കുവൈത്തിൽ 745 പേർക്ക്​ കൂടി കോവിഡ്​; 685 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 745 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 46,940 പേർക്കാണ്​ വൈറസ്​ ബാധിച്ചത്​. ബുധനാഴ്​ച 685 പേർ ഉൾപ്പെടെ 37,715 പേർ രോഗമുക്​തി നേടി. നാലുപേർകൂടി മരിച്ചതോടെ രാജ്യത്തെ കോവിഡ്​ മരണം 358 ആയി. ബാക്കി 8867 പേരാണ്​ ചികിത്സയിലുള്ളത്​. 139 പേർ തീവ്രപരിചരണ വിഭാഗത്തിലാണ്​.

ഫർവാനിയ ഗവർണറേറ്റിൽ 182, ജഹ്​റ ഗവർണറേറ്റിൽ 176, അഹ്​മദി ഗവർണറേറ്റിൽ 169, കാപിറ്റൽ ഗവർണറേറ്റിൽ 120, ഹവല്ലി ഗവർണറേറ്റിൽ 98 പേർ എന്നിങ്ങനെയാണ്​ പുതിയ കേസുകൾ.

റെസിഡൻഷ്യൽ ഏരിയ അടിസ്ഥാനമാക്കിയാൽ തൈമ 41, ഫർവാനിയ 36, സബാഹ്​ അൽ സാലിം 30, ജലീബ്​ അൽ ശുയൂഖ്​ 27, സുലൈബിയ 27, ജാബിർ അൽ അലി 21 എന്നിങ്ങനെയാണ്​ പുതിയ കേസുകൾ.
434 കുവൈത്തികൾക്കും 311 വിദേശികൾക്കുമാണ്​ പുതുതായി കോവിഡ്​ സ്ഥിരീകരിച്ചത്​.