'ഒരുകുടുംബം പോലെ ഒന്നിച്ച് നാലു ദിവസം യാത്ര ചെയ്തവർ, കളിയും വികൃതിയുമായി ആഘോഷങ്ങളെ നയിച്ച രണ്ടു ഓമനമക്കൾ ഉൾപ്പെടെ അഞ്ചുപേർ'; സഹയാത്രികരുടെ വേർപാട് താങ്ങാനാകാതെ രക്ഷപ്പട്ടവർ

ദോ​ഹ: പാ​ട്ടും ആ​ഘോ​ഷ​വു​മാ​യി തു​ട​ർ​ന്ന യാ​ത്ര, ഒ​രു​നി​മി​ഷം​കൊ​ണ്ട്​ ദു​ര​ന്ത​മാ​യി മാ​റി​യ​തി​ന്റെ ​പ​ക​പ്പ്​ ആ​രി​ൽ നി​ന്നും വി​​ട്ടൊ​ഴി​ഞ്ഞി​ട്ടി​ല്ല. ഒ​രു​കു​ടും​ബം പോ​ലെ ഒ​ന്നി​ച്ച്​ നാ​ലു ദി​വ​സം യാ​ത്ര​ചെ​യ്ത​വ​രെ മ​ര​ണ​വും ര​ക്​​ത​ക്ക​റ​ക​ളും ആ​ശു​പ​ത്രി​യു​ടെ മ​രു​ന്നു​ഗ​ന്ധ​വും മൂ​ടി​യി​രി​ക്കു​ന്നു. അ​ടു​ത്ത ബ​ന്ധു​ക്ക​ളോ​ടും സു​ഹൃ​ത്തു​ക്ക​ളോ​ടും​ പോ​ലും ഫോ​ണി​ൽ സം​സാ​രി​ക്കാ​നാ​വു​ന്നി​ല്ല.

ക​ളി​യും വി​കൃ​തി​യു​മാ​യി ആ​ഘോ​ഷ​ങ്ങ​ളെ ന​യി​ച്ച ര​ണ്ട്​ ഓ​മ​ന​മ​ക്ക​ൾ ഉ​ൾ​പ്പെ​ടെ അ​ഞ്ചു​പേ​ർ ത​ങ്ങ​ളി​ൽ നി​ന്നും എ​​ന്ന​ന്നേ​ക്കു​മാ​യി അ​ക​ന്നു​പോ​യ​ത്​ ആ​ർ​ക്കും ഇ​തു​വ​രെ​യും വി​ശ്വ​സി​ക്കാ​നാ​യി​ട്ടി​ല്ല. സ​ഹ​യാ​ത്രി​ക​രു​ടെ മ​ര​ണം ത​ന്നെ പ​ല​രും അ​റി​ഞ്ഞ​ത്​ ചൊ​വ്വാ​ഴ്​​ച​യോ​ടെ. പ​ങ്കാ​ളി​യു​ടെ വേ​ർ​പാ​ട്, ഭ​ർ​ത്താ​ക്ക​ന്മാ​രെ അ​റി​യി​ക്കാ​ൻ സ​ഹ​യാ​ത്രി​ക​ർ ഏ​റെ പാ​ടു​പെ​ട്ടു. അ​പ്പോ​ഴും ആ​ശ്വാ​സ​മാ​യ​ത് കെ​നി​യ​യു​ടെ പ​ല​ദി​ക്കി​ൽ നി​ന്നും ഓ​ടി​യെ​ത്തി​യ കേ​ര​ള അ​സോ​സി​യേ​ഷ​ൻ പ്ര​വ​ർ​ത്ത​ക​രാ​യി​രു​ന്നു.

അ​പ​ക​ടം ന​ട​ന്ന മ​ധ്യ​കെ​നി​യ​യി​ലെ ന​കു​രു, ന്യാ​ഹു​രു​രു പ്ര​ദേ​ശ​ങ്ങ​ളി​ലെ മ​ല​യാ​ളി​ക​ളാ​ണ് ആ​ശു​പ​ത്രി​ക​ളി​ൽ ആ​ദ്യം ഓ​ടി​യെ​ത്തി​യ​ത്. പി​ന്നാ​ലെ, ത​ല​സ്ഥാ​ന​മാ​യ ​നൈ​റോ​ബി ഉ​ൾ​പ്പെ​ടെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള മ​ല​യാ​ളി​ക​ൾ കെ​നി​യ കേ​ര​ള ​അ​സോ​സി​യേ​ഷ​ൻ ചെ​യ​ർ​മാ​ൻ ജോ​ല​റ്റ് എ​ബ്ര​ഹാ​മി​ന്റെ നേ​തൃ​ത്വ​ത്തി​ൽ സേ​വ​ന​സ​ന്ന​ദ്ധ​രാ​യി ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലും അ​പ​ക​ട​ത്തി​ൽ​പ്പെ​ട്ട​വ​ർ​ക്കൊ​പ്പം തു​ട​രു​ന്നു. പ​രി​ക്കേ​റ്റ​വ​രു​ടെ​യും മ​രി​ച്ച​വ​രു​ടെ​യും അ​ടു​ത്ത ബ​ന്ധു​ക്ക​ളും ക​ഴി​ഞ്ഞ ദി​വ​സ​ങ്ങ​ളി​ലാ​യി ​നൈ​റോ​ബി​യി​ലെ​ത്തി.

ഗു​രു​ത​ര​മാ​യി പ​രി​ക്കേ​റ്റ​വ​ർ ഉ​ൾ​പ്പെ​ടെ എ​ല്ലാ​വ​രും അ​പ​ക​ട നി​ല ത​ര​ണം ചെ​യ്ത​താ​യി നൈ​റോ​ബി​യി​ലു​ള്ള ട്രാ​വ​ൽ ഏ​ജ​ൻ​സി പ്ര​തി​നി​ധി ഹ​ർ​ഷ​ദ് ക​മ​റു​ദ്ദീ​ൻ പ​റ​ഞ്ഞു. അ​ഞ്ചു​പേ​രു​ടെ​യും മൃ​ത​ദേ​ഹ​ങ്ങ​ളു​ടെ പോ​സ്​​റ്റ്​​മോ​ർ​ട്ടം ന​ട​പ​ടി​ക​ൾ ചൊ​വ്വാ​ഴ്​​ച രാ​ത്രി​യോ​ടെ പൂ​ർ​ത്തി​യാ​ക്കി നൈ​റോ​ബി​യി​ലെ ആ​ശു​പ​ത്രി​യി​ലേ​ക്ക് മാ​റ്റി​യി​ട്ടു​ണ്ട്. ഇ​വി​ടെ നി​ന്ന് വെ​ള്ളി​യാ​ഴ്ച​യോ​ടെ നാ​ട്ടി​ലെ​ത്തി​ക്കു​മെ​ന്നാ​ണ് പ്ര​തീ​ക്ഷ. യാ​ത്രാ​സം​ഘ​ത്തി​ലെ മ​റ്റു അം​ഗ​ങ്ങ​ളെ​യെ​ല്ലാം ന്യാ​ഹു​രു​രു​വി​ൽ നി​ന്നും 200 കി​ലോ​മീ​റ്റ​ർ അ​ക​ലെ നൈ​റോ​ബി​യി​ലെ​ത്തി​ച്ചി​ട്ടു​ണ്ട്. ഇ​വ​രു​ടെ മ​ട​ക്ക​യാ​ത്ര ആ​രോ​ഗ്യ സാ​ഹ​ച​ര്യ​ങ്ങ​ൾ​ക്ക​നു​സ​രി​ച്ച് ഷെ​ഡ്യൂ​ൾ​ ചെ​യ്യും. നേ​ര​ത്തെ അ​ഞ്ചു പേ​ർ​ക്കാ​ണ്​ ഗു​രു​ത​ര​മാ​യ പ​രി​ക്കേ​റ്റ​ത്. ഇ​വ​രെ എ​യ​ർ ആം​ബു​ല​ൻ​സ്​ വ​ഴി ന്യാ​ഹു​രു​വി​ൽ നി​ന്നും നൈ​റോ​ബി​യി​ലേ​ക്ക്​ മാ​റ്റി. 13പേ​രെ ന​കു​രു​വി​ൽ നി​ന്നും നൈ​റോ​ബി​യി​ലേ​ക്ക്​ റോ​ഡ്​ മാ​ർ​ഗ​വു​മെ​ത്തി​ച്ചു.

ഖ​ത്ത​റി​ൽ നി​ന്നു​ള്ള 28 അം​ഗ വി​നോ​ദ​യാ​ത്രാ സം​ഘം തി​ങ്ക​ളാ​ഴ്​​ച​യാ​ണ്​ മ​ധ്യ​കെ​നി​യ​യി​ലെ ന്യാ​ൻ​ഡ​റു​വ കൗ​ണ്ടി​യി​ൽ അ​പ​ക​ട​ത്തി​ൽ​പെ​ട്ട​ത്. ക​ന​ത്ത മ​ഴ​യി​ൽ വ​ള​വും ക​യ​റ്റ​വു​മു​ള്ള പ്ര​ദേ​ശ​ത്ത് നി​യ​ന്ത്ര​ണം ന​ഷ്ട​മാ​യ ബ​സ് താ​ഴ്​​ച​യി​ലേ​ക്ക്​ പ​തി​ച്ചാ​യി​രു​ന്നു അ​പ​ക​ടം. വീ​ഴ്ച​ക്കി​ടെ ബ​സ് പ​ല​ത​വ​ണ മ​റി​ഞ്ഞ​ത് ആ​ഘാ​തം വ​ർ​ധി​പ്പി​ച്ചു. പാ​​ല​​ക്കാ​​ട് കോ​​ങ്ങാ​​ട് മ​​ണ്ണൂ​​ർ പു​​ത്ത​​ൻ​​പു​​ര വീ​ട്ടി​ൽ രാ​​ധാ​​കൃ​​ഷ്ണ​​ന്റെ മ​​ക​​ൾ റി​​യ ആ​​ൻ (41), മ​​ക​​ൾ ടൈ​​റ (എ​​ട്ട്), മൂ​​വാ​​റ്റു​​പു​​ഴ സ്വ​ദേ​ശി​നി ജ​​സ്ന കു​റ്റി​ക്കാ​ട്ട​യി​ൽ (30), ഏ​ക മ​​ക​​ൾ ​റൂ​​ഹി മെ​​ഹ്റി​​ൻ (ഒ​​ന്ന​​ര വ​​യ​​സ്സ്), എ​റ​ണാ​കു​ള​ത്തു​നി​ന്നു​ള്ള ഗീ​​ത ഷോ​​ജി ഐ​​സ​​ക് (58) എ​​ന്നി​​വ​​ർ സം​ഭ​വ​സ്​​ഥ​ല​ത്തു​വെ​ച്ചു​ത​ന്നെ മ​​രി​ച്ചി​രു​ന്നു.