒ​രു കു​ടും​ബ​ത്തി​ൽ, കേ​ൾ​വി​ശ​ക്തി​യു​ള്ള ഏ​ക വ്യ​ക്തി റൂ​ബി​യാ​ണ്. റൂ​ബി റോ​സി എ​ന്ന കൗ​മാ​ര​ക്കാ​രി​യെ​യും അ​വ​ളു​ടെ കു​ടും​ബ​ത്തെ​യും കേ​ന്ദ്രീ​ക​രി​ച്ചാ​ണ് ‘കോ​ഡ’ മു​ന്നോ​ട്ട് നീ​ങ്ങു​ന്ന​ത്. റൂ​ബി​യു​ടെ സ​ഹാ​യ​ത്തോ​ടെ​യാ​ണ് ആ ​കു​ടും​ബം മ​ത്സ്യ​ബ​ന്ധ​നം ചെ​യ്ത് ജീ​വി​ക്കു​ന്ന​ത്. സ്കൂ​ൾ വി​ദ്യാ​ർ​ഥി​നി​യാ​യ റൂ​ബി​ക്ക് പാ​ട്ടു​കാ​രി​യാ​കാ​നാ​ണ് ആ​ഗ്ര​ഹം. പ​ക്ഷേ, വി​ധി വെ​ല്ലു​വി​ളി​യാ​കു​ന്നു. കേ​ൾ​വി​ശ​ക്തി ഇ​ല്ലാ​ത്ത​വ​രു​ടെ കു​ടും​ബ​ത്തി​ലെ അം​ഗ​മാ​യ​തി​നാ​ൽ അ​വ​ളെ ചു​റ്റു​മു​ള്ള​വ​ർ ക​ളി​യാ​ക്കു​ന്നു. പാ​ട്ടു​കാ​രി​യാ​കാ​നു​ള്ള ആ​ഗ്ര​ഹ​വു​മാ​യി റൂ​ബി മു​ന്നോ​ട്ടു പോ​കു​മ്പോ​ൾ അ​വ​ൾ​ക്കും വീ​ട്ടു​കാ​ർ​ക്കു​മി​ട​യി​ൽ ഉ​ണ്ടാ​കു​ന്ന പ്ര​ശ്ന​ങ്ങ​ളാ​ണ് കോ​ഡ​യു​ടെ പ്ര​മേ​യം.

കു​ടും​ബ​ത്തോ​ടൊ​പ്പം നി​ൽ​ക്കു​മ്പോ​ഴും മൂ​ക​മാ​യ ആ ​ലോ​ക​ത്തി​ന് പു​റ​ത്തുപോ​കാ​ൻ അ​വ​ൾ ആ​ഗ്ര​ഹി​ക്കു​ന്നു. അ​തൊ​രു മാ​ന​സി​ക സം​ഘ​ർ​ഷ​മാ​യി മാ​റു​ന്നു. ജീ​വി​തം മു​ഴു​വ​ൻ അ​വ​ൾ മാ​താ​പി​താ​ക്ക​ൾ​ക്കും സ​ഹോ​ദ​ര​നും വേ​ണ്ടി സം​സാ​രി​ക്കു​ക​യാ​യി​രു​ന്നു. അ​വ​ൾ​ക്ക് പാ​ട​ണം, അ​താ​ണ് അ​വ​ളു​ടെ ലോ​കം. റൂ​ബി​യു​ടെ ക​ഴി​വ് അ​വ​ളു​ടെ വീ​ട്ടു​കാ​ർ​ക്ക് അ​റി​യാ​നോ, ആ​സ്വ​ദി​ക്കാ​നോ ക​ഴി​യു​ന്നി​ല്ല.

റൂ​ബി​യു​ടെ സ്വ​ത​ന്ത്ര പ്ര​വ​ർ​ത്ത​ന​ങ്ങ​ളും ദീ​ർ​ഘ​നാ​ള​ത്തെ അ​ഭാ​വ​വും കു​ടും​ബ​ത്തി​ന്റെ ഉ​പ​ജീ​വ​ന​മാ​ർ​ഗ​ത്തി​ന് ഭീ​ഷ​ണി​യാ​കു​മെ​ന്ന് അ​വ​ൾ തി​രി​ച്ച​റി​യു​ന്നു​ണ്ടെ​ങ്കി​ലും ശ​ബ്ദ​ങ്ങ​ൾ തി​രി​ച്ച​റി​യാ​ത്ത ലോ​ക​ത്ത് ഉ​റ​ക്കെ പാ​ടാ​ൻ അ​വ​ൾ ആ​ഗ്ര​ഹി​ച്ചു. റൂ​ബി​യു​ടെ ആ​ഗ്ര​ഹം മാ​ത്ര​മ​ല്ല, അ​വ​ളു​ടെ പ്ര​തി​രോ​ധ​വും താ​നി​ല്ലെ​ങ്കി​ലും വീ​ട്ടു​കാ​ർ ഈ ​അ​വ​സ്ഥ ത​ര​ണം ചെ​യ്യ​ണ​മെ​ന്ന ആ​ഗ്ര​ഹ​വു​മാ​ണ് റൂ​ബി​യെ ബോ​സ്റ്റ​ണി​ലെ​ത്തി​ക്കു​ന്ന​ത്. പ​റ​യ​ത്ത​ക്ക ട്വി​സ്റ്റു​ക​ൾ ഒ​ന്നും ഇ​ല്ലാ​ത്ത, അ​ധി​ക സ​മ​യ​വും നി​ശ്ശബ്ദ​മാ​യി ഒ​ഴു​കു​ന്ന ഈ ​ക​ഥ പ്രേ​ക്ഷ​ക​രെ അ​തി​ന്‍റെ സ​ഞ്ചാ​ര​ത്തി​ലേ​ക്ക് ചേ​ർ​ത്തു​വെ​ക്കു​ന്നു​ണ്ട്. പൊ​ട്ടി​ച്ചി​രി​പ്പി​ക്കു​ന്ന രം​ഗ​ങ്ങ​ളോ​ടൊ​പ്പം ചി​ല രം​ഗ​ങ്ങ​ൾ നോ​വ് പ​ട​ർ​ത്തും.

മ​ക​ളു​ടെ പാ​ട്ട് കേ​ൾ​ക്കാ​നാ​കാ​തെ അ​വ​ളു​ടെ ക​ഴു​ത്തി​ൽ പി​ടി​ച്ച് അ​തി​ന്‍റെ താ​ള​വും വ​രി​ക​ളും അ​റി​യാ​ൻ ശ്ര​മി​ക്കു​ന്ന നി​സ്സഹാ​യ​നാ​യ അ​ച്ഛ​ന്‍റെ രം​ഗം സി​നി​മ അ​വ​സാ​നി​ച്ചാ​ലും പ്രേ​ക്ഷ​ക​രു​ടെ ഉ​ള്ളി​ൽനി​ന്ന് പോ​വി​ല്ല. 2022ലെ ​ഓ​സ്ക​റി​ൽ മി​ക​ച്ച ചി​ത്ര​ത്തി​നും മി​ക​ച്ച തി​ര​ക്ക​ഥ​ക്കും മി​ക​ച്ച സ​ഹന​ട​നു​മു​ള്ള പു​ര​സ്കാ​ര​ങ്ങ​ൾ വാ​രി​ക്കൂ​ട്ടി​യ ചി​ത്ര​മാ​ണ് സി​യാ​ൻ ഹെ​ഡ​ർ സം​വി​ധാ​നം ചെ​യ്ത ‘കോ​ഡ’. കേ​ൾ​വി​പ​രി​മി​തി​യു​ള്ള മാ​താ​പി​താ​ക്ക​ളു​ടെ കു​ട്ടി​ക​ളെ​യാ​ണ് ‘കോ​ഡ’ എ​ന്നു പ​റ​യു​ന്ന​ത്.

2021ൽ ​ആ​പ്പി​ൾ ടി.​വി പ്ല​സി​ലൂ​ടെ ഇ​റ​ങ്ങി​യ ചി​ത്രം ആ ​വ​ർ​ഷ​ത്തെ മി​ക​ച്ച 10 ചി​ത്ര​ങ്ങ​ളി​ൽ ഒ​ന്നാ​യി​രു​ന്നു. 2014ൽ ​പു​റ​ത്തി​റ​ങ്ങി​യ ‘ലാ ​ഫാ​മി​ൽ ബി​ലി​യെ​ർ’ എ​ന്ന ഫ്ര​ഞ്ച്-​ബെ​ൽ​ജി​യ​ൻ ചി​ത്ര​ത്തി​ന്‍റെ ഇം​ഗ്ലീ​ഷ് റീ​മേ​ക്കാ​ണ് ഈ ​സി​നി​മ. ഫീ​ൽ ഗു​ഡ് കാ​റ്റ​ഗ​റി​യി​ലു​ള്ള ഈ ​ചി​ത്രം സ​ബ് ടൈ​റ്റി​ലു​ക​ൾ ഇ​ല്ലാ​തെ കാ​ണാ​ൻ ശ്ര​മി​ച്ചാ​ൽ റൂ​ബി​യു​ടെ​യും കു​ടും​ബ​ത്തി​ന്‍റെ​യും ആം​ഗ്യ​ഭാ​ഷ മ​ന​സ്സിലാ​വ​ണ​മെ​ന്നി​ല്ല. ആ​പ്പി​ൾ ടി.​വി പ്ല​സി​ലും ആ​മ​സോ​ൺ പ്രൈം ​വി​ഡി​യോ​യി​ലും ചി​ത്രം കാ​ണാം.