രുചി ലോകത്തിന്റെ വാതിൽ തുറന്ന് സൗദി ഫുഡ് ഷോ
text_fields
റിയാദ്: റിയാദ് ഫ്രണ്ടിലെ റിയാദ് ഇന്റർനാഷനൽ കൺവെൻഷൻ ആൻഡ് എക്സിബിഷൻ സെന്ററിൽ സൗദി ഭക്ഷ്യമേള നാളെ സമാപിക്കും. ചൊവ്വാഴ്ച കിങ് സൽമാൻ ഹ്യുമാനിറ്റേറിയൻ എയ്ഡ് ആൻഡ് റിലീഫ് സെന്ററിന്റെ റോയൽ കോർട്ട് സൂപ്പർവൈസർ ജനറലിന്റെ ഉപദേഷ്ടാവ് ഡോ. അബ്ദുല്ല അബ്ദുൽ അസീസ് അൽ റബീഅയാണ് ഉദ്ഘാടനം ചെയ്തത്. സൗദി അതോറിറ്റി ഫോർ ഇൻഡസ്ട്രിയൽ സിറ്റീസ് ആൻഡ് ടെക്‌നോളജി സോൺസ് (മോഡോൺ) സി.ഇ.ഒ എൻജിനീയർ മജീദ് ബിൻ റാഫിദ് അൽ അർഗൗബിയും മേള സന്ദർശിക്കാൻ വിശിഷ്ടാതിഥികളും അദ്ദേഹത്തോടൊപ്പം ഉണ്ടായിരുന്നു.
റിയാദ് ഇന്റർനാഷനൽ കൺവെൻഷൻ ആൻഡ് എക്സിബിഷൻ സെന്ററിൽ നടക്കുന്ന സൗദി ഭക്ഷ്യമേള
കൗൺ ഇന്റർനാഷനലും ഡി.എം.ജി ഇവന്റുകളും ചേർന്ന് സംഘടിപ്പിക്കുന്ന സൗദി ഫുഡ് ഷോയിൽ ലോകമെമ്പാടുമുള്ള 1,300 പ്രദർശകരാണ് പങ്കെടുക്കുന്നത്. ആദ്യ ദിവസം കുഡു, യൂസഫ് അബ്ദുല്ലത്തീഫ് ജമീൽ ഗ്രൂപ് എന്നിവരുമായി 600 മില്യൺ സൗദി റിയാൽ കവിയുന്ന നിക്ഷേപങ്ങളുടെ നിരവധി ഭക്ഷ്യ വ്യവസായ, ലോജിസ്റ്റിക്സ് കരാറുകളിൽ ഒപ്പുവെച്ചു. രാജ്യത്തിന്റെ സമ്പദ്‌വ്യവസ്ഥയുടെ തന്ത്രപരമായ പ്രാധാന്യം മേള വീണ്ടും ഉറപ്പിച്ചു.
സൗദി ഭക്ഷ്യ ഉച്ചകോടിയിൽ, ഒരു പ്രധാന മേഖല വികസിപ്പിക്കുന്നതിനുള്ള ഒരു പ്രധാനവേദിയാണ് സൗദി ഫുഡ് ഷോ എന്ന് എൻജിനീയർ മജീദ് ബിൻ റാഫിദ് അൽ അർഗൗബി വേദിയിലെത്തി. ഭക്ഷ്യവ്യവസായ മേഖലയെ പ്രാദേശികവത്കരിക്കാനും ഭക്ഷ്യസുരക്ഷ ഉറപ്പാക്കാനുമുള്ള രാജ്യത്തിന്റെ ശ്രമങ്ങൾ ഗവേഷണം, വികസനം, നവീകരണം എന്നിവ ശാക്തീകരിക്കുന്നതിലൂടെയും വിതരണ ശൃംഖലകൾ ശക്തിപ്പെടുത്തുന്നതിലൂടെയും ആഗോള ഭക്ഷ്യസുരക്ഷക്ക് സംഭാവന നൽകുന്നതിനുള്ള പ്രതിബദ്ധതയെ പ്രതിഫലിപ്പിക്കുന്നു. ലോകത്തിന് ഭക്ഷണം സുരക്ഷിതമാക്കുന്നതിൽ സൗദി അറേബ്യയെ ഒരു സുപ്രധാന പങ്കാളിയായും ആഗോള മാതൃകയായും സ്ഥാപിക്കുന്നുവെന്ന് അദ്ദേഹം പറഞ്ഞു.
മോഡോണിന്റെ നഗരങ്ങളിലെ ഭക്ഷ്യോൽപാദന സൗകര്യങ്ങളുടെ എണ്ണം 1,400 ഫാക്ടറികൾ കവിഞ്ഞു. മൊത്തം12 ദശലക്ഷം ചതുരശ്ര മീറ്റർ വിസ്തീർണം ഉൾക്കൊള്ളുന്നു. ഇത് 90,000-ത്തിലധികം തൊഴിലവസരങ്ങൾ സൃഷ്ടിക്കുന്നതിന് സംഭാവന നൽകിയതായി അദ്ദേഹം കൂട്ടിച്ചേർത്തു.
