വ​രി​ക​ൾ മാ​റി​യ ഹി​റ്റ് ഗാ​ന​ങ്ങ​ൾ

‘ശ​കു​ന്ത​ള’​യി​ലെ ‘പ്ര​ണ​യ​ലേ​ഖ​നം എ​ങ്ങനെ​യെ​ഴു​ത​ണം’ എ​ന്ന സ്വ​ന്തം ഗാ​ന​ത്തി​ന് ര​ണ്ടു​ത​വ​ണ പാ​ര​ഡി എ​ഴു​തി​യി​ട്ടു​ണ്ട്, വ​യ​ലാ​ർ രാ​മ​വ​ർ​മ. ഇ​തേ പാ​ട്ടി​ന് പി. ​ഭാ​സ്ക​ര​നും പാ​ര​ഡി എ​ഴു​തി. പ​ല ഗാ​ന​ര​ച​യി​താ​ക്ക​ളും സി​നി​മ​ക്കു വേ​ണ്ടി പാ​ര​ഡി ഗാ​ന​ങ്ങ​ൾ എ​ഴു​തി​യി​ട്ടു​ണ്ട്. ഹാ​സ്യ​രം​ഗ​ങ്ങ​ൾ കൊ​ഴു​പ്പി​ക്കാ​നു​ള്ള​താ​ണ് പാ​ര​ഡി​പ്പാ​ട്ടു​ക​ളി​ലേ​റെ​യും. സി​നി​മ​യി​ലെ പാ​ര​ഡി​ഗാ​ന​ങ്ങ​ളെ കു​റി​ച്ച്...

വാ​ട്സ്ആ​പ്പും ഇ​ൻ​സ്റ്റ​ഗ്രാ​മും എ​സ്.​എം.​എ​സു​മൊ​ന്നു​മി​ല്ലാ​ത്ത പ​ഴ​യ​കാ​ല​ത്തെ പ്ര​ണ​യ​ത്തെ കു​റി​ച്ചൊ​ന്നു ചി​ന്തി​ച്ചുനോ​ക്കൂ. പ്ര​ണ​യ​മൊ​ന്നു കൈ​മാ​റാ​ൻ പ്ര​ണ​യി​താ​ക്ക​ൾ എ​ത്ര​മാ​ത്രം സം​ഘ​ർ​ഷ​മ​നു​ഭ​വി​ച്ചി​രി​ക്കും! ‘പ്ര​ണ​യ​ലേ​ഖ​നം എ​ങ്ങ​നെ എ​ഴു​ത​ണം’ എ​ന്ന​റി​യാ​തെ വി​ഷ​മി​ക്കു​ന്ന മു​നി​കു​മാ​രി​യു​ടെ ചി​ത്രം ‘ശ​കു​ന്ത​ള’ സി​നി​മ​ക്കു വേ​ണ്ടി 1965ൽ ​വ​യ​ലാ​ർ രാ​മ​വ​ർ​മ എ​ത്ര എ​ഴു​തി​യി​ട്ടു​ണ്ട്.

‘പ്രി​യ​ത​മാ പ്രി​യ​ത​മാ

പ്ര​ണ​യ​ലേ​ഖ​നം എ​ങ്ങ​നെ​യെ​ഴു​ത​ണം

മു​നി​കു​മാ​രി​ക​യ​ല്ലേ -ഞാ​നൊ​രു

മു​നി​കു​മാ​രി​ക​യ​ല്ലേ.’

പ്ര​ണ​യി​നി​യു​ടെ മ​ന​സ്സം​ഘ​ർ​ഷം സൂ​ക്ഷ്മ​ത​യോ​ടെ ക​വി ആ​വി​ഷ്‍ക​രി​ക്കു​ന്നു. പി. ​സു​ശീ​ല​യു​ടെ ആ​ലാ​പ​ന​വും ഹൃ​ദ്യം. ജി. ​ദേ​വ​രാ​ജ​നാ​ണ് ഊ​ണം ന​ൽ​കി​യ​ത്. എ​ന്നാ​ൽ, 1971ൽ ​ഇ​റ​ങ്ങി​യ ‘ന​വ​വ​ധു’ സി​നി​മ​യി​ൽ പി.​ബി. ശ്രീ​നി​വാ​സും സം​ഘ​വും പാ​ടി​യ ഒ​രു ഗാ​നം ഇ​ങ്ങ​നെ;

പ്രി​യ​ത​മാ... പ്രി​യ​ത​മാ...

പ്ര​ണ​യ​ലേ​ഖ​നം എ​ങ്ങ​നെ​യെഴു​ത​ണം

മൃ​ഗ​കു​മാ​രി​ക​യ​ല്ലേ ഞാ​നൊ​രു

മൃ​ഗ​കു​മാ​രി​ക​യ​ല്ലേ...’

‘ശ​കു​ന്ത​ള’​യി​ലെ ‘പ്ര​ണ​യ​ലേ​ഖ​നം എ​ങ്ങ​നെ​യെ​ഴു​ത​ണം’ എ​ന്ന സ്വ​ന്തം ഗാ​ന​ത്തി​ന് പാ​ര​ഡി എ​ഴു​തി​യ​ത് വ​യ​ലാ​ർ ത​ന്നെ. സി​നി​മ​യു​ടെ സം​വി​ധാ​നം പി. ​ഭാ​സ്ക​ര​നും! ‘പ്രി​യ​ത​മാ... പ്രി​യ​ത​മാ...’ എ​ന്ന ഗാ​ന​ത്തി​ന് മ​റ്റൊ​രു പാ​ര​ഡി​യും എ​ഴു​തി​യി​ട്ടു​ണ്ട് വ​യ​ലാ​ർ. ‘ര​ഹ​സ്യ​രാ​ത്രി’​യാ​ണ് സി​നി​മ (1974). പ്ര​ശ​സ്ത ഗാ​ന​ങ്ങ​ളു​ടെ പ​ല്ല​വി​ക​ളു​ടെ പാ​ര​ഡി​ക​ൾ മാ​ത്രം നി​റ​ഞ്ഞ ഗാ​ന​ത്തി​ലാ​ണ് ‘പ്രി​യ​ത​മാ...’ സ്ഥാ​നം പി​ടി​ച്ചി​ട്ടു​ള്ള​ത്. ഗാ​നം തു​ട​ങ്ങു​ന്ന​തി​ങ്ങ​നെ:

പ്രി​യ​ത​മാ... പ്രി​യ​ത​മാ...

എ​വി​ടെ എ​ങ്ങി​നെ

നി​ന്നെ ഞാ​ൻ തി​ര​യ​ണം

ത​ട​വ​റ​യ്ക്ക​ക​ത്ത​ല്ലേ...

നാ​ഥാ നാ​ഥാ നീ​യെ​വി​ടെ...

‘കൂ​ട്ടു​കു​ടും​ബ’​ത്തി​ലെ ‘ത​ങ്ക​ഭ​സ്മ​ക്കു​റി​യി​ട്ട ത​മ്പു​രാ​ട്ടി’ എ​ന്ന ഗാ​ന​ത്തി​ന്റെ പാ​ര​ഡി​യ​ുമു​ണ്ട് ഇ​തേ ഗാ​ന​ത്തി​ൽ.

‘ത​ങ്ക​ഭ​സ്മ​ക്കു​റി​യി​ട്ട ത​മ്പു​രാ​ട്ടീ നി​ന്റെ

തി​ങ്ക​ളാ​ഴ്ച നൊ​യ​മ്പി​ന്നു മു​ട​ക്കും ഞാ​ൻ

ക​ട​ക്ക​ണ്ണി​ൻ മു​ന​യാ​ൽ ക​ള്ള​നോ​ട്ട​ടി​ക്കു​മീ

ക​റ​ക്കു​ക​മ്പ​നി​യി​ന്നു പൊ​ളി​ക്കും ഞാ​ൻ...’

തു​ട​ർ​ന്ന് ‘ക​ണ്ണൂ​ർ ഡീ​ല​ക്സ്’ (1969) സി​നി​മ​യി​ലെ ‘തു​ള്ളി​യോ​ടും പു​ള്ളി​മാ​നേ നി​ല്ല്‌...’ എ​ന്ന ഗാ​ന​ത്തി​ന്റെ പാ​ര​ഡി​യും കേ​ൾ​ക്കാം.

‘തു​ള്ളി​യോ​ടും ക​ള്ള​മാ​നേ നി​ല്ല്‌ -നി​ന്റെ

വെ​ള്ള​രി​ക്കാ​പ്പ​ട്ട​ണം ഞാ​ൻ കീ​ഴ​ട​ക്കും.’

‘പ്രി​യ​ത​മാ... പ്രി​യ​ത​മാ...’ എ​ന്ന വ​യ​ലാ​ർ ഗാ​ന​ത്തി​ന് പി. ​ഭാ​സ്ക​ര​നും പാ​ര​ഡി എ​ഴു​തി​യി​ട്ടു​ണ്ട്. ‘ലൂ​സ് ലൂ​സ് അ​ര​പ്പി​രി ലൂ​സ്’ സി​നി​മ​യി​ൽ (1988). വ​രി​ക​ൾ ഇ​ങ്ങ​നെ:

‘പ്രി​യ​ത​മേ... പ്രി​യ​ത​മേ...

പ്ര​ണ​യ​ലേ​ഖ​നം എ​ങ്ങ​നെ​യെ​ഴു​തും

നി​യ​മ​പാ​ല​ക​ന​ല്ലോ ഞാ​നൊ​രു

നി​യ​മ​പാ​ല​ക​ന​ല്ലോ...’

ഈ ​ഗാ​ന​ത്തി​ലു​ട​നീ​ളം പ്ര​ശ​സ്ത പാ​ട്ടു​ക​ളു​ടെ പാ​ര​ഡി​ക​ളാ​ണ്. ‘ചെ​മ്പ​ര​ത്തി’​യി​ലെ ‘ച​ക്ര​വ​ർ​ത്തി​നീ നി​ന​ക്കു ഞാ​നെന്റെ ശി​ൽപഗോ​പു​രം തു​റ​ന്നൂ...’ എ​ന്ന ഗാ​ന​ത്തി​ന്റെ പാ​ര​ഡി നോ​ക്കൂ-

‘ച​ക്ര​വ​ര്‍ത്തി​നീ നി​ന​ക്കു​വേ​ണ്ടി​യെ​ന്‍

ച​ക്ര​മൊ​ക്കെ ഞാ​ന്‍ തീ​ര്‍ത്തു

അ​ൽപ പ്രാ​ണി​യാ​യ് അ​ടു​ത്തുവ​ന്നു ഞാ​ന്‍

സ്വ​ല്‍പം പ്രേ​മം നീ ​എ​നി​ക്ക് ത​രൂ...’

ഐ.​വി. ശ​ശി സം​വി​ധാ​നം ചെ​യ്ത ‘കാ​ണാ​മ​റ​യ​ത്ത്’ (1984) സി​നി​മ​യി​ലെ ബി​ച്ചു തി​രു​മ​ല എ​ഴു​തി​യ ‘ഒ​രു മ​ധു​ര​ക്കി​നാ​വി​ൻ ല​ഹ​രി​യി​ലെ​ങ്ങോ’ എ​ന്ന ഹി​റ്റ് ഗാ​ന​ത്തി​ന്റെ പാ​ര​ഡി ഇ​ങ്ങ​നെ-

‘ഒ​രു പ്ര​ണ​യ​ക്കി​നാ​വി​ന്‍ മ​ര​ത്തി​ന്റെ ചു​റ്റും

മ​ര​ണ​ത്തി​ന്‍ പാ​ച്ചി​ല്‍ പാ​ഞ്ഞു...’

രാ​മു കാ​ര്യാ​ട്ടി​ന്റെ പ്ര​സി​ദ്ധ​മാ​യ ചെ​മ്മീ​നി​ലെ വ​യ​ലാ​റെ​ഴു​തി​യ ‘ചാ​ക​ര... ഈ ​ക​ട​പ്പു​റ​ത്ത്...’ എ​ന്ന ഗാ​ന​വും ക​ട​ന്നു​വ​രു​ന്നു​ണ്ട് ഇ​തേ പാ​ട്ടി​ൽ.

‘ചാ​ക​ണം... ഈ ​ക​ട​പ്പു​റ​ത്ത്

ദുഃ​ഖി​ത​രാ​യ് നാം ​ചാ​ക​ണം...’

എ​ന്നു​കൂ​ടി എ​ഴു​തി​യാ​ണ് പി. ​ഭാ​സ്ക​ര​ൻ ആ ​പാ​ട്ട് അ​വ​സാ​നി​പ്പി​ക്കു​ന്ന​ത്.

‘ശ​കു​ന്ത​ള’​യി​ലെ യേ​ശു​ദാ​സ് പാ​ടി​യ ‘ശം​ഖു​പു​ഷ്‌​പം ക​ണ്ണെ​ഴു​തു​മ്പോ​ൾ, ശ​കു​ന്ത​ളേ നി​ന്നെ ഓ​ർ​മ വ​രും...’ പാ​ട്ടി​ന്റെ പാ​ര​ഡി​യു​ണ്ട്, കെ.​എ​സ്. സേ​തു​മാ​ധ​വ​ൻ സം​വി​ധാ​നം ചെ​യ്ത ‘ഒ​ള്ള​തു​മ​തി’ (1967) സി​നി​മ​യി​ൽ. തി​ക്കു​റി​ശ്ശി സു​കു​മാ​ര​ൻ നാ​യ​രു​ടേ​താ​ണ് ര​ച​ന. പാ​ടി​യ​ത് ശ​ര​ത്ച​ന്ദ്ര​ൻ.

‘ചേ​ര്‍ത്ത​ല​മു​ക്കി​ലെ

ബ​സ്സ്റ്റോ​പ്പു കാ​ണു​മ്പോ​ള്‍

ശ​കു​ന്ത​ളേ നി​ന്നെ​യോ​ർമ വ​രും...

ടൈ​പ്പു​റൈ​റ്റ​റി​ന്‍ ട​ക​ട​ക കേ​ള്‍ക്കു​മ്പോ​ള്‍

നി​ന്നെ​ക്കു​റി​ച്ചെ​നി​ക്കോ​ർമ വ​രും!’ എ​ന്നൊ​ക്കെ​യാ​ണ് വ​രി​ക​ൾ!

ഇ​ര​യി​മ്മ​ൻ ത​മ്പി​യു​ടെ പ്ര​ശ​സ്ത​മാ​യ ‘പ്രാ​ണ​നാ​ഥ​നെ​നി​ക്കു ന​ല്‍കി​യ പ​ര​മാ​ന​ന്ദ​ര​സ​ത്തെ...’ എ​ന്ന ഗാ​ന​ത്തി​ന്റെ പാ​ര​ഡി​യു​ണ്ട് ‘ഏ​ണി​പ്പ​ടി​ക​ൾ’ (1964) എ​ന്ന ചി​ത്ര​ത്തി​ൽ. ജി. ​ദേ​വ​രാ​ജ​ന്റെ ഈ​ണ​ത്തി​ൽ പി. ​മാ​ധു​രി പാ​ടി​യ ഗാ​ന​ത്തി​ന് പാ​ര​ഡി​യെ​ഴു​തി​യ​ത് പി. ​ഭാ​സ്ക​ര​ൻ! പാ​ര​ഡി​യി​ൽ പ്രാ​ണ​നാ​ഥ​ൻ പ്രാ​ണ​നാ​ഥ​യാ​യി. സം​ഗീ​തം ജി. ​ദേ​വ​രാ​ജ​ൻ ത​ന്നെ. പാ​ടി​യ​ത് അ​യി​രൂ​ർ സ​ദാ​ശി​വ​ൻ. ചി​ത്രം ‘ധ​ർ​മ​യു​ദ്ധം’. വ​രി​ക​ൾ നോ​ക്കൂ-

‘പ്രാ​ണ​നാ​ഥ​യെ​നി​ക്കു ന​ല്‍കി​യ

പ​രി​താ​പ​ക​രം ദ​ണ്ഡം

പ​റ​യു​ക മ​മ നാ​വേ നാ​വേ...’

‘അ​ങ്ക​ത്തി​ലി​രു​ത്തി​യെ​ന്‍ കൊ​ങ്ക​ത്ത​ട​ങ്ങ​ള്‍

ക​ര​പ​ങ്ക​ജം കൊ​ണ്ട​വ​ന്‍ ത​ലോ​ടി...’ എ​ന്നി​ങ്ങ​നെ ഇ​ര​യി​മ്മ​ൻ ത​മ്പി എ​ഴു​തി​യ​പ്പോ​ൾ

‘അം​ഗ​നാ​മ​ണി​മൗ​ലി

കൊ​ങ്ങ​യ്ക്കു പി​ടി​ച്ചെ​ന്റെ

ച​ങ്കു​ത​ക​രു​മാ​റു ത​ല്ലി’ എ​ന്ന് പാ​ര​ഡി​യി​ൽ പി. ​ഭാ​സ്ക​ര​നും.

ന​ടി ഉ​ർ​വ​ശി ക​ഥ​യെ​ഴു​തി​യ ‘ഉ​ത്സ​വ​മേ​ളം’ സി​നി​മ​യി​ൽ ‘രാ​മാ ശ്രീ​രാ​മാ...’ എ​ന്നു തു​ട​ങ്ങു​ന്ന ഒ.​എ​ൻ.​വി​യു​ടെ ഒ​രു പാ​ര​ഡി​ഗാ​ന​മു​ണ്ട്. 1966ലെ ​മി​ക​ച്ച മ​ല​യാ​ള സി​നി​മ​ക്കു​ള്ള ദേ​ശീ​യ അ​വാ​ർ​ഡ് നേ​ടി​യ ‘കാ​വ്യ​മേ​ള’ (സം​വി​ധാ​നം: എം. ​കൃ​ഷ്ണ​ൻ നാ​യ​ർ) സി​നി​മ​യി​ൽ വ​യ​ലാ​ർ എ​ഴു​തി, ദ​ക്ഷി​ണാ​മൂ​ർ​ത്തി ഈ​ണം ന​ൽ​കി​യ ‘ദേ​വീ ശ്രീ​ദേ​വീ... തേ​ടി വ​രു​ന്നു ഞാ​ൻ...’ എ​ന്ന പ്ര​ശ​സ്ത ഗാ​ന​മാ​ണ് ഒ​റി​ജി​ന​ൽ. പാ​ര​ഡി ഇ​ങ്ങ​നെ:

‘രാ​മാ ശ്രീ​രാ​മാ...

കൂ​ടെ​വ​രു​ന്നൂ ഞാ​ൻ, നീ ​പോ​കും വ​ഴി​യെ​ല്ലാം

ഈ ​സീ​ത വ​രും കൂ​ടെ...’

1973ൽ ​പു​റ​ത്തി​റ​ങ്ങി​യ ‘ചു​ഴി’ സി​നി​മ​യി​ൽ പൂ​വ​ച്ച​ൽ ഖാ​ദ​ർ എ​ഴു​തി​യ ‘ഒ​രു ചി​ല്ലി​ക്കാ​ശു​മെ​നി​ക്കു കി​ട്ടി​യ​തി​ല്ല​ല്ലോ...’ എ​ന്നു തു​ട​ങ്ങു​ന്ന ഗാ​ന​മു​ണ്ട്, ഈ​ണ​വും ആ​ലാ​പ​ന​വും ബാ​ബു​രാ​ജ്. ബാ​ബു​രാ​ജ് സം​ഗീ​തം ന​ൽ​കി​യ, പി. ​ഭാ​സ്ക​ര​ന്റെ​യും യൂ​സ​ഫ​ലി കേ​ച്ചേ​രി​യു​ടെ​യും ജ​ന​പ്രി​യ ഗാ​ന​ങ്ങ​ളു​ടെ പ​ല്ല​വി​യു​ടെ ഹാ​സ്യാ​നു​ക​ര​ണ​മാ​ണ് ഗാ​ന​ത്തി​ലു​ള്ള​ത്.

‘മൂ​ടു​പ​ടം’ സി​നി​മ​യി​ലെ ‘മൈ​ലാ​ഞ്ചി​ത്തോ​പ്പി​ല്‍ മ​യ​ങ്ങി​നി​ല്‍ക്കു​ന്ന മൊ​ഞ്ച​ത്തീ...’ എ​ന്ന പാ​ട്ടി​ലൂ​ടെ​യാ​ണ് യൂ​സ​ഫ​ലി കേ​ച്ചേ​രി ച​ല​ച്ചി​ത്ര ഗാ​ന​രം​ഗ​ത്തെ​ത്തു​ന്ന​ത്. ബാ​ബു​രാ​ജാ​ണ് ആ​ലാ​പ​നം. ഈ ​പാ​ട്ടി​ന്റെ പാ​ര​ഡി​യി​ലൂ​ടെ​യാ​ണ് ‘ചു​ഴി’​യി​ലെ ഗാ​നം ആ​രം​ഭി​ക്കു​ന്ന​ത്.

‘ഒ​രു ചി​ല്ലി​ക്കാ​ശു​മെ​നി​ക്കു കി​ട്ടി​യ​തി​ല്ല​ല്ലോ

വെ​യി​ലി​ല്‍ ന​ട​ന്നു​മി​രു​ന്നു​മി​ന്നു

ത​ള​ര്‍ന്ന​ല്ല​ല്ലോ...’

അ​നു​പ​ല്ല​വി​യി​ലു​ള്ള​ത് ത​ച്ചോ​ളി ഒ​തേ​ന​നി​ലെ ‘അ​ഞ്ജ​ന ക​ണ്ണെ​ഴു​തി ആ​ലി​ല​ത്താ​ലി ചാ​ർ​ത്തി...’ ഗാ​ന​ത്തി​ന്റെ പാ​ര​ഡി:

‘സി​ന്ദൂ​ര​പ്പൊ​ട്ടു കു​ത്തി ത​ത്ത​മ്മ​ക്കൂ​ടി​ള​ക്കി

കൊ​ഞ്ചി​ക്കു​ഴ​ഞ്ഞു​ല​ഞ്ഞു വ​രു​ന്ന​താ​രോ

ബ​സ്റ്റോ​പ്പി​ലെ​ത്തും​നേ​രം

പൂ​വാ​ല​ന്മാ​ര്‍ക്കു ന​ല്‍കാ​ന്‍

മു​ട്ടാ​യി​ച്ചി​രി​യു​മാ​യി വ​രു​ന്ന​താ​രോ...’

ച​ര​ണ​മാ​ക​ട്ടെ, ‘കാ​ർ​ത്തി​ക’ എ​ന്ന ചി​ത്ര​ത്തി​ലെ ‘പാ​വാ​ട പ്രാ​യ​ത്തി​ൽ നി​ന്നെ ഞാ​ൻ ക​ണ്ട​പ്പോ​ൾ താ​മ​ര​മൊ​ട്ടാ​യി​രു​ന്നു നീ’ ​എ​ന്ന ഗാ​ന​ത്തി​ന്റെ പാ​ര​ഡി​യും.

‘ചാ​യ​ക്ക​ട​യി​ല്‍ വെ​ച്ചി​ന്ന​ലെ ക​ണ്ട​പ്പോ​ള്‍

കാ​ണാ​ത്ത മ​ട്ടി​ലി​രു​ന്ന​വ​ന്‍ -എ​ന്നെ

കാ​ണാ​ത്ത മ​ട്ടി​ലി​രു​ന്ന​വ​ന്‍

പാ​തി​രാ​നേ​ര​ത്തു പി​ന്നെ ഞാ​ന്‍ ക​ണ്ട​പ്പോ​ള്‍

ലോ​ഹ്യം പ​റ​യു​വാ​ന്‍ വ​ന്ന​വ​ന്‍...’

തു​ട​ർ​ന്നു കേ​ൾ​ക്കു​ന്ന​ത് ‘കു​ട്ടി​ക്കു​പ്പാ​യ’​ത്തി​ലെ ‘ഒ​രു കൊ​ട്ട പൊ​ന്നു​ണ്ട​ല്ലോ മി​ന്നു​ണ്ട​ല്ലോ...’ പാ​ട്ടി​ന്റെ പാ​ര​ഡി​യാ​ണ്.

‘ഒ​രു കൊ​ച്ചു ബീ​ഡി വ​ലി​ക്കാ​ന്‍

ചാ​യ കു​ടി​ക്കാ​ന്‍ ‍കാ​ശു​തേ​ടി

അ​ല​യു​മ്പോ​ള്‍ എ​ന്റെ മു​ന്നി​ല്‍

വ​ന്നൊ​രു കു​ഞ്ഞാ​ലീ...’

ജ​യ​ൻ നാ​യ​ക​നാ​യി 1980ൽ ​പു​റ​ത്തി​റ​ങ്ങി​യ ‘ശ​ക്തി’ സി​നി​മ​യി​ൽ മ​ല​യാ​ള​ത്തി​ലെ​യും ഹി​ന്ദി​യി​ലെ​യും ത​മി​ഴി​ലെ​യും ഹി​റ്റു ഗാ​ന​ങ്ങ​ളു​ടെ പാ​ര​ഡി​ക​ളു​ടെ ഘോ​ഷ​യാ​ത്ര​യാ​ണ്. ‘നീ​ല​ക്കു​യി​ലി’​ലെ

‘കാ​യ​ല​രി​ക​ത്ത് വ​ല​യെ​റി​ഞ്ഞ​പ്പോ​ൾ

വ​ള കി​ലു​ക്കി​യ സു​ന്ദ​രി’

‘മീ​ശ​മു​ള​ച്ച​പ്പോ​ള്‍ മൊ​ത​ല് ഞ​മ്മ​ടെ

വീ​ട്ടി​ന്ന​ടു​ത്തു​ള്ള പെ​ണ്ണി​നെ

പാ​ട്ടി​ലാ​ക്കി​യ ക​ഥ പ​റ​ഞ്ഞൊ​രു

കോ​പ്പ കൂ​ടെ വി​ഴു​ങ്ങ​ണം’

ചെ​മ്മീ​നി​ലെ, ‘പ​ണ്ടൊ​രു മു​ക്കു​വ​ൻ മു​ത്തി​നു പോ​യി / പ​ടി​ഞ്ഞാ​റ​ൻ കാ​റ്റ​ത്തു മു​ങ്ങി​പ്പോ​യി’

‘പ​ണ്ടൊ​രു ച​ങ്ങാ​തി ചെ​ത്താ​ന്‍ കേ​റി

പ​ന​ങ്ക​ള്ളും മോ​ന്തി വ​ലി​ഞ്ഞു കേ​റി

പി​ടി​തെ​റ്റി പാ​വം നി​ല​ത്തു വീ​ണു

പ​ണി​തീ​ര്‍ന്നു ച​ങ്ങാ​തി ച​ത്തും പോ​യി...’

‘അ​ര​ക്ക​ള്ള​ൻ മു​ക്കാ​ക്ക​ള്ള​ൻ’ എ​ന്ന സി​നി​മ​യി​ലെ ‘ക​ന​ക സിം​ഹാ​സ​ന​ത്തി​ൽ ക​യ​റി​യി​രി​ക്കു​ന്ന​വ​ൻ ശു​ന​ക​നോ അ​തോ ശും​ഭ​നോ’

‘ഷാ​പ്പി​ന്‍റെ മൂ​ല​യി​ല്‍

കു​ട​ത്തി​ലി​രി​ക്കു​ന്ന​വ​ന്‍

അ​ന്തി​യോ അ​തോ പു​ല​രി​യോ...’

എ​ന്നീ പാ​ര​ഡി​ക​ളും കേ​ൾ​ക്കേ​ണ്ടി വ​ന്നു ന​മു​ക്ക്.

‘പ​ട്ടി​ക്കാ​ടാ പ​ട്ട​ണ​മാ’ എ​ന്ന ത​മി​ഴ് സി​നി​മ​യി​ലെ ‘അ​ടി എ​ന്ന​ടി റാ​ക്ക​മ്മ’ എ​ന്ന ഹി​റ്റ് ഗാ​ന​ത്തി​നു​മു​ണ്ടാ​യി ‘ശ​ക്തി’​യി​ലെ ഈ ​ക​ള്ളു​കു​ടി​ഗാ​ന​ത്തി​ൽ പാ​ര​ഡി. അ​തി​ങ്ങ​നെ:

ഹേ​യ് അ​യ്യ​ടാ മീ​ന്‍ചാ​റ്

ക​ണ്ണി​ല്‍ തെ​റി​ച്ചേ

അ​യ്യ​യ്യോ നീ​റു​ന്നെ​ടാ...'

‘ഹം ​കി​സി​സെ കം ​ന​ഹി’ എ​ന്ന ഹി​ന്ദി സി​നി​മ​യി​ലെ

‘ക്യാ ​ഹു​വാ തേ​രാ വാ​ദാ

വോ ​ക​സം വോ ​ഇ​രാ​ദാ’​യാ​ണ്

‘ക്യാ ​ഹു​വാ നി​ന്‍റെ ക​ണ്ണി​ല്‍

ക്യാ ​ഹു​വാ മീ​ന്‍റെ ചാ​റോ’ ആ​യി മാ​റി​യ​ത്.

‘കാ​യ​ലും ക​യ​റും’ ചി​ത്ര​ത്തി​ലെ ‘ശ​ര​റാ​ന്ത​ൽ തി​രി താ​ണു മു​കി​ലി​ൻ കു​ടി​ലി​ൽ...’ എ​ന്ന ഗാ​നം

‘ചൊ​റി​മാ​ന്തി ചൊ​റി​മാ​ന്തി കു​ടി​യ​ന്‍ കേ​ളു

മൂ​വ​ന്തി ക​ള്ള​ടി​ക്കാ​ന്‍ വ​രു​ന്നു...’ എ​ന്ന ഷാ​പ്പു​പാ​ര​ഡി​യാ​യി.

‘നീ​ല​ക്കു​യി​ലി’​ലെ ‘മാ​നെ​ന്നും വി​ളി​ക്കി​ല്ല, മ​യി​ലെ​ന്നും വി​ളി​ക്കി​ല്ല...’ എ​ന്ന ഗാ​നം

‘താ​നൊ​ന്നും പ​റ​യേ​ണ്ട

തെ​റി​യൊ​ന്നും വി​ളി​ക്കെ​ണ്ട

തെ​മ്മാ​ടി​യെ​ന്നു വി​ളി​ക്ക‌ും ത​ന്നെ ഞാ​ന്‍

തെ​മ്മാ​ടി​യെ​ന്നു വി​ളി​ക്കും.’

‘ഏ​തോ ഒ​രു സ്വ​പ്നം’ എ​ന്ന ചി​ത്ര​ത്തി​ലെ ‘ഒ​രു മു​ഖം മാ​ത്രം ക​ണ്ണി​ൽ, ഒ​രു സ്വ​രം മാ​ത്രം കാ​തി​ൽ’

ഒ​രു കു​ടം മാ​ത്രം മു​ന്നി​ൽ

ഒ​രു തു​ടം മാ​ത്രം കൈ​യി​ല്‍

കു​ടി​ക്കു​വാ​ന്‍ ക​ഴി​ഞ്ഞി​ല്ല​ല്ലോ...’

‘മ​രം’ എ​ന്ന സി​നി​മ​യി​ലെ ‘പ​തി​നാ​ലാം രാ​വു​ദി​ച്ച​ത് മാ​ന​ത്തോ, ക​ല്ലാ​യി ക​ട​വ​ത്തോ’

‘പ​തി​നാ​ലാം ഷാ​പ്പു ക​ണ്ട​തു

കാ​ല​ത്തോ പോ​യാ​ണ്ടു മ​ഴ​യ​ത്തോ...’

‘അ​വ​ളു​ടെ രാ​വു​ക​ൾ’ എ​ന്ന ചി​ത്ര​ത്തി​ലെ ‘രാ​കേ​ന്ദു കി​ര​ണ​ങ്ങ​ൾ ഒ​ളി​വീ​ശി​യി​ല്ല’ എ​ന്നു തു​ട​ങ്ങു​ന്ന ഹി​റ്റ് ഗാ​ന​ത്തി​ലെ വ​രി​ക​ളാ​ണ്

‘ഞാ​നി​ന്നു ക​പ്പേ​ടെ രു​ചി നോ​ക്കി​യി​ല്ല

ക​റി​വെ​ച്ച മീ​ന്‍ തി​ന്നു കൊ​തി തീ​ര്‍ന്നു​മി​ല്ല...’ എ​ന്നെ​ല്ലാ​മാ​യി മാ​റി​യ​ത്.

ഇ​ങ്ങ​നെ, ആ​ളു​ക​ളെ ചി​രി​പ്പി​ക്കാ​നാ​യി ഹി​റ്റ് ഗാ​ന​ങ്ങ​ളു​ടെ പാ​ര​ഡി​ക​ളു​ണ്ടാ​ക്കി ഹാ​സ്യ​രം​ഗ​ങ്ങ​ൾ ചി​ത്രീ​ക​രി​ച്ചി​രു​ന്ന ഒ​രു കാ​ല​മു​ണ്ടാ​യി​രു​ന്നു മ​ല​യാ​ള സി​നി​മ​യി​ൽ. പി​ന്നീ​ട്, സി​നി​മ​ക്കു പു​റ​ത്തും പാ​ര​ഡി ഗാ​ന​ങ്ങ​ൾ വ്യാ​പ​ക​മാ​യി. വി.​ഡി. രാ​ജ​പ്പ​ന്റെ ക​ഥാ​പ്ര​സം​ഗ​ങ്ങ​ളി​ലും മ​റ്റും പാ​ര​ഡി ഗാ​ന​ങ്ങ​ൾ നി​റ​ഞ്ഞു. ന​ല്ല​ന​ല്ല പാ​ട്ടു​ക​ൾ​ക്ക് പാ​ര​ഡി​യു​ണ്ടാ​ക്കു​ന്ന​തി​നെ​തി​രെ വ​ലി​യ വി​മ​ർ​ശ​ന​ങ്ങ​ളു​ണ്ടാ​വു​ക​യും ചെ​യ്ത​തോ​ടെ​യാ​ണ് സി​നി​മ​യി​ലെ പാ​ര​ഡി​ക​ൾ അ​വ​സാ​നി​ച്ച​ത്. കോ​മ​ഡി കാ​സ​റ്റു​ക​ളു​ടെ കാ​ല​ത്ത് നാ​ദി​ർ​ഷാ​യു​ടെ​യും മ​റ്റും ര​ച​ന​ക​ളി​ൽ വീ​ണ്ടും പാ​ര​ഡി​ഗാ​ന​ങ്ങ​ൾ സ​ജീ​വ​മാ​യി. ഇ​പ്പോ​ൾ ടെ​ലി​വി​ഷ​ൻ ചാ​ന​ലു​ക​ളി​ലെ ചി​ല കോ​മ​ഡി പ്രോ​ഗ്രാ​മു​ക​ളി​ൽ പാ​ര​ഡി ഗാ​ന​ങ്ങ​ൾ ഒ​തു​ങ്ങി​നി​ൽ​ക്കു​ന്നു.

.