പൊ​ലീ​സ് ഉ​ദ്യോ​ഗ​സ്ഥ​രെ​ന്ന വ്യാ​ജേ​ന വി​ഡി​യോ കാ​ളു​ക​ൾ; ജാ​ഗ്ര​ത മു​ന്ന​റി​യി​പ്പു​മാ​യി പൊ​ലീ​സ്

മ​നാ​മ: പൊ​ലീ​സ് ഉ​ദ്യോ​ഗ​സ്ഥ​രെ​ന്ന വ്യാ​ജേ​ന വി​ഡി​യോ കാ​ളു​ക​ൾ ചെ​യ്ത് ത​ട്ടി​പ്പു​ന​ട​ത്തു​ന്ന​തി​നെ​തി​രെ ജാ​ഗ്ര​ത മു​ന്ന​റി​യി​പ്പു​മാ​യി പൊ​ലീ​സ്. ഇ​ത്ത​ര​ക്കാ​രെ ക​രു​തി​യി​രി​ക്ക​ണ​മെ​ന്നു​മാ​ണ് പൊ​തു​ജ​ന​ങ്ങ​ളോ​ടു​ള്ള പൊ​ലീ​സി​ന്റെ മു​ന്ന​റി​യി​പ്പ്. ചി​ല​ർ വി​ഡി​യോ കാ​ളു​ക​ളി​ൽ പൊ​ലീ​സി​ന്റെ വേ​ഷ​ത്തി​ൽ പ്ര​ത്യ​ക്ഷ​പ്പെ​ട്ട് കാ​ല​ഹ​ര​ണ​പ്പെ​ട്ട രേ​ഖ​ക​ൾ നി​ങ്ങ​ൾ കൈ​വ​ശം വെ​ച്ചി​ട്ടു​ണ്ടെ​ന്നും അ​ല്ലെ​ങ്കി​ൽ മ​റ്റെ​ന്തെ​ങ്കി​ലും നി​യ​മ​ലം​ഘ​ന​ങ്ങ​ൾ ന​ട​ത്തി​യി​ട്ടു​ണ്ടെ​ന്നും പ​റ​ഞ്ഞ് പി​ഴ​യാ​യി പ​ണം ആ​വ​ശ്യ​പ്പെ​ടു​ന്ന​ത് ശ്ര​ദ്ധ​യി​ൽ​പെ​ട്ടി​ട്ടു​ണ്ടെ​ന്ന് അ​ഴി​മ​തി, സാ​മ്പ​ത്തി​ക, ഇ​ല​ക്ട്രോ​ണി​ക് സു​ര​ക്ഷാ വി​ഭാ​ഗം ഡ​യ​റ​ക്ട​റേ​റ്റ് ജ​ന​റ​ൽ പു​റ​ത്തി​റ​ക്കി​യ മു​ന്ന​റി​യി​പ്പി​ൽ വ്യ​ക്ത​മാ​ക്കി. ഇ​ത്ത​ര​ത്തി​ൽ ജ​ന​ങ്ങ​ളെ ക​ബ​ളി​പ്പി​ക്കാ​ൻ ശ്ര​മി​ക്കു​ന്ന നി​ര​വ​ധി പ​രാ​തി​ക​ൾ ഇ​തി​നോ​ട​കം ല​ഭി​ച്ചി​ട്ടു​ണ്ടെ​ന്നും അ​ത്ത​ര​ക്കാ​ർ​ക്ക് ഒ​രു കാ​ര​ണ​വ​ശാ​ലും വ്യ​ക്തി​ഗ​ത വി​വ​ര​ങ്ങ​ളോ ബാ​ങ്ക് വി​വ​ര​ങ്ങ​ളോ കൈ​മാ​റ​രു​തെ​ന്നും പൊ​ലീ​സ് മു​ന്ന​റി​യി​പ്പു​ന​ൽ​കി.

വ്യാ​ജ യൂ​നി​ഫോ​മു​ക​ളോ ഔ​ദ്യോ​ഗി​ക​മാ​യി തോ​ന്നു​ന്ന രൂ​പ​ങ്ങ​ളോ ക​ണ്ട് തെ​റ്റി​ദ്ധ​രി​ക്ക​രു​തെ​ന്നും അ​വ​യെ​ല്ലാം എ​ളു​പ്പ​ത്തി​ൽ വ്യാ​ജ​മാ​യി നി​ർ​മി​ക്കാ​ൻ ക​ഴി​യു​ന്ന​വ​യാ​ണെ​ന്നും ജാ​ഗ്ര​ത വേ​ണ​മെ​ന്നും അ​ധി​കൃ​ത​ർ അ​റി​യി​ച്ചു. സം​ശ​യം തോ​ന്നു​ക​യാ​ണെ​ങ്കി​ൽ, ഉ​ട​ൻ​ത​ന്നെ കാ​ൾ വി​ച്ഛേ​ദി​ക്കു​ക​യും സം​ഭ​വം ബ​ന്ധ​പ്പെ​ട്ട അ​ധി​കാ​രി​ക​ളെ അ​റി​യി​ക്കു​ക​യും ചെ​യ്യ​ണം. സ​ഹാ​യ​ത്തി​നും വി​വ​ര​ങ്ങ​ൾ അ​റി​യി​ക്കു​ന്ന​തി​നും അ​ഴി​മ​തി വി​രു​ദ്ധ, ഇ​ല​ക്ട്രോ​ണി​ക് സു​ര​ക്ഷാ ഹോ​ട്ട്‌​ലൈ​നാ​യ 992ൽ ​ബ​ന്ധ​പ്പെ​ടാം.