സോമാലിയയിൽ സമാധാനവും സ്ഥിരതയും ഉറപ്പാക്കാൻ ഒ.ഐ.സി

ദോ​ഹ: ഓ​ർ​ഗ​നൈ​സേ​ഷ​ൻ ഓ​ഫ് ഇ​സ്‌​ലാ​മി​ക് കോ​ഓ​പ​റേ​ഷ​ൻ (ഒ.​ഐ.​സി) കോ​ൺ​ടാ​ക്റ്റ് ഗ്രൂ​പ് മ​ന്ത്രി​ത​ല യോ​ഗം ദോ​ഹ​യി​ൽ ന​ട​ന്നു. ​സോ​മാ​ലി​യ​ൻ ജ​ന​ത​ക്ക് സു​ര​ക്ഷ​യും വി​ക​സ​ന​വും സ്ഥി​ര​ത​യും ഉ​റ​പ്പാ​ക്കു​ന്ന​തി​ന് കൂ​ടു​ത​ൽ അ​ന്താ​രാ​ഷ്ട്ര പി​ന്തു​ണ നേ​ടി​യെ​ടു​ക്കു​ന്ന​ത് ല​ക്ഷ്യ​മി​ട്ടാ​ണ് യോ​ഗം ചേ​ർ​ന്ന​ത്. സോ​മാ​ലി​യ​യി​ൽ സ​മാ​ധാ​ന​വും സ്ഥി​ര​ത​യും ഉ​റ​പ്പാ​ക്കു​ക​യും വി​ക​സ​ന​ത്തി​ന്റ പാ​ത​യി​ൽ ജ​ന​ങ്ങ​ളെ പി​ന്തു​ണ​ക്കു​ന്ന​തി​നു​മു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് യോ​ഗം ചേ​ർ​ന്ന​തെ​ന്ന് വി​ദേ​ശ​കാ​ര്യ സ​ഹ​മ​ന്ത്രി സു​ൽ​ത്താ​ൻ ബി​ൻ സാ​ദ് അ​ൽ മു​റൈ​ഖി പ​റ​ഞ്ഞു.

സോ​മാ​ലി​യ​യു​ടെ സു​ര​ക്ഷ​യെ​യും സ്ഥി​ര​ത​യെ​യും പ​ര​മാ​ധി​കാ​ര​ത്തെ​യും സാ​മ്പ​ത്തി​ക ത​ക​ർ​ച്ച തു​ട​ങ്ങി സ​ങ്കീ​ർ​ണ​മാ​യ വെ​ല്ലു​വി​ളി​ക​ൾ നേ​രി​ടു​ന്ന സ​മ​യ​ത്താ​ണ് യോ​ഗം ന​ട​ക്കു​ന്ന​ത്. അ​വ​രു​ടെ പ​ര​മാ​ധി​കാ​ര​ത്തെ​യും പ്രാ​ദേ​ശി​ക അ​ഖ​ണ്ഡ​ത​യെ​യും മാ​നി​ച്ച് എ​ല്ലാ അ​ന്താ​രാ​ഷ്ട്ര കൂ​ട്ടാ​യ്മ​ക​ളും ഇ​തി​നാ​യി പ്ര​വ​ർ​ത്തി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. സം​ഭാ​ഷ​ണ​ത്തി​ലൂ​ടെ​യും തു​റ​ന്ന ച​ർ​ച്ച​ക​ളി​ലൂ​ടെ​യും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന, സ​മ​ഗ്ര​മാ​യ ദേ​ശീ​യ അ​നു​ര​ഞ്ജ​നം സാ​ധ്യ​മാ​ക്ക​ണം. ഭി​ന്ന​ത​ക​ൾ ഇ​ല്ലാ​താ​ക്കാ​നും വി​ശ്വാ​സ​ത്തി​ന്റെ അ​ടി​സ്ഥാ​ന​ത്തി​ൽ ഭ​ര​ണ​കൂ​ട​ത്തെ​യും ജ​ന​ങ്ങ​ളെ​യും ഒ​ന്നി​പ്പി​ക്കാ​നും ഇ​ത് സ​ഹാ​യി​ക്കും. തെ​ര​ഞ്ഞെ​ടു​പ്പു​ക​ളി​ലൂ​ടെ​യോ ഭ​ര​ണ​ഘ​ട​ന ഭേ​ദ​ഗ​തി​ക​ളി​ലൂ​ടെ​യോ രാ​ഷ്ട്ര​നി​ർ​മാ​ണ​ത്തി​നും സ്ഥി​ര​ത വ​ർ​ധി​പ്പി​ക്കു​ന്ന​തി​ലും രാ​ഷ്ട്രീ​യ പ​രി​ഷ്ക​ര​ണ​ങ്ങ​ൾ അ​നി​വാ​ര്യ​മ​ണ്.

ഇ​തി​ൽ ക​മ്യൂ​ണി​റ്റി ഗ്രൂ​പ്പു​ക​ൾ, സ്വാ​ധീ​ന​മു​ള്ള സാ​മൂ​ഹി​ക വി​ഭാ​ഗ​ങ്ങ​ൾ, സ്ത്രീ​ക​ൾ, യു​വ​ജ​ന​ങ്ങ​ൾ തു​ട​ങ്ങി എ​ല്ലാ വി​ഭാ​ഗം ജ​ന​ങ്ങ​ളെ​യും ഉ​ൾ​ക്കൊ​ള്ളു​ന്ന​താ​ക​ണം. അ​ന്താ​രാ​ഷ്ട്ര ശ്ര​മ​ങ്ങ​ൾ സോ​മാ​ലി​യ​ൻ ഗ​വ​ൺ​മെ​ന്റി​ന്റെ പ​ര​മാ​ധി​കാ​ര​ത്തെ അം​ഗീ​ക​രി​ക്കു​ന്ന​തും ഭ​ര​ണ​കൂ​ട​ത്തി​ന്റെ തീ​രു​മാ​ന​ങ്ങ​ളെ ശ​ക്തി​പ്പെ​ടു​ത്തു​ന്ന​തു​മാ​യി​രി​ക്ക​ണം. സോ​മാ​ലി​യ നേ​രി​ടു​ന്ന പ്ര​ധാ​ന വെ​ല്ലു​വി​ളി​ക​ളി​ലൊ​ന്ന് സു​ര​ക്ഷ​യാ​ണ്. ​ഭീ​ക​ര​വാ​ദ ഗ്രൂ​പ്പു​ക​ളു​ടെ ഭീ​ഷ​ണി​ക​ളും പ്രാ​ദേ​ശി​ക ക​ക്ഷി​ക​ൾ ത​മ്മി​ലു​ള്ള സം​ഘ​ർ​ഷ​ങ്ങ​ളും കാ​ര​ണം സ്ഥി​തി​ഗ​തി​ക​ൾ രൂ​ക്ഷ​മാ​ണ്. സു​ര​ക്ഷ സം​വി​ധാ​ന​ങ്ങ​ൾ ശ​ക്തി​പ്പെ​ടു​ത്തു​ക​യും സു​ര​ക്ഷാ ഏ​ജ​ൻ​സി​ക​ൾ ത​മ്മി​ലു​ള്ള ഏ​കോ​പ​നം സാ​ധ്യ​മാ​ക്കു​ക​യും ചെ​യ്ത് ഗ​വ​ൺ​മെ​ന്റി​നെ ശ​ക്തി​പ്പെ​ടു​ത്ത​ണം. സാ​മൂ​ഹി​ക​വും വി​ക​സ​ന​പ​ര​വു​മാ​യ പ​രി​ഹാ​ര​ങ്ങ​ൾ സ​മ​ന്വ​യി​പ്പി​ച്ച് എ​ല്ലാ​വ​രെ​യും ഒ​ന്നി​പ്പി​ച്ച് മു​ന്നോ​ട്ടു​പോ​കു​ക​യും വേ​ണം. വ​ര​ൾ​ച്ച, ഭ​ക്ഷ്യ​ക്ഷാ​മം, ആ​ഭ്യ​ന്ത​ര പ​ലാ​യ​നം തു​ട​ങ്ങി വി​വി​ധ വെ​ല്ലു​വി​ളി​ക​ൾ ആ ​രാ​ജ്യം നേ​രി​ടു​ന്നു​ണ്ട്. വ​ർ​ധി​ച്ചു​വ​രു​ന്ന ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​ന് അ​ന്താ​രാ​ഷ്ട്ര കൂ​ട്ടാ​യ്മ​ക​ളും സ​ന്ന​ദ്ധ സം​ഘ​ട​ന​ക​ളും ഒ​ന്നി​ച്ച് മു​ന്നോ​ട്ടു​വ​ര​ണം. സോ​മാ​ലി​യ​യു​ടെ ശാ​ക്തീ​ക​ര​ണ​ത്തി​നും സ്ഥി​ര​ത വ​ർ​ധി​പ്പി​ക്കു​ന്ന​തി​നു​മു​ള്ള ഖ​ത്ത​ർ, സൗ​ദി അ​റേ​ബ്യ, യു​നൈ​റ്റ​ഡ് അ​റ​ബ് എ​മി​റേ​റ്റ്സ്, തു​ർ​ക്കി​യ, അ​മേ​രി​ക്ക തു​ട​ങ്ങി​യ രാ​ജ്യ​ങ്ങ​ളു​ടെ ശ്ര​മ​ങ്ങ​ളെ അ​ദ്ദേ​ഹം അ​ഭി​ന​ന്ദി​ച്ചു. ഈ ​ക്രി​യാ​ത്മ​ക ഏ​കോ​പ​നം തു​ട​രേ​ണ്ട​തി​ന്റെ പ്രാ​ധാ​ന്യം അ​ദ്ദേ​ഹം ഊ​ന്നി​പ്പ​റ​ഞ്ഞു. യോ​ഗ​ത്തി​ൽ സോ​മാ​ലി​യ​യു​ടെ ഭാ​വി​യെ മു​ന്നോ​ട്ട് ന​യി​ക്കു​ന്ന ഫ​ല​പ്ര​ദ​മാ​യ ച​ർ​ച്ച​ക​ളും ന​ട​ന്നു.