പ്ര​വാ​സി​യു​ടെ മൃ​ത​ദേ​ഹ പ​രി​ച​ര​ണ നി​യ​മ​ത്തി​ന് ഭേ​ദ​ഗ​തി

മ​നാ​മ: പ്ര​വാ​സി തൊ​ഴി​ലാ​ളി​ക​ളു​ടെ മ​ര​ണാ​ന​ന്ത​രം മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കു​ന്ന​തി​നു​ള്ള തൊ​ഴി​ലു​ട​മ​യു​ടെ മേ​ലു​ള്ള നി​യ​മ​ത്തി​ന് ഭേ​ദ​ഗ​തി വേ​ണ​മെ​ന്ന നി​ർ​ദേ​ശ​ത്തി​ന് പാ​ർ​ല​മെ​ന്‍റ് അം​ഗീ​കാ​രം. 2006ലെ ​ലേ​ബ​ർ മാ​ർ​ക്ക​റ്റ് റെ​ഗു​ലേ​റ്റ​റി നി​യ​മ പ്ര​കാ​രം തൊ​ഴി​ലാ​ളി മ​രി​ച്ചാ​ൽ തൊ​ഴി​ലു​ട​മ​യാ​ണ് മൃ​ത​ദേ​ഹം നാ​ട്ടി​ലെ​ത്തി​ക്കേ​ണ്ട ചെ​ല​വ് വ​ഹി​ക്കേ​ണ്ട​ത്. അ​തി​ൽ മാ​റ്റം വേ​ണ​മെ​ന്നാ​വ​ശ്യ​പ്പെ​ട്ടാ​ണ് നി​ർ​ദേ​ശം മു​ന്നോ​ട്ടു​വെ​ച്ച​ത്.

എം.​പി ജ​ലാ​ൽ കാ​ദം അ​ൽ മ​ഹ്ഫൂ​ള് അ​വ​ത​രി​പ്പി​ച്ച നി​ർ​ദേ​ശ​പ്ര​കാ​രം തൊ​ഴി​ലാ​ളി​യു​ടെ മൃ​ത​ദേ​ഹം സ്വ​ദേ​ശ​ത്തേ​ക്ക് കൊ​ണ്ടു​പോ​കാ​നു​ള്ള ചെ​ല​വ് പൂ​ർ​ണ​മാ​യും ലേബർ മാർക്കറ്റ് റെഗുലേറ്ററി അതോറിറ്റി (എ​ൽ.​എം.​ആ​ർ.​എ) വ​ഹി​ക്കേ​ണ്ടി​വ​രും. നി​ല​വി​ലെ നി​യ​മ​പ്ര​കാ​രം മ​രി​ച്ച തൊ​ഴി​ലാ​ളി​യു​ടെ ബ​ന്ധു​ക്ക​ൾ അ​നു​മ​തി​പ​ത്രം ന​ൽ​കു​ന്ന പ്ര​കാ​ര​മാ​ണ് മൃ​ത​ദേ​ഹം അ‍യ​ക്കു​ന്ന​ത്. ചെ​ല​വു​ക​ൾ എ​ൽ.​എം.​ആ​ർ.​എയു​ടെ മേ​ൽ​നോ​ട്ട​ത്തി​ൽ ബ​ന്ധ​പ്പെ​ട്ട മ​ന്ത്രാ​ല​യ​ങ്ങ​ളാ​യി​രു​ന്നു കൂ​ടു​ത​ലാ​യും വ​ഹി​ച്ചി​രു​ന്ന​ത്.

പി​ന്നീ​ട് അ​തി​നാ​യി വ​ന്ന ചെ​ല​വു​ക​ൾ തൊ​ഴി​ലു​ട​മ​യി​ൽ​നി​ന്ന് ഈ​ടാ​ക്കു​ക​യാ​ണ് ചെ​യ്യു​ന്ന​ത്. ഒ​ളി​ച്ചോ​ട​പ്പെ​ട്ട തൊ​ഴി​ലാ​ളി​യു​ടെ ചെ​ല​വി​ന്‍റെ ബി​ല്ലും തൊ​ഴി​ലു​ട​മ​ക​ൾ​ക്ക് ല​ഭി​ക്കു​ന്നു​ണ്ടെ​ന്നാ​ണ് എം.​പി​മാ​രു​ടെ വാ​ദം. അ​തി​ൽ​നി​ന്നും മാ​റ്റം വേ​ണ​മെ​ന്നാ​ണ് നി​ർ​ദേ​ശം മു​ന്നോ​ട്ടു​വെ​ക്കു​ന്ന​ത്. തൊ​ഴി​ലാ​ളി​ക​ളു​ടെ നി​യ​മ​നം, വി​സ, താ​മ​സം, വാ​ർ​ഷി​ക ഫീ​സ് എ​ന്നി​വ ഇ​തി​നോ​ട​കം തൊ​ഴി​ലു​ട​മ നി​ർ​വ​ഹി​ക്കു​ന്നു​ണ്ടെ​ന്നും ജ​ലാ​ൽ കാ​ദം അ​ൽ മ​ഹ്ഫൂ​ള് പ​റ​ഞ്ഞു.

വി​ഷ​യ​ത്തി​ൽ തൊ​ഴി​ലാ​ളി യൂ​നി​യ​നു​ക​ൾ ആ​ശ​ങ്ക പ്ര​ക​ടി​പ്പി​ച്ചി​ട്ടു​ണ്ട്. നി​ർ​ദേ​ശം ശൂ​റ കൗ​ൺ​സി​ലി​ന് കൈ​മാ​റി​യി.