സൗദിയിൽ ഹൈപ്പർ നെസ്​റ്റോ ഫുഡ് ഫൺ ഫെസ്​റ്റിന്​ തുടക്കമായി

റിയാദ്​: സൗദി അറേബ്യയിലെ ഹൈപ്പർ നെസ്​റ്റോ ഫുഡ് ഫൺ ഫെസ്​റ്റിന്​ തുടക്കമായി. എല്ലാ വർഷവും വളരെ വിപുലമായി രാജ്യത്തെ മുഴുവൻ നെസ്​റ്റോ ഹൈപ്പർ മാർക്കറ്റ്​ ശാഖകളിലും സംഘടിപ്പിക്കുന്ന ഫുഡ് ഫൺ ഫെസ്​റ്റ്​ ജൂലൈ 23നാണ്​ ആരംഭിച്ചത്​. നാളെ (ശനിയാഴ്​ച) അവസാനിക്കുന്ന മേള തികച്ചും വ്യത്യസ്തമായ രീതിയിലാണ്​ അണിയിച്ചൊരുക്കിയിരിക്കുന്നതെന്ന്​ മാനേജ്​മെൻറ്​ പ്രതിനിധികൾ വാർത്താസമ്മേളനത്തിൽ അറിയിച്ചു.

ഇത്തവണത്തെ ഫുഡ് ഫൺ ഫെസ്​റ്റിൽ ഈജിപ്ത് മെഗാ നൈറ്റ്, പാകിസ്​താൻ മെഗാ നൈറ്റ്, ഇന്ത്യൻ കൾച്ചറൽ ഇവൻറ്​സ്​ തുടങ്ങി തികച്ചും പുതിയ അനുഭവം നൽകുന്ന പരിപാടികളാണ്​ ഒരുക്കിയിട്ടുള്ളത്​. ഈജിപ്​ഷ്യൻ മെഗാ നെറ്റിൽ താനൂര ഡാൻസ്, ഇതര ഈജിപ്​ഷ്യൻ പാരമ്പര്യ നൃത്തപരിപാടികൾ, അറബിക് ഗായകരുടെ സംഗീത കച്ചേരികൾ തുടങ്ങി എണ്ണമറ്റ ആഘോഷങ്ങളാൽ വിപുലമാണ് മേള.

നെസ്​റ്റോ ഹൈപ്പർ മാർക്കറ്റി​െൻറ റിയാദിലെ അസീസിയ, അൽഖർജ്, കിഴക്കൻ പ്രവിശ്യയിലെ അൽ ഖോബാർ ബ്രാഞ്ചുകളിൽ ജൂലൈ 26 വരെ നീണ്ടുനിൽക്കുന്ന മേളയിൽ വിവിധ പരിപാടികളുടെ കൂടെ എണ്ണമറ്റ ഫുഡ് സ്​റ്റാളുകളും ഒരുക്കിയിട്ടുണ്ട്. ഈജിപ്ത്, തായ്‌ലൻഡ്, ഇന്ത്യ, തുർക്കി, പാകിസ്​താൻ തുടങ്ങി നിരവധി രാജ്യങ്ങളിൽനിന്നുള്ള വ്യത്യസ്തമായ ഫുഡ് കൗണ്ടറുകളാണ്​ മേളയിൽ രുചിവൈവിധ്യം വിളമ്പുക. കുടുംബങ്ങൾക്കും കുട്ടികൾക്കും നിരവധി ഗെയിംസുകളും ഒരുക്കിയിട്ടുണ്ട്​. ഇതെല്ലാമായി തികച്ചും ഒരാഘോഷ പ്രതീതീതിയിലാണ് ഫുഡ് ഫൺ ഫെസ്​റ്റ്​ അരങ്ങേറുന്നത്.

വ്യത്യസ്തമായ സംസകാരങ്ങളുടെ കൂടിച്ചേരലി​െൻറ വേദിയായി ഫുഡ് ഫൺ ഫെസ്​റ്റ്​ മാറിയെന്ന്​ മാനേജ്​മെൻറ്​ പ്രതിനിധികൾ പറഞ്ഞു. ഈ മാസം 23 മുതൽ 29 വരെ നീണ്ടു നിൽക്കുന്ന സ്പെഷ്യൽ ഓഫറുകളും ഫുഡ് ഫൺ ഫെസ്​റ്റി​െൻറ ഭാഗമായി ഹൈപ്പർ നെസ്​റ്റോ എല്ലാ ബ്രാഞ്ചിലും ഒരുക്കിയിട്ടുണ്ട്. വാർത്താസമ്മേളനത്തിൽ ഓഡിറ്റിങ്​ ഹെഡ് റഫീഖ്, ഓപ്പറേഷൻ മാനേജർ ഫഹദ്, മാർക്കറ്റിങ്​ ഹെഡ് ഫഹദ് മേയോൺ തുടങ്ങിയവർ പങ്കെടുത്തു. സോഷ്യൽ മീഡിയ ഇൻഫ്ലൂവൻസറായ ഈമാനും വാർത്താസമ്മേളനത്തിൽ പങ്കെടുത്തു.