ത​ണ​ലി​ന് തു​ണ​യാ​കു​ന്ന ബ​ഹ്റൈ​നി​ലെ പ്ര​വാ​സി​ക​ൾ

നാ​മ: ആ​ഡം​ബ​ര​ത്തി​നും സു​ഖ​ജീ​വി​ത​ങ്ങ​ൾ​ക്കും വി​പ​രീ​ത​മാ​യി മ​റ്റൊ​രു ലോ​ക​വും ച​ലി​ക്കു​ന്നു എ​ന്ന​ത് ദൈ​വ​നി​ശ്ച​യ​മോ വി​ധി​യോ ആ​വാം. അ​തി​ല​ക​പ്പെ​ടു​ന്ന മ​നു​ഷ്യ​രി​ൽ ചി​ല​ർ ഒ​രു​പ​ക്ഷേ, ആ ​വി​ധി​ക​ളെ ത​ര​ണം ചെ​യ്ത് മു​ന്നേ​റു​ന്ന​വ​രുമാ​വാം. എ​ന്നാ​ൽ, അ​വി​ടെ​യും വീ​ണു​പോ​കു​ന്ന ഒ​രു​പ​റ്റം മ​നു​ഷ്യ​രു​ണ്ട്. ഇ​ണ​യോ തു​ണ​യോ പ​ണ​മോ ഇ​ല്ലാ​ത്ത നി​സ്സ​ഹാ​യ​രാ​യ മ​നു​ഷ്യ​ർ. രോ​ഗം​കൊ​ണ്ടും അ​വ​ശ​ത​കൊ​ണ്ടും പ​രാ​ശ്ര​യ​മി​ല്ലാ​തെ ജീ​വി​ക്കാ​ൻ ക​ഴി​യാ​ത്ത​വ​ർ. അ​വ​ർ​ക്കും ജീ​വി​ക്ക​ണം. ഉ​ള്ള​റി​യു​ന്ന വേ​ദ​ന​ക​ൾ​ക്ക് ആ​ശ്വാ​സ​മാ​ക​ണം. ഈ ​ചി​ന്ത​ക​ളാ​ണ് ഡോ. ​ഇ​ദ്‍രീ​സി​നെ ത​ണ​ൽ എ​ന്ന ആ​ശ​യ​ത്തി​ലേ​ക്കെ​ത്തി​ക്കു​ന്ന​ത്. ആ​രോ​രു​മി​ല്ലാ​ത്ത​വ​ർ​ക്കും അ​വ​ശ​ത അ​നു​ഭ​വി​ക്കു​ന്ന​വ​ർ​ക്കും തു​ണ​യാ​യി ത​ണ​ലി​നെ വ​ള​ർ​ത്തി​യ ഡോ​ക്ട​റോ​ടൊ​പ്പം പ്ര​വാ​സി​ക​ളു​ടേ​ത​ട​ക്കം ഇ​ന്ന് അ​നേ​കാ​യി​രം മ​നു​ഷ്യ​രു​ടെ മ​ന​സ്സ​റി​ഞ്ഞ പി​ന്തു​ണ​യു​ണ്ട്. പ​ക​രം പ്ര​തീ​ക്ഷ‍ി​ക്കാ​ത്ത പ്ര​തി​ഫ​ലം ആ​ഗ്ര​ഹി​ക്കാ​ത്ത പി​ന്തു​ണ.

2007ൽ ​ത​ണ​ലി​ന്‍റെ പ്രാ​ഥ​മി​ക ച​ർ​ച്ച​ക​ൾ​ക്ക് തു​ട​ക്ക​മി​ട്ട​പ്പോ​ൾ​ത​ന്നെ പ്ര​വാ​സ ലോ​ക​ത്തും ആ ​ച​ല​ന​ങ്ങ​ൾ പ്ര​ച​രി​ച്ചു​തു​ട​ങ്ങി​യി​രു​ന്നു. അ​തി​ൽ പ​വി​ഴ ദ്വീ​പ് ന​ൽ​കി​യ പി​ന്തു​ണ​ക്കും പ്രേ​ര​ണ​ക്കും ഇ​ന്നും ത​ണ​ലി​ന്‍റെ സ്ഥാ​പ​ക​രി​ൽ അ​വി​സ്മ​ര​ണീ​യ​മാ​യ ഓ​ർ​മ​ക​ളു​ണ്ട്. ജാ​തി-​മ​ത ഭേ​ത​മി​ല്ലാ​തെ​യാ​ണ് അ​ന്ന് ബ​ഹ്റൈ​നി​ലെ പ്ര​വാ​സി​ക​ൾ ത​ണ​ലി​ന് തു​ണ​യാ​കാ​നൊ​രു​ങ്ങി​യ​ത്. ചെ​റു​തെ​ങ്കി​ലും ത​ണ​ലി​ന്‍റെ സ്ഥാ​പ​ന​ങ്ങ​ൾ​ക്ക് അ​ടി​ത്ത​റ ന​ൽ​കി​യ​തും മാ​ഹി പ​ള്ളൂ​ർ സ്വ​ദേ​ശി​യാ​യ ഒ​രു ബ​ഹ്റൈ​നി പ്ര​വാ​സി​യാ​ണ്. സ്വ​ന്തം ത​റ​വാ​ട് ത​ണ​ലി​ന്‍റെ ആ​ദ്യ സെ​ന്‍റ​റി​നാ​യി സം​ഭാ​വ​ന ന​ൽ​കി​യ ആ ​മ​നു​ഷ്യ​ന്‍റെ പ്രേ​ര​ണ​ക്ക് പി​ന്നി​ൽ ബ​ഹ്റൈ​നി​ലെ പ്ര​വാ​സി​ക​ൾ അ​ണി​നി​ര​ക്കു​ക​യാ​യി​രു​ന്നു. പ്ര​വാ​സ ലോ​ക​ത്ത് രാ​വ​ന്തി​യോ​ളം അ​ധ്വാ​നി​ച്ച് കു​ടും​ബ​ത്തി​നാ​യി സ്വ​രു​ക്കൂ​ട്ടി​യൊ​രു​ക്കു​ന്ന ചി​ല്ല​റ​ത്തു​ട്ടു​ക​ളി​ൽ ഒ​രു പാ​തി മ​നു​ഷ്യ​ർ മ​ന​സ്സ​റി​ഞ്ഞ് ത​ണ​ലി​നും മാ​റ്റി​വെ​ച്ചു തു​ട​ങ്ങി. ത​ണ​ലി​ന്‍റെ ല​ക്ഷ്യ​ങ്ങ​ൾ അ​ന്ന് മു​ത​ലാ​ണ് സാ​ക്ഷാ​ത്കാ​ര​ത്തി​ന്‍റെ പാ​ത​യി​ലാ​യ​ത്.

ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥി​ക​ളെ സം​ര​ക്ഷി​ക്കു​ന്ന പ​ദ്ധ​തി​ക​ളെ ത​ണ​ൽ പ്രോ​ത്സാ​ഹി​പ്പി​ച്ചു തു​ട​ങ്ങി​യ കാ​ല​ഘ​ട്ട​ത്തി​ലാ​ണ് ബ​ഹ്റൈ​നി​ലെ പ്ര​വാ​സി​ക​ളൊ​രു അ​പൂ​ർ​വ​സം​ഗ​മ​ത്തി​ന് വേ​ദി​യൊ​രു​ക്കി​യ​ത്. ജീ​വി​ത​കാ​ല​ത്ത് സു​ഖ​ങ്ങ​ളെ​ന്തെ​ന്ന​റി​യാ​ത്ത, വീ​ടി​ന് പു​റ​ത്തെ മ​നോ​ഹ​ര ലോ​ക​ങ്ങ​ളി​ലെ ആ​സ്വാ​ദ​നം വി​ല​ക്ക​പ്പെ​ട്ട നി​ത്യ ജീ​വി​ത​ത്തി​ൽ വ്യ​ത്യ​സ്ത​മാ‍യ വെ​ല്ലു​വി​ളി​ക​ൾ നേ​രി​ടു​ന്ന കു​ട്ടി​ക​ളെ അ​വ​ർ അ​തി​ഥി​ക​ളാ​യി പ​വി​ഴ ദ്വീ​പി​ലേ​ക്ക് ക്ഷ​ണി​ച്ചു. 50 വി​ദ്യാ​ർ​ഥി​ക​ളും അ​വ​രു​ടെ ര​ക്ഷി​താ​ക്ക​ളും സ​ഹ​ചാ​രി​ക​ളു​മാ​യി ഒ​രു സം​ഘം അ​ന്ന് വി​മാ​നം ക​യ​റി​യെ​ത്തി​യ​ത് മ​നു​ഷ്യാ​യു​സ്സി​ൽ ഒ​രാ​വൃ​ത്തി​യാ​ഗ്ര​ഹി​ച്ച ഒ​രു യാ​ത്ര സാ​ക്ഷാ​ത്ക​രി​ച്ച പൂ​ർ​ണ​ത​യി​ലാ​ണ്. ഇ​ന്ത്യ​ൻ സ്കൂ​ളി​ലെ​യും കേ​ര​ളീ​യ സ​മാ​ജ​ത്തി​ലെ​യും വേ​ദി​ക​ളെ അ​ന​ശ്വ​ര​മാ​ക്കി​യ പ്ര​ക​ട​ന​ങ്ങ​ളു​മാ​യി പ​വി​ഴ​ദ്വീ​പി​ന്‍റെ ഹൃ​ദ​യം തൊ​ട്ട ആ ​മ​നു​ഷ്യ​ർ ഇ​ന്നും ആ ​ഇ​ന്ന​ല​ക​ളെ ചി​ല്ലി​ട്ടു കാ​ക്കു​ന്നു​ണ്ടാ​വും. ആ​തി​ഥ്യ​മൊ​രു​ക്കി​യ ബ​ഹ്റൈ​നി​ലെ പ്ര​വാ​സി​ക​ൾ ആ ​ഓ​ർ​മ​ക​ളെ പ​വി​ഴം പോ​ലെ തി​ള​ക്കി​വെ​ക്കു​ന്നു​മു​ണ്ടാ​കും.

ത​ണ​ലി​ലെ നാ​ഴി​ക​ക്ക​ല്ലാ​യ പ​ദ്ധ​തി ബ്രെ​യി​ൻ ആ​ൻ​ഡ് സ്പെ​യി​ൻ മെ​ഡി​സി​റ്റി​യു​ടെ ആ​വി​ഷ്ക​ര​ണ​ത്തി​ന് ഹേ​തു​വാ​യ​തും ബ​ഹ്റൈ​നി​ലെ ഒ​രു പ്ര​വാ​സി​യു​ടെ അ​പ്ര​തീ​ക്ഷി​ത അ​പ​ക​ടം മൂ​ല​മാ​ണ്. പ​രി​ക്കേ​റ്റ് ചി​കി​ത്സ​യി​ലാ​യ അ​ദ്ദേ​ഹ​ത്തി​ന്‍റെ തു​ട​ർ ചി​കി​ത്സ​യെ​ന്നോ​ണം അ​ന്വേ​ഷി​ച്ചും പ​രീ​ക്ഷി​ച്ചും ഇ​ദ്‍രീ​സ് ഡോ​ക്ട​റും സം​ഘ​വും ക​ണ്ടെ​ത്തി​യ ബ്രെ​യി​ൻ ആ​ൻ​ഡ് സ്പെ​യി​ൻ മെ​ഡി​സി​റ്റി​യു​ടെ സെ​ന്‍റ​ർ ക​ണ്ണൂ​രി​ലെ കാ​ഞ്ഞി​രോ​ട് സ്ഥാ​പി​ക്കു​ക​യാ​യി​രു​ന്നു. ആ ​പ്ര​വാ​സി ത​ന്നെ​യാ​യി​രു​ന്നു ഇ​ന്നും ല​ക്ഷ​ക്ക​ണ​ക്കി​ന് മ​നു​ഷ്യ​ർ​ക്ക് ആ​ശ്ര​യ​മാ​വു​ന്ന മെ​ഡി​സി​റ്റി​യു​ടെ ആ​ദ്യ രോ​ഗാ​തു​ര​ൻ. ഇ​ന്ത്യ​ൻ സ്കൂ​ളി​ൽ സം​ഘ​ടി​പ്പി​ച്ച കി​ഡ്നി എ​ക്സി​ബി​ഷ​ൻ കാ​മ്പ​യി​നി​ലൂ​ടെ പ്ര​വാ​സി​ക​ൾ​ക്ക് രോ​ഗ​ത്തെ​ക്കു​റി​ച്ചു​ള്ള അ​വ​ബോ​ധ​ത്തി​നും നി​ർ​ണ​യ​ത്തി​നും ചി​കി​ത്സ​ക്കും ബ​ഹ്റൈ​നി​ലെ ത​ണ​ൽ അം​ഗ​ങ്ങ​ൾ വ​ഴി​യൊ​രു​ക്കി​യി​രു​ന്നു. താ​ളം തെ​റ്റി​യു​ള്ള പ്ര​വാ​സി​യു​ടെ ജീ​വി​ത രീ​തി​ക്കും ശീ​ല​ത്തി​നും ത​ണ​ലൊ​രു തു​ണ​യാ​വു​ന്ന​ത് ആ ​മ​നു​ഷ്യ​ർ​ക്കെ​ന്നും ആ​ശ്വാ​സ​ത്തി​ന്‍റെ ത​ലോ​ട​ലാ​ണ്. പ്ര​യാ​സ​പ്പെ​ടു​ന്ന മ​നു​ഷ്യ​ർ​ക്ക് പ​ര​സ​ഹാ​യി​യാ​യും തു​ണ​യാ​യും ത​ണ​ലൊ​രു​ക്കു​ന്ന മ​നു​ഷ്വ​ത്വ​ത്തി​ന്‍റെ വ​ലി​യ​ലോ​ക​ത്ത് ആ​ശ്രി​ത​ത്വ​ത്തി​ന്‍റെ ചെ​റി​യ ക​ണി​ക​ക​ളാ​വാ​ൻ മ​നു​ഷ്യ​ന് ക​ഴി​യു​ന്നി​ട​ത്താ​ണ് ആ ​ലോ​കം മ​നോ​ഹ​ര​മാ​കു​ന്ന​ത്.

ലോ​ക​ത്തെ വ്യ​ത്യ​സ്ത കോ​ണു​ക​ളെ കോ​ർ​ത്തി​ണ​ക്കി ത​ണ​ൽ സ്വ​രു​ക്കൂ​ട്ടു​ന്ന സം​ഭാ​വ​ന​ക​ളെ ഒ​രു ദി​വ​സം മാ​ത്രം ആ​ശ്ര​യി​ക്കു​ന്ന​ത് 2,57,000 മ​നു​ഷ്യ​രാ​ണ്. അ​ർ​ഹ​ത​പ്പെ​ട്ട മ​നു​ഷ്യ​രു​ടെ ആ​രോ​ഗ്യം, വി​ദ്യാ​ഭ്യാ​സം, ‍ക്ഷേ​മം എ​ന്ന​വ​യി​ലെ സം​ര​ക്ഷ​ണം ല​ക്ഷ്യ​മി​ട്ട് 16 സം​സ്ഥാ​ന​ങ്ങ​ളി​ൽ വ്യാ​പി​ച്ച് കി​ട​ക്കു​ന്ന 657 സെ​ന്‍റ​റു​ക​ളു​മാ​യി ത​ണ​ൽ പ്ര​യാ​ണം തു​ട​ർ​ന്നു​കൊ​ണ്ടി​രി​ക്ക​യാ​ണ്. ഇ​വ​ക്കെ​ല്ലാം ഒ​രു​മാ​സ​ത്തെ ചെ​വ​വ് മാ​ത്രം എ​ട്ടു കോ​ടി​യോ​ളം. 2030ഓ​ടെ 2500 സെ​ന്‍റ​റു​ക​ളു​മാ​യി 10 ല​ക്ഷം മ​നു​ഷ്യ​ർ​ക്ക് ഒ​രു ദി​വ​സ​ത്തെ ആ​ശ്ര​യ​മാ​യി മാ​റാ​നാ​ണ് ത​ണ​ലി​ന്‍റെ ല​ക്ഷ്യം.