ക്രിസ്പി ചെറുപയർ ദോശക്ക് മാവ് പുളിപ്പിക്കേണ്ട...!

പ്രോട്ടീനിൻ കലവറയായ പരിപ്പുവർഗങ്ങൾ ചേർത്ത് അസ്സൽ ദോശ തയാറാക്കിയാലോ‍?. സാധാരണ ദോശകളെ പോലെ പുളിപ്പിക്കേണ്ടതില്ല എന്നതാണ് ഇതിന്‍റെ പ്രത്യേകത. മാവ് തയാറാക്കിയ ഉടനെ ദോശ ചുട്ടെടുക്കാം.

ചേരുവകൾ:

• ചെറുപയർ- 1 കപ്പ്
• പച്ചരി- കാൽ കപ്പ്
• ഇഞ്ചി- ചെറിയ കഷണം
• പച്ചമുളക്- 1 എണ്ണം
• കറിവേപ്പില- രണ്ടു തണ്ട്
• ജീരകം- 1/2 ടീസ്പൂൺ
• വെള്ളം- 1 കപ്പ്
• ഉപ്പ്- ആവശ്യത്തിന്

തയാറാക്കേണ്ടവിധം:

ഒരു പാത്രത്തിൽ ചെറുപയറും പച്ചരിയും വെള്ളത്തിലിട്ട് രാത്രി മുഴുവൻ കുതിരാൻ വെക്കുക. ശേഷം നന്നായി കഴുകി ഇഞ്ചി, പച്ചമുളക്, ജീരകം, കറിവേപ്പില, ഉപ്പ് എന്നിവ ചേർത്ത് മിക്സിയിൽ അരച്ചെടുക്കുക.

നന്നായി ചൂടായ ദോശത്തവയിൽ എണ്ണ തടവി ദോശ ചുട്ടെടുക്കാം. ക്രിസ്പിയും ടേസ്​റ്റിയുമായ ദോശ റെഡി. തേങ്ങാ ചട്ട്ണി, സാമ്പാർ എന്നിവയുടെ കൂടെ കഴിക്കാൻ ഉത്തമം.