‘സ്റ്റ​ഡി ഇ​ൻ ഇ​ന്ത്യ’ എ​ക്സ്പോ​ക്ക് മ​സ്ക​ത്തി​ൽ തു​ട​ക്കം

മ​സ്ക​ത്ത്: സ്റ്റ​ഡി ഇ​ൻ ഇ​ന്ത്യ എ​ക്സ്പോ മ​സ്ക​ത്ത് റൂ​വി​യി​ലെ അ​ൽ ഫ​ലാ​ജ് ഹോ​ട്ട​ലി​ൽ തു​ട​ക്ക​മാ​യി. 40 ഓ​ളം ഇ​ന്ത്യ​ൻ യൂ​നി​വേ​ഴ്സി​റ്റി​ക​ൾ പ​ങ്കെ​ടു​ക്കു​ന്ന എ​ക്സി​ബി​ഷ​നി​ൽ ര​ക്ഷി​താ​ക്ക​ളു​ടേ​യും കു​ട്ടി​ക​ളു​ടേ​യും വ​ൻ ജ​ന​പ​ങ്കാ​ളി​ത്ത​മാ​ണു​ള്ള​ത്.

അ​തി​വേ​ഗം വി​ക​സി​ച്ചു​കൊ​ണ്ടി​രി​ക്കു​ന്ന തൊ​ഴി​ൽ വി​പ​ണി​യി​ൽ ഉ​യ​ർ​ന്ന സ്വാ​ധീ​നം ചെ​ലു​ത്തു​ന്ന ക​രി​യ​ർ ല​ക്ഷ്യ​മി​ടു​ന്ന വി​ദ്യാ​ർ​ഥി​ക​ൾ​ക്ക് ഉ​ൾ​ക്കാ​ഴ്ച​ക​ൾ നേ​ടു​ന്ന​തി​നും, ഏ​തൊ​ക്കെ വൈ​ദ​ഗ്ധ്യ​ങ്ങ​ളി​ലാ​ണ് ആ​വ​ശ്യ​ക്കാ​രു​ള്ള​തെ​ന്ന് ക​ണ്ടെ​ത്തു​ന്ന​തി​നും, ഇ​ന്ത്യ​ൻ സ്ഥാ​പ​ന​ങ്ങ​ൾ എ​ങ്ങ​നെ​യാ​ണ് വി​ദ്യാ​ർ​ഥി​ക​ളെ ആ​ഗോ​ള മ​ത്സ​ര​ക്ഷ​മ​ത​ക്ക് സ​ജ്ജ​മാ​ക്കു​ന്ന​തെ​ന്നും മ​ന​സ്സി​ലാ​ക്കാ​ൻ എ​ക്സ്​​പോ സ​ഹാ​യ​ക​മാ​കു​മെ​ന്ന് സം​ഘാ​ട​ക​ർ പ​റ​ഞ്ഞു.

സെ​മി​നാ​റു​ക​ൾ, പാ​ന​ൽ ച​ർ​ച്ച​ക​ൾ, മു​ൻ​നി​ര വി​ദ്യാ​ഭ്യാ​സ വി​ദ​ഗ്ധ​രാ​യും ക​രി​യ​ർ കൗ​ൺ​സി​ല​ർ​മാ​രാ​യു​മു​ള്ള കൗ​ൺ​സ​ലി​ങ് സെ​ഷ​നു​ക​ൾ എ​ന്നി​വ എ​ക്സി​ബി​ഷ​ന്റെ പ്ര​ത്യേ​ക​ത​യാ​ണ്. സ്റ്റ​ഡി ഇ​ൻ ഇ​ന്ത്യ എ​ക്‌​സ്‌​പോ ഒ​മാ​നി​ലെ ഇ​ന്ത്യ​ൻ കു​ടും​ബ​ങ്ങ​ൾ​ക്ക് ഒ​ന്നി​ല​ധി​കം കാ​മ്പ​സു​ക​ൾ സ​ന്ദ​ർ​ശി​ക്കാ​തെ​ത്ത​ന്നെ ഇ​ന്ത്യ​യി​ലെ ഏ​റ്റ​വും മി​ക​ച്ച വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ചി​ല​ത് പ​ര്യ​വേ​ക്ഷ​ണം ചെ​യ്യാ​നും സാ​ധി​ക്കും.

‘ഒ​മാ​നി​ലെ ഇ​ന്ത്യ​ൻ പ്ര​വാ​സി​ക​ൾ​ക്ക് ഉ​യ​ർ​ന്ന നി​ല​വാ​ര​മു​ള്ള​തും താ​ങ്ങാ​നാ​വു​ന്ന​തു​മാ​യ വി​ദ്യാ​ഭ്യാ​സ അ​വ​സ​ര​ങ്ങ​ൾ പ്ര​ധാ​നം ചെ​യ്യു​ന്ന​തി​നു​ള്ള പ്ര​തി​ജ്ഞാ​ബ​ദ്ധ​ത​യാ​ണ് സ്റ്റ​ഡി ഇ​ൻ ഇ​ന്ത്യ എ​ക്‌​സ്‌​പോ​യെ​ന്ന് ലി​ങ്ക്സി​ന്റെ സ്ഥാ​പ​ക​നും എം.​ഡി​യു​മാ​യ ലി​ജി​ഹാ​സ് ഉ​സൈ​ൻ പ​റ​ഞ്ഞു.

സാ​മ്പ​ത്തി​ക സ​ഹാ​യം, സ്കോ​ള​ർ​ഷി​പ്പു​ക​ൾ, പ്ര​വേ​ശ​ന ആ​വ​ശ്യ​ക​ത​ക​ൾ എ​ന്നി​വ​യെ​ക്കു​റി​ച്ചു​ള്ള വി​ശ​ദാം​ശ​ങ്ങ​ൾ ഉ​ൾ​പ്പെ​ടെ വി​വ​ര​ങ്ങ​ളും എ​ക്സ്പോ​യി​ലൂ​ടെ ല​ഭ്യ​മാ​കും. ശ​നി​യാ​ഴ്ച​വ​രെ റൂ​വി​യി​ലെ അ​ൽ​ഫ​ലാ​ജ് ഹോ​ട്ട​ലി​ലും ഡി​സം​ബ​ർ ഒ​മ്പ​തി​ന് സു​ഹാ​ർ റ​ഡി​സ​ൺ ബ്ലൂ ​ഹോ​ട്ട​ൽ റി​സോ​ർ​ട്ടി​ലും ന​ട​ക്കും. പ്ര​വേ​ശ​നം സൗ​ജ​ന്യ​മാ​ണ്.

കു​ട്ടി​ക​ൾ​ക്ക് ഉ​ന്ന​ത വി​ദ്യാ​ഭ്യാ​സ​ത്തി​നു​ള്ള പു​തി​യ സാ​ധ്യ​ത​ക​ൾ അ​റി​യാ​നു​ള്ള ഒ​രു സു​വ​ർ​ണാ​വ​സ​ര​മാ​ണി​തെ​ന്ന് സം​ഘാ​ട​ക​ർ പ​റ​ഞ്ഞു.