ലോകകപ്പ് ഫുട്ബാൾ ഏഷ്യൻ യോഗ്യതാ മത്സരം;ത​ട്ട​ക​ത്തി​ൽ അ​യ​ൽ​പ്പോ​ര്

മ​നാ​മ: ലോ​ക​ക​പ്പ് ഫു​ട്ബാ​ൾ യോ​ഗ്യ​ത പ്ര​തീ​ക്ഷ​യു​മാ​യി ബ​ഹ്റൈ​ൻ ഇ​ന്ന് ജീ​വ​ൻ മ​ര​ണ പോ​രാ​ട്ട​ത്തി​നി​റ​ങ്ങു​ന്നു. സൗ​ദി അ​റേ​ബ്യ​ക്കെ​തി​രെ സ്വ​ന്തം ത​ട്ട​ക​മാ​യ ബ​ഹ്റൈ​ൻ നാ​ഷ​ന​ൽ സ്റ്റേ​ഡി​യ​ത്തി​ൽ ഇ​ന്ന് വൈ​കീ​ട്ട് ഏ​ഴി​നാ​ണ് മ​ത്സ​രം. ആ​രാ​ധ​ക​ർ​ക്കാ​യി പെ​രു​ന്നാ​ൾ സ​മ്മാ​നം ഒ​രു​ക്കാ​ൻ ഇ​രു​ടീ​മു​ക​ളും ക​രു​ത്തോ​ടെ മു​ഖാ​മു​ഖം പോ​രാ​ടും. ജ​യം അ​നി​വാ​ര്യ​മാ​യ മ​ത്സ​രം നേ​ടാ​നാ​കു​മെ​ന്ന പ്ര​തീ​ക്ഷ​യി​ലാ​ണ് ടീ​മു​ക​ൾ. സീ​സ​ണി​ലെ അ​വ​സാ​ന ഹോം ​മ​ത്സ​ര​മെ​ന്ന ഖ്യാ​തി​യും ഇ​ന്ന​ത്തെ മ​ത്സ​ര​ത്തി​നു​ണ്ട്. എ​ന്നാ​ൽ പ​രി​ശീ​ല​ക​ൻ ഡ്രാ​ഗ​ൻ ത​ലാ​ജി​ക്കി​ന്‍റെ ക​ളി​പാ​ട​വ​ത്തി​ൽ ടീം ​ക​രു​ത്ത​രാ​യി ത​ന്നെ ഒ​രു​ങ്ങു​ക​യാ​ണ്.

ഗ്രൂ​പ് സി​യി​ൽ ബ​ഹ്റൈ​ന് മൂ​ന്ന് എ​വേ മാ​ച്ചു​ക​ളും ഒ​രും ഹോം ​മാ​ച്ചു​മ​ട​ക്കം നാ​ല് മ​ത്സ​ര​ങ്ങ​ളാ​ണു​ണ്ടാ​യി​രു​ന്ന​ത്. അ​തി​ൽ ജ​പ്പാ​നോ​ടും ഇ​ന്തോ​നേ​ഷ്യ​യോ​ടും ഏ​റ്റു​മു​ട്ടി​യ ആ​ദ്യ ര​ണ്ട് എ​വേ മാ​ച്ചു​ക​ക​ളി​ൽ പ​രാ​ജ​യ രു​ചി​യ​റി​ഞ്ഞ ടീ​മി​ന് സൗ​ദി​യോ​ടു​ള്ള ഇ​ന്ന​ത്തെ മ​ത്സ​രം നി​ർ​ണാ​യ​ക​മാ​ണ്. ഗ്രൂ​പ് സി​യി​ൽ നി​ല​വി​ൽ ആ​ദ്യ സ്ഥാ​ന​ക്കാ​രാ​യ ജ​പ്പാ​ൻ ഇ​തി​നോ​ട​കം നേ​രി​ട്ട് ലോ​ക​ക​പ്പ് യോ​ഗ്യ​ത നേ​ടി​യി​ട്ടു​ണ്ട്. ലോ​ക​ക​പ്പി​ന് ആ​തി​ഥേ​യ​ർ​ക്ക് പു​റ​മെ ആ​ദ്യം യോ​ഗ്യ​ത നേ​ടി​യ ടീ​മും ജ​പ്പാ​നാ​ണ്. 20 പോ​യ​ന്‍റു​മാ​യി ഗ്രൂ​പ് സി​യി​ൽ ജ​പ്പാ​ൻ ത​ന്നെ​യാ​ണ് മു​മ്പി​ൽ. തൊ​ട്ടു താ​ഴെ ആ​സ്ട്രേ​ലി​യ 13 പോ​യ​ന്‍റു​മാ​യി നി​ല​യു​റ​പ്പി​ച്ചി​ട്ടു​ണ്ട്. ഗ്രൂ​പ് സി​യി​ലെ ആ​ദ്യ ര​ണ്ട് സ്ഥാ​ന​ക്കാ​ർ​ക്ക് നേ​രി​ട്ട് ലോ​ക​ക​പ്പി​ന് യോ​ഗ്യ​ത ല​ഭി​ക്കും.

എ​ന്നാ​ൽ മൂ​ന്നും നാ​ലും സ്ഥാ​ന​ക്കാ​ർ​ക്ക് നാ​ലാം റൗ​ണ്ട് ക്വാ​ളി​ഫ​യ​റി​ലേ​ക്ക് യോ​ഗ്യ​ത നേ​ടാ​നാ​കും. അ​തി​നു​ള്ള പോ​രാ​ട്ട​ത്തി​ലാ​ണ് ഗ്രൂ​പ്പി​ലെ മ​റ്റു​ടീ​മു​ക​ൾ. 10 പോ​യ​ന്‍റു​മാ​യി സൗ​ദി​യാ​ണ് നി​ല​വി​ൽ മൂ​ന്നാം സ്ഥാ​ന​ത്ത്. പ്ര​തീ‍ക്ഷ‍ കൂ​ടു​ത​ലും അ​വ​ർ​ക്കു ത​ന്നെ. എ​ന്നാ​ൽ വി​ട്ടു​കൊ​ടു​ക്കാ​ൻ ത​യാ​റാ​കാ​തെ തൊ​ട്ടു പി​റ​കെ ഒ​മ്പ​ത് പോ​യ​ന്‍റു​മാ​യി ഇ​ന്തോ​നേ​ഷ്യ​യു​ണ്ട്. അ​ഞ്ചാം സ്ഥാ​ന​ത്താ​ണ് നി​ല​വി​ൽ ബ​ഹ്റൈ​ന്‍റെ സ്ഥാ​നം. ആ​റ് പോ​യ​ന്‍റ് മാ​ത്ര​മു​ള്ള ടീ​മി​ന് ഇ​ന്ന​ത്തെ മ​ത്സ​ര​ത്തി​ൽ ജി.​സി.​സി​യി​ലെ ക​രു​ത്ത​രെ തോ​ൽ​പ്പി​ക്കാ​നാ​യാ​ൽ നാ​ലാം റൗ​ണ്ടി​ലേ​ക്കു​ള്ള സാ​ധ്യ​ത തെ​ളി​യും. തൊ​ട്ടു താ​ഴെ ആ​റാം സ്ഥാ​ന​ത്ത് തു​ട​രു​ന്ന ചൈ​ന​ക്കും സ​മാ​ന സാ​ധ്യ​ത​ക​ളാ​ണ്. ഇ​ന്തോ​നേ​ഷ്യ​യോ​ടു​ള്ള ഇ​ന്ന​ത്തെ മ​ത്സ​രം ചൈ​ന​ക്ക് ജ​യി​ക്കാ​നാ​യാ​ൽ ജൂ​ൺ പ​ത്തി​ന് ന​ട​ക്കു​ന്ന ബ​ഹ്റൈ​നെ​തി​രെ​യു​ള്ള മ​ത്സ​രം ഇ​രു​കൂ​ട്ട​ർ​ക്കും നി​ർ​ണാ‍യ​ക​മാ​കും.

ആ​രാ​ധ​ക​ർ​ക്ക് ജ​ന​റ​ൽ സ്റ്റാ​ൻ​ഡു​ക​ളി​ലേ​ക്ക് പ്ര​വേ​ശ​നം സൗ​ജ​ന്യ​മാ​ണ്. അ​തേ സ​മ​യം ആ​വ​ശ്യ​ക്കാ​ർ​ക്ക് വി.​ഐ.​പി ടി​ക്ക​റ്റു​ക​ൾ 20 ദീ​നാ​റി​ന് സ്വ​ന്ത​മാ​ക്കു​ക‍യും ചെ​യ്യാം.