റ​മ​ദാ​നി​ൽ ഭ​ക്ഷ​ണ​ങ്ങ​ൾ ക​രു​ത​ലോ​ടെ ഉ​പ​യോ​ഗി​ക്കാ​ൻ നി​ർ​ദേ​ശം

മ​നാ​മ: റ​മ​ദാ​നി​ൽ ഭ​ക്ഷ​ണ​ങ്ങ​ൾ ക​രു​ത​ലോ​ടെ ഉ​പ​യോ​ഗി​ക്കാ​ൻ നി​ർ​ദേ​ശ​വു​മാ​യി അ​ധി​കൃ​ത​ർ. റ​മ​ദാ​ൻ മാ​സ​ത്തി​ൽ പൊ​തു​വെ ക​ണ്ടു​വ​രു​ന്ന ഭ​ക്ഷ​ണം പാ​ഴാ​ക്കു​ന്ന പ്ര​വ​ണ​ത കൂ​ടി​യ സാ​ഹ​ച​ര്യ​ത്തി​ലാ​ണ് നി​ർ​ദേ​ശം. ഇ​തി​നാ​യി റ​സ്റ്റാ​റ​ന്‍റു​ക​ൾ, സൂ​പ്പ​ർ​മാ​ർ​ക്ക​റ്റു​ക​ൾ, മ​റ്റ് ബി​സി​ന​സ് സം​രം​ഭ​ങ്ങ​ൾ എ​ന്നി​വ​രു​മാ​യി ഏ​കോ​പി​പ്പി​ച്ച് പൊ​തു​ജ​ന​ങ്ങ​ൾ​ക്കാ​യി ബോ​ധ​വ​ത്ക​ര​ണ കാ​മ്പെ​യി​നു​ക​ൾ ആ​രം​ഭി​ച്ചി​ട്ടു​ണ്ട്. ആ​ഡം​ബ​ര ഇ​ഫ്താ​റു​ക​ളും അ​ത്താ​ഴ​വും കു​റ​യ്ക്ക​ണ​മെ​ന്നും ഉ​ന്ന​ത മു​നി​സി​പ്പ​ൽ ഉ​ദ്യോ​ഗ​സ്ഥ​ർ പൗ​ര​ന്മാ​രോ​ടും താ​മ​സ​ക്കാ​രോ​ടും ആ​ഹ്വാ​നം ചെ​യ്തു.

റ​മ​ദാ​നി​ൽ വാ​ങ്ങു​ന്ന ഭ​ക്ഷ​ണ​ത്തി​ന്‍റെ 35 ശ​ത​മാ​നം പാ​ഴാ​ക്കു​ന്നു​ണ്ടെ​ന്നും അ​തു​കൊ​ണ്ട് പൊ​തു​ജ​ന​ങ്ങ​ൾ ആ​വ​ശ്യ​മു​ള്ള​ത് വാ​ങ്ങാ​നാ​യി ഷോ​പ്പി​ങ് ന​ട​ത്തു​മ്പോ​ൾ ശ്ര​ദ്ധ​ചെ​ലു​ത്ത​ണ​മെ​ന്നും സ​തേ​ൺ മു​നി​സി​പ്പ​ൽ കൗ​ൺ​സി​ൽ ചെ​യ​ർ​മാ​ൻ അ​ബ്ദു​ല്ല അ​ബ്ദു​ല്ല​ത്തീ​ഫ് പ​റ​ഞ്ഞു.

കു​ടും​ബ​വീ​ടു​ക​ളി​ൽ​നി​ന്ന് 15 മു​ത​ൽ 25 ശ​ത​മാ​നം​വ​രെ പ​തി​വാ​യി ഭ​ക്ഷ‍്യ​മാ​ലി​ന്യം പു​റ​ന്ത​ള്ള​പ്പെ​ടാ​റു​ണ്ട്. റ​മ​ദാ​നാ​കു​മ്പോ​ൾ ഇ​ത് 35 ശ​ത​മാ​നം​വ​രെ​യാ​യാ​ണ് വ​ർ​ധി​ക്കു​ന്ന​തെ​ന്നും അ​ദ്ദേ​ഹം പ​റ​ഞ്ഞു. പാ​ച​കം ചെ​യ്യു​ന്ന സാ​ഹ​ച​ര്യ​ത്തി​ലും ശ്ര​ദ്ധ​ചെ​ലു​ത്ത​ണം, അ​തി​ഥി​ക​ൾ​ക്കും ആ​വ​ശ്യ​പ്പെ​ടു​ന്ന​വ​ർ​ക്കും റ​മ​ദാ​നി​ൽ ഭ​ക്ഷ​ണം ന​ൽ​കു​ന്ന​താ​ണ് മു​സ്‍ലിം​ക​ൾ ചെ​യ്യു​ന്ന​ത്. എ​ന്നാ​ൽ, ന​ൽ​കു​ന്ന​തി​നെ​ക്കാ​ളേ​റെ പാ​ഴാ​വു​ന്ന സാ​ഹ​ച​ര്യ​മാ​ണു​ള്ള​ത്.

അ​തി​ൽ​നി​ന്ന് ജ​ന​ങ്ങ​ൾ ബോ​ധ​വാ​ന്മാ​രാ​ക​ണ​മെ​ന്നും ഉ​ത്ത​ര​വാ​ദി​ത്ത​ത്തോ​ടെ പ്ര​വ​ർ​ത്തി​ക്ക​ണ​മെ​ന്നും അ​ദ്ദേ​ഹം ആ​ഹ്വാ​നം ചെ​യ്തു. ബ​ഹ്റൈ​നി​ൽ പ്ര​തി​ദി​നം ഏ​ക​ദേ​ശം 600 ട​ൺ ജൈ​വ ഭ​ക്ഷ്യ​മാ​ലി​ന്യം ഉ​ത്പാ​ദി​പ്പി​ക്ക​പ്പെ​ടു​ന്നു​ണ്ടെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. അ​ത് അ​വ​സാ​നി​പ്പി​ക്കേ​ണ്ട​തു​ണ്ടെ​ന്നും ഭ​ക്ഷ​ണം പാ​ഴാ​ക്കു​ന്ന​ത് കു​റ​ക്കു​ന്ന​തി​നാ​യി ജ​ന​ങ്ങ​ളെ ബോ​ധ​വ​ത്ക​രി​ക്കു​ന്ന പ​രി​പാ​ടി​ക​ൾ ആ​രം​ഭി​ച്ചി​ട്ടു​ണ്ടെ​ന്നും അ​ബ്ദു​ല്ല​ത്തീ​ഫ് പ​റ​ഞ്ഞു.

കൂ​ടാ​തെ ദ​രി​ദ്ര​രാ​യ ജ​ന​ങ്ങ​ളെ സ​ഹാ​യി​ക്കു​ന്ന​തി​നു​ള്ള സം​ഭാ​വ​ന​ക​ളെ​യും സം​രം​ഭ​ങ്ങ​ളെ​യും പി​ന്തു​ണ​ക്കു​ന്ന​വ​ർ​ക്കും പാ​ഴാ​വു​ന്ന ഭ​ക്ഷ​ണ​ങ്ങ​ൾ ശേ​ഖ​രി​ച്ച് ആ​വ​ശ്യ​ക്കാ​രി​ലെ​ത്തി​ക്കു​ന്ന​വ​ർ​ക്കും അ​ദ്ദേ​ഹം ന​ന്ദി പ​റ​ഞ്ഞു. 2020ൽ ​ബ​ഹ്റൈ​നി​ലെ ജ​ന​ങ്ങ​ൾ 146000 ട​ൺ ഭ​ക്ഷ​ണ​മാ​ണ് പാ​ഴാ​ക്കി​യ​തെ​ന്നും ഇ​ത് രാ​ജ്യ​ത്തി​ന് 94.9 ദ​ശ​ല​ക്ഷം ദീ​നാ​റി​ന്‍റെ ന​ഷ്ടം ഉ​ണ്ടാ​ക്കി​യ​താ​യും ഐ​ക്യ​രാ​ഷ്ട്ര​സ​ഭ​യു​ടെ ഭ​ക്ഷ്യ​മാ​ലി​ന്യ സൂ​ചി​ക നേ​ര​ത്തേ വെ​ളി​പ്പെ​ടു​ത്തി​യി​രു​ന്നു.

ബ​ഹ്റൈ​നി​ലെ ഭ​ക്ഷ്യ മാ​ലി​ന്യ​ങ്ങ​ള​ധി​ക​വും അ​സ്ക​റി​ലെ ഹ​ഫീ​റ ലാ​ൻ​ഡ്ഫി​ല്ലി​ലെ​ത്തി​ച്ച് മ​ണ്ണി​ട്ട് മൂ​ടു​ക​യാ​ണ് ചെ​യ്യു​ന്ന​ത്. 2040 ഓ​ടെ ബ​ഹ്റൈ​നി​ൽ ഒ​രു പു​ന​രു​പ​യോ​ഗ മാ​ലി​ന്യ​നി​ർ​മാ​ർ​ജ​ന പ്ലാ​ന്‍റ് സ്ഥാ​പി​ക്കു​മെ​ന്നും പൊ​തു മാ​ലി​ന്യ​ത്തി​ന്‍റെ 52 ശ​ത​മാ​നം അ​തു​വ​ഴി പു​ന​രു​പ​യോ​ഗം ചെ​യ്യു​മെ​ന്നും മു​നി​സി​പ്പാ​ലി​റ്റി കാ​ര്യ, കൃ​ഷി മ​ന്ത്രി വെ​യ്‍ൽ അ​ൽ മു​ബാ​റ​ക് നേ​ര​ത്തേ പ്ര​ഖ്യാ​പി​ച്ചി​രു​ന്നു.