ഉന്നത വിജയം നേടിയ വിദ്യാർഥികളെ ഐ.സി.എഫ് അനുമോദിച്ചു
text_fields
എസ്.എസ്.എൽ.സി, പ്ലസ് ടു പരീക്ഷകളിലെ ഉന്നതവിജയികൾക്ക് ഐ.സി.എഫ് നാഷനൽ ഭാരവാഹികൾ അവാർഡുകൾ കൈമാറുന്നു
മനാമ: ഇക്കഴിഞ്ഞ സി.ബി.എസ്.ഇ എസ്.എസ്.എൽ.സി, പ്ലസ്. ടു പരീക്ഷകളിൽ ഉന്നതവിജയം നേടിയ വിദ്യാർഥികളെ ഇന്ത്യൻ കൾച്ചറൽ ഫൗണ്ടേഷൻ (ഐ.സി.എഫ്) ബഹ്റൈൻ അനുമോദിച്ചു.ബഹ്റൈനിലെ സ്കൂളുകളിൽനിന്ന് പ്രസ്തുത പരീക്ഷകളിൽ ഏറ്റവും ഉയർന്ന മാർക്ക് നേടിയ അഞ്ചു വീതം വിദ്യാർഥികൾക്കാണ് വീടുകളിൽ നേരിട്ടെത്തി ഐ.സി.എഫ് നാഷനൽ നേതാക്കൾ അവാർഡുകളും അനുമോദന പത്രവും കൈമാറിയത്.എസ്.എസ്.എൽ.സി പരീക്ഷയിൽ ബഹ്റൈനിൽ ഏറ്റവും മികച്ച നേട്ടം കൈവരിച്ച നേഹ കൃതിക ടെന്തുംദാസ് (ന്യൂ മില്ലേനിയം), കാഷ്‌വി ശ്രീ ശിവമുരുഗൻ (ന്യൂ മില്ലേനിയം), ദേവരാത് ജീവൻ (ഇന്ത്യൻ സ്കൂൾ), നഹ്‌റീൻ മറിയം ഷമീർ (ദി ന്യൂ ഇന്ത്യൻ സ്കൂൾ), അഖ്‌സ സുലസ് (ഏഷ്യൻ സ്കൂൾ), രാജീവൻ രാജ്‌കുമാർ (ഇന്ത്യൻ സ്കൂൾ) എന്നിവരാണ് അവാർഡിന് അർഹരായത്.ധ്രുവി ജതിൻ കാരിയ (ന്യൂ മില്ലേനിയം), ഗായത്രി സീതാലക്ഷ്മി ശർമ (ന്യൂ മില്ലേനിയം), ജോയൽ സാബു (ഇന്ത്യൻ സ്കൂൾ), ശ്രേയ മനോജ് (ഇന്ത്യൻ സ്കൂൾ), ശിവാനി സത്യാ ശ്രീ നാഗ വെമ്പറാല (ന്യൂ മില്ലേനിയം) എന്നിവരാണ് പ്ലസ്. ടു വിഭാഗത്തിൽ അവാർഡ് നേടിയത്. ഐ.സി.എഫ് നോളജ് ഡിപ്പാർട്ട്മെന്റ് സെക്രട്ടറി നൗഷാദ് മുട്ടുന്തല, നൗഫൽ മയ്യേരി, സിയാദ് വളപട്ടണം, അബ്ദുറസാഖ് ഹാജി ഇടിയങ്ങര, ആസിഫ് നന്ദി എന്നിവർ നേതൃത്വം നൽകി.
