അണിയിച്ചൊരുക്കാം കേ​ക്കുകളെ

രു​ചി​ മാ​ത്ര​മ​ല്ല, കാ​ണാ​നു​ള്ള ച​ന്തം​കൂ​ടി​യാ​ണ് കേ​ക്കിന്‍റെ മാ​ർ​ക്ക​റ്റ് കൂ​ട്ടു​ന്ന​ത്. കേ​ക്കി​നെ വി​വി​ധ തീ​മു​ക​ളി​ൽ ഡെ​ക്ക​റേ​റ്റ് ചെ​യ്യു​ക എ​ന്ന​തും ഒ​രു ക​ല​യാ​ണ്. ക​സ്​​റ്റ​മ​ർ ആ​വ​ശ്യ​പ്പെ​ടു​ന്ന തീ​മു​ക​ളി​ൽ കേ​ക്ക് നി​ർ​മി​ച്ചു​ കൊ​ടു​ക്കു​ന്ന നി​ര​വ​ധി ഹോം ​ബേ​ക്ക​ർ​മാ​ർ കേ​ര‍ള​ത്തി​ലു​ണ്ട്. അവരിലൊരാളാണ് കൊ​ച്ചി​യി​ലെ പ്ര​മു​ഖ ഹോം ​ബേ​ക്ക​റാ​യ റൂ​ബി രാ​ജ​ഗോ​പാ​ൽ. കോ​ള​ജ് അ​ധ്യാ​പ​ക ജോ​ലി ഉ​പേ​ക്ഷി​ച്ചാ​ണ് ബേ​ക്കി​ങ്ങി​ലേ​ക്ക് റൂ​ബി പ്ര​വേ​ശി​ക്കു​ന്ന​ത്.

കേ​ക്ക് മൈ ​പാ​ഷ​ൻ എ​ന്ന ഫേ​സ്ബു​ക്ക് പേ​ജ്​ വ​ഴി​യാ​ണ് കൂ​ടു​ത​ലാ​യും കേ​ക്കു​ക​ളു​ടെ വി​പ​ണ​നം. പി​ന്നെ ഒ​രി​ക്ക​ൽ കേ​ക്ക് വാ​ങ്ങി​യ​വ​രു​ടെ ബ​ന്ധു​ക്ക​ളും സു​ഹൃ​ത്തു​ക്ക​ളും പ​രി​ച​യ​ക്കാ​രും മു​ഖേ​ന​യും ഓ​ർ​ഡ​റു​ക​ളെ​ത്തു​ന്നു​ണ്ട്. ബേ​ക്കി​ങ്​ പെ​ട്ടെന്ന് തീ​രു​ന്ന പ​ണി​യാ​ണ്. പ​ക്ഷേ, ഡെ​ക്ക​റേ​ഷ​നാ​ണ് ഏ​റ്റ​വും കൂ​ടു​ത​ൽ സ​മ​യ​വും ടെ​ൻ​ഷ​നും അ​നു​ഭ​വി​ക്കു​ന്ന ഘ​ട്ടമെന്ന് റൂബി പറയുന്നു. ഫോ​ണ്ട​ൻ​റ്, ബ​ട്ട​ർ​ക്രീം, വി​പ്പി​ങ്​ ക്രീം, ​ചോ​ക്ല​റ്റ്​ ഗ​ണാ​ഷ് തു​ട​ങ്ങി​യ​വ​യി​ലാ​ണ് പ്ര​ധാ​ന​മാ​യും കേ​ക്ക് ഡെ​ക്ക​റേ​ഷ​ൻ ചെ​യ്യു​ന്ന​ത്.

ഫോ​ണ്ട​ൻ​റ് കേ​ക്ക്

ഫോ​ണ്ട​ൻ​റ് എ​ന്ന​ത് ഷു​ഗ​റും ജ​ലാ​റ്റി​നു​മെ​ല്ലാം ഉ​പ​യോ​ഗി​ച്ചു​ണ്ടാ​ക്കു​ന്ന ഒ​രു​ത​രം എ​ഡി​ബ്​​ൾ ഷീ​റ്റാ​ണ്. ഇ​ത് വീ​ട്ടി​ലു​മു​ണ്ടാ​ക്കാം, പു​റ​ത്തു​നി​ന്നും വാ​ങ്ങി​ക്കാം. ഫോ​ണ്ട​ൻ​റ് ച​പ്പാ​ത്തി​മാ​വുപോ​ലെ കു​ഴ​ച്ച് കേ​ക്കി​നു മു​ക​ളി​ൽ നി​ര​ത്തു​ക​യാ​ണ് പ​തി​വ്. ഒ​രു​ത​രം ലെ​ത​റി ടേ​സ്​​റ്റാ​ണ് ഇ​തി​ന്. പ​ല​ർ​ക്കും ഇ​തിന്‍റെ രു​ചി ഇ​ഷ്​​ട​മാ​കി​ല്ല. വെ​ഡി​ങ്​ കേ​ക്കു​ക​ളി​ൽ കൂ​ടു​ത​ലും ഇ​തു​ത​ന്നെ​യാ​ണ് ഉ​പ​യോ​ഗി​ക്കു​ന്ന​ത്. ഫോ​ണ്ട​ൻ​റ് കേ​ക്കു​ക​ൾ കൈ​കൊ​ണ്ട് തൊ​ട്ടാ​ലോ ത​ട്ടി​യാ​ലോ അ​ത്ര​വേ​ഗം കേ​ടു​വ​രി​ല്ല. മാ​ത്ര​വു​മ​ല്ല, മൂ​ന്നോ നാ​ലോ ത​ട്ടു​ക​ളു​ള്ള കേ​ക്കാ​ണെ​ങ്കി​ൽ ഒ​രു കേ​ക്കി​നു മു​ക​ളി​ൽ മ​റ്റൊ​ന്ന് എ​ടു​ത്തു​വെ​ക്കാ​നോ പ്ര​യാ​സ​മു​ണ്ടാ​കി​ല്ല. കൂ​ടാ​തെ കേ​ക്കി​ന് മു​ക​ളി​ൽ വെ​ക്കു​ന്ന, മൃ​ഗ​ങ്ങ​ളു​ടെ​യോ കു​ട്ടി​ക​ളു​ടെ​യോ മ​റ്റ് ഏ​തു രൂ​പ​ങ്ങ​ളും ഫോ​ണ്ട​ൻ​റുകൊ​ണ്ടാ​ണ് നി​ർ​മി​ക്കു​ന്ന​ത്.

രൂ​പ​ങ്ങ​ളു​ണ്ടാ​ക്കാ​ൻ പ​ല അ​ച്ചു​ക​ളും ക​ട​ക​ളി​ൽ ല​ഭ്യ​മാ​ണ്. അ​ൽ​പം ക​ലാ​വാ​സ​ന​യു​ള്ള​വ​രാ​ണെ​ങ്കി​ൽ ഫോ​ണ്ട​ൻ​റുകൊ​ണ്ട് ഇ​ഷ്​​ട​മു​ള്ള രൂ​പ​ങ്ങ​ൾ ത​യാ​റാ​ക്കാം. മ​റ്റൊ​രു കാ​ര്യം, ഫോ​ണ്ട​ൻ​റ് കേ​ക്കു​ക​ൾ ഡെ​ക്ക​റേ​ഷ​ൻ ക​ഴി​ഞ്ഞ​തി​നുശേ​ഷം ഫ്രി​ഡ്ജി​ൽ സൂ​ക്ഷി​ക്കാ​ൻ പ​റ്റി​ല്ല എ​ന്ന​താ​ണ്. ഫോ​ണ്ട​ൻ​റു​കൊ​ണ്ടു​ണ്ടാ​ക്കി​യ രൂ​പ​ങ്ങ​ളും അ​തു​പോ​ലെ ഫ്രി​ഡ്ജി​ൽ വെ​ച്ചാ​ൽ ഒ​ട്ടി​പ്പി​ടി​ക്കാ​ൻ തു​ട​ങ്ങും. അ​തു​കൊ​ണ്ട് ഏ​തു​ത​ര​ത്തി​ലു​ള്ള ഫോ​സ്​​റ്റി​ങ്ങാ​ണ് ചെ​യ്യു​ന്ന​തെ​ങ്കി​ലും ആ​വ​ശ്യ​ക്കാ​ർ എ​ത്തു​ന്ന​തി​ന് തൊ​ട്ടു​മു​മ്പേ ഫോ​ണ്ട​ൻ​റുകൊ​ണ്ടു​ള്ള ക​ലാ​പ​രി​പാ​ടി​ക​ൾ ന​ട​ക്കൂ എ​ന്നു ചു​രു​ക്കം.

വി​പ്പി​ങ്​ ക്രീം ​ഫോ​സ്​​റ്റി​ങ്​

വി​പ്പി​ങ്​ ക്രീം ​കേ​ക്കി​നോ​ടാ​ണ് പ​ല​ർ​ക്കും കൂ​ടു​ത​ൽ താ​ൽ​പ​ര്യം. കേ​ക്കിന്‍റെ യ​ഥാ​ർ​ഥ രു​ചി കി​ട്ട​ണ​മെ​ങ്കി​ൽ വി​പ്പി​ങ്​ ക്രീം ​ത​ന്നെ ഉ​പ​യോ​ഗി​ച്ച് കേ​ക്കു​ണ്ടാ​ക്ക​ണം. എ​ന്നാ​ൽ, കേ​ക്ക് ഡെ​ക്ക​റേ​ഷ​നി​ൽ ഏ​റ്റ​വും പ്ര​യാ​സം വി​പ്പി​ങ്​ ക്രീം കൊ​ണ്ട് ഡെ​ക്ക​റേ​റ്റ് ചെ​യ്യു​ക എ​ന്ന​താ​ണ്. അ​റി​യാ​തെ വി​ര​ലൊ​ന്ന് ത​ട്ടി​യാ​ലോ എ​ടു​ത്തു​വെ​ക്കു​മ്പോ​ൾ ബാ​ല​ൻ​സ് ന​ഷ്​​ട​മാ​യാ​ലോ കേ​ക്ക് കേ​ടു​വ​രു​മെ​ന്ന് മാ​ത്ര​മ​ല്ല, എ​ടു​ത്ത പ​ണി മു​ഴു​വ​ൻ വെ​റു​തെ​യാ​കും. ക്രീം ​ഫോ​സ്​​റ്റി​ങ്​ ക​ഴി​ഞ്ഞ് ഡെ​ക്ക​റേ​ഷ​ന് എ​ന്തു​വെ​ക്കു​മ്പോ​ഴും സൂ​ക്ഷി​ച്ച് വെ​ക്ക​ണം. അ​ല്ലെ​ങ്കി​ൽ തൊ​ടു​ന്ന ഭാ​ഗം കു​ഴി​യാ​കും.

ആ​വ​ശ്യ​ക്കാ​ർ പ​ല തീ​മു​ക​ളാ​വും ആ​വ​ശ്യ​പ്പെ​ടു​ക. ചി​ല​ർ​ക്ക് ആ​നി​മ​ൽ​സോ ഫോ​സ​റ്റ് മി​നി​യേ​ച്ച​റോ പൂ​ക്ക​ളോ ആ​വും, അ​ല്ലെ​ങ്കി​ൽ കു​ട്ടി​ക​ളു​ടെ പ്രി​യ​പ്പെ​ട്ട കാ​ർ​ട്ടൂ​ൺ ക​ഥാ​പാ​ത്ര​ങ്ങ​ളാ​യ മി​ക്കി​മൗ​സ്, ഡോ​റ, സ്​​പൈ​ഡ​ർ​മാ​ൻ അ​ങ്ങ​നെ. വെ​ഡി​ങ്​ കേ​ക്കു​ക​ൾ​ക്കും പ​ല തീ​മു​ക​ൾ പ​റ​യാ​റു​ണ്ട്. കു​റ​ച്ചു​കൂ​ടി മു​തി​ർ​ന്ന​വ​രാ​ണെ​ങ്കി​ൽ അ​വ​രു​ടെ പ്ര​ഫ​ഷ​നു​മാ​യി ബ​ന്ധ​പ്പെ​ട്ടോ ഹോ​ബി​യോ ഒ​ക്കെ​യാ​കും. ര​ണ്ടു​ദി​വ​സം മു​മ്പു​ത​ന്നെ തീ​മി​ലേ​ക്കു​ള്ള രൂ​പ​ങ്ങ​ൾ നി​ർ​മി​ച്ചു​തു​ട​ങ്ങും. എ​ന്നാ​ൽ, ഡെ​ലി​വ​റി​ക്ക് തൊ​ട്ടു​മു​മ്പാ​യി​രി​ക്കും ഇ​വ വെ​ക്കു​ന്ന​ത്.

ബ​ട്ട​ർ ക്രീം ​ഫോ​സ്​​റ്റി​ങ്​

വി​പ്പി​ങ്​ ക്രീ​മിന്‍റെ ഏ​ക​ദേ​ശ സ്വ​ഭാ​വം​ ത​ന്നെ​യാ​ണ് ഇ​തി​നും. എ​ന്നാ​ൽ, ഫോ​സ്​​റ്റി​ങ് ക​ഴി​ഞ്ഞ് ഫ്രി​ഡ്ജി​ൽ വെ​ച്ചാ​ൽ കേ​ക്ക് ഒ​ന്നു​കൂ​ടി ക​ട്ടി​യാ​കും എ​ന്ന​താ​ണ് ഇ​തിന്‍റെ പ്ര​ത്യേ​ക​ത. അ​തു​കൊ​ണ്ട് കു​റ​ച്ചു​കൂ​ടി റി​സ്ക് കു​റ​യും.

ചോ​ക്ല​റ്റ്​ ഗ​ണാ​ഷ്

ചോ​ക്ല​റ്റ്​ ഡ​ബ്​​ൾ ബോ​യി​ൽ ചെ​യ്ത് ത​ണു​പ്പി​ച്ചാ​ണ് ഗ​ണാ​ഷ്​ നി​ർ​മി​ക്കു​ന്ന​ത്. വി​പ്പി​ങ്​ ക്രീം ​ഫോ​സ്​​റ്റി​ങ്ങി​നുശേ​ഷം ഫ്രി​ഡ്ജി​ൽ വെ​ച്ച് ത​ണു​പ്പി​ച്ച​തി​നു ശേ​ഷ​മാ​ണ് ചോ​ക്ല​റ്റ്​ ഗ​ണാ​ഷ് ഉ​പ​യോ​ഗി​ച്ച് ഡെ​ക്ക​റേ​റ്റ് ചെ​യ്യു​ക. അ​ല്ലെ​ങ്കി​ൽ ക്രീ​മു​മാ​യി മെ​ൽ​റ്റാ​കാ​ൻ സാ​ധ്യ​ത​യു​ണ്ട്. ചോ​ക്ല​റ്റ്​ ഗ​ണാ​ഷ് ഉ​പ​യോ​ഗി​ച്ചാ​ണ് മി​റ​ർ ഗ്ലൈ​സി​ങ്​ കേ​ക്കു​ക​ളു​ണ്ടാ​ക്കു​ന്ന​ത്.

ഹോം ​ബേ​ക്കി​ങ്​ അ​ഥ​വാ ക്വാ​ളി​റ്റി

കൂ​ടു​ത​ൽ പേ​രും ഇ​ന്ന് ഹോം ​ബേ​ക്കേ​ഴ്സി​നെ തേ​ടി​വ​രു​ന്ന കാ​ല​മാ​ണ്. ക്വാ​ളി​റ്റി​യു​ള്ള​തും വി​ശ്വ​സ​നീ​യ​വു​മാ​യ കേ​ക്കാ​യി​രി​ക്കും ന​മ്മു​ടെ കൈ​യി​ൽ കി​ട്ടു​ക എ​ന്ന​തു​ത​ന്നെ​യാ​ണ് അ​തി​ന് പ്ര​ധാ​ന കാ​ര​ണം. ആ ​വി​ശ്വാ​സ​ത്തെ ഒ​രി​ക്ക​ലും നി​രാ​ശ​പ്പെ​ടു​ത്ത​രു​ത്.

കേ​ക്കി​നു​ള്ള സാ​ധ​ന​ങ്ങ​ൾ എ​ല്ലാം ക്വാ​ളി​റ്റി​യു​ള്ള​താ​കാ​ൻ പ്ര​ത്യേ​കം ശ്ര​ദ്ധി​ക്ക​ണം. പ​ഞ്ച​സാ​ര വ​രെ ക്വാ​ളി​റ്റി​യു​ള്ള​താ​ക​ണം. അ​ല്ലെ​ങ്കി​ൽ കേ​ക്കിന്‍റെ രു​ചി​യെ​ത്ത​ന്നെ അ​ത് സാ​ര​മാ​യി ബാ​ധി​ക്കും. കേ​ക്കു​ക​ളി​ൽ ചേ​ർ​ക്കു​ന്ന ക​ള​റു​ക​ൾ വ​രെ ക്വാ​ളി​റ്റി​യു​ള്ള​ത് വേ​ണം. 50 രൂ​പ​ക്ക് കി​ട്ടു​ന്ന ക​ള​റു​ക​ൾ വ​രെ​യു​ണ്ട്. ക്വാ​ളി​റ്റി​യു​ള്ള സാ​ധ​ന​ങ്ങ​ൾ ഒ​രി​ക്ക​ലും വി​ല​കു​റ​ച്ച് വി​ൽ​ക്കി​ല്ല എ​ന്ന​ത് നാം ​തി​രി​ച്ച​റി​യ​ണം.

കേ​ക്ക് ബേ​ക്ക് ചെ​യ്ത് ഒ​രു ദി​വ​സ​മെ​ങ്കി​ലും ഫ്രി​ഡ്ജി​ലി​രി​ക്ക​ണം. എ​ന്നാ​ലേ അ​തിന്‍റെ ഫ്ലേ​വ​റു​ക​ളെ​ല്ലാം ഇ​റ​ങ്ങി​വ​രൂ. ക​സ്​​റ്റ​മ​ർ ആ​വ​ശ്യ​പ്പെ​ടു​ന്ന തീ​മു​ക​ൾ ഉ​ണ്ടാ​ക്കി​ക്കൊ​ടു​ക്കു​മ്പോ​ഴും സ്വ​ന്ത​മാ​യി ഒ​രു സി​ഗ്​​നേ​ച്ച​ർ ഉ​ണ്ടാ​ക്കാ​ൻ ഹോം ​ബേ​ക്ക​ർ​മാ​ർ മ​റ​ക്ക​രു​ത്.