മഴ രേഖ മാറുന്ന മൺസൂണും കേരളവും

ഇ​ത്ത​വ​ണ നേ​ര​ത്തേ കേ​ര​ളം തൊ​ട്ട കാ​ല​വ​ർ​ഷം ന​ന്നാ​യി​ത്ത​ന്നെ വ​ര​വ​റി​യി​ച്ചി​രി​ക്കു​ക​യാ​ണ്. ഇ​ട​മു​റി​യാ​ത്ത പെ​യ്ത്തി​ൽ ഭൂ​മി ത​ണു​ത്ത​തി​നൊ​പ്പം ക​ന​ത്ത നാ​ശ​വും വി​ത​ച്ചി​ട്ടു​ണ്ട്. നി​ര​വ​ധി മ​ര​ണ​ങ്ങ​ളും നൂ​റു​ക​ണ​ക്കി​ന് വീ​ടു​ക​ൾ​ക്ക് നാ​ശ​മു​ണ്ടാ​വു​ക​യും ചെ​യ്തി​രി​ക്കു​ന്നു. പ്ര​തീ​ക്ഷി​ച്ച​തി​ലും നേ​ര​ത്തേ, മേ​യ് 24നാ​ണ് ഇ​ട​വ​പ്പാ​തി​യെ​ത്തി​യ​ത്. മ​ൺ​സൂ​ണി​ന്‍റെ ഇ​ത്ത​ര​മൊ​രു ‘ഏ​ർ​ലി ലാ​ൻ​ഡി​ങ്’​ ഇ​ട​ക്കി​ടെ സം​ഭ​വി​ക്കാ​റു​ണ്ട്. 2009ൽ ​മേ​യ് 23നാ​ണ് ഇ​തി​നു മു​മ്പ് നേ​ര​ത്തേ കാ​ല​വ​ർ​ഷ​മെ​ത്തി​യ​ത്. സാ​ധാ​ര​ണ മേ​യ് അ​വ​സാ​ന​ദി​വ​സ​ങ്ങ​ളി​ലോ ജൂ​ണി​ലോ ആ​ണ് കാ​ല​വ​ർ​ഷ​മെ​ത്താ​റ്. 2022ൽ ​മേ​യ് 29നും 2023​ൽ ജൂ​ൺ എ​ട്ടി​നും 2024ൽ ​മേ​യ് 30നും ​കാ​ല​വ​ർ​ഷ​മെ​ത്തി. 1990 മേ​യ് 19ന് ​ആ​യി​രു​ന്നു, 1975നു ​ശേ​ഷം സം​സ്ഥാ​ന​ത്ത് ഏ​റ്റ​വും നേ​ര​ത്തേ കാ​ല​വ​ര്‍ഷം എ​ത്തി​യ​ത്.

ഇ​ന്ത്യ​ൻ ഉ​പ​ഭൂ​ഖ​ണ്ഡ​ത്തി​ലേ​ക്ക്​ മ​ൺ​സൂ​ൺ പ്ര​വേ​ശി​ക്കു​ന്ന​ത് കേ​ര​ള​ത്തി​ലൂ​ടെ​യാ​ണ്. സ​വി​ശേ​ഷ ഭൂ​പ്ര​കൃ​തി​കൊ​ണ്ടും കാ​ലാ​വ​സ്ഥ​കൊ​ണ്ടും സ​മ്പ​ന്ന​മാ​ണെ​ങ്കി​ലും ക​ഴി​ഞ്ഞ പ​തി​റ്റാ​ണ്ടി​ൽ ദൃ​ശ്യ​മാ​യ അ​തി​തീ​വ്ര കാ​ലാ​വ​സ്ഥാ സം​ഭ​വ​ങ്ങ​ൾ വി​ര​ൽ​ചൂ​ണ്ടു​ന്ന​ത്, ആ​ഗോ​ള​താ​പ​ന​ത്തി​ന്‍റെ ഫ​ല​മാ​യി കേ​ര​ള​ത്തി​ന്‍റെ കാ​ലാ​വ​സ്ഥ​യും കൂ​ടു​ത​ൽ അ​സ്ഥി​ര​മാ​കു​ക​യാ​ണ് എ​ന്നാ​ണ്. ക​ഴി​ഞ്ഞ അ​ഞ്ചു​വ​ർ​ഷ​ങ്ങ​ളി​ൽ കേ​ര​ള​ത്തി​ൽ അ​നു​ഭ​വ​പ്പെ​ട്ട അ​തി​തീ​വ്ര കാ​ലാ​വ​സ്ഥാ സം​ഭ​വ​ങ്ങ​ൾ പ​രി​ശോ​ധി​ച്ചാ​ൽ ഇ​തു വ്യ​ക്ത​മാ​കും. 2015, 2016 വ​ർ​ഷ​ങ്ങ​ളി​ൽ അ​നു​ഭ​വ​പ്പെ​ട്ട അ​ടി​ക്ക​ടി​യു​ള്ള വ​ര​ൾ​ച്ച​ക​ളും, 2017 ലെ ​ഓ​ഖി ചു​ഴ​ലി​ക്കാ​റ്റും അ​തി​നു​ശേ​ഷം മ​ഹാ​പ്ര​ള​യ​വും മി​ന്ന​ൽ പ്ര​ള​യ​ങ്ങ​ളും മേ​ഘ​വി​സ്ഫോ​ട​ന​ങ്ങ​ൾ സ​മ്മാ​നി​ച്ച ഉ​രു​ൾ​പൊ​ട്ട​ൽ ദു​ര​ന്ത​ങ്ങ​ളും കേ​ര​ള​ത്തി​ലെ മാ​റു​ന്ന കാ​ലാ​വ​സ്ഥ​യു​ടെ സൂ​ച​നാ​ഫ​ല​ക​ങ്ങ​ളാ​ണ്.

മ​ഡ​ഗാ​സ്ക​റി​ൽ​നി​ന്ന്

മ​ഡ​ഗാ​സ്ക​ർ ദ്വീ​പി​നു സ​മീ​പ​ത്തു​നി​ന്ന് ഉ​ത്ഭ​വി​ച്ച് ഇ​ന്ത്യ​യു​ടെ തെ​ക്കു​പ​ടി​ഞ്ഞാ​റ​ൻ തീ​ര​ത്ത് തൊ​ട്ടു​ക​യ​റു​ന്ന കാ​റ്റി​നെ​യാ​ണ് തെ​ക്ക്-​പ​ടി​ഞ്ഞാ​റ​ൻ കാ​റ്റാ​യി വി​ശേ​ഷി​പ്പി​ക്കു​ന്ന​ത്. മ​ഡ​ഗാ​സ്ക​റി​ന​രി​കി​ലെ അ​തി​മ​ർ​ദ മേ​ഖ​ല​യാ​യ മ​സ്ക​റി​ൻ ആ​ണ് ഉ​ത്ഭ​വം. പ​സ​ഫി​ക് സ​മു​ദ്രം, പ​ടി​ഞ്ഞാ​റ​ൻ പ​സ​ഫി​ക്, ഇ​ന്ത്യ​ൻ മ​ഹാ​സ​മു​ദ്രം എ​ന്നി​വി​ട​ങ്ങ​ളി​ലെ അ​ന്ത​രീ​ക്ഷം ഇ​ക്കു​റി അ​നു​കൂ​ല​മാ​യി മാ​റി​യ​തോ​ടെ ഇ​തോ​ടെ മ​സ്ക​റി​ൻ അ​തി​മ​ർ​ദ മേ​ഖ​ല​യാ​യി രൂ​പം മാ​റു​ക​യാ​യി​രു​ന്നു.

മേ​ഘ​ങ്ങ​ളു​ടെ ഉ​യ​രം കൂ​ടി, ദു​രി​ത​വും

ഇ​ത്ത​വ​ണ ഒ​രു​മു​ഴം മു​ന്നേ എ​ത്തി​യ ഇ​ട​വ​പ്പാ​തി​യി​ൽ ക​ന​ത്ത നാ​ശ​ന​ഷ്ട​മാ​ണ് സം​സ്ഥാ​ന​ത്ത് ഉ​ണ്ടാ​യി​രി​ക്കു​ന്ന​ത്. ശ​ക്ത​മാ​യ കാ​റ്റി​ൽ ആ​യി​ര​ക്ക​ണ​ക്കി​ന് മ​ര​ങ്ങ​ൾ ക​ട​പു​ഴ​കി വീ​ടു​ക​ൾ​ക്കും വൈ​ദ്യു​തി പോ​സ്റ്റു​ക​ൾ​ക്കും ലൈ​നു​ക​ൾ​ക്കു​മേ​ൽ നി​ലം​പ​തി​ച്ച​തോ​ടെ കേ​ര​ളം മ​റ്റൊ​രു ദു​ര​ന്ത​ത്തെ അ​ഭി​മു​ഖീ​ക​രി​ക്കേ​ണ്ട അ​വ​സ്ഥ​യു​ണ്ട്. ഒ​രാ​ഴ്ച​ത്തെ മ​ഴ​യി​ൽ സം​സ്ഥാ​ന​ത്തെ​മ്പാ​ടും 2500ഓ​ളം വീ​ടു​ക​ളാ​ണ് ത​ക​ർ​ന്ന​ത്. 300 കോ​ടി​യു​ടെ കൃ​ഷി​നാ​ശം റി​പ്പോ​ർ​ട്ട് ചെ​യ്യു​മ്പോ​ൾ വെ​ള്ളി​യാ​ഴ്ച വ​രെ വൈ​ദ്യു​തി​മേ​ഖ​ല​യി​ലെ നാ​ശ​ന​ഷ്ടം165 കോ​ടി​ക്ക് മു​ക​ളി​ലാ​ണ്. സം​സ്ഥാ​ന​ത്ത് ഇ​ത്ര​യും ദു​രി​തം വി​ത​ക്കാ​ൻ കാ​ല​വ​ർ​ഷ​ത്തി​ന് ‘ഇ​ന്ധ​ന’​മാ​യ​ത് മേ​ഘ​രേ​ഖ​യും കൂ​മ്പാ​ര​മേ​ഘ​ങ്ങ​ളു​ടെ സാ​ന്നി​ധ്യ​വു​മാ​ണെ​ന്നാ​ണ് കാ​ലാ​വ​സ്ഥ നി​രീ​ക്ഷ​ക​രു​ടെ വി​ല​യി​രു​ത്ത​ൽ.

മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് മേ​ഘ​ങ്ങ​ളു​ടെ ഉ​യ​രം വ​ലി​യ തോ​തി​ൽ കൂ​ടി​യ​താ​ണ് കാ​റ്റ് മൂ​ല​മു​ണ്ടാ​യ വ്യാ​പ​ക നാ​ശ​ത്തി​ന് കാ​ര​ണം. നേ​ര​ത്തേ കേ​ര​ള​തീ​ര​ത്ത് 6-7 കി​ലോ​മീ​റ്റ​ർ വ​രെ ഉ​യ​ര​മു​ള്ള മേ​ഘ​ങ്ങ​ളാ​ണ്​ രൂ​പ​പ്പെ​ട്ടി​രു​ന്ന​തെ​ങ്കി​ൽ ഇ​പ്പോ​ൾ 12-15 കി​ലോ​മീ​റ്റ​ർ ഉ​യ​ര​മു​ള്ള മേ​ഘ​ങ്ങ​ൾ ഉ​ണ്ടാ​കു​ന്ന​താ​യാ​ണ് പ​ഠ​ന​ങ്ങ​ൾ. ഒ​രേ രേ​ഖ​യി​ൽ കു​റേ​യേ​റെ മേ​ഘ​ക്കൂ​ട്ട​ങ്ങ​ൾ വ​രു​ന്ന സ​മ​യ​ത്ത് കാ​റ്റി​ന്‍റെ വേ​ഗം പെ​ട്ടെ​ന്നു വ​ർ​ധി​ക്കും. ചെ​റി​യ സ​മ​യ​ത്തേ​ക്ക് സം​ഭ​വി​ക്കു​ന്ന ഈ ​ശ​ക്ത​മാ​യ കാ​റ്റി​നു കാ​ര​ണം സ്കോ​ൾ വി​ൻ​ഡ് അ​ഥ​വാ മേ​ഘ​രേ​ഖ​യാ​ണ്. ആ​ഗോ​ള താ​പ​ന​ത്തി​ന്‍റെ ഭാ​ഗ​മാ​യി സ​മു​ദ്ര​വും അ​ന്ത​രീ​ക്ഷ​വും ഒ​രു​പോ​ലെ ചൂ​ടു​പി​ടി​ച്ച​തോ​ടെ വ​ലി​യ​തോ​തി​ൽ കൂ​മ്പാ​ര മേ​ഘ​ങ്ങ​ളാ​ണ് കേ​ര​ള​തീ​ര​ത്ത് രൂ​പ​പ്പെ​ട്ട​ത്.

കൂ​മ്പാ​ര മേ​ഘ​ങ്ങ​ളി​ൽ​നി​ന്ന് താ​ഴേ​ക്കു​വ​രു​ന്ന കാ​റ്റി​ന്‍റെ വേ​ഗം​കൂ​ടി ആ​കു​ന്ന​തോ​ടെ മേ​ഘ​രേ​ഖ കാ​ര​ണം തീ​വ്ര​ത വ​ർ​ധി​ക്കും. സാ​ധാ​ര​ണ മ​ൺ​സൂ​ൺ കാ​റ്റ് 50-60 കി​ലോ​മീ​റ്റ​ർ വേ​ഗ​ത്തി​ലാ​ണ് വീ​ശാ​റ്. ഇ​തി​ന്‍റെ​കൂ​ടെ കൂ​മ്പാ​ര മേ​ഘ​ങ്ങ​ളി​ൽ​നി​ന്ന്​ താ​ഴേ​ക്ക് വീ​ശു​ന്ന കാ​റ്റ് കൂ​ടി ആ​കു​ന്ന​തോ​ടെ കേ​ര​ള​തീ​ര​ത്ത് വീ​ശി​യ​ടി​ച്ച കാ​റ്റി​ന് 70-80 കി​ലോ​മീ​റ്റ​ർ​വ​രെ വേ​ഗം കൈ​വ​ന്ന​താ​ണ് ദു​രി​ത​ത്തി​ന്‍റെ വ്യാ​പ്തി വ​ർ​ധി​പ്പി​ച്ച​ത്.

ക​രു​ത​ണം, അ​തി​തീ​വ്ര​മ​ഴ ദി​ന​ങ്ങ​ൾ കൂ​ടു​ന്നു

വ​രു​ന്ന നാ​ലു​മാ​സം സ​മൃ​ദ്ധ​മാ​യ മ​ഴ​ക്കാ​ല​മാ​ണ് കേ​ര​ള​ത്തി​ന് മു​ന്നി​ലു​ള്ള​ത്. തു​ട​ർ​ച്ച​യാ​യി മ​ഴ ല​ഭി​ക്കി​ല്ലെ​ങ്കി​ലും കാ​ലാ​വ​സ്ഥ വ്യ​തി​യാ​ന​ത്തി​ന്‍റെ ഭാ​ഗ​മാ​യി ചാ​റ്റ​ൽ മ​ഴ​ദി​ന​ങ്ങ​ൾ കു​റ​യു​ക​യും അ​തി​തീ​വ്ര​മ​ഴ ദി​ന​ങ്ങ​ൾ കൂ​ടു​ക​യും ചെ​യ്യു​ന്ന സ്ഥി​തി​വി​ശേ​ഷ​മാ​ണ് നി​ല​വി​ൽ കേ​ര​ള​ത്തി​ലു​ള്ള​ത്. മ​ല​നാ​ടും ഇ​ട​നാ​ടും തീ​ര​പ്ര​ദേ​ശ​വും ഉ​ൾ​പ്പെ​ടു​ന്ന സ​വി​ശേ​ഷ​മാ​യ ഭൂ​പ്ര​കൃ​തി​യു​ള്ള കേ​ര​ള​ത്തെ​പോ​ലെ​യു​ള്ള സ്ഥ​ല​ങ്ങ​ളി​ൽ ഇ​ത്ത​രം മാ​റ്റ​ങ്ങ​ൾ മി​ന്ന​ൽ പ്ര​ള​യ​ത്തി​നും മി​ന്നി​ൽ ചു​ഴി​ക​ൾ​ക്കും ഉ​രു​ൾ​പൊ​ട്ട​ലി​നും ഇ​ട​യാ​ക്കും.

കാ​ല​വ​ർ​ഷ​ത്തി​ലും ഇ​ടി​മി​ന്ന​ൽ

സാ​ധാ​ര​ണ​ വേ​ന​ൽ മ​ഴ​ക്കും തു​ലാ​വ​ർ​ഷ​ത്തി​നൊപ്പവുമാണ് ഇ​ടി​മി​ന്ന​ൽ ക​ണ്ടി​രു​ന്ന​ത്. എ​ന്നാ​ൽ, കു​റ​ച്ചു വ​ർ​ഷ​ങ്ങ​ളാ​യി കാ​ലവ​ർ​ഷ സീ​സ​ണി​ലും ഇ​ടി​മി​ന്ന​ൽ ക​ണ്ടു​വ​രു​ന്നു. ക്യു​മി​ലോ നിം​ബ​സ് എ​ന്ന ഇ​ടി​മി​ന്ന​ൽ മേ​ഘ​ങ്ങ​ളു​ടെ സാ​ന്നി​ധ്യ​മാ​ണ് കാ​ര​ണം. ഇ​ത്ത​വ​ണ വേ​ന​ൽ​മ​ഴ​യു​ടെ പ്ര​ഭാ​വം വി​ട്ടു​മാ​റു​ന്ന​തി​നു മു​ൻ​പേ​യെ​ത്തി​യ കാ​ല​വ​ർ​ഷ​മാ​ണു ക്യു​മി​ലോ നിം​ബ​സ് മേ​ഘ​ങ്ങ​ളു​ടെ രൂ​പ​വ​ത്ക​ര​ണ​ത്തി​നു കാ​ര​ണ​മാ​യ​ത്. താ​ഴ്ന്നു കി​ട​ക്കു​ന്ന നിം​ബ​സ്, സ്ട്രാ​റ്റ​സ് മേ​ഘ​ങ്ങ​ളാ​ണു കാ​ല​വ​ർ​ഷ​ക്കാ​ല​ത്തു പൊ​തു​വേ മ​ഴ ന​ൽ​കു​ന്ന​ത്. ഇ​ടി​യോ​ടു കൂ​ടി​യ വേ​ന​ൽ​മ​ഴ ന​ൽ​കു​ന്ന​താ​ക​ട്ടെ ഉ​യ​ര​ത്തി​ലു​ള്ള ക്യു​മി​ല​സ് മേ​ഘ​വും.

കാ​ല​വ​ർ​ഷ​ത്തി​ൽ വ​ലി​യ​മേ​ഘ​ങ്ങ​ൾ രൂ​പ​പ്പെ​ടാ​റി​ല്ലെ​ങ്കി​ലും ഇ​പ്പോ​ൾ വ​ലി​യ ക്യു​മി​ലോ നിം​ബ​സ് മേ​ഘ​ങ്ങ​ൾ രൂ​പ​പ്പെ​ടു​ന്നു​ണ്ടെ​ന്നു കു​സാ​റ്റി​ലെ സെ​ന്റ​ർ ഫോ​ർ അ​റ്റ്മോ​സ്ഫി​യ​റി​ക് റി​സ​ർ​ച് മേ​ധാ​വി ഡോ.​എ​സ്. അ​ഭി​ലാ​ഷ് പ​റ​യു​ന്നു. ഉ​യ​ര​ത്തി​ലു​ള്ള ഈ ​വ​ലി​യ മേ​ഘ​ങ്ങ​ളി​ൽ​നി​ന്നാ​ണു ശ​ക്ത​മാ​യ മ​ഴ​യും അ​തി​ശ​ക്തി​യാ​യി ആ​ഞ്ഞ​ടി​ക്കു​ന്ന കാ​റ്റും ഉ​ണ്ടാ​കു​ന്ന​ത്.

ഒ​രാ​ഴ്ചക്കു​ള്ളി​ൽ 440 ശ​ത​മാ​നം അ​ധി​ക​മ​ഴ

കാ​ല​വ​ർ​ഷം ആ​രം​ഭി​ച്ച് ഒ​രാ​ഴ്ച​ക്കു​ള്ളി​ൽ സം​സ്ഥാ​ന​ത്ത് പെ​യ്തി​റ​ങ്ങി​യ​ത് 440 ശ​ത​മാ​നം അ​ധി​ക​മ​ഴ​യെ​ന്ന് കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം. പാ​ല​ക്കാ​ട്, ക​ണ്ണൂ​ർ, വ​യ​നാ​ട് ജി​ല്ല​ക​ളി​ലാ​ണ് കൂ​ടു​ത​ൽ മ​ഴ ല​ഭി​ച്ച​ത്. പാ​ല​ക്കാ​ട് 44. മി.​മീ​റ്റ​ർ മ​ഴ പ്ര​തീ​ക്ഷി​ച്ചി​ട​ത്ത് ല​ഭി​ച്ച​ത് 434.9 മി.​മീ​റ്റ​റാ​ണ്. ക​ണ്ണൂ​രി​ൽ 78.2 മി.​മീ​റ്റ​ർ പ്ര​തീ​ക്ഷി​ച്ചി​ട​ത്ത് 684 മി.​മീ​റ്റ​റാ​ണ്.