മി​ന്നാ​മി​നു​ങ്ങി​ന്‍റെ നു​റു​ങ്ങു​വെ​ട്ടം

ര​ണ്ടാം ലോ​ക​യു​ദ്ധ കാ​ലം. യു​ദ്ധ തീ​വ്ര​ത ജ​പ്പാ​നി​ലെ സാ​ധാ​ര​ണ ജ​ന​ങ്ങ​ളെ​യും കു​ട്ടി​ക​ളെ​യും എ​ത്ര​ത്തോ​ളം ബാ​ധി​ക്കു​ന്നു‍? എ​ന്താ​ണ് യു​ദ്ധം ബാ​ക്കി​വെ​ക്കു​ന്ന​ത്? ലോ​ക​സ​മാ​ധാ​നം ന​ഷ്ട​പ്പെ​ടു​ത്തി, ക​ന​ത്ത നാ​ശ​ന​ഷ്ട​ങ്ങ​ളു​ണ്ടാ​ക്കി, ബ​ഹു​മു​ഖ ആ​ക്ര​മ​ണ​ങ്ങ​ളു​മാ​യി മു​ന്നോ​ട്ടു​നീ​ങ്ങു​ന്ന​ത് എ​ന്തി​നാ​ണ്? ഉ​റ്റ​വ​രും ഉ​ട​യ​വ​രും ന​ഷ്ട​പ്പെ​ട്ട് ബാ​ക്കി​യാ​വു​ന്ന​വ​ർ​ക്കുവേ​ണ്ടി, അ​തി​ജീ​വ​ന​ത്തി​ന്‍റെ എ​ല്ലാ പ​ഴു​തു​ക​ളും അ​ട​യു​ന്ന​വ​ർ​ക്കുവേ​ണ്ടി എ​ന്താ​ണ് കാ​ലം കാ​ത്തു​വെ​ച്ചി​രി​ക്കു​ന്ന​ത്? എ​ങ്ങു​മെ​ത്താ​ത്ത ജീ​വി​ത​ത്തെ നേ​രി​ടാ​ൻ അ​ഹോ​രാ​ത്രം പ​രി​ശ്ര​മി​ക്കു​ന്ന സെ​യ്‌​റ്റ​യും സെ​റ്റ്സു​കോ​യും ക​ണ്ടി​രി​ക്കു​ന്ന​വ​രു​ടെ ക​ണ്ണ് നി​റ​ക്കു​മെ​ന്ന് തീ​ർ​ച്ച​യാ​ണ്.

ഓ​രോ യു​ദ്ധ​ത്തി​നൊ​ടു​വി​ലും അ​വ​ശേ​ഷി​ക്കു​ന്ന​ത് ജ​യി​ച്ച​വ​രും തോ​റ്റ​വ​രു​മ​ല്ല. പ​ക​രം ഇ​ര​ക​ൾ മാ​ത്ര​മാ​ണ്. എ​ല്ലാ കാ​ല​ത്തും യു​ദ്ധ​ത്തി​ന്‍റെ ഇ​ര​ക​ൾ സ്ത്രീ​ക​ളും നി​ഷ്ക​ള​ങ്ക​രാ​യ കു​ട്ടി​ക​ളു​മാ​ണ്. ഇ​സാ​വോ ത​ക്കാ​ഹ​ട്ട​യു​ടെ സം​വി​ധാ​ന​ത്തി​ൽ 1988ല്‍ ​ഇ​റ​ങ്ങി​യ ജാ​പ്പ​നീ​സ് ചി​ത്ര​മാ​യ ‘ഗ്രേ​വ്‌ ഓ​ഫ് ദ ​ഫ​യ​ര്‍ഫ്ലൈ​സ്’ എ​ക്കാ​ല​ത്തെ​യും മി​ക​ച്ച അ​നി​മേ​ഷ​ൻ ചി​ത്ര​ങ്ങ​ളി​ൽ ഒ​ന്നാ​യി നി​രൂ​പ​ക​ർ വി​ല​യി​രു​ത്തു​ന്നു. ഐ.​എം.​ഡി.​ബി ടോ​പ് 250 ചി​ത്ര​ങ്ങ​ളു​ടെ പ​ട്ടി​ക​യി​ലു​ൾ​പ്പെ​ട്ട ഈ ​ചി​ത്രം എ​ല്ലാ യു​ദ്ധ​സി​നി​മ​ക​ളെ​യുംപോ​ലെ ഹൃ​ദ​യ​സ്പ​ർ​ശി​യാ​യ ഒ​ന്നാ​ണ്. അ​കി​യു​ക്കി നൊ​സാ​ക്ക​യു​ടെ 1967ലെ ​ഇ​തേ പേ​രി​ലു​ള്ള ചെ​റു​ക​ഥ​യാ​ണ് ചി​ത്ര​ത്തി​നാ​ധാ​രം.

ര​ണ്ടാം ലോ​ക​യു​ദ്ധ​ത്തി​ന്‍റെ അ​വ​സാ​ന നാ​ളു​ക​ളി​ൽ അ​തി​ജീ​വ​ന​ത്തി​നാ​യി പൊ​രു​തു​ന്ന സെ​യ്‌​റ്റ, സെ​റ്റ്സു​കോ എ​ന്നീ സ​ഹോ​ദ​ര​ങ്ങ​ളു​ടെ ക​ഥ​യാ​ണി​ത്. യു​ദ്ധ​ത്തി​ന്‍റെ അ​ന​ന്ത​ര​ഫ​ല​ങ്ങ​ൾ കു​ട്ടി​ക​ളി​ലു​ണ്ടാ​ക്കു​ന്ന മാ​ന​സി​ക സം​ഘ​ർ​ഷ​ങ്ങ​ൾ, അ​തി​ജീ​വ​നം എ​ന്നി​വ വ്യ​ക്ത​മാ​യി ചി​ത്രം വ​ര​ച്ചു കാ​ട്ടു​ന്നു​ണ്ട്. തീ​ർ​ത്തും പ്രവചിക്കാവുന്നതാണ് ഇ​തി​ന്‍റെ ഫോ​ർ​മാ​റ്റ്. എ​ങ്കി​ലും സെ​യ്‌​റ്റ​യും സെ​റ്റ്സു​കോ​യും മ​ടു​പ്പി​ക്കി​ല്ല. മാ​ത്ര​മ​ല്ല, ക​ണ്ടി​രി​ക്കു​ന്ന​വ​രെ ഇ​തി​ലേ​ക്ക് വ​ലി​ച്ചി​ടാ​ൻ പാ​ക​ത്തി​ൽ അ​വ​രു​ടെ വി​കാ​ര വി​ചാ​ര​ങ്ങ​ളെ ന​ന്നാ​യി ക്രാ​ഫ്റ്റ് ചെ​യ്യു​ന്നു​മു​ണ്ട്.

സിം​ബോ​ളി​ക് ഘ​ട​ക​ങ്ങ​ളി​ൽ എ​ടു​ത്തു​പ​റ​യേ​ണ്ട ഒ​ന്നാ​ണ് മി​ന്നാ​മി​നു​ങ്ങി​ന്‍റെ സാ​ന്നി​ധ്യം. സെ​യ്‌​റ്റ​ക്കും സെ​റ്റ്സു​കോ​ക്കു​മൊ​പ്പം അ​വ​രു​ടെ സ​ന്തോ​ഷ​ത്തി​ലും സ​ങ്ക​ട​ത്തി​ലും മി​ന്നാ​മി​നു​ങ്ങും പ​ങ്കാ​ളി​യാ​വു​ന്നു​ണ്ട്. ഒ​ന്നും അ​റി​യാ​ത്ത കു​ഞ്ഞു​ങ്ങ​ളു​ടെ ജീ​വി​തം ത​ക​ർ​ക്കു​ന്ന യു​ദ്ധ​ത്തി​ന്‍റെ ഭീ​ക​ര​ത സെ​യ്‌​റ്റ​യു​ടെ ക​ണ്ണി​ലു​ണ്ട്. കു​ഞ്ഞ​നു​ജ​ത്തി​യെ ത​ന്നാ​ൽ ആ​വും​വി​ധം അ​വ​ൻ സം​ര​ക്ഷി​ക്കു​ന്നു​ണ്ട്. എ​ത്ര​ത്തോ​ളം അ​വ​ന് അ​തി​ന് സാ​ധി​ക്കു​ന്നു​ണ്ടെ​ന്ന് സി​നി​മ ക​ണ്ട​റി​യ​ണം. യു​ദ്ധം കു​ട്ടി​ക​ളെ ബാ​ധി​ക്കു​ന്ന ചി​ത്ര​ങ്ങ​ൾ നി​ര​വ​ധി​യു​ണ്ടെ​ങ്കി​ലും ഈ 2D ​ചി​ത്രം കു​റെക്കൂടി ആ​ഴ​ത്തി​ൽ ഹൃ​ദ​യ​ത്തി​ൽ പ​തി​യു​മെ​ന്ന് ഉ​റ​പ്പാ​ണ്.

ഒ​രേസ​മ​യം ഗ്രാ​മ​ത്തി​ന്‍റെ ഭം​ഗി​യും അ​തി​ന്‍റെ ഭീ​ക​ര​ത​യും കാ​ണി​ക്കാ​ൻ മി​ഡ്-​ലാ​ൻ​ഡ്സ്കേ​പ് ഷോ​ട്ടു​ക​ൾ​ക്ക് സാ​ധി​ക്കു​ന്നു​ണ്ട്. ഹോ​ളി​വു​ഡ് അനി​മേ​ഷ​ൻ പ​തി​റ്റാ​ണ്ടു​ക​ളാ​യി ‘റി​യ​ലി​സ്റ്റി​ക് അനി​മേ​ഷ​നി​ൽ’ ഫോ​ക്ക​സ് ചെ​യ്യു​ന്ന​വ​രാ​ണ്. അ​തു​ത​ന്നെ​യാ​ണ് ‘ഗ്രേ​വ്‌ ഓ​ഫ് ഫ​യ​ര്‍ഫ്ലൈ​സി​’ലും ഉ​പ​യോ​ഗി​ച്ചി​രി​ക്കു​ന്ന​ത്. അ​ർ​ഥ​ശൂ​ന്യ​മെ​ന്ന് തോ​ന്നു​ന്ന ലോ​ക​ത്ത് ജീ​വി​ത​ത്തി​ന്‍റെ​യും മ​ര​ണ​ത്തി​ന്‍റെ​യും നൂ​ൽ​പാ​ല​ത്തി​ൽ ജീ​വി​ക്കു​ന്ന മ​നു​ഷ്യ​രു​ടെ മാ​ന​സി​കാ​വ​സ്ഥ​ക​ളും സ​ങ്കീ​ർ​ണ​ത​ക​ളും മ​ന​സ്സിലാ​ക്കാ​ൻ ബു​ദ്ധി​മു​ട്ടാ​ണ്. ഒ​ന്നും അ​റി​യാ​ത്ത കു​ഞ്ഞു​ങ്ങ​ളി​ൽ യു​ദ്ധം അ​വ​ശേ​ഷി​പ്പി​ക്കു​ന്ന​ത് ദുഃഖം മാ​ത്ര​മാ​ണ്. ഇ​നി​യും അ​റു​തി വ​രാ​ത്ത യു​ദ്ധക്കെ​ടു​തി​യി​ൽ നാം ​എ​ന്തു​നേ​ടി എ​ന്നുകൂ​ടി ഇ​വി​ടെ ചി​ന്തി​ക്കേ​ണ്ടി​യി​രി​ക്കു​ന്നു.