ആലപ്പുഴയിനി കാടില്ലാത്ത ജില്ലയല്ല; കടലോരത്ത്​ പ്രകൃതിയുടെ കുടയായി ‘ചെറുവനം’

ആ​ല​പ്പു​ഴ: കാ​ടി​ല്ലാ​ത്ത ജി​ല്ല​യു​ടെ പേ​രു​ദോ​ഷം മാ​റ്റാ​ൻ പ്ര​കൃ​തി​യു​ടെ കു​ട​യാ​യി ക​ട​ലോ​ര​ത്ത്​ ‘ചെ​റു​വ​നം’. ആ​ല​പ്പു​ഴ ബീ​ച്ചി​നോ​ട്​ ചേ​ർ​ന്നു​ള്ള പോ​ർ​ട്ട്​ മ്യൂ​സി​യ​ത്തി​ലാ​ണ്​​ ഇ​തി​ന്‍റെ സ്ഥാ​ന​മെ​ന്ന്​ പ​ല​ർ​ക്കു​മ​റി​യി​ല്ല. ക​ട​ലി​നോ​ട്​ കി​ന്നാ​രം പ​റ​ഞ്ഞും ക​ട​ൽ​​കാ​റ്റേ​റ്റും 20സെൻറി​ൽ​ പ്ര​കൃ​തി​ദ​ത്ത​രീ​തി​യി​ൽ ത​ന്നെ​യാ​ണ്​​ കാ​ടു​ള്ള​ത്. ആ​ല​പ്പു​ഴ പൈ​തൃ​ക​പ​ദ്ധ​തി​യു​ടെ ഭാ​ഗ​മാ​യി നാ​ല​ര​വ​ർ​ഷം മു​മ്പ്​ ഒ​രു​ക്കി​യ ‘മി​യാ​വാ​ക്കി’ വ​ന​വ​ത്ക​ര​ണ​ത്തി​ന്‍റെ ഭാ​ഗ​മാ​യാ​ണ് ഈ​സ്വാ​ഭാ​വി​ക വ​നം ന​ഗ​ര​ഹൃ​ദ​യ​ത്തി​ൽ രൂ​പ​പ്പെ​ട്ട​ത്. അ​ന്ന്​ മു​ത​ൽ ന​ട്ടു​വ​ള​ർ​ത്തി​യ ചെ​ടി​ക​ൾ കാ​ടി​ന്‍റെ ത​നി​മ ചോ​ർ​ന്നു​പോ​കാ​തെ വ​ൻ​വൃ​ക്ഷ​ങ്ങ​ളാ​യി മാ​റി​​യെ​ന്ന​താ​ണ്​ ഏ​റെ കൗ​തു​കം. സം​ര​ക്ഷ​ണ​ത്തി​നാ​യി ഇ​രു​മ്പു​വേ​ലി​യു​ണ്ടെ​ങ്കി​ലും ആ​വ​ശ്യ​മാ​യ പ​രി​പാ​ല​ന​മി​ല്ല. കാ​ടി​നു​ള്ളി​ലേ​ക്ക്​ ക​യ​റാ​ൻ ക​ഴി​യാ​ത്ത​വി​ധം പ​രി​സ​രം വൃ​ത്തി​ഹീ​ന​മാ​ണ്.

പോ​ർ​ട്ട് മ്യൂ​സി​യ​ത്തി​നും ഉ​പ്പൂ​റ്റി ക​നാ​ലി​നു​മി​ട​യി​ൽ 10 ഏ​ക്ക​റി​ലെ 20 സെ​ന്‍റി​ലാ​ണ്​ വ​ന​മു​ള്ള​ത്. ന​ഗ​ര​ങ്ങ​ളി​ലും സ്വാ​ഭാ​വി​ക​വ​ന​മാ​തൃ​ക​ക​ൾ തീ​ർ​ക്കു​ക​യെ​ന്ന ല​ക്ഷ്യ​ത്തി​ൽ കെ-​ഡി​സ്ക് (കേ​ര​ള ഡെ​വ​ല​പ്മെ​ന്‍റ് ആ​ൻ​ഡ് ഇ​ന്ന​വേ​ഷ​ൻ സ്ട്രാ​റ്റ​ജി​ക് കൗ​ൺ​സി​ൽ) ഇ​ടു​ക്കി, വ​യ​നാ​ട് ഒ​ഴി​കെ​യു​ള്ള ജി​ല്ല​ക​ളി​ലാ​ണ് മി​യാ​വാ​ക്കി വ​ന​മാ​തൃ​ക​ക​ൾ തീ​ർ​ത്ത​ത്. 120 ഇ​ന​ങ്ങ​ളി​ൽ​പ്പെ​ട്ട 3,200 വൃ​ക്ഷ​ങ്ങ​ൾ ഇ​ട​ക​ല​ർ​ത്തി​യാ​ണ് ന​ട്ട​ത്. കാ​ട്ടു​മ​ര​ങ്ങ​ൾ, ഔ​ഷ​ധ​ഗു​ണ​മു​ള്ള​തും ഫ​ല​വൃ​ക്ഷ​ങ്ങ​ളു​മാ​യ മ​ര​ങ്ങ​ൾ, കു​റ്റി​ച്ചെ​ടി​ക​ൾ, അ​ടി​ക്കാ​ട്, പൂ​വ​ര​ശ്, പു​ന്ന, കു​ടം​പു​ളി, മാ​വ്, അ​ശോ​കം, പ്ലാ​വ്, ആ​ൽ, പേ​ര, മ​ഹാ​ഗ​ണി, ജാ​തി, ആ​റ്റു​വ​ഞ്ചി എ​ന്നി​വ​യ​ട​ക്ക​മു​ള്ള​വ​യാ​ണ് വ​ന​ത്തി​ലെ പ്ര​ധാ​ന​വൃ​ക്ഷ​ങ്ങ​ൾ. നേ​ച്ചേ​ഴ്സ് ഗ്രീ​ൻ ഗാ​ർ​ഡി​യ​ൻ ഫൗ​ണ്ടേ​ഷ​ൻ, ഇ​ൻ​വി​സ് മ​ൾ​ട്ടി​മീ​ഡി​യ, ക​ൾ​ച​ർ ഷോ​പ്പി എ​ന്നി​വ​യു​ടെ മേ​ൽ​നോ​ട്ട​ത്തി​ലാ​യി​രു​ന്നു തു​ട​ക്ക​ത്തി​​ലെ പ​രി​ച​ര​ണം.

പി​ന്നാ​ലെ അ​ത്​ ഇ​ല്ലാ​തെ​യാ​യി. മി​യാ​വാ​ക്കി​യു​ടെ വ​ന​വ​ത്​​ക​ര​ണ​രീ​തി​യ​നു​സ​രി​ച്ച്​ ഓ​രോ​പ്ര​ദേ​ശ​ത്തും ത​ന​താ​യി വ​ള​രു​ന്ന​വ മാ​ത്ര​മാ​ണ്​ തെ​ര​ഞ്ഞെ​ടു​ത്ത​ത്. ഇ​തി​നൊ​പ്പം 10ശ​ത​മാ​ന​ത്തി​ൽ താ​ഴെ കാ​യ്ക്കു​ന്ന വി​ദേ​ശ​വൃ​ക്ഷ​ങ്ങ​ളു​മു​ണ്ട്. തൊ​ട്ടു​ചേ​ർ​ന്ന് നി​ൽ​ക്കു​ന്ന മ​ര​ങ്ങ​ൾ​ക്ക് ത​ണ​ൽ കി​ട്ടാ​തി​രി​ക്കാ​ൻ ശി​ഖ​ര​ങ്ങ​ൾ വെ​ട്ടി​മാ​റ്റു​ന്ന ‘പ്രൂ​ണി​ങ്’ രീ​തി​യി​ലാ​ണ് ഇ​വി​ടെ മ​ര​ങ്ങ​ൾ വ​ള​ർ​ത്തി​യ​ത്. ലോ​ക​പ്ര​ശ​സ്ത സ​സ്യ​ശാ​സ്ത്ര​ജ്ഞ​ൻ ഡോ. ​അ​ക്കി​ര മി​യ​വാ​ക്കി അ​ര​നൂ​റ്റാ​ണ്ട് മു​മ്പ് വി​ക​സി​പ്പി​ച്ചെ​ടു​ത്ത വ​ന​വ​ത്ക​ര​ണ​രീ​തി​യി​ൽ 2020 ന​വം​ബ​ർ മൂ​ന്നി​നാ​ണ് പോ​ർ​ട്ട് മ്യൂ​സി​യ​ത്തി​ൽ ചെ​ടി​ക​ൾ ന​ട്ട​ത്. മി​യാ​വാ​ക്കി വ​ന​ത്തി​ൽ ചെ​ടി​ന​ടീ​ൽ ഉ​ദ്​​ഘാ​ട​നം നി​ർ​വ​ഹി​ച്ച​ത്​ മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ്.

അ​ന്ന്​ ചെ​ടി​ക​ൾ​ക്കി​ട​യി​ൽ സ്ഥാ​പി​ച്ച ശി​ലാ​ഫ​ല​കം വ​ന​ത്തി​ലു​ള്ളി​ലാ​യി. ഒ​രു​ച​തു​ര​ശ്ര മീ​റ്റ​റി​ൽ എ​ല്ലാ​വ​ള​ങ്ങ​ളും ചേ​ർ​ത്താ​ണ് ന​ടീ​ൽ ആ​രം​ഭി​ച്ച​ത്. രാ​സ​വ​ള​ങ്ങ​ളും കീ​ട​നാ​ശി​നി​ക​ളും ഇ​ല്ലാ​തെ പൂ​ർ​ണ​മാ​യും ജൈ​വ​പ​രി​പാ​ല​ന​രീ​തി​യി​ലാ​ണ്​ വ​നം സാ​ധ്യ​മാ​ക്കി​യ​ത്. ഇ​തി​നൊ​പ്പ​മു​ള്ള പൈ​തൃ​ക​മ്യൂ​സി​യ​ത്തി​ന്‍റെ കെ​ട്ടി​ട​ങ്ങ​ൾ നാ​ശ​ത്തി​ന്‍റെ വ​ക്കി​ലാ​ണ്.