അ​ടു​ത്ത സീ​സ​ൺ എ​പ്പോ​ഴാ?

ചി​ല സീ​രീ​സു​ക​ൾ ക​ണ്ടു​തീ​രു​ന്ന​ത​റി​യി​ല്ല. ഓ​രോ സീ​സ​ണിനും വേ​ണ്ടി പ്രേ​ക്ഷ​ക​ർ കാ​ത്തി​രി​ക്കും. അ​ങ്ങ​നെ​യൊ​ന്നാ​ണ് ‘സ്ട്രേ​ഞ്ച​ർ തി​ങ്സ്’. 1980ക​ളി​ലെ ഇ​ന്ത്യാ​ന​യി​ലെ ഒ​രു സാ​ങ്ക​ൽ​പിക പ​ട്ട​ണം, ഹോ​ക്കി​ൻ​സ്. ക​ഥ തു​ട​ങ്ങു​ന്ന​ത് അ​വി​ടെ​നി​ന്നാ​ണ്. ആ ​പ​ട്ട​ണ​ത്തി​ലെ ചി​ല സം​ഭ​വ​ങ്ങ​ളെ തു​ട​ർ​ന്ന് ഒ​രു ബാ​ല​നെ കാ​ണാ​താ​വു​ന്നു. അ​വ​ന്റെ കൂ​ട്ടു​കാ​രും കു​ടും​ബാ​ംഗ​ങ്ങ​ളും അ​ന്വേ​ഷി​ച്ചി​റ​ങ്ങു​ന്നു. അ​വ​രെ സ​ഹാ​യി​ക്കാ​നാ​യി അ​മാ​നു​ഷി​ക സി​ദ്ധി​യു​ള്ള പെ​ൺ​കു​ട്ടി എ​ത്തു​ന്നു. ആ​ഗോ​ള​ത​ല​ത്തി​ൽ ഏ​റ്റ​വും കൂ​ടു​ത​ൽ ആ​രാ​ധ​ക​രു​ള്ള ‘സ്ട്രേ​ഞ്ച​ർ തി​ങ്സി​ന്റെ’ ക​ഥ അ​വി​ടെ തു​ട​ങ്ങു​ക​യാ​ണ്.

സാ​ധാ​ര​ണ​ഗ​തി​യി​ൽ തു​ട​ങ്ങി പ്രേ​ക്ഷ​ക​രെ മു​ൾ​മു​ന​യി​ൽ നി​ർ​ത്തി​ച്ച നാ​ല് സീ​സ​ണു​ക​ൾ. 34 എ​പ്പി​സോ​ഡു​ക​ൾ. അ​ഞ്ചാം സീ​സ​ണി​നു​ള്ള കാ​ത്തി​രി​പ്പ്. ഇ​ത് മാ​ത്രം മ​തി​യാ​വും ‘സ്ട്രേ​ഞ്ച​ർ തി​ങ്സി​’ന്റെ റേ​ഞ്ച് മ​ന​സ്സി​ലാ​വാ​ൻ. ഡ​ഫ​ർ ബ്ര​ദേ​ഴ്സ് എ​ന്ന​റി​യ​പ്പെ​ടു​ന്ന മാ​റ്റ് ഡ​ഫ​റും റോ​സ് ഡ​ഫ​റും ചേ​ർ​ന്ന് ര​ച​ന, നി​ർ​മാ​ണം, സം​വി​ധാ​നം എ​ന്നി​വ നി​ർ​വ​ഹി​ച്ച്, നെ​റ്റ്ഫ്ലി​ക്സ് അ​വ​ത​രി​പ്പി​ച്ച സ​യ​ൻ​സ് ഫി​ക്ഷ​ൻ-​ഹൊ​റ​ർ വെ​ബ് സീ​രീ​സാ​ണ് ‘സ്ട്രേ​ഞ്ച​ർ തി​ങ്സ്’.

2016ലാ​ണ് ആ​ദ്യ സീ​സ​ൺ നെ​റ്റ്ഫ്ലി​ക്സ് അ​വ​ത​രി​പ്പി​ക്കു​ന്ന​ത്. അ​ഭി​ന​യം, ശ​ബ്ദ​ലേ​ഖ​നം, സം​വി​ധാ​നം, ര​ച​ന, ക​ഥാ​പാ​ത്ര​ങ്ങ​ൾ എ​ന്നി​വ​യു​ടെ മി​ക​വി​ന് നി​രൂ​പ​ക പ്ര​ശം​സ​യും സീ​രി​സ് നേ​ടി. അ​വാ​ർ​ഡു​ക​ളും നാ​മ​നി​ർ​ദേ​ശ​ങ്ങ​ളും വേ​റെ. മി​ക​ച്ച പ​ര​മ്പ​ര​ക്കു​ള്ള അ​വാ​ർ​ഡ് ഉ​ൾ​പ്പെ​ടെ 18 പ്രൈം ​ടൈം എ​മ്മി അ​വാ​ർ​ഡ് നാ​മ​നി​ർ​ദേ​ശ​ങ്ങ​ൾ ആ ​വ​ർ​ഷം ‘സ്ട്രേ​ഞ്ച​ർ തി​ങ്സ്’ നേ​ടി. സ്റ്റീ​വ​ൻ സ്പീ​ൽ​ബ​ർ​ഗ്, ജോ​ൺ കാ​ർ​പെ​ന്റ​ർ, സ്റ്റീ​ഫ​ൻ കി​ങ് തു​ട​ങ്ങി​യ​വ​രു​ടെ ആ ​കാ​ല​ത്തി​ലെ ച​ല​ച്ചി​ത്ര, സാ​ഹി​ത്യ സൃ​ഷ്‌​ടി​ക​ൾ പ​ര​മ്പ​ര​ക്ക് പ്ര​ചോ​ദ​ന​മാ​യി​ട്ടു​ണ്ട്.

ഹോ​ക്കി​ൻ​സ് പ​ട്ട​ണ​ത്തി​ൽ വീ​ണ്ടും പ്ര​ശ്ന​ങ്ങ​ൾ. വി​ചി​ത്ര​മാ​യ കൊ​ല​പാ​ത​ക​ങ്ങ​ൾ. ആ​രാ​ണ് ഇ​തി​നു​പി​ന്നി​ൽ എ​ന്ന അ​ന്വേ​ഷ​ണ​വും ഒ​ട്ടേ​റെ കു​ഴ​പ്പി​ക്കു​ന്ന ചോ​ദ്യ​ങ്ങ​ളും മു​ന്നി​ൽ വെ​ച്ചു​കൊ​ണ്ടു​ള്ള സീ​സ​ൺ 4ന് ​ആ​രാ​ധ​ക​ർ ഏ​റെ​യാ​യി​രു​ന്നു. നെ​റ്റ്ഫ്ലി​ക്‌​സി​ൽ ഏ​റ്റ​വു​മ​ധി​കം ആ​ളു​ക​ൾ ക​ണ്ട ഇം​ഗ്ലീ​ഷ് ടി.​വി ഷോ ​‘സ്‌​ട്രേ​ഞ്ച​ർ തി​ങ്സ്’ സീ​സ​ൺ 4, വോ​ള്യം 1 ആ​ണ്. 100 കോ​ടി മ​ണി​ക്കൂ​ർ സ്‌​ട്രീ​മി​ങ് പി​ന്നി​ട്ട നെ​റ്റ്ഫ്ലി​ക്സി​ലെ ര​ണ്ടാ​മ​ത്തെ സീ​രി​സ് എ​ന്ന പ്ര​ത്യേ​ക​ത​യും ‘സ്‌​ട്രേ​ഞ്ച​ർ തി​ങ്സ് 4’നു​ണ്ട്. അ​ഞ്ചി​ലേ​ക്കു​ള്ള കാ​ത്തി​രി​പ്പി​ന് ബ​ലം കൂ​ട്ടു​ന്ന​തും ഇ​താ​ണ്. ആ​ദ്യ മൂ​ന്ന് സീ​സ​ണു​ക​ളി​ൽ ഹോ​ക്കി​ൻ​സാ​ണ് പ​ശ്ചാ​ത്ത​ല​മെ​ങ്കി​ൽ നാ​ലാം സീ​സ​ണി​ൽ റ​ഷ്യ​യും പ​ശ്ചാ​ത്ത​ല​മാ​കു​ന്നു​ണ്ട്.

10 വ​ർ​ഷം. ഒ​രു സീ​രീസി​നെ സം​ബ​ന്ധി​ച്ചി​ട​ത്തോ​ളം അ​തൊ​രു വ​ലി​യ കാ​ല​യ​ള​വ് ത​ന്നെ​യാ​ണ്. അ​ഭി​നേ​താ​ക്ക​ളി​ൽ പ​ല​രും അ​വ​ർ കു​ട്ടി​ക​ളാ​യി​രി​ക്കു​മ്പോ​ൾ ഇ​തി​ൽ അ​ഭി​ന​യി​ക്കാ​ൻ വ​ന്ന​വ​രാ​ണ്. അ​തു​കൊ​ണ്ടു​ത​ന്നെ ഓ​രോ സീ​സ​ണി​ലും അ​വ​രു​ടെ വ​ള​ർ​ച്ച​യും അ​തി​ന​നു​സ​രി​ച്ചു​ള്ള ക​ഥാ​ഗ​തി​ക​ളും പ്രേ​ക്ഷ​ക​രി​ൽ കൂ​ടു​ത​ൽ ആ​കാം​ക്ഷ ജ​നി​പ്പി​ക്കു​ന്നു. ‘സ്ട്രേ​ഞ്ച​ർ തി​ങ്‌​സി​’ന്റെ അ​ഞ്ചാ​മ​ത്തെ​യും അ​വ​സാ​ന​ത്തെ​യും സീ​സ​ണി​ന്റെ ചി​ത്രീ​ക​ര​ണം പൂ​ർ​ത്തി​യാ​യി. റി​ലീ​സി​ങ് ഡേ​റ്റി​നാ​യി കാ​ത്തി​രി​ക്കു​ക​യാ​ണ് ആ​രാ​ധ​ക​ർ.

.